जगद्गुरु शंकराचार्य

jagadguru shankracharya  

Ank ke aur Lekh | Sambandhit Lekh | Views : 2652 |  
adhunik bharat men bhartiya vedant darshan ke is param gyan ka prachar prasar karne men mahabuddhiman, prakand vidvan aur ati durlabh udar manvtavadi sant anant shri vibhushit jagadguru shankracharya svami svarupanand sarasvati ji ka yogdan atulniya hai. svami svarupanand sarasvati ji ko is brahm gyan ko sulabh karane vali shrividya sadhna ka shreshthatam sadhak mana jata hai aur shrividya sadhna ke anuyayi inse is param gyan ki sadhna hetu guru diksha bhi prapt karte hain. shri svarupanand sarasvati ji maharaj karodon sanatan hindu dharmavlanbiyon ke prernapunj aur unki astha ke jyoti stanbh hain. bhartiya sanatan dharm ki shikshaon aur darshan ka sar nimnankit shlok men nihit hai- brahm satyam jagat mithya. jivo brahmaiv n parah.. brahm akela hi param satya hai. yah sansar avastavik arthat maya hai aur jiv ya atma brahm se alag nahin hai. brahma, the absolute, alone is real, this world is unreal (maya) and the jiva or the individual soul is not different from brahma. pujyapad shankracharya guru ji ka jivan vibhinn rochak ghatnakramon se bhara hai. inka janm ek satvik karmakandi brahman dhanpti upadhyay aur mata girija devi ke yahan sivni, madhyapradesh men hua. inke bachapan ka nam pothi ram shayad islie diya gaya tha ki ek din ye ved, vedang, puranon adi sabhi shastron ke prakand vidvan banenge aur age chalakar hindu dharm aur bhartiya sanskriti ke dhvajdharak banenge aur aisa hua bhi. 9 varsh ki balyavastha men hi ghar chod diya. chal diye sadhusanton ki sangat men sabhi pramukh tirthon ki adhyatmik yatra par. aj jyotipith evan dvarka sharda dvay pithadhishvar jagadguru shankracharya anant shri vibhushit guruji shri svarupanand sarasvatiji maharaj nyayshastra aur tarkashastra ke prakand vidvan, vaidik sanatan dharm ke saksham pravakta akele aise sant hain, jinhonne 19 varsh ki balavay men sannyasi hote hue bhi 1942 ke bharat chodo andolan men bhag liya aur svatantrata senani hone ka shrey prapt kiya. unhonne kaha tha, jis desh ke log hi svadhin aur svatantra n hon, jo videshiyon aur vidharm ke gulam hon vahan dharm kaise rah sakta hai. desh ki ajadi ke bad ve dharm sansthapna ke karya men jut gaye. kashi men svami shri karpatriji maharaj aur svami shri maheshvarnandji maharaj se unhonne dharmashastra ki shiksha payi aur 1952 men shankracharya svami brahmanandji maharaj ne unhen dikshit kar svarupanand sarasvati ke naye nam se dandi svami banaya. svami svarupanandji ne dekha ki bharat svadhin to ho gaya kintu bharat ki janta aj bhi sabhi prakar ke daihik, daivik aur bhautik santapon se grast hai to ramrajya parishad ke adhyaksh ke rup men, jiski sthapna karpatri ji ne ki thi, unhonne samuche desh ka bhraman karke hinduon men nayi chetna ka sanchar kiya aur unhen apne astitva ka abhas karaya. 1973 men jyotipith ke shankracharya svami shri krishnabodhashram ke brahmalin ho jane par 1973 men kashi vidvat parishad tatha anek santon ki upasthiti men svami shri karpatri ji maharaj aur dvarka shardapith ke shankracharya ke hathon guruji svarupanandji maharaj jyotipith ke shankracharya abhishikt hue. 1982 men shringeri ke shankracharya svami shri abhinav vidyatirth maharaj ke hathon svami svarupanandji maharaj dvarka shardapith ke shankracharya abhishikt hue. maharajashri ne sanatan hind dharm ke utthan, prachin hindu mandiron ke jirnoddhar aur vishva kalyan ke lie anek karya hath men liye, jinmen jharkhand ke sinhbhum jile men vishvakalyan ashram pramukh hai jahan atyant pichde, kuposhan ke shikar aur bimariyon se grast adivasiyon ko niahshulk ilaj, bhojan aur shiksha di jati hai. ashram ka 2 karod rupye ki lagat se sthapit aspatal bejod hai. maharajji ka manna hai ki bhautik ke sath hi