आपके विचार

apke vichar  

Ank ke aur Lekh | Sambandhit Lekh | Views : 2018 |  
apke vichar pra shna: rudraksh kahan pae jate hain? inki kitni kismen hoti hain? asli evan nakli rudraksh ki kya pahchan hai? rudraksh ki utpatti ki katha patal naresh may ke lie yam bane raudra rupdhari bhagvan shiv ke sath juri hai. prachin kal men patal naresh may danav ne patal lok nivasi danvon ke sath milakar manvon, devtaon, gandharvon par atyachar, tatha tin pur banva lie, jo abhedya durg the inmen rahne vale tripurasuron ne devtaon ko ati kasht diya. in tripurasuron ne tinon lokon ko jit liya. is mahan vipatti se tran pane ke lie brahma, vishnu sahit indradi devagan kailash shikhar par bhagvan shankar ke pas gae aur apni vipda sunakar unhen prasann kar liya. devtaon ko abhay dan dekar bhole nath bole yuddh samagri taiyar ki jave. adeshanusar pal bhar men yuddh ke lie taiyari ki gai tatha danvendra may aur tripurasuron ka nash kar bhagvan shankar brahma, vishnu adi devtaon ko lekar himalay ke sundar shikhar par vishram karne pahunuche. thakan mit jane par shiv harshit ho hans pare. un rudra ki ankhon se khushi ke char ansu shail shikhar par tapke jin se char ankur nikle aur pallavit, pushpit, faldar hokar hare bhare rudraksh vriksh ban gae. rudraksh ki paidavar evan prapti sthala: rudraksh samudra tal se 2000 mitar ki uchani tak prapt hota hai. yah ushrn evan ardhaushn jalvayu men prapt hota hai. bharat men rudraksh mukhyatah bangal evan asam ke janglon, haridvar evan dehradun ke pahari kshetron tatha dakshin bharat ke nilgiri, maisur aur annamlai kshetron men paya jata hai. idoneshiya men vishesh taur par ek mukhi domukhi evan tinmukhi rudraksh pae jate hanai. ye nepal men kam pae jate hanai. rudraksh ek vishesh kism ka jangli fal hai jo adhikanshtah himalay ke vanon men paida hota hai. ye vriksh nepal, asam, bharat ke uttarachanl pradesh ke uttarakashi, gangotri yamunotri, dehradun ke atirikt tibbat, indoneshiya, java, sumatra v chin ke kuch bhagon men utpann hote hanai. sabse bare akar ka rudraksh (bina dhari vala) java men utpann hota hai. iska vanaspatik nam eliyokarpas gainitras hai au ise ugana ati dustar karya hai. ajakal vrikshon ke shaukin log apne udyanon men rudraksh ka vriksharopan karne lage hain. ek bar lag jane par yah per bina kisi dekhrekh ke falta-fulta rahta hai. rudraksh ka nam smaran karne matra se athva rudraksh ko dekhte hi sahsa logon ko nepal ke pashuptinath ki smriti ho ati hai. aisa ho bhi kyon nahin. nepal desh, jahan bhagvan pashuptinath virajman hain, sari duniya men rudraksh ke lie prasiddh hai. nepal men rudraksh ke per bari matra men pae jate hain. anvle ke saman golakar bare rudraksh ke dane nepal men hi pae jate hain jinhen sarvashreshth mana jata hai. nepal men ekmukhi se chaidhmukhi tak rudraksh pae jate hanai. bharat men rudraksh mukhyatah bangal aur ke ghane vanon men pae jate hain. himalay ke pahari kshetron haridvar aur dehradun ke vrikshon men prayah domukhi aur tinmukhi rudraksh hi falte hain. dakshin bharat men nilgiri, maisur tatha annamlai kshetron pae jane vale vriksh mote tatha majbut hote hain. in vrikshon men prayah do se lekar gyarah mukhi tak rudraksh utpann hote hain dakshin bharat men hi kaju dana ekmukhi rudraksh milta hai. ekmukhi asli nepali gol dana alabhya hi hai. dakshin bhartiya kaju dana ekmukhi rudraksh prachalan men hai. panchmukhi rudraksh bharat, nepal evan indoneshiya men pramukh rup se utpann hote hain. chote danon