दुर्लभ को सुलभ

durlabh ko sulbh  

Ank ke aur Lekh | Sambandhit Lekh | Views : 1983 |  
da. bindeshvar pathkbharat ke ek mahan manvtavadi samajsudharak hain jo vigat 40 varshon se sulbhaintrneshanal samaj seva sangathan ke dvarapure vishva men vikhyat ho gaye aur apnibuddhi, lagn v sahas se gandhi ji dvarashuru kiye gaye durlabh abhiyan ko sulabhakar dikhaya. purane jamane ki bat karen to hamari dadi aur nani chuachut men bahut vishvas rakhti thin. ghar men mehtrani ae to usse kafi duri bana li jati thi ki kahin chu n jae. aisa hi brahman parivar men janme bindeshvar pathak ke sath bhi hua tha bachapan men. unhonne ek dalit varg ki mehtrani ko chu liya to mano ghar men bhuchal a gaya tha. unhen pure pratishthan ayojit kar ganga jal, gay ke gobar v mutra adi se nahlaya gaya aur puri shuddhi ki gai. unka bal sulabh man yah samajh nahin pata tha ki hamare samaj men aisi prathaen kyon hain? unhonne 1964 men samajshastra men snatak ki upadhi prapt ki aur 1980 men mastar ki digri puri ki. patna vishvavidyalay se 1985 men unhonne piech.di. puri ki. unhonne bahut si pustakon ka lekhan kiya hai jismen ‘‘d rod tu fridm’’ pramukh hai. unke dil men svachchata, svasthya v samajik pragti ke lie hamesha se vishesh jagah rahi hai aur isko protsahit karne ke lie ve har sammelan v samajik karyakramon men bhag lete rahe hain. 1969 men bharat men gandhi shatabdi samaroh manaya ja raha tha to ek samiti ka gathan kiya gaya jiska nam tha bhangi mukti. pathak ji ko samiti ne maila dhone valon ki durdasha samjhne v unke hit men kam karne ka karya saunpa. unhonne pure bharat ka daura kiya aur unke sath rahakar unke dukh-dard aur prashasan ki kamiyon ko jana aur 1970 men unhonne manviya siddhanton ke sath takniki navvichar ke sanyojan se ‘sulabh intrneshanal samaj seva sangthn’ ki sthapna ki. yah sangathan shiksha ke madhyam se paryavaran svachchata, urja ke gair paranpragat sroton, kachra prabandhan aur samajik sudharon ko badhava dene ke lie kam karta hai. is sangathan men 50,000 se adhik svayansevak hain. pathak ji ne ek abhinav prayog kiya hai. inhonne sulabh shauchalay ka paudhon ke sath kinvan (fermentation) kar bayogais ka nirman kiya. yah bayogais bina kisi gandh ki hai aur in shauchalyon dvara rilij kiya gaya pani bhi faesforas yukt aur jaivik khad ke liye achcha hai. sulabh shauchalay ka mukhya uddeshya svachchata ko sunishchit karna v grin haus gais utsarjan ko rokna hai. da. bindeshvar pathak nishchit rup se lakhon mehtron ke lie ek bhagvan ka rup lekar ae hain jahan ek or unhen ganda maila dhone se mukti mil gai vahin unka samajik kad bhi uncha ho gaya hai. unhen bhi dusron ki tarah samaj men saman adhikar se jine ka hak milne laga aur yah pathak ji ke prayason ka hi parinam hai ki achut samjha jane vala dalit varg aj sabke sath kandhe se kandha mila kar chalta hai. mandir men sabhi ki tarah bhagvan ki puja archana karta hai. iske sath-sath sulabh shauchalay vyavastha se un karodon logon ko bhi ashatit labh hua hai jinhen shauchalay ke abhav men apne ghar se bahar khule men athva rel ki patriyon ke pas jana padta tha. koi bhi pahadi eriya ho ya jangli rasta pathak ji ne koshish ki hai sulabh ki suvidha har jagah ho. 2-5 rupye dekar koi bhi vyakti is suvidha ka labh utha sakta hai. sarvajnik sthan men lagabhag 8000 aise pablik taylet lagaye ja chuke hain. iske atirikt das lakh se bhi