हृदय रोग: कारण और निवारण

hriday rog: karan aur nivarn  

Views : 2366 | July 2017

bite hue dashkon men, pashchimi deshon men hriday rog evan usse mrityu men mahatvapurn giravat ai hai. yah kami behatar svasthya, shiksha, rahn-sahan evan adhik sharirik kriyashilta ke karan ai hai. iske viprit pragtishil desh jaise bharat men sthiti bilkul ulat hai tatha yahan hriday rog bari teji se barh raha hai. bharat men iska mukhya karan shahri jivnshaili hai aur kaelestrol yukt khadya padarthon ka adhik matra men sevan karna hai. gramin kshetron men hriday rog se pirit rogi 4 pratishat aur bare shahri kshetron men 10 pratishat hanai jabki sansar men yah ankra 3 pratishat se 4 pratishat tak hi hai.

iske alava hriday rog sanbandhit bimariyan 35 se 55 varsh ki umra ke logane men teji se barh rahi hai jabki pashchimi deshon men yah rog 55 se 60 varsh ki ayu men dekha ja raha hai. atah hamare desh ke logon ke lie yah ek chinta ka vishay ban gaya hai. hamare desh men ab bhi yahi mahsus kiya jata hai ki hart ataik to ek aisa rog hai jo sevanivritt hone ke bad hota hai. vatadi dosh apne karan se kupit hokar raktadhatu ko dushit kar hriday men pravesh karke jo pira utpann karte hain us pira ko hriday rog kahte hain. hriday men hone vale sabhi rogon ko hriday rog kaha jata hai. adhunik matanusar, hriday se sanbandhit rog evan usmen paye jane vale rakt kanika tantra se sanbandhit rogon ko hriday rog kaha jata hai.


janie apki kundli par grahon ke gochar ki stithi aur unka prabhav, abhi fyuchar point ke prasiddh jyotishacharyo se paramarsh karen.


karn: ayurved ke anusar ati ushn, ati shit padarthon aur ati kashay amla-tikt ras vale padarthon ke ati sevan se, atyant parishram se, aghat se, bhojan par bhojan karne se, ati maithun tatha ati chinta se mal mutradi vegon ko dharan karne se hriday dushit hokar hriday rog ho jata hai.

bhed: ayurved ke anusar hriday rog ke panch bhed hote hain:

1. vatik hriday rog: ismen hriday fail jata hai, hriday men sui si chubhti hai, chirne, farne v torne ke saman pira hoti hai.

2. paitrik hriday rog: is rog men trisha, ushnata, dah, chusne ke saman pira aur klanti hoti hai. aisa pratit hota hai mano mukh se dhuan nikal raha ho, muchrcha, sved aur mukh sukhta hai.

3. shlaishmik hriday rog: ismen hriday men bharipan, mukh jarta, mandagni aur mukh men madhurya pratit hota hai.

4. tridoshaj hriday rog: ismen tinon doshon ke mile-jule lakshan hote hain. ismen jo duratma til, dudh, gur adi ka adhik sevan karta hai uske hriday ke marm ke ek sthan men ganth utpann ho jati hai jismen kled aur ras bhi jata rahta hai. hriday men tivra pira hoti hai. sui si chubhti hai.

5. krimij hriday rog: ismen ubkai, vaman ki ichcha ho par ruk jati hai, mukh se thuk adhik niklta hai, sui chubhne jaisi pira, shul, hrillas, ankhon ke age andhera, aruchi, netra shyam varn ke aur shoth ho jata hai. adhunik matanusar 50 se adhik vibhinn prakar ke rog hriday rog ke antargat ate hain jismen kuch mahatvapurn rog nimn prakar se hain-

- janmajat rog: janm se agar hriday men kuch samasya hai aur uski banavat men koi dosh hai to is tarah ki dil ki bimari ko janmajat hona kahte hain. janmajat hriday rog vale vyaktiyon men bahut hi kam ya koi lakshan nahin paye jate hain. ganbhir rog men lakshan dikhai dete hain visheshakar navjat shishuon men. in lakshanon mane samanyatah teji se sans lena, tvacha, honth aur ungliyon ke nakhunon men nilapan, thakan aur khun ka sanchar kam hona shamil hai. bare bachche vyayam karte samay jaldi thak jate hain ya tej sans lene lagte hain.

