घटना काल निर्धारण कैसे करें?

ghatna kal nirdharan kaise karen?  

Ank ke aur Lekh | Sambandhit Lekh | Views : 4115 |  
ghatna kal nirdharan kaise karen? acharya avinash sinh bhavishya men hone vali ghatnaon ko janne ki jigyasa sabhi ki hoti hai. kaun si ghatna kab ghategi yadi iska sahi samay pata lag jae to samayachakra ki gati se vyakti ka tadatmya ban jae. is bar ke jigyasa samadhan men ghatna kal nirdharan ke mahatvapurn binduon par prakash dala ja raha hai... prashna: kya jyotish kisi ghatna ke samay ko janne men sahayak ho sakta hai? uttara: yadi kundli ka adhyayan jyotishiya niyamon ke adhar par kiya jae, to jyotish se jatak ke jivan men hone vali har ghatna ke samay ko jana ja sakta hai. prashna: aise kaun se jyotishiya niyam hain jo ghatna ke samay ko janne men sahayak hote hain? uttara: ghatna ke samay ko janne ke lie in binduon par dhyan den- ghatna ka sanbandh kis bhav se hai, bhav ka karak grah kaun hai, svami grah kaun hai, bhav men sthit grah, yuti evan bhav par grah ki drishti. kaun si mahadsha antardasha, pratyantardasha, sukshm evan pran dasha chal rahi hai. bhav ko prabhavit karne vale grahon ki gochar sthiti. in sabhi ka dhyanpurvak adhyayan karne par kisi bhi ghatna ka samay jana ja sakta hai. prashna: kisi jatak ki shadi ke samay ko janne ke lie kundli ka adhyayan kaise karen? uttara: vivah-shadi ka sanbandh kundli men saptam bhav ke hota hai. islie saptam bhav ke svami, sptam bhav ke karak arthat vivah ke karak (stri ke lie guru aur purush k e lie shukra), saptam bhav m ne baith e grah, saptam bhav par drishti rakhne vale grah, in sabhi ke anshon tak adhyayan karen arthat saptam bhav madhya kitne anshon par hai. saptam bhav men baithe grah ashtam bhav madhya ke kitne karib hain. saptam bhav aur saptam bhav men baithe grah par kis grah ki drishti kitne anshon tak hai. saptam bhav madhya anshon ke jo grah karib hota hai vahi vivah karvane men sahayak hota hai- yadi vah grah shubh ho. yadi saptam bhav men koi grah nahin hai to us par grahon ki drishti dekhen. jo grah bhav madhya ke anshon par drishti dalega vah vivah men sahayak hoga. yadi saptam bhav par kisi grah ki drishti n ho to saptamesh ki sthiti dekhen. saptamesh kis bhav men kitne anshon par hai aur saptamesh par kis-kis grah ki drishti hai. yadi saptamesh par shubh grahon ki drishti hogi aur saptamesh saptam bhav madhya ke ansh barabar ya karib-karib barabar ho to saptamesh vivah karvane men sahayak hota hai. jo bhi grah vivah karvane men sahayak ho yadi uski mahadsha ya antardasha chal rahi ho to usi dasha men vivah hoga lekin dasha svami ki gochar sthiti vivah ka samay bataegi gochar men dasha svami saptam bhav madhya par gochar kare ya purn drishti dale tab vivah hoga. arthat vivah ka samay vivah men sahayak grah, uski dashantardasha evan gochar par nirbhar karta hai. prashna: jin jatkon ka vivah nahin hota kya unke lie koi grah sahayak nahin hota? uttara: koi n koi grah to vivah men avashya sahayak hota hai. sarvada vivah ke lie saptamesh sahayak hota hi hai. lekin jab tak sanbandhit grah ki dasha antardashadi n ae aur gochar men grah saptam bhav ko prabhavit n karen, tab tak vivah nahin hota arthat jab dasha-antardasha chal rahi ho aur gochar pratikul ho, to vivah nahin hota aur yadi gochar anukul ho aur dasha-antardasha sanbandhit grah ki chal rahi ho to bhi vivah nahin hota hai. sanbandhit grah ki