jyada gharon men paryavaran hitaishi taknik se yukt sulabh shauchalay ka istemal ho raha hai. sarvajnik sulabh shauchalyon ke sath pathak ji ne bayo gais plant bhi lagae hain. in bayogais plant ke dvara gandh rahit bayo gais banai jati hai jiska upyog khana pakane, lainp jalane aur bijli men hota hai. hal hi men sulabh ne aisa jeneretar bhi banaya hai jismen dijal ke sthan par 100 pratishat bayo gais ka hi upyog hota hai. aise 200 se adhik bayo gais plant pure desh men sulabh ne lagva die hain. bindeshvar pathak ji ko unke abhutpurva karyon ke lie aur samaj chanke utkarsh ke lie bharat sarkar ke dvara 2003 men padm bhushan se sammanit kiya gaya. iske atirikt, urja global puraskar, indira gandhi priyadarshini avard, staekhom jal puraskar aur port luis men antarrashtriya bhojpuri sammelan men vishesh samman se navaja gaya. mai 2013 men inhen frans men amantrit kiya gaya tha aur ‘‘lijend af plenet’’ puraskar se navaja gaya. sulabh ki daud yahin tak simit nahin hai. jahan ek or is sanstha ne lakhon dalit varg ki mahilaon ke utthan ke lie karya kiya hai vahin dusri or ab pathak ji ne apne kadam vrindavan ki vidhvaon ke uddhar ki or badhae hain. vrindavan men hajaran vidhvaen rahti hain aur unhen apne jivan yapan ke lie majburan bhikh mangni padti hai. unke uddhar ke lie sulabh pratyek vidhva ko 2000/- prati mah pradan kar raha hai tatha unki davai v svasthya ka bhi pura dhyan rakha ja raha hai. is varsh ki holi vrindavan ki vidhvaon ke lie vishesh thi kyonki is bar pathak ji ne svayan unke sath rangon se holi kheli aur unke berang jivan men khushi ke kuch rang bharne ki koshish ki. yahi khushi yadi ham sab bhi kisi ek vyakti ke jivan men bhi utarne ka pran kar len to shayad hamari khushi bhi duguni ho jaegi. bindeshvar ji ki janm kundli ka vivechan to karenge hi lekin yahan par hamen unse sikh bhi leni hai ki jis tarah unhonne puri samajik vyavastha se takkar lete hue apne dil ki avaj suni aur samaj sudhar ke lie vah kar dikhaya jo hamari sarkar bhi nahin kar pai, vaise hi hamen bhi apne dil ki avaj sunni chahie kyonki dusron ko khushi dene ka sukh kuch aur hi hota hai aur isi men khushi ka sar nihit hai. yah desh, yah samaj apna hai aur ham kuch iske bhale ke lie kar rahe hain to nishchit rup se hamara bhi bhala hoga. pathak ji ki kundli ka vivechan pathak ji ki janmakundli men lagnesh tatha karmesh brihaspati ki parakramesh v ashtamesh shukra ke sath chaturth bhav men yuti ban rahi hai. chaturth bhav janta ka hota hai isiliye in donon shubh grahon ke prabhav se apne janta ki bhalai ke lie samaj seva aur dalit logon ke uddhar ka karya kiya. inki kundli men chaturthesh budh tatha panchmesh chandra ka drishti sanbandh bhi ban raha hai aur pancham bhav men budhaditya yog hone se inhonne apni srijnatmak buddhi ke bal par ek naye bhautik anusandhan ke dvara sulabh shauchalay ke karya ko bharat varsh men bulandiyon tak pahunchaya jiski desh men hi nahin apitu videshon men bhi prashansa hui. shashth bhav men rahu aur dhanesh v bhagyesh mangal ki yuti ne unhen apne karyon men ane vali badhaon se mukti dilai aur itni nirbhayata di ki ye nidar hokar samaj men aisa karya kar pae jise uchch vargiya samaj hey drishti se dekhta tha. ekadash bhav ke chandra ne inhen hamesha hi arthik rup se sanpann rakha. videshon se bhi itne fand ae ki inhen apne projekt ko pura karne men paise ki kami mahsus