- hart ataik: hart ataik ek parinam hai jismen achanak hriday ki manspeshiyon ko rakt apurti men kami a jati hai aur aisa hriday ki rakt ki apurti karne vali dhamniyon men thakke (klot) dvara rukavat paida hone ke karan hata hai. iske karan prachur matra men aeksijan hriday ke us bhag men nahin pahunch pata hai jiske karan hriday ka vah bhag nasht ho jata hai.

agar samay se uchit ilaj ho to nasht bhag hriday ke punah samanya karya ko nahin rokta hai. parantu ek bar hart ataik parne ke bad jivan men dubara ataik parne ki sanbhavna adhik rahti hai. hart ataik samanya logon dvara bola jane vala shabd hai. parantu chikitsa shastra ke anusar ise do nimn vargon men vibhakt kiya jata hai.

- iskimik hart dijij - ismen rakt ki apurti hriday ki manspeshiyon ko koronri dhamni men rukavat paida hone ke karan kam ho jati hai jiske parinamasvarup hriday ke manspeshiyon ko kam aeksijan ki apurti hone lagti hai. isse hriday ki manspeshiyan thik dhang se karya nahin kar pati hain jiske parinmasvarup halke hart ataik ke lakshan dikhai dete hain.

- mayokardiyal infarkashanah ismen rakt apurti karne vali dhamniyon men ganbhir rukavat paida hone ke karan hriday ka vah vishesh bhag karya karne men purnatah aksham evan mrit ho jata hai aur hart ataik ke lakshan jaise- sine men dard, bharipan, tej pasina niklna, atyadhik kamjori mahsus hona, ulti ana, sans fulna adi prakat hone lagte hain. hart ataik ane par 90 minat ke bhitar yadi taranbolaisis taknik ki madad se davaen dekar hart ki naliyon ki rukavat ko khol diya jae to marij ki jan ko bachaya ja sakta hai.

- hriday shul: chati ke madhya kshetra men kisi shram ke karne par utpann hone vali tatha vam bahu ki or jane vale dard ko hriday shul ya anjaina pektoris kahte hain. yah rog hriday ki masanpeshiyon ko rakt apurti karne vali koronri dhamniyon ke kathoratar ho jane ke karan hriday ko karya karne ke lie prachur matra men aeksijan n milne ke karan hota hai.

ismen sine ke madhya men dard ke sath-sath bharipan, tanav, shvans rodh, apriya pasina adi lakshan dikhai dete hain.

- kardiyomayopaithi: yah hriday aur uski mans peshiyon se sanbandhit ek aisi bimari hai jismen hriday ki mans peshiyan kathor aur moti ho jati hain jiske karan inke rakt panp karne ki kshamata kamjor ho jati hai. kardiyomayopaithi ke karan hriday men ai kamjori ki vajah se fefron, takhnon, pairon aur pet men taral bhi ikattha hone lagta hai tatha ganbhir sthiti men hriday ke vaelva men bhi kharabi ani shuru ho jati hai.

- artiªyal faibralesan - atrriyal faibralesan ya anlid vikampan men hriday men teji se hone vale ilektrik aveg ke karan hriday ki dharakan aur tantu garbra jate hain. ismen hriday ke upri kaksh atriya aur nichle kaksh vaintrakals ka tal-mel bigar jata hai. - dil men sujn: vairal (vishanu) sankraman ki vajah se hriday ke utak kshatigrast ho jate hain jiske karan hriday ke karyapranali par asar parta hai aur yah kabhi-kabhi ghatak bhi hota hai.


jivan ki sabhi samasyaon se mukti prapt karne ke lie yahan klik karen !


- hart felyor: kisi bhi karan se hriday ki kshamata men kami a jati hai aur hriday thik se rakt ko panp karne men saksham nahin hota hai to use rakt apurti bhi thik se nahin ho pati hai jiski vajah se hriday kam karna band kar deta hai aur is hart felyor ya hriday daurbalya kahte hain. hriday rog ke parikshana: hriday rog nidan ke nimn vibhinn prakar ke parikshan kiye jate hain:

- ilektrokardiyografi: yah parikshan hriday ki ilektrik kriyashilta ko mapta hai, hriday ki ek mahatvapurn jankari pradan karta hai ki apka hriday samanya hai athva tanav (stren) men hai. yah pichle pare hriday aghat (ataik) ki jankari pradan karta hai. pratyek vyakti ko 40 varsh ki ayu ke bad varsh men ek bar men ilektrokardiyografi karana chahie.

