नकसीर

naksir  

Ank ke aur Lekh | Sambandhit Lekh | Views : 4305 |  
naksir acharya avinash sinh nak se khun ke bahne ko naksir kahte hain. garmiyon ke mausam men yah rog adhik hota hai. amtaur par garmiyon ke dinon men garmi ke karan dhamniyon par adhik dabav parne ke karan nak se khun bahne lagta hai. kai bar bahne vale rakt ki matra se am insan ghabra jata hai aur sochta hai ki aise men kya kare. naksir rog ke karn: naksir futne ke kai karan hain. bahut logon ki nak ke bhitar anguli se kuredne ki adat hoti hai. ve nak men jame srav ko anguli ghumakar nikalna chahte hain, jisse nakhun se nak ki bhitri komal parat par chot lagakar khun bahne lagta hai. uchch raktachap ke rogiyon men bhi naksir futne ka bhay hota hai. nak ke bhitar sankraman ho jane ki dasha men jvar, nak se pani bahne aur munh se badbu ane ke sath-sath khun bhi nikal sakta hai. nak ki tvacha men kisi prakar ki elarji ho jay, to uska srav sukh jata hai aur vahan papri jam jati hai jo alag hote samay raktasrav kar sakti hai. nak men kisi prakar ki ganath bhi raktasrav kar sakti hai. aise men sans lene men taklif, nak se pani ana aur nak-dard jaise lakshan prayah rahte hai. nak men kisi tarah ki chot lag jae, to bhi raktasrav ho sakta hai. samudri satah se unchai vale sthan par jane se bhi naksir fut sakti hai. aisa dhamniyon par adhik davab ke karan hota hai. rahyumaitik fivar, men bukhar ke sath-sath joron men dard aur sharir par lal dane ubhar ate hain. usmen bhi nak se srav ho sakta hai. kuch vyaktiyon men rakt koshika vikrit hone par khun jamne ki kriya deri se hoti hai ya bilkul nahin hoti unhen bhi kai bar, is bimari ka samna karna parta hai. vitamin ki kami, masik dharm ki aniyamitta, atyadhik sharirik shram, dhup men jyada der rahna jaise karan bhi naksir ko janm dete hain. lakshana: amtaur par sir dard, kan men avajen mahsus hona, chakkar ana aur nak men khujli ya sursri mahsus hona adi naksir futne ke lakshan hain. rakt ki kami ya adhikta hona bhi naksir ka lakshan hai. nak se khun ki kuch bunde tapkna ya nak men khun ka thakka jamna dikhai parna. magar ise mamuli samajhakar iski avhelna n karen. visheshakar bachchon men aisi avastha men atirikt savdhani bartni chahie. upchar: naksir futne par uski avhelna n karen chahe vah alpamatra men hi kyon n ho, achanak futi naksir se ghabrae nahin, rogi ko shant aur thande sthan par le jaen aur dhiraj bandhaen taki uska rakt aur barhakar raktasrav n ban jae, nak ko anguthe aur tarjani se jor se lagatar dabae rakhen. marij ko munh se sans lene den aur gale tak khun ris raha ho, to thukne ko kahen. rogi ki nak aur mathe par barf ke pani ki pattiyan rakhen aur sidha baithaen. is par bhi khun bahna n ruke, to rui ka ek gola banakar kisi bhi krim ya glisrin men dubokar nak ke bhitar achchi tarah thuns den ya fir anguli par krim ya vaislin lagakar nathunon men dalakar nak ke bich haddi ko jor se dabakar rakhen. aise panch minat tak rakhen. yadi khun band ho jata hai, to marij ko lita den aur thanda pey pine ko den. use munh se sans lene ke lie perarit karen aur dhyan rakhen ki vah nak men anguli n dalne pae ya nak se bar-bar sans n len, vah khankhare bhi nahin, varna raktasrav punah shuru ho sakta hai. yadi uparyukt sabhi tarike apnane ke bad bhi rakt bahna band n ho, to rogi ko turant visheshagya ke pas le jaen kyonki aisi sthiti men adhik rakt ke bahne se rogi ko atirikt rakt charhane ki avashyakta ho sakti hai. avhelna n karen. gharelu upchar: multani mitti ko pani men bhigokar rakhen aur pratah pani nikalakar chan len. is pani ko pilane se do-tin din men hi varshon purani naksir sada ke lie thik ho jati hai. suhage ko thore se pani men gholakar donon nathunon par lep karen, naksir tatkal band ho jaegi. anar ke ras ki naksir dene se khun girna band ho jata hai. mithe angur ka ras nak se dhire-dhire khinche, naksir thik ho jaegi. ajvayan aur nim ke paÿaon ko barik pisakar kanpti par lagaen. isse nak se khun ana band ho jata hai. taje ninbu ka ras nikalakar nak men pichkari dene se naksir thik ho jati hai. ber ke paÿaon ko bina pani ke pisakar sir par lagane se naksir thik ho jati hai. sukhe anvle ko pani men bhigokar rakh den. pratah chanakar pani pien. menhdi ki taji paÿiayan pani men pisakar talvon men lagane se naksir band ho jati hai. tulsi ke ras ki bunde nak men dalne se naksir men aram hota hai. fitkri pani men gholakar do tin, bunden nak men dalne se aram hota hai. desi ghi ki char-panch bund nak men dalne se naksir men aram hota hai. lagatar 15 din dalne se naksir sthayi rup se thik ho jaegi. kele ke tane ka ras nikalakar nak men dalne se naksir thik ho jati hai. chailai aur nim ke paÿo pisakar kanpti par lagane se naksir chutna band ho jati hai. 10 gram matra 15 din prayog karen. ber ke paÿaon ko pisakar sir par lagane se naksir chutna band ho jati hai ber ke paÿaon ki matra 20 gram aur sevan ek saptah tak karen. safed pethe ka murabba dhai sau gram dudh ke sath rojana lene se naksir samapt ho jati hai. vel ka murabba ya sharbat pine se naksir men labh hota hai.
Kya aapko lekh pasand aaya? Subscribe

Kya aapko lekh pasand aaya? Subscribe


svapn, shakun v hastakshar visheshank  June 2012

fyuchar samachar patrika ke svapn, shakun v hastakshar visheshank men hastakshar vigyan, svapn yatra ka jyotishiya drishtikon, svapn ki vaigyanik vyakhya, avdharnaen v dosh nivaran, svapn ka shubhashubh fal, jain jyotish men svapn siddhant, svapn dvara bhav jagat men pravesh, shakun shastra men pak tantra vichar. shakun evan svapn ka prabhav, shakun evan svapn shastra ki vaigyanikta, shakun shastra v tulsidas, hastakshar dvara vyaktitva ki pahchan, svapnon dvara samasya samadhan adi rochak, gyanavarddhak alekh shamil kiye gae hain. iske atirikt vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, sammohan, satyaktha, svasthya, pavan sthal, kya ap jante hain? adi vishyon ko bhi shamil kiya gaya hai.

Subscribe

Apne vichar vyakt karein

blog comments powered by Disqus
.