vale rudraksh adhikatar indoneshiya, java, bali tatha malayadvip men milte hain jinmen indoneshiya ke chote danon vale rudraksh sarvotkrisht kahe jate hain. rudraksh ki kismen ya prajatiyan: rudraksh ek se chaidhmukhi tak hote hain. inmen panchmukhi rudraksh sabse adhik paya jata hai. mukh bhed ke anusar kahin-kahin ek se lekar sattais mukhi rudrakshon ka ullekh milta hai, parantu jurvan rudraksh ke alava chaidah mukhi tak hi pae jate hain. rudraksh ke vibhinn rang uttam koti ka rudraksh gahre chakleti, gahre katthai athva chuhare ke rang ka bhi hota hai. gulabi rang ka rudraksh bhi hota hai. madhyam koti ka ka rudraksh halka chaekleti, madhyam kat¬thai aur badam ki giri ke rang ka hota hai. kahin-kahin matmaile rang ka bhi paya jata hai. tisri shreni ka rudraksh kuch safedi lie hue, katthai athva bhure rang ka hota hai. is rang men paya jane vala adhikansh rudraksh domukhi hota hai. adhikansh rudraksh gol hote hanai. kuch rudrakshon ka akar ande jaisa kuch ka lanba aur kuch ka chapte hota hai. kabhi kabhi chakrakar aur ardh chandrakar bhi pae jate hain. anvle ke fal jaise bare dane, jharberi ke saman manjhole dane evan kali mirch ke saman bilkul chote dane jaise rudraksh bhi milte hain. anvle jaise bare akar ke rudraksh sarvottam, ber ke saman manjhole rudraksh madhyam evan matar ya chane ke akar ke rudraksh nimn varg ke mane gae hain, jabki indoneshiya ke chote dane vale rudrakshon ko sarvotkrisht mana jata hai. is sanbandh men spasht karna avashyak ho jata hai ki nimn varg ki shreni rudrakshon ko tuchch ya ghatiya nahin samjhna chahie, kyonki rudraksh to rudraksh hi hai, chahe vah bara ho ya chota. nikrisht rudraksh unhen kah sakte hain jinmen rukhapan ho, chamak v chiknai n ho arthat abhahin hon, sare-gale se dikhai dete hon, tut-fut ho jane se jo khandit ho chuke hon, dhariyan chinna-bhinn ho gai hon, athva fat gae hon. rangon ke adhar par yadi dekha jae to rudraksh char kism ke hote hain. shvet, lal, pit aur shyam. kachche aur pake falon se prapt bijon ko kramshah bhadraksh aur rudraksh kahte hain. is adhar par inki ye matra do hi prajatiyan hui- bhadraksh aur rudraksh. yadyapi dekha jae to inmen akriti ki drishti se koi fark nahin hota, tathapi bhadraksh gun-vihin hota hai jabki rudraksh gunkari. bare chote ke bhed dekha jae to bare bijon vale rudraksh ka vriksh alag hota hai aur chote falon bijon vala alag jaise ki vibhinn prajatiyon ke am, nibu, anvla, narangi, jamun, jharberi adi ke vriksh. fankon ke bhed se rudraksh ki kismen/panchmukhi mala mah¬atmya adi: rudraksh men nibu, narangi, mosammi ki tarah kaliyan ya fanken hoti hanai. fark itna hota hai ki rudraksh ke danon ko dekhakar hi unki kaliyon ya fankon ko gin sakte hain jabki nibu, narangi, mausammi ki fankon ko ginne ke lie unhen katna ya chilna parta hai. yadyapi ber, jamun adi ke saman guda rudraksh ki guthli par bhi charha rahta hai, parantu vikray hetu ane ke purva hi use hata diya jata hai. rudraksh ki fankon ko dekhakar hi yah gyat kiya ja sakta hai ki rudraksh ka kaun sa dana kitne mukhi hai. jis jurvan dane ka, ek dana bara aur dusra chota hota hai, ganesh gauri rudraksh kahte hain. do lagabhag saman danon vala jurvan dana gaurishankar ya shivgauri rudraksh kahlata hai. jis rudraksh men kisi bhi akar ke tin dane jure hue ho, use trijuti ya trijugi rudraksh kahte hain. parantu aise rudraksh durlabh hi hote hain, jis tarah ekmukhi gol nepali bara rudraksh durlabh hota hai. shundakar durlabh rudraksh