- ikokardiyografi: yah janch hriday men paye jane vale vaelva, rakt panp karne ki kriyashilta men ai kami ya vikriti ki jankari pradan karta hai. yah hriday ke charon or kisi prakar ke drav ke paye jane ki bhi jankari pradan karta hai.

- hriday ka dabav janch ya ti. em. ti.: ise stres isi. ji. bhi kahte hain. ise hriday rog ke hone ka sandeh hone par karaya jata hai. is janch men yah dekha jata hai ki hriday dabav men kaise karya karta hai tatha rakt dhamni men koi rukavat to nahin hai.

- koronri enjiyografi: is taknik ka prayog rakt hriday ki rakt vahikaon men avrodh hone ki sthiti men ya aisi ashanka hone par kiya jata hai. iski sahayta se hriday ki dhamni men kisi rukavat ya sikuran ki jankari ka turant pata chal jata hai.

- prayogshala testa: hriday rog men lipid profail test ke dvara lipid arthat vasayukt padarth jo sharir men kolestrael ke rup men maujud hota hai iski jankari prapt hoti hai. rakt men lipid ki matra samanya se adhik hone par yah rakt vahini men jamakar rukavat ya blaekej paida karta hai, jisse rakt sanchar prabhavit hote hain. - rakt dab: uchch rakt dab dhamniyon ke rakt dab ko barha dete hain jisse unki antah parat ko kshati pahunchti hai tatha vahan par asani se vasa ka jamav ho jata hai. ye dhamniyon ko sankra aur mota tatha kathor bana dete hain jiske karan rakt sanchar badha utpann hoti hai.

chikitsa: hriday rogi ko jara bhi parishram n karne den. yadi hriday ki durbalata bahut adhik ho, to bistar par hi rakhen. tatti -peshab bhi bistar par hi karne ka bandobast karen. hriday rogi ko sirhiyan charhna aur daurana sakht mana hai. niche likhi davaiyan sevan karakar rogi ka hriday majbut karne par, fir bhay nahin rahta hai.

- makaradhvaj 125 mi.gra., sona bhasm 30 miligram, moti pishti 125 miligram aur kapur 60 gram milakar din rat men do-tin bar rogi ko chataen. yah hriday ke rogon ko takat pahunchane ki uttam dava hai.

- motiyon ko gulab -jal ke sath ghontakar moti pishti bana len. yah moti pishti hriday ko achchi takat pahunchati hai.

- hriday rog se hone vale chati ke dard men barah singa ya hiran ke sing ki bhasm 250 mi. gram ko shahad ke sath chatne se bahut labh hota hai.

- 240 gram dudh men 240 gram pani milakar, 12 gram arjun ki chal dal den. autane se jab dudh matra shesh rah jaye, tab chanakar mishri milakar pilaen. yah hriday rog men labhkari hai.

- arjun ghrit aur chyavanaprash ka sevan bhi gunkari hai. - hridyarnav ras ki ek-ek goli subh-sham bhojan uprant lene se tatha upar se arjunarisht ka 20 mili. barabar matra men pani milakar sevan karne se achcha labh milta hai.

pathyapathya: hriday rog men halka supachya bhojan dena chahie.

ghi ke sthan par tel ka prayog karna chahie. parishram band, aram adhik tatha vat shamak davaon ka prayog karna chahie. hriday daurbalyata dur hone par subah khuli hava men tahlna chahie tatha khane men namak ka prayog kam karna chahie.


book durga saptashati path with samput


Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

hriday rog evan jyotish visheshank  July 2017

hriday rog evan jyotish visheshank men hriday rog ke jyotishiya yogon v karnon ki charcha karne hetu vibhinn gyanavardhak lekh v vichar goshthi ko sammilit kiya gaya hai. is ank ki satya katha vishesh rochak hai. vastu paricharcha aur pavan tirth sthal yatra varnan sabhi ko pasand aega. devshyni ekadshi parva ka varnan bhi is ank men kiya gaya hai. falit vichar namak sthayi stambh men vibhinn bhavon ke vishesh fal ki charcha ki gai hai. tantra shastra namak sthayi stambh men tantra aur shakti pat par rochak lekh likha gaya hai. tairo stambh men mainar arkana aur tu aef pentakals ki charcha ki gai hai.

Subscribe


.