nahin hui. dvadash bhav ke ketu ne inhen nishkam bhav se samaj ke lie karya karne ki prerna di aur tabhi ye pure samarpan evan seva bhav se apne samaj seva ke karya men lage rahe. pathak ji ki kundli men anek shubh yog ghatit ho rahe hain jinka ullekh niche kiya ja raha hai. shreshth yog: yadi janmapatrika men sukh sthan men guru ho, sukh sthan ka svami shubh grah se yukt ya drisht ho to yah yog ghatit hota hai. pathak ji ki kundli men sukh bhav men brihaspati sthit hai tatha sukhesh budh, shubh grah chandrama se drisht hai. isi ke falasvarup ye apne jivan men ek shreshth vyaktitva ke malik hue tatha aj bharat men hi nahin vishva men inki apni ek alag pahchan hai. nishkapat yog: chaturth bhav men shubh grah apni uchch ya mitra rashi men ho athva shubh grah ki rashi men ho to nishkapat yog ka srijan hota hai. inki kundli men yah yeag purn rup se ghatit ho raha hai. chaturth sthan men shubh grah shukra apne mitra grah budh ki rashi men sthit hai jiske prabhav se inka hriday atyant nirmal v nishkapat hai aur inhonne samaj men faili sankuchit rudhivadita se upar uthakar nishchal man se garib dalit varg ke utthan ke lie nishkam bhav se karya kiya. upkari yog: janmakundli men yadi sukhesh dhan labh ya trikon sthan men shubh grah se drisht ho athva shubh grah ke navansh men ho to upkari yog banta hai. inki kundli men bhi sukhesh budh trikon (bhav panchm) men sthit hai tatha shubh grah chandrama se drisht hai jiske karan inhonne niji svarthon ko tilanjli dekar samaj aur desh ke lie paropkari karya kiya. tapasvi yog: yadi janmapatrika men dasham bhav ka svami guru ke dreshkan, navmansh ya trinshansh men ho to jatak tapasvi hota hai. inki kundli men bhi dasham bhav ka svami brihaspati hi hai aur navansh men apne hi navmansh men sthit hai jiske falasvarup inhonne apne jivan men ek tapasvi ki bhanti man, vachan v karm se samaj seva men apna sanpurn jivan samarpit kar diya. dhir purush yog: tritiyesh yadi guru se yukt ho to yah yog banta hai. inki kundli men tritiyesh shukra chaturth bhav men guru se yukt hai jisse inhonne dhirta v ganbhirta se soch samajhakar apne karya men saflta hasil ki. in sabhi yogon v kundli ke vivechan se yahi nishkarsh niklta hai ki pathak ji ka janm samaj uddhar ke lie hi hua hai aur ane vale samay men bhi apni budh ki dasha men ye apni buddhi se aur srijnatmak karya karenge aur videsho men bhi apne desh ka nam roshan karenge.
Kya aapko lekh pasand aaya? Subscribe

Kya aapko lekh pasand aaya? Subscribe


sanktmochak hanuman visheshank  August 2013

fyuchar samachar patrika ke sanktmochak hanuman visheshank men ram bhakt hanuman ke prakatya ki katha, updesh, pujan vidhi, aishvaryadayi sadhna ke vibhinn sutra, unke vibhinn svarup, vibhinn rupon ki puja se duahkh nivaran, pramukh tirth sthalon ka parichay, puja sadhna ke prabhav, chakra adi gyanavardhak alekh sammilit kie gae hain. iske atirikt uttarakhand ki trasdi, krishn janmashtami vrat, shravan men kyon barh jata hai shiv puja ka mahatva, ank jyotish ke rahasya, satyaktha, purushottam shri krishn ki amritvani, trik bhavon men grahon ka fal evan upay, bhukhand vastu v sammohan upchar tatha dharmik kriya kalap ka vaigyanik mahatva aur urja kshetra badhane ke sadhan v vivadit vastu ityadi rochak alekh bhi patrika ki shobha barhate hain.

Subscribe

Apne vichar vyakt karein

blog comments powered by Disqus
.