एक आध्यात्मिक जीवन

ek adhyatmik jivn  

Ank ke aur Lekh | Sambandhit Lekh | Views : 552 |  
chacha ji jaisi shakhsiyat ke lie kuch bhi likhna sarl karya nahin hai lekin unki jivn shaili, unke vichar aur unka jivn ke prati drishtikon mujhe bahut samay se unke bare men likhne ke lie prerit kar raha tha. chacha ji ka janm aligarh ke pas jamon ganv men san 1918 men hua. ve apne bahan bhaiyon men sabse chote the. unke pita ganv ke jamindar the jinki ganv men kafi jamin jaydad thi. chacha ji ki jamindari ke kamon men bachapan se hi ruchi nahin thi. ve hamesha apne men athva apni parhai men khoe rahte. unke pita unhen paisa ugahi ke lie bhejte to vah sara paisa garibon men bant kar a jate aur puchne par kah dete ki unka dukh unse dekha nahin gaya. unke pita samajh gae ki yah kam unke bas ka nahin hai. pita ke dehant ke bad unke do bare bhaiyon ne kam sanbhala lekin chunki donon varishth sarkari pad par asin the, islie dilli men akar bas gae. chacha ji ganv men hi rahe. unhonne yupiessi ki pariksha uchch darje se utrtin ki aur unhen klas van aefisar ki naukri bhi mili. kuch din unhonne kam bhi kiya par vahan ka mahaul unhen ras nahin aya aur ve itni pratishthit naukri chor kar vapas a gae. ghar valon ne apna matha thok liya, unhen samajh nahin aya ki kya kiya jae. akhirkar unke vivah ko hi akhiri hathiyar samjha gaya ki shayad vaivahik jivn unhen ghar ke prati adhik jimmedar bana dega. ise bhagya ki vidanbna hi kahenge ki chacha ji ki patni unke svabhav ke ekadam viprit atyant jiddi, bhautikvadi evan karkash vani vali mahila thin. unke ghar men roj kalh rahne lagega. unke donon bhai sal men ek bar fasal katne ke samay dilli se ganv ate aur fasal bech kar unhen unke hisse ke paise de dete. par chacha ji ke us paise ko lene ke lie ganv ke garib brahman pahle se hi as lagae baithe rahte. vivah ke uprant bhi jab unke svabhav men koi parivartan nahin aya to unke bare bhai, jo relve men adhikari the, unhen dilli apne ghar le ae aur ganv men apni mata ji ke nam par skul khol diya jahan ganv ke chatron ko muft shiksha di jane lagi. ise bhagya ka khel hi kahenge ki chacha ji ki koi santan nahin hui. yon to unke nam dilli men makan hai, par aj tak ve us makan men nahin rahe. chachi ji unke bhatije ke sath rahti hain aur ve khud ya to bhatijon ke ghar rahte hain athva ganv men kisi ke bhi ghar rahne men unhen koi sankoch nahin hota. unki jama punji ke nam par kuch pustaken hain aur fir sara sansar unka hai. pure sansar ki ghatnaon se unka sarokar rahta hai aur sansar ki choti se choti ghatna bhi unhen vyathit kar jati hai. unke anusar yah sansar prabhu ka rup hai, prabhu ko prapt karne ke lie sansar ki seva karni chahie. unke chehre ka tej, bhautik vastuon se virakti evan spasht vani sab unke vyaktitva men ek thahrav dete hain. unhen brahm darshan ho chuke hain. vani se nikle anek vakya sachche siddh ho jate hain. apne parivar, ganv evan desh ki anek mahatvapurn ghatnaon ka ve pahle se hi faladesh kar chuke hain. angreji evan hindi sahitya, adhyatm athva anya pustakon ko bahut chav se parhte hain. shuru se main yahi sochti thi ki unke janm kal men aise kaun se grah yog the jinke karan sabhi bhautik sukh hote hue bhi ve unka bhog nahin kar sake. patni hote hue bhi patni ka sukh n bhog sake, n hi bachchon ka aur n hi unhonne kabhi achcha khane pine ki chah ki. har hal men khush rahna aur sabhi ko ek drishti se dekhna koi mahatma hi kar sakta hai. unhen n ham sannyasi kah sakte hain n hi grihasthi. aj jab bachche apne mata-pita ka sath nahin dete, unke bhatije unhen purn man-samman dete hain aur unke adesh ko tatkal pura karne ke lie tatpar rahte hain. aisa kaun sa grah hai jisne unhen itna man-samman dilaya. nishchit rup se unhen koi ishvariya shakti prapt hai aur jahan tak main samjhti hun aise virle hi hote hain jinhen aisi vilakshan shakti prapt ho, jo is bhautikvadi yug men sabhi aisho aram ko thokar mar kar ek sannyasi ka jivan jine ki kshamata rakhte hon athva jinhe n maya ka moh n ho. ve vastav men apne man ke malik hain. chahe kitna bhi bara afasar athva dhanadhya vyakti ho, chacha ji ka sabhi samman karte hain aur sabhi ko saman rup se naman karna evan jhuk kar svagt karna unka svabhav hai. aksar dekha jata hai, ki koi vyakti jab kisi bare ohde par pahunch jata hai to apni janmabhumi athva apne mul sthan ko bhul jata hai, par chacha ji ki atma mano apne ganv men hi rahti hai. ve haradam logon ke ujjval bhavishya ki kamna karte hain. unhin ki prerna se jahan ganv men madhyamik pathshala chal rahi hai, vahin dusri or jagat janni devi ka mandir bhi sthapit kiya gaya hai. amerika sthit ek bhatije dvara ganv vasiyon ki ankhon ka muft ilaj karne ke lie shivir lagae jate hain jahan hajaron logon ki ankhen thik kie ja chuki hain. har ravivar ko muft davaiyan banti jati hain. yah chacha ji ka ashirvad evan dur drishti hi hai ki sabhi log dur rah kar bhi ganv ki mitti se jure