महिमामय प्राचीनतम देवी-तीर्थ कामाख्या

mahimamay prachinatam devi-tirth kamakhya  

Ank ke aur Lekh | Sambandhit Lekh | Views : 4613 |  
mahimamay prachinatam devi-tirth kamakhya dae. rakesh kumar sinha tirthon ke desh bharatavarsh men tirthon ki koi kami nahin hai. yahan uttar, dakshin, purab v pashchim men asankhya tirth virajman hain. yahan hindu, islam, jain, bauddh, sikh v isai sabhi dharmon ke prachin tirth shobhayman hain jinmen hindu tirthon ka bahulya hai. bharat ke khyatnama sanatan tirthon men purab disha ki rakshika ke rup men manya mata kamakhya ka vishisht sthan hai. brahmaputra nadi ke kinare 525 fit unche nilanchal pahar (nil parvat) par virajman yah sthan samprati asam pradesh ki rajdhani govahati se lagabhag 90 kimi. ki duri par hai. bharatavarsh men tantra, mantra, yantrake sabse bare v pradhan dharmik kendra ke rup men manya kamakhya ka yah sthan ati prachin hai. is tirth ko kamaksha, kamrup kamakhya athva kamru kamakhya bhi kaha jata hai. kahin-kahin kamgiri v kampith ke rup men bhi iski charcha ki gayi hai. govahati se bas v choti gadiyon se yahan ana sahaj hai jahan parvat par hi man ka mandir, bajar v khane-thahrne ka uttam prabandh hai. man ka mandir parvat-shikhar ke madhya bhag men avasthit hai jahan pravesh dvar par atisundar v vastushastra ki drishti se bhavya sinh dvar bane hain. vivaran hai ki jab daksha-yagya men sati ke svayan ko arpit kar dene ke pashchat shankar sati ke mrit sharir ko lekar triloki men bhraman karne lage tab vishnu ne apne sudarshan chakra se is sharir ko khand-khand kiya taki sharir ke nasht hote-hote shankar ji ka moh samapt ho jae. aisi sthiti men man ka yoni pradesh jahan gira vahin kamakhya tirth ke rup men lokpujit hua. dharmagyaon ki ray men devi ke un tin shakti pithon men, jinhen mahafldayi pith bhi kaha gaya hai aur jahan jivndayini shakti sannihit hai, man kamakhya sarvopri hai. shesh do shakti pith jvala devi pith (himachal pradesh) aur dusra man mangla gauri (bihar) men hai. man kamakhya ko das mahavidyaon men sarvapratham mana jata hai. is karan man kamakhya ko kali devi ke rup men bhi puja jata hai. man ki mahima, sthan ki bhaugolik sthiti aur tantra-mantra prabhav se yahan jadu-tone ki siddhi sahaj men hi prapt ho jati hai. desh men jitne bhi sadhak, aradhak, tantrik v aughar hain, sabhi ka shridham kamakhya hai. par yah shankracharya varjit kshetra mana jata hai. prachin bharat ke charchit nagar pragjyotishpur kshetra ke nil parvat par avasthit is mandir ke nirmata ke rup men adi shilpi shri vishvakarma ji ka nam liya jata hai. uske bad raja bhaskar barman ne apne adhikar kshetra se is mandir ke lie kafi kuch kay kie. 629 i. men apni yatra ke dauran chini yatri hvensang ne yahan ki yatra ki thi. is sthan ko narkasur se bhi jora jata hai. vartaman men bhavya evan prabhavotpadak man kamakhya mandir varsh 1565 i. men budh bihar ke maharaja vishva sinh aur unke putra nar narayan dvara banvaya gaya. vivaran hai ki prachin mandir 1564 i. men bangal ke kukhyat kala vidhvansak kala pahar ne tor diya tha. mandir nirman ki bangal shaili par nirmit is mandir ka naksha madhumakkhi ke chatte ki tarah banaya gaya hai jismen garbhagrih ke purva vakrakar chatyukt lanbe kaksh men kitne hi devi-devtaon ke pujan ka sthan dekha ja sakta hai. parvat par charhne ke purva sinh dvar par agni betal aur siddh ganesh ka sthan hai. mandir men ek prakritik talab bhi hai jise ‘saubhagya kund’ kaha jata hai. mandir men koti-koti dev vrind ke sthan hain jinmen shiv-parvati, vishnu, lakshmi, ganesh, kartikey, bhairav, shani v matarani ke vividh rup ke mutrt shilp hain. yahan man ke das pradhan rup kamakhya, matangi, kamla, tara, kali, chinn masta, bhairvi, baglamukhi, lakshmi, sarasvati v dhumavti padhra aan rajmarg par pavart iya pavra she advar dave i k e sath sadashiv k e pachan rup yatha vamdev, kameshvar, siddhishvar (siddheshvar), kotiling v umeshvar (umanath) ki pujarchana adi kal se ki jati hai. man ke is mandir men bali ka bhi sthan mandir ke dvar ke thik samne ki or hai. mandir men sthan-sthan par shvet v bhure rang ke patthar ke purva-shilp ko dekha ja sakta hai jis par bang kala ka spasht prabhav hai. mandir ke garbhagrih men hamesha andar se jal-srav (matri dravya) hota rahta hai. garbh grih ki banavat hi is tirth ki prachinta ki muk gavah hai. man ke mandir ke vishal prangan se hi dusri taraf jane par man bhuvneshvari ka sthan hai jo sabse adhik unchai par virajman hai. ab to yahan motar ror ki vyavastha ho jane se bhakton ko bahut aram ho gaya hai. iske alava aghor sthan, durga dup, amratkeshvar, purani thakrbari v bhairav tirth ka darshan log avashya karte hain. isi kshetra men kamakhya tirth ke pandon ka bhi nivas hai jo tirth yatriyon ke lie samuchit vyavastha karate hain. vaise to man kamakhya ke darshanarth log sare sal ate rahte hain par pratyek varsh ka sabse bara mela anbuvachi ka hota hai jo asharh mah men ayojit hota hai. iske alava yahan varsh ke donon navratra, vasant panchmi, shravan purnima v dipavli ki rat dur desh se bhakton v tantra sadhkon ka agaman hota hai. kahte hain kamakhya men siddhi ke bagair sadhak purnata hasil nahin kar sakta. sachmuch bharatavarsh ke tantra-mantra shakti ka uttamottam kendra kamakhya bhartiya devi tirth men ati mahatvapurn v atulniya hai. yahan ke tantra-mantra ke bare men kai afvahen bhi faili hui hain jaise ki vahan log bakri, kabutar v maina banakar purush ko vash men kar lete hain. par vastavikta aisi kuch bhi nahin. hae ! bhakton ke aharnish antarnad par man sadhak bhakt ke harek karya ko avashya purn karti hain. vaise bhi yah katu satya hai ki tantra-mantra vahi siddhikari hai jiska upyog sadkarya hetu parhit men kiya jae. inhin laukik-alaukik katha-kahani ke karan pratyek devi bhakt ke hriday men jivan men ek bar kamakhya man ke darshan ki abhilasha avashya bani rahti hai jise ve samay v suvidha ke anusar matrikripa se avashya pura karte hain. man ke is sthan ke darshan bhraman karne vale yahan ki shanti, ramniyata, vastukla v devi mahima ki khub charcha karte hain aur yahan ki smriti varshon tak mans-patal par jivant bani rahti hai.
Kya aapko lekh pasand aaya? Subscribe