ko ganpti rudraksh ki sangya di jati hai. rudraksh shivling ki bhanti puje bhi jate hain, rudraksh ki malaen prayah panchmukhi dane se hi banai jati hain. iska karan yah hai ki shiv ji kripa se panch mukhi rudraksh ki paidavar sabse jyada hoti hai. yah svayan panchanan hai. unke darbar men shiv, shakti, ganesh, kartikey aur nandi ye panch hi pramukh hain. ve kanthhar ke rup men panchmi tithi ke devla nag (vasuki) ko dharan karte hain. iski sabse saral pujan paddhati panchopchar hi hai. ‘namah shivay’ ka mantra panchakshar mantra kahlata hai jo parhne, likhne, bolne, sunne aur japne men sabse saral, sundar, sukhad, sumdhur aur sarvashreshth hai. pancham mah shravan shiv ji ko ati priya hai. asli-nakli rudraksh ki pahchan kaha jata hai ki pani men dubne vala rudraksh asli hota hai tatha jo tair jae vah nakli hota hai. kintu yah bat satya nahin hai. jo rudraksh paka hua hota hai vah pani men dub jata hai tatha jo kachcha hota hai vah tairta hai. yadi pake hue panch mukhi men lainen banakar uske mukh barha die jaen tatha lainen mitakar uske mukh kam kar die jaen to vah pani men dub jaega. nakli gauri shankar rudraksh, munh kam kie gae rudraksh athva shivling, trishul aur sanp adi se yukt nakli rudrakshon ki asli pahchan ka tarika nimn prakar hai. ek katore men pani ko ubalen. ublte hue pani men rudraksh ko ek do minat ke lie rakhen tatha katore ko chulhe se utarakar dhak den. do char minat ke bad dhakkan utarakar rudraksh ko nikal len. use gaur se dekhen. yadi rudraksh men jor lagaya gaya hoga to vah fat jaega. yadi do rudrakshon ko jorakar gauri shankar banaya gaya hoga to vah alg-alag ho jaenge. jin rudrakshon men solyushan bharakar mukh band kiya gaya hoga, ve band kie gae mukh spasht dikhai dene lagenge. aise men yadi rudraksh prakritik taur par kuch fata hua hoga to vah thora aur fat jaega. yadi ber ki guthli ko rudraksh batakar diya ja raha hai to yah kriya karne se vah guthli kafi mulayam par jaegi jabki asli rudraksh men adhik antar nahin parega. yadi rudraksh ki mala se rang utarna hai to thore pani men namak dalakar usmen mala dal den tatha use thora garm karen! tatpashchat use nikalakar sukha len. rang kafi halka ho jaega. samanyatya rang karne se rudraksh men koi hani nahin hoti. rudraksh kharidte vakt sarva pratham is bat ka dhyan rakhna chahie ki vah yatharth men rudraksh hi ho. kisi anya vriksh ke fal ka bij n ho. gaur se dekhne par asani se samajh men a jata hai ki kaunsa rudraksh nakli hai aur kaun sa asli. yadi rudraksh ka rang samanya rudraksh ke rang se alag ho jaise kisi lakri ya vriksh ki jar jaisa ho to vah nakli ho sakta hai. lakri par vibhinn kimti aujaron ki sahayta se rudraksh ki tarah akar dekar unhen sundar aur ajubedar bana diya jata hai taki unhen kharidne vala dekhte hi lobh men a jae aur aise kritrim rudraksh ko adhik dam dekar kharidne ko vivash ho jae. yadi kisi rudraksh ko madhya se kat diya jae to usmen nibu ke fal sarikhi utni hi kati fanken drishtigochar hongi jitne mukhi vah rudraksh hoga. aksar aisa hota hai ki adhik labh ke lobh men vikreta kam mukhon vale rudrakshon par kritrim dhariyan banakar unhen adhik mukhon vala bana dete hain. aise men yadi un rudrakshon ko kat kar dekha jae to kritrim dhariyane ka fark najar aega. isi prakar adhik mukhon aur kam mulya vale kisi rudraksh ke mukhon aur dhariyon ko kam kar use kam mukhon vala ya ekmukhi rudraksh bana liya jata hai taki use adhik se adhik mulya par becha ja sake. aise kritrim