adhyatmik utthan ke bina manushya ka vikas ho hi nahin sakta. iske lie unhonne deshabhar men adhyatmik utthan mandlon ki sthapna ki hai, jiski gatividhiyan dharm sansthapan ke karya men lagi hui hain jinmen mandiron ka nirman aur rakhrkhav, puja paddhatiyon ka sahi dhang aur shiksha adi ki janakalyankari pravrittiyan shamil hain. ram janmabhumi punruddhar ke bad ab unhonne ramajanm bhumi sthal par brahm ram ke mandir nirman ka andolan shuru kar diya hai. setu samudram nahar yojna ki ad men tamilnadu men rameshvar aur shrilanka ke bich men hinduon ke aradhya setubandh rameshvaram tatha mandir ko ujadne ke kuchakra ka virodh kiya aur use rukvaya. unhin ke sadprayason se sarkar ne gangaji ko rashtriya nadi ghoshit kiya hai tatha gangaji ke aviral pravah ko barkrar rakhne ke lie ve sangharsharat hanai. nakli svayanbhu shankracharyon ke kuchakra se hindu janta ko bhramit hone se bachane ke lie nakli shankracharyon ke viruddh apne avaj uthayi hai. chanuki mujhe pujya gurudev se diksha prapt karne ka saubhagya prapt hua hai islie main unhen gurudev kah kar hi sanbodhit karungi. hal hi men dilli men unke darshan karne ka mauka mila aur unhonne chaturmas ka samay bhi yahin bitaya. guruji ke janm divas ke shubhavasar par fyuchar paeint ke samast parivar ki or se guruji ko hardik badhai aur hamari yahi kamna hai ki hamen chirkal tak unka ashirvad milta rahe aur unka varadahast hamesha hamare upar rahe. shankracharya ki janmakundli ka jyotishiya vishleshn: sarvapratham ham guruji ki janmakundli men vidyaman vibhinn yogon ki charcha karenge jinki upasthiti ne apko ek mahan sant evan jagadguru banaya. dhyan samadhi yog jyotish granth sarvarth chintamni ke anusar dasham bhav ka svami yadi balvan rashi men ho aur jis rashi men vah baitha ho, us rashi ke svami ka navmesh ke sath kisi prakar se sanbandh banta ho to vah jatak jap, dhyan, samadhi prapt karta hai. guru ji ki kundli men yah yog purnarup se vidyaman hai . kundli men dashmesh shani apni uchch rashi men sthit hokar balvan hai tatha jis rashi men shani sthit hai us rashi ka adhipti shukra kendra men sthit hokar navmesh brihaspati se drisht hai jiske nishkarshatah guruji ek sachche mahan yogi hain aur apne gahan tap v sadhna ke karan aj dirghajivi yogi ki bhanti samaj ka kalyan kar rahe hain. medhavi yog janmakundli men yadi chaturthesh grah shubh grah ke navmansh men ho to medhavi yog hota hai. inki kundli men chaturthesh chandrama budh ke navmansh men hone se yah yog purn rup se ghatit ho raha hai aur isi ke prabhav se inhen choti avastha men hi ved, puran evan shastron ka alp kal men hi gyan prapt ho gaya. samman yog yadi janmapatrika men sukh sthan men shubh grah ho v shubh grah se drisht ho tatha chaturth bhav ka karak grah bhi balvan ho to vishisht samman yog banta hai. guruji ki kundli men chaturth sthan men naisargik shubh grah shukra sthit hai tatha shukra par shubh grah brihaspati ki drishti hai. chaturth bhav karak chandrama uchch budh ke sath sthit hone se balvan hai arthat yah yog purn rup se ghatit ho raha hai. is shubh yog ke prabhav se svami ji ko vidvan samaj men sarvochch samman prapt hai tatha do pithon ke pithadhishvar ke rup men ap hindu dharm samaj men vishesh adrniya bane hue hain. dhairyavan yog yadi janmapatrika men tritiyesh chandrama se yukt ho to dhairyavan yog hota hai. guruji ki kundli men tritiyesh budh chandrama ke sath sthit hai. apne manobal aur dhairya se inhonne anek asanbhav karyon ko sanbhav karke dikhaya. vashi yog yadi janmakundli men surya se barhven bhav men chandra ko chodakar anya koi grah vidyaman ho to yah yog banta hai. guruji ki kundli men surya se dvadash bhav men shukra sthit hai islie vashi yog purn rup se ghatit ho raha hai. is yog ke shubh prabhav se guruji paropkar ke karyon men sanlagn hain