फलादेश प्रक्रिया की आम त्रुटियां

faladesh prakriya ki am trutiyan  

Ank ke aur Lekh | Sambandhit Lekh | Views : 2897 |  
faladesh prakriya ki am trutiyan kisi bhi janmapatri ka vishleshan karte samay jyotishiyon ko kuch tathyon ko hamesha dhyan men rakhna chahie. usse faladesh satik ho sakta hai. anyatha sanpurn prayas apne ap men ashvastikarak nahin hogen. sarvapratham kundli vishleshan ke samay jyadatar jyotishi rashi chart (di1) ka prayog karte hain jabki jatak ka mukhya kundli adhar nirayan bhav chalit hota hai. yah jatak ke kalachakra men pravesh karne ka chart hai evan jatak ke sabhi bhavon (jo jatak ke jivan ki sabhi ghatnaon ko darshate hain) ko paribhashit karta hai. islie jab bhi bhavon ki bat ho, to sirf nirayan bhav chalit ka prayog karna chahie aur usi ke adhar par bhavesh ka nirnay karna chahie. rashi chart (di1) ka prayog grahon ki yuti, drishti ya unki sthiti dekhne ke lie karna chahie. kundli banate samay aynansh ka prayog kiya jata hai, arthat janm sthan ki sthiti ko nakshatron ki sthiti ke adhar par sanshodhit karna. vishontri dasha ka adhar bhi nakshatra hi hain arthat janm samay chandrama jis nakshatra men hota hai, usi ke adhar par dasha ka nirnay hota hai. isi ke adhar par jatak ke jivan men ghatnaon ka samay nirdharit kiya jata hai. kundli vishleshan men nakshatron ki pramukh bhumika hoti hai kyonki nakshatra hi jivan men ghatne vali sabhi ghatnaon ke srot hote hain. parantu jyadatar jyotishi ise bhulakar keval bhav, bhavesh karak ka rashiyon ke madhyam se prayog kar kundli ka vishleshan kar dete hain. grahon ke do prakar ke karakatva hote hain, naisargik evan karya sanbandhi. vishleshan karte samay is bat ka dhyan rakhna anivarya hai ki inka prayog kis prakar kiya jae. kuch jyotishi naisargik gunon ke adhar par hi faladesh kar dete hain evan anya keval karya sanbandhi karakatvon (jo unke bhavesh evan sthapan hone ke adhar par nirbhar hain) ko adhar man lete hain. donon prakar ke karakatvon ke prayog se hi ghatna evan uske prabhav ka purn rup se pata lagaya ja sakta hai gochar kis prakar kam karta hai evan kitna prabhavshali hota hai iska gyan bhi anivarya hai. gochar kisi bhi ghatna ke lie paristhitiyan paida karta hai. sabhi grah hamesha karyarat rahte hain evan kisi n kisi ghatna ki paristhitiyan paida karte rahte hain parantu jatak ke jivan men vahi ghatnaen ghatti hain jinki sanbhavnaen janm kundli men drisht hoti hain evan vishontri dashaon ke adhar par jinke ghatit hone ka samay a gaya hota hai. sahi samay ke lie ek jyotishi ko sabhi grahon evan lagn ke gochar ka vichar karna chahie. kundli men kisi bhi bhav se sanbandhit vishleshan karne se pahle kundli ka sanbhavya (prapti ki sanbhavna) bhi janna jaruri hai. karak grah apni dashaon evan gochar men fal dena chahta hai parantu yadi kundli men sanbandhit bhavon men vah sanbhavna nahin hogi to vah karya bhi jivan men ghatit nahin hoga. jatak ka janm samay sahi hona bhi jaruri hai. jiska prayah abhav hota hai. is karan bhi kundli vishleshan sahi nahin ho pata. kundli vishleshan se pahle jatak ki purva men ghatit kuch ghatnaon ke adhar par janm samay ka sanshodhit karna ati anivarya hai.
Kya aapko lekh pasand aaya? Subscribe

Kya aapko lekh pasand aaya? Subscribe


yantra, shankh evan durlabh samagri visheshank  July 2012

fyuchar samachar patrika ke yantra shankh evan durlabh samagri visheshank men shankh prashnottari, yantra parichay, rahasya, vargikaran, mahima, shivashakti se sanbandh, vishleshan tatha yantra sanbandhi anivaryataon par prakash dala gaya hai. iske atirikt shriyantra ka antarnihit rahasya, navagrah yantra v rog nivarak tel, dakshinavarti shankh ke labh, piramid yantra, yantra karya pranali aur prabhav, kashtanivarak bahuprabhavi yantra, aushdhisnan se grah pira nivaran, shankh hai nad brahm evan divya mantra, bahut gun hai shankh men, anishtanivarak dakshinavarti shankh, durlabh vanaspati parichay evan prayog, shankh vividh labh anek adi vishyon par vistrit, gyanavarddhak v atyant rochak jankari di gai hai. iske atirikt kya narendra modi banenge pradhanmantri, pramukh tirth kamakhya, vibhinn dharm evan jyotishiya upay, faladesh prakriya ki am trutiyan, navaratn, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, sammohan, satyaktha, adi vishyon ko bhi shamil kiya gaya hai.

Subscribe

Apne vichar vyakt karein

blog comments powered by Disqus
.