Kya aapko lekh pasand aaya? Subscribe


yantra, shankh evan durlabh samagri visheshank  July 2012

fyuchar samachar patrika ke yantra shankh evan durlabh samagri visheshank men shankh prashnottari, yantra parichay, rahasya, vargikaran, mahima, shivashakti se sanbandh, vishleshan tatha yantra sanbandhi anivaryataon par prakash dala gaya hai. iske atirikt shriyantra ka antarnihit rahasya, navagrah yantra v rog nivarak tel, dakshinavarti shankh ke labh, piramid yantra, yantra karya pranali aur prabhav, kashtanivarak bahuprabhavi yantra, aushdhisnan se grah pira nivaran, shankh hai nad brahm evan divya mantra, bahut gun hai shankh men, anishtanivarak dakshinavarti shankh, durlabh vanaspati parichay evan prayog, shankh vividh labh anek adi vishyon par vistrit, gyanavarddhak v atyant rochak jankari di gai hai. iske atirikt kya narendra modi banenge pradhanmantri, pramukh tirth kamakhya, vibhinn dharm evan jyotishiya upay, faladesh prakriya ki am trutiyan, navaratn, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, sammohan, satyaktha, adi vishyon ko bhi shamil kiya gaya hai.

Subscribe

Apne vichar vyakt karein

blog comments powered by Disqus
.