tatha unhen samaj men vishesh man v pratishtha ki prapti ho rahi hai. sunfa yog chandrama se dvitiya bhav men yadi surya ko chodakar koi anya grah ho to yah yog banta hai. guruji ki kundli men chandrama se dvitiya bhav men shani grah hone se yah yog ban raha hai. isi yog ke karan guruji ka samaj ke sabhi vargon men adar hai tatha unke andar ek adbhut netritva ki kshamata hai. unke ek ishare par hajaron shraddhalu bhaktagan unki agya palan ke lie hamesha tatpar rahte hain. shash yog pujya guruji ki kundli men shani grah apni uchch rashi tula men saptam kendra bhav men sthit hai jisse balvan shash namak panch mahapurush yog ban raha hai isilie guruji ke jivan men kathor tap, sanyam, anushasan, nyay priyata tatha samaj ke prati dayitva jaise gun purn rup se vidyaman hain aur guruji svatantrata sangram men ajadi ke lie jel bhi gaye tatha samy-samay par samaj men hone vale andolnon men apni vishisht bhumika nibhate rahte hain. guruji ki navmansh kundli men chandra, shukra vargottam navmansh men sthit hai tatha mangal v guru sva navansh men sthit hai. lagnesh mangal ka labh bhav men hone se aur ayu karak grah shani apni uchch rashi men kendra men sthit hone se guruji ko dirghayu prapt ho rahi hai. pancham bhav men apni mul trikon rashi men sthit surya guruji ko tejasvita pradan kar rahe hain aur purva janm krit shubh karyon ke sanbandh ka bhi spasht sanket de rahe hain. vartaman samay men guruji ki markesh shukra ki mahadsha chal rahi hai jiske karan bich-bich men svasthya sanbandhi kasht hone ke yog bhi hain. aisa lagta hai ki svami ji ka janm adhyatmikta aur sansarikta men santulan banane ke lie hua hai. svami ji ne n keval choti ayu se hi tyag aur brahm gyan prapti ka marg apna liya apitu svatantrata senani ke rup men rashtrahit ko sadhne ka prayas bhi jari rakha. adhunik yug men ye n keval jagadguru shankracharya ke rup men adhyatmik gyan ka marg dikhate hain apitu ek kushal samaj sudharak v dabe kuchle varg ke logon ke utthan hetu bhi prayasarat rahte hain. yadi svarashi ke grah ke sath rahu ya ketu sthit ho to vah grah char guna bali ho jata hai. inki kundli men panchmesh surya is yog ka nirman karke inhen ati tikshn buddhi ka vyakti bana raha hai. inki kundli men saton grah purn bali hain. shash yog, chandra kundli ke bhadra yog, vargottami chandrama v shukra tatha svanavanshasthit mangal v guru ne inhen advitiya mahapurush v mahan vicharak banaya. ayu ke 90 varsh pure kar lene par bhi jis utsah se ye karya karte hain use dekhakar logon ko ashcharya hota hai. samaj men shanti, pavitrata, sanyam v bhaichare ki sthapna hetu svami ji aise hi nirantar karya katre rahen aur hamara utsahavardhan karte rahen. is uddeshya ki purti hetu ham ishvar se inki dirghayu v achche svasthya ki kamna karte hain.
Kya aapko lekh pasand aaya? Subscribe

Kya aapko lekh pasand aaya? Subscribe


mahalakshmi visheshank  November 2013

fyuchar samachar patrika ke mahalakshmi visheshank dhanagaman ke shakun, dipavli pujan evan shubh muhurt, man lakshmi ko apne ghar kaise bulaen, lakshmi kripa ke jyotishiya adhar, divali ai lakshmi ai dipak se jure kalyankari rahasya, lakshmi ki atipriya vishishtataen, shriyantra ki utpati evan mahatva, kuber yantra, dipavli aur svapn, dipavli par lakshmi prapti ke saral upay, lakshmi prapti ke chamatkari upay adi vishyon par vibhinn alekhon men vistrit rup se charcha ki gai hai. iske atirikt navanbar mah ke vrat tyauhar, gomukhi kamdhenu shankh se manokamna purti, kya narendra modi banenge pradhanmantri, sankalp, viniyog, nyas, dhyanadi ka mahatva, ank jyotish ke rahasya tatha jagdguru shankracharya svami svarupanand sarasvati ki jivnktha adi atyant rochak v gyanavardhak alekh bhi sammilit kie gae hain.

Subscribe

Apne vichar vyakt karein

blog comments powered by Disqus
.