rudraksh asli dikhai dete hain aur bhole-bhale kreta jhanse men akar unhen kharid bhi lete hain. aise rudraksh ko yadi katakar dekha jae to asliyat apne ap samne a jaegi. asli rudraksh ka gol dana tanbe ke do sikkon ke bich rakhne par ghumne lagta hai aur teji ke sath ghumakar palat jata hai yah ukti anubhav aur abhyas par adharit ho sakti hai, parantu vastavikta yah hai ki anya golakar aur ravedar vastuen bhi do sikkon ke bich men rakhne se ghumne lagti hain aur lurhak jati hain, bhale hi ve bilkul dhimi gati se hi chalayman kyon n hon. jaise ber ki guthli ko, jo ravedar, khurdri aur golakriti si lie hue hoti hai, tanbe ke do sikkon ke bich rakhakar dabaya jae to vah ghum jaegi. jabki tanbe ke sikkon ke madhya rakhakar dabav dene par asli rudraksh ka dana tatkal disha badalakar ghum jata hai. yadi sukshmata ke sath rudraksh ka avlokan kiya jae to rudraksh ki kudrti evan kritrim dhariyon men antar khoja sakta hai. kasauti par rudraksh ghisne ya ragrne se uski rekha par jae to use uttam kvaliti ka rudraksh mana jata hai. mom, ral, lakh, sisa, ranga ityadi ko rudraksh ke dhaga pirone vale chidra men bharakar use vajndar bana liya jata hai. sandeh hone par kharidte vakt aise rudraksh ko garm jal men ubalie. yadi koi padarth usmen bhara hoga to vah pighalakar nikal parega. kam mulyon vale rudrakshon jaise panachmukhi adi ko jal ke sanyog se patthar adi par ghisakar safachat karte hue ghise gae hisson ko kimti edhesiv, rasaynik padarthon adi se jorakar ganesh-gauri, gaurishankar (jurva) ya trijugi ya trijuti rudraksh banakar becha jata hai, kyonki ve mahange hote hain. inhen yadi pani men ubal diya jae to jure hisse khul rudraksh alg- alag ho jaenge jabki asli rudraksh jaise ke taise hi rahenge. asli gaurishankar, ganesh gauri, trijuti rudraksh vajra ke saman kathor hone se shakti lagane par bhi tore nahin ja sakte. parikshan ke dauran yadi kisi tarah inhen tor hi diya jae to inka tuta hua hissa kabhi bhi chikna, samatal ya sapat nahin hoga. unki tutan saf najar aegi. khaulte hue ghi ki karahi men yadi asli rudraksh ko chor diya jae to ghi ka ubal kuch shant sa ho jata hai jabki nakli rudraksh hone par karahi shant nahin hoti. parkhne ki anya vidhiyan: mukhon ki ginti ke lie use shishe ke gilas men bhare pani men dalakar usse uthne vale bulbulon ko ginte hain, par yah rudraksh ki sahi parakh nahin hai kyonki unke munh band bhi ho sakte hain. nakli rudraksh ke mukh men yadi garm karke para bhar diya jae to vajan ke karan vah bhi dub jaega. aise men ise garm kar iski parakh ki ja sakti hai. rudraksh se sanbandhit anya jankariyan rudraksh bhagvan shankar ka priya abhushan hai. rudraksh akal mrityu hari hai. rudraksh dirghayu pradan karta hai. rudraksh sannyasiyon ko dharm aur moksh pradan karta hai. rudraksh grihasthon ko arth aur kam ka data hai. rudraksh se striyon ko putra labh hota hai. rudraksh sharirik vyadhiyon ka shaman karta hai. rudraksh man ko shanti pradan karta hai. rudraksh kundlini jagrat karne men sahayta karta hai. rudraksh sabhi varnon ke papon ka nash karta hai. rudraksh bhut pretadi badhaon se chutkara dilata hai. rudraksh ki puja se sabhi dukhon se mukti milti hai. 100 danon ki mala moksh pradan karti hai. 140 danon ki mala bal v arogya pradan karti hai. 108 danon ki mala samast karyon men siddhi dene vali hoti hai. 32 danon ki mala dhandayini hoti hai. jap ke lie prayukt ki jane vali mala 108 danon ki hoti hai. 54 danon ki adhi aur 27 danon ki mala ko