हाथ खोले सेहत का राज

hath khole sehat ka raj  

Ank ke aur Lekh | Sambandhit Lekh | Views : 3277 |  
hath khole sehat ka raj bharti anand aj ke sukhi sanpann aur aishvaryapurn jivan men upalabdh sadhnon v suvidhaon ke karan har vyakti apne sharir ki sundrta aur uski sehat ke prati jagruk ho chuka hai. yuvavarg ki sharirik khelon ke prati barhti abhiruchi is bat ka praman hai. yahi karan hai ki aj har gali jim airobik sentar v helth sentar khul gae hain. log subah sair ko jate hain, to yoga aur vyayam karte hain, vibhinn khelon men hissa lete hain. parantu sabhi ek saman sehtmand nahin ho pate, kyonki sehat bhi ishvar pradatt ek vardan hi hai, jiska nirdharan parmpita parmeshvar manushya ke purva janm ke karmon ke adhar par karta hai. kisi vyakti ki sehat ka raj uske hath ki lakiron men chipa hota hai. yahan in lakiron, grahon, chihnon adi ki sthitiyon ka vishleshan prastut hai jise parhakar pathakagan apni sehat ki jankari prapt kar sakte hain. yadi hath men shukra aur chandra grah uchit sthiti men hon aur sabhi rekhaen saf suthri hane, to vyakti ko kabhi bhi koi bara aur asadhya rog nahin hota. chote-mote rog hote bhi hain, to unka ilaj nahin karvana parta, ve apne ap thik ho jate hain. yadi bhagya rekha jivan rekha ke pas ho, kati-fati ho, us par dvip ho, to vyakti ka svasthya thik nahin rahta, use koi n koi rog hamesha ghere rahta hai. yadi jivan rekha ko moti-moti rekhaen kat rahi hon, mastishk rekha par dvip ho, hath sakht ho, to vyakti ki kisi rog ya durghatana ke karan sarjari ki sanbhavna rahti hai. sath hi use koi n koi rog jivan bhar laga rahta hai. yadi shukra kshetra par til ho, bhagya rekha par dvip ho, to eds ya yaun rog ki sanbhavna rahti hai. mangal aur budh kshetron par katafat hona tvacha rog ka suchak hai. hriday rekha janjirnuma ho aur use moti-moti rekhaen katti hon, to vyakti ko hridyrog aur uske karan sarjari ka bhay rahta hai. jis vyakti ka hath naram v pila ho, uski sharirik kshamata kam hoti hai. is prakar ukt lakshanon ke atirikt kisi vyakti ki sehat ka raj janne ke aur bhi anekanek lakshan ho sakte hain. sehat ke prati jagruk logon ko hastarekha visheshagya se uchit paramarsh lekar sehat men sudhar ke upay karne chahie.
Kya aapko lekh pasand aaya? Subscribe

Kya aapko lekh pasand aaya? Subscribe


vastu visheshank  December 2009

vastu ka maulik rup evan manav jivan par iska prabhav evan mahatva, skul / kalej, aspatal, mandir, uddog evan karyalay hetu vastu niyam, jyotishiya upayon dvara vastu jyotish nivaran, bina tor-fod kie vastu upay di gae hai.

Subscribe

Apne vichar vyakt karein

blog comments powered by Disqus
.