पेट के कृमि : एक आम समस्या

pet ke krimi : ek am samasya  

Ank ke aur Lekh | Sambandhit Lekh | Views : 3681 |  
pet ke krimiah ek am samasya acharya avinash sinh pet men krimi hona ek am bat hai. sansar men shayad hi koi aisa vyakti ho chahe bachcha ho ya burha jise pet krimi n ho, kisi ko kam kisi ko jyada hote hain. pet men krimi hone ka pramukh karan pine ke svachch pani ka abhav, dushit evan ashuddh khadya padarthon ka sevan tatha sharirik svachchata ke prati udasinta hai. pet men krimi hone se bukhar, sharir ka pila par jana, pet men dard, dil men dhak-dhak hona, chakkar ana, khana achcha n lagna tatha yada-kada dast hona adi lakshan dikhai dete hain. pet ke krimi kai prakar ke hote hain. jinmen mukhya gol krimi (raund varma) aur fita krimi (tep varma) hai. gol krimi: ye sabse adhik paye jane vale krimi hai. in krimiyon men nar aur mada alg-alag hote hain. inka rang safed ya pilapan lie hota hai. is krimi ki mada ek hi din men hajaron ki sankhya me ande deti hai. ye ande hajaron ki sankhya men mal ke sath mitti, pani, sabjiyon aur anya khadya evan pey padarthon ko dushit karte rahte hain. jab koi svasth vyakti in sankramit khadya ya pey padarthon ka sevan karta hai to ye ande uski choti ant men pahunchakar vahan fut jate hain tatha inse vahan larva paida hote hain. ye larva choti ant men pahunch jate hain. ye krimi guda ya stri yoni tak bhi pahunch jate hain. lakshana: gol krimi se sankramit vyakti ki bhukh prayah ghat jati hai. parantu kabhi-kabhi vyakti ki bhukh barh jati hai. kai bar inke karan anton men rukavat bhi utpann ho jati h aur vyakti ko ulti ane lagti hai. rogi ke pet men dard rahne lagta hai tatha maror ke sath kabhi kabj ho jata hai ya kabhi dast ane lagte hain nind men rogi ke munh se lar bahti hai aur bachche dant pisne lagte hain. munh se badbu ane lagti hai. chehre ka rang fika pila ho jata hai. sharir kamjor aur hath-pair duble ho jate hain. pet men afara v sharir men adhik garmi pratit hoti hain. rogi ke nak, munh men khujli hoti hai kabhi-kabhi sharir par pitti bhi ubhar jati hai. fita krimi: aisa krimi amtaur se kam vyaktiyon men dekha gaya hai. jo log mansahari hain aur gay ya suar ke mans ka upyog karte hain unhi men ye krimi paye jate hain. aisa mana jata hai ki yah ‘krimi’ in do pashuon ke shariron mane hota hai. inke mans ko khane vale vyaktiyon ke pet men ye krimi asani se sthanantrit ho jate hain. ye krimi vyakti ki ant ki divar men apna sir garaye rakhakar uska khun chuste hain. yah ant-krimi fite ke saman, bahut lanbe tatha bhure-safed rang ke hote hain. in krimiyon ka sharir kaddu ke bij ki tarah chairas khandon ke akar men milne se janjir ke rup men hota hai. in krimiyon ke sharir men ahar nahin hota. islie ye apne lie poshak tatva upri satah se hi prapt karte hain. lakshana: in krimiyon ki upasthiti ke bavjud kabhi-kabhi vyakti men koi lakshan prakat nahin hota hai aur vyakti unki upasthiti se anjan bana rahta hai. lekin aise vyaktiyon ke sharir se kabhi-kabhi mal ke sath is krimi ke khand avashya niklte rahte hain. inke karan vyakti ki bhukh bahut barh jati hai. kabhi-kabhi pet men tivra dard bhi hone lagta hai. mal dhila ane lagta hai. guda aur nak men khujli hone lagti hai. vyakti ke poshak tatva samapt hone lagte hain. vyakti dubla aur kamjor hota jata hai. sir dard rahne lagta hai. pachan kamjor ho jata hai. dhage vale krimi: in krimiyon ka adhikatar akraman bachchon par hi hota hai. ye krimi bahut chote hote hain. inke ande bhi mal dvara, mitti, pani, sabjiyon adi tak pahunch jate hain jinke sevan matra se ye ande pet men pahunch jate hain. lakshana: in krimiyon ke karan bachchon ki guda par, visheshakar ratri ke samay, tivra khujli hoti hai. khujli ke karan jab bachcha apni anguli se guda par kharish karta hai, to inke ande anguli par chipakakar uske munh tak pahunch jate hain. isse bachchon ko nid nahin ati. kabhi-kabhi ve sote hue dant kilkitate hain tatha apni nak ko nochte hain. iske karan unki bhukh kam ho jati hai. pet men dard rahta hai. ankush krimi: ye krimi dhage ki bhanti, barik, hariyali lie safed rang ke hote hain ye sankramit vyakti ki grahni tatha madhya ant men kafi sankhya men paye jate hain. inke ande bhi mal dvara sharir se bahar mitti men mil jate hain. jab vyakti nange panv inke sanpark men ata hai, to ye pair ki komal tvacha se chipakakar tvacha men pravesh karke rakt men milakar, fefron adi se choti ant men grahni tak pahunch jate hain.
Kya aapko lekh pasand aaya? Subscribe

Kya aapko lekh pasand aaya? Subscribe


kanvriya visheshank  August 2012

fyuchar samachar patrika ke kavanriya visheshank men shiv pujan aur kavanr yatra ki pauranikta, pujabhishek yatra, kavanr ki paranpra, videshon men shivling puja, kya kahta hai chaturmas manthan, kavanriyon ka atipriya vaidyanath dham, shani shanti ke achuk upay, sarvopyogi kripa yantra, rojgar prapt karne ke upay, adi lekhon ko shamil kiya gaya hai. iske atirikt vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, nanda devi raj jat, kyon hota hai adhikmas, rog evan upay, shriganga navmi, raksha bandhan, krishn janmashtami vrat, dharmik kriya kalapon ka vaigyanik adhar, sammohan, muhurt vichar, piramid evan vastu, satyaktha, sarvopyogi kripa yantra, adi vishyon par gahan charcha ki gai hai.

Subscribe

Apne vichar vyakt karein

blog comments powered by Disqus
.