sumrni kahte hain. fal sabhi ka ek saman hota hai. 54 danon ki mala ko do bar aur 27 danon ki mala ko char bar fer lene par ek mala sanpurn hoti hai. shikha men ek, kanon men chahch, kanth men ek sau ek ya pachas bahon men gyarah, karpur v manibandh men gyarah. aur kati men panch rudraksh dharan karne chahie. rudraksh kab dharan karna chahie: surya athva chandra grahan ke avasar par puja karne ke uprant dharan karna chahie. somvar ko brahmamuhurt men bhi ise dharan karna labhdayak hai. ise punah urjavan karne ke lie shuddh ghi ke sath chandan ki lakri ke buradon tatha pisi hui haldi men shivratri se ek saptah purva rakh dena chahie. shivratri ke din ise gangajal se dhokar niyat mantrochchar ke sath dharan karna chahie. sadhna men rudraksh mahatva: kisi bhi prakar ki sadhna chahe satvik ho, tamsik athva, aghor panthi, sabhi men rudraksh ki malaen sahayak evan labhdayak hoti hain. moksh prapti hetu 25 danon ki rudraksh mala se jap karna chahie. abhichar karm se sanbandhit sadhna ke lie 15 danon ki mala se jap karen. lakshmi evan dhan prapti ke lie 30 danon ki rudraksh mala se jap karna chahie. manokamna siddhi hetu 25 danon ki mala se jap karna chahie. mantra siddhi ke lie 108 danon ki purn mala se sadhna v jap karen. chikitsa kshetra men rudraksh ka upyog: rudraksh uchch rakt chap aur mirgi rogiyon ke lie atyant labhdayak hai. iski mala is prakar dharan ki jae ki vah hriday sthal ko sparsh kare to adhik labh deti hai. uttarakashi ke janglon men anvlakar durlabh rudraksh milta hai. is par dhariyan nahin hotin, prishth bhag bhi ubhra nahin hota. ayurved, charak sanhita adi men aushdhi ke rup men iske upyog ka ullekh milta hai. kshayarog, charm rog, kushth rog aur kainsar rog mane iska upyog labhkari hota hai. iska shuddhikaran nariyal pani men 24 ghante dalakar karte hain. rudraksh ke tel ka bhi vibhinn rogon men upyog kiya jata hai. iski ek gram bhasm ek gram svarn bhasm ke sath 21 din do bar makkhan ke sath sevan karne se anidra rog mukti milti hai aur achch nind ati hai. takie men rudraksh rakh kar sone se bure svapn nahin ate. tin rudraksh (bij akar ke) rat bhar tanbe ke gilas men rakhakar pratah us pani ke sath ek lahsun lene se hriday ki samast piraen dur hoti hai. yah madhumeh ke rogiyon ke lie bhi labhkari hai.
Kya aapko lekh pasand aaya? Subscribe

Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  August 2006

bhavishyakathan ke vibhinn pahlu sabhyata ke prarambhik kal se hi prachlit rahe hain. vartaman paridrishya men jyotish, ankshastra, hastarekha shastra evan mukhakriti vigyan sarvadhik lokapriya hain. pratyek vyakti ko apne jivan ki agami ghatnaon ki jankari prapt karne ki ichcha hoti hai. iske lie vah in vidhaon ke vidvanon ke pas jakar sampark karta hai. fyuchar samachar ke is visheshank men mukhyatah hastarekha shastra evan mukhakriti vigyan par prakash dala gaya hai. in vishyon se sambandhit anek ullekhniya alekhon men shamil hain - hatheli men pae jane vale chihn aur unka prabhav, panch minat men parhie hath ki rekhaen, vivah rekha evan uske fal, santan paksh par vichar karne vali rekhaen, shani grah se hi nahin hai bhagya rekha ka sanbandh, jaen abraham aur shahrukh khan ki hastarekhaon ka adhyayan, kaise karen var-kanya ka hastamilan, upayon se badli ja sakti hai hastarekhaen, chehre se janie svabhav adi. inke atirikt sthayi stambhon ke anya mahatvapurn alekh bhi shamil hain.

Subscribe

Apne vichar vyakt karein

blog comments powered by Disqus
.