hanai. main yahi kamna karti hun ki chacha ji dirghayu hokar apne parivar evan ganv ko hamesha ashirvad dete rahen aur unke pad chihnon par unke bhai ke vanshaj bhi chalte rahen. agar isi tarah se har ganv men ek mahatma ho jae to nishchit rup se logon ka uddhar ho jaega. aie chacha ji ki kundli ka avlokan karen inki kundli men lagnesh budh chaturtha sthan kendra men apni uchch rashi men sthit hone se panch mahapurush yogon ke antargat bhadra namak uttam mahapurush yog bana raha hai. is yog ke karan inhen dirghayu, vivek, vidvatta, dharmik pravritti, paropkari svabhav evan mahan vichardhara prapt hui. budh grah se yah yog ban raha hai jo grah kundli men lagnesh tatha chaturthesh hai. chaturth sthan ka sanbandh grih bhumi se hota hai. atah budh ki shubh sthiti aur sath men kutunbesh, parakramesh, trikonesh, chandrama, surya evan shukra ki yuti ke karan inki apni janmabhumi evan samaj ke prati gahri sahanubhuti bani rahi. inki kundli ke chaturth bhav ka bhavkarak chandra ast hai aur chaturtha bhav ka svami bhi ast hokar chaturtha bhav men sthit hai. is grah sthiti vale vyakti se janta najayaj fayda uthati hai. atah jahan sukhesh adhyatmik sukh aur uchch vichardhara ka malik bana raha hai vahin ast hone ke karn unhen apne sukh ka tyag kar dusron ko sukh pradan karne ki pravritti bhi de raha hai. ek bat avashya likhna chahungi ki chacha ji se bahut se log anavashyak arthik labh lene ki koshish karte rahte hain aur anek bar safal bhi ho jate hain. is bat ko lekar chacha ji ke apne log unhen kah bhi dete hain jis par unka javab hota hai ki vah apna karya kar rahe hain aur lene ki ichcha rakhne vale apna karya. bhagvan ki shayad yahi ichcha hai. nishkapat yog hridye shubh sanyukte svochchamitragrihanvite. shubh grahanan kshetreva nishkaptyanvinirdishet.. (sarvarthachintamni a.4/shlo.143) inki kundli men shubh grah chandrama ke shubh rashi men chaturth sthan men sthit hone se nishkapat yog ban raha hai, atah unka svabhav nishkapat hai aur unmen udar mansik vritti, din dukhiyon ke prati karuna adi shubh sanskar viksit hue. nich bhang raj yog nich sthito janmani yo grahah syattadrashinatho'pi taduchchanathah s chandralagnadyadi kendravarti raja bhaveddharmikachakravarti. (faldipika a.7/shlo.26) inki kundli ke chaturth sthan men apni nich rashi men sthit shukra nich bhang rajyog bana raha hai. arthat shukra ki nich rashi ke svami budh ke chandrama se kendra men hone tatha shukra ki uchch rashi ke adhipti brihaspati ke bhi chandrama se kendra men hone ke karan nich bhang rajyog ban raha hai. is yog ke karan inhen uchch pad ki sarkari naukri evan logon se man samman prapt hua tatha adhyatmik sadhna men saflta prapt hui. amar yog chatushvapi kendreshu kruraah saumya yada grahaah krurau prithvipti vidyatsaumyairlakshmiptirbhavet (mansagri a.4/shlok 1) inki kundli men sabhi shubh grah kendra men hi sthit hone ke karan amar yog ban raha hai. is yog ne unhen dhan sanpatti ka svami banaya. inki kundli men shubh grahon se bane is yog ke karn inhonne apne dhan sanpatti ka satvik evan shubh karyon men vyay kiya. vidvan yog: sukheshe kendrabhavasthe tatha kendre sthito bhriguah, shashijan svochcharashisthe vidvanpandit ev sah. (brihatparashar horashastra a.12/shlo 68) kundli men sukhesh aur shukra kendra men tatha budh uchch rashi men hai. is grah sthiti ke karan vidvan yog ban raha hai. is yog ne unhen adhyayan ke prati ganbhir banaya tatha ve jivanabhar adhyaynrt rahe. yahi yog unhen vak siddhi yog bhi pradan kar raha hai. svagrihi saptamesh brihaspati ki lagn se saptam sthan par purn drishti par rahi hai jiske karan inki vaivahik jivn men abhiruchi n hone par bhi inka vivah hua. shukra ke navmansh lagn ke svami hone ke karan inki patni bhautikvadi vichardhara ki hanai. dusri or kendradhipti dosh se dushit brihaspati ke shatru rashi men sthit hone, patni karak shukra ke nich rashi ka hone tatha kal sarp yog ke karan unhen vaivahik jivan ka sukh prapt nahin hua. saptamansh kundli ka lagnesh mangal apni nich rashi men hai, panchmesh shukra nichastha hai, karak grah brihaspati doshyukt hai aur shani ki pancham sthan par drishti hai. is sari grah sthiti ke karan inke jivan men santan ka abhav raha. barhven bhav men ketu ki sthiti tatha shani ki navam bhav par drishti ke karn inki moksh sadhna ki or abhiruchi ban rahi hai. pahle bhi inhen is prakar ki sadhnaon men saflta prapt ho chuki hai. kundli men gyarhven bhav se bare bhaiyon ka vichar kiya jata hai. gyarhven se pancham bhav tritiya bhav hua. is bhav ke svami surya ke kendra men hone evan is bhav se gyarhven bhav ke adhipti budh ke uchch sthiti men hone se inhen apne bare bhaiyon ki santan se vishesh sukh samman prapt hua. unki kundli men kal sarp yog bhi vidyaman hai apne vyaktitva ke anukul jitna yash aur kirti unhen milni chahie thi is yog ke karan nahin mil pai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  April 2006