dasha-antardasha aur gochar jab donon pratikul honge. vivah tabhi hoga anyatha nahin. aisi sthiti kabhi-kabhi bari ayu men bhi ati hai to bari ayu men vivah ghatit hota hai. yadi aisi sthiti jivan men nahin ati to vivah ghatit hota hi nahin. sukshmata se adhyayan karen to yah sab jana ja sakta hai. prashna: kya kisi jatak ke sath hone vali durghatana ka purva samay bataya ja sakta hai? uttara: han, thik usi tarah jis tarah vivah ghatit hone ka samay bataya ja sakta hai. durghatana ka sanbandh lagn aur lagnesh se vishesh rahta hai kyonki lagn jatak ke svayan ka netritva karta hai. kasht jatak ko hoga jab bhi durghatana ghatit hogi. islie lagnesh ko adhik mahatva dete hain. lagn men sthit shubh grah lagn ki suraksha karte hain. ashubh grah hani pahunchate hain. isi prakar lagnesh ke sath sthit aur drishti dene vale shubh grah lagnesh ki karte hain suraksha aur ashubh grah hani pahunchate hain. lagn aur lagnesh ki sthiti jatak ke vyaktigat rup ko nishchit karti hai. akarak grah ya marak grah jab bhi lagn ya lagnesh par gochar karta hai aur inhin ki yadi dasha-antardasha chal rahi ho, to jatak ko sharirik kasht hota hai. jisse jivan samapt bhi ho sakta hai. lekin yadi yah grah mangal se bhi prabhavit ho to jatak ko durghatana men adhik chot ati ya rakt bhi bahta hai. durghatana ka samay sanbandhit grahon ke anshon par nirbhar karta hai. jab grah ka gochar utne hi anshon par ae jitne anshon par grah ya lagn hai vahi samay durghatana ghatit hone ka hota hai. isi tarah jatak par ane vali vipda ka purva anuman lagaya ja sakta hai. prashna: makan, jamin jaydad adi sukhon ki prapti ka samay kaise janen? uttara: makan, jamin-jaydad aur anya sabhi prakar ke bhautik sukhon ko chaturth bhav se dekha jata hai. chaturth bhav ka svami, karak grah, chaturth bhav men sthiti grah, chaturth bhav par parne vali drishtiyan yah sab is bat ka nirnay karte hanai ki jatak ko makan, jamin-jaydad ka sukh prapt hoga ya nahin. chaturth bhav men sthit grah yadi shubh ho aur us par shubh grahon ki drishtiyan bhi hon arthat har prakar se chaturth bhav aur chaturthesh shubh prabhav men hon, to jatak ko sabhi bhautik sukh prapt hote hain - lekin samay ane par. jo grah chaturth bhav par shubh prabhav dalte hain unhin ki dasha-antardasha aur gochar chaturth bhav par jis samay prabhav dalte hain us samay jatak ko makan, jamin jaydad aur anya bhautik sukhon ki prapti hoti hai. bhautik sukh ka rup dasha antardasha aur gochar par nirbhar karta hai kyonki sukhon men kuch achal aur kuch chal hote hain. shani, mangal adi ka gochar aur dasha antardasha se prabhavit chaturth bhav achal sanpatti deta hai aur shukra, chandra chal sukh jaise vahan ityadi. islie grah ke svabhav ke anusar sukh ke rup ko jana jata hai. prashna: santan prapti ke samay ko janne ke lie kin baton ka dhyan rakhna chahie? uttara: santan prapti ke samay ko janne ke lie pancham bhav, panchmesh arthat pancham bhav ka svami, pancham karak guru, panchmesh, pancham bhav men sthit grah aur pancham bhav aur panchmesh par drishtiyon par vishesh dhyan rakhna chahie. pancham bhav santan ka hi nahin balki vidya ka bhav bhi hai islie jatak ki ayu ko dhyan men rakhte hue fal ka samay nirdharan karen. vaise to kisi bhi ayu men santan aur vidya prapt ho sakti hai, fir bhi yadi jatak ka vivah ho chuka ho aur santan abhi tak nahin hui ho ya vivah se purva bhi santan ka samay nikala ja sakta hai. pancham bhav jin shubh grahon se prabhavit ho un grahon ki dasha-antardasha aur gochar ke shubh rahte santan ki prapti avashya hoti hai. gochar men jab grah pancham bhav par ya panchmesh par ya pancham bhav men baithe grahon ke bhavon par gochar karta hai tab santan sukh ki prapti ka samay hota hai. prashna: putra aur putri prapti ka samay kaise janen? uttara: santan prapti ke samay ke nirdharan men yah bhi jana ja sakta hai ki putra ki prapti hogi ya putri ki. yah grah mahadsha, antardasha aur gochar par nirbhar karta hai. yadi pancham bhav ko prabhavit karne vale grah purush karak hon to santan putra aur yadi stri karak hon to putri hogi. prashna: kya mrityu ka samay bhi jana ja sakta hai? uttara: mrityu ka samay bhi kundli ke adhyayan se jana ja sakta hai. kundli ka ashtam bhav mrityu ka bhav hota hai. is bhav ka svami, karak shani, ashtam bhav men sthit grah, ashtam bhav par grahon ki drishtiyan, ashtamesh ki sthiti aur in sab ka lagn ya lagnesh se sanbandh ye sari sthitiyan mrityu ki karak banti hain. dvitiyesh aur saptamesh ko bhi markesh mana jata hai. kuch vidva an tritiyesh ko bhi markesh mante hain kyonki tritiya bhav ashtam bhav se ashtam hota hai. ashtamesh, dvitiyesh, tritiyesh aur saptamesh men jo grah ashubh aur balvan hokar lagn ya lagnesh ko prabhavit karta hai, vah mrityu ka karan banta hai. isi grah ki dasha-antardashadi aur gochar jab lagn ya lagnesh ko prabhavit karte hain to jatak ko mrityu ka samna karna parta hai. ashtam bhav men baithe grah ki dasha-antardashadi aur gochar bhi jab lagn ya lagnesh ko prabhavit karte hain to jatak ko mrityu ka samna karna parta hai. prashna: kabhi-kabhi aisa bhi dekha gaya hai ki lagnesh ki mahadsha men jatak ki mrityu hoti hai jabki lagnesh to shubh grah hi mana jata hai. aisa kyon? uttara: han, kai bar aisa dekhne men ata hai ki jatak ki mrityu lagnesh ki dasha men hoti hai. jab bhi mrityu hoti hai, ashubh grah ke balvan hokar lagnesh ko prabhavit karne ke karan hoti hai, kyonki lagn aur lagnesh hi jatak ka pratinidhitva karte hain. islie jab janm samay lagnesh, dvi tiyesh, tritiyesh, saptamesh, ashtamesh aur akarak grah ke prabhav men rahta hai aur jab gochar men bhi dvitiyesh, tritiyesh, saptamesh, ashtamesh aur akarak grah se yut ya drishti sanbandh sthapit karta hai to jatak ki mrityu lagnesh ki dasha men hoti hai. prashna: kya din bhar men ghatit hone vali choti-choti ghatnaon ko bhi jana ja sakta hai? uttara: choti-choti ghatnaen to jivan ka hissa hain islie din men bhi ghatti rahti hain jinhen ham ganbhirta se nahin lete. han, jahan tak ghatna ko janne ka saval hai to jana ja sakta hai thik usi tarah jaise kisi bari ghatna ko jana ja sakta hai. prashna: vyakti vishesh ke atirikt vishva bhar men ghatit hone vali ghatnaon ke samay ko bhi jana ja sakta hai? uttara: han, mediniya jyotish ke adhar par vyakti vishesh ke atirikt vishva bhar men hone vali ghatnaon ke samay ka nirdharan bhi kiya ja sakta hai.
Kya aapko lekh pasand aaya? Subscribe

Kya aapko lekh pasand aaya? Subscribe


kal sarp yog visheshank  June 2007

kya hai kal sarp yog ? kal sarp yog ka prabhav, kitne prakar ka hota hai kal sarp yog? kin paristhiyon men shubh hota hai. kal sarp yog ? kal sarp badha nivaran ke upay, 12 prakar ke kal sarp yogon ka karan, nivaran, samadhan

Subscribe

Apne vichar vyakt karein

blog comments powered by Disqus
.