sabhyata ke arambhik kal se hi falakathan ki vibhinn paddhatiyan vishva ke vibhinn hisson men prachlit rahi hain. in paddhatiyon men se ank jyotish ka apna alag mahatva raha hai yahan tak ki ank jyotish bhi vishva ke vibhinn hisson men alg-alag rupon men prachlit hai tatha in sab men apas men hi vibhinnata dekhne ko milti hai. halanki sabhi prakar ke ank jyotish ke uddeshya vahi hain tatha inka mul uddeshya manushya ko margadarshan dekar unka bhavishya behatar karna tatha vartaman dasha ko sudharna hai. fyuchar samachar ke is visheshank men ank jyotish ke adhar par falakathan ko variyata di gayi hai. ismen mukhyatah kiro ki paddhati ka anusharan kiya gaya hai. iske antargat samavisht mahatvapurn alekhon men- ank jyotish ka parichay evan mahatva, ank falit ke trikon prem, buddhi evan dhan, mulank se janie bhagyoday ka samay, nam badalakar bhagya badlie, hindi ke namaksharon dvara vyavsay ka chayan, ank jyotish ka mahatvapurn pahlu stup, ank evan aepreshan duryodhan, mulank, rog aur upay, ank vidya dvara janmakundali ka vishleshan adi. in alekhon ke atirikt dusre bhi anek mahatvapurn alekh anya vishyon se sambandhit hain. iske atirikt purva ki bhanti sthayi stambh bhi sanlagn hain.

Subscribe

Apne vichar vyakt karein

blog comments powered by Disqus
.