स्वप्नों द्वारा समस्याओं का समाधान

svapnon dvara samasyaon ka samadhan  

Ank ke aur Lekh | Sambandhit Lekh | Views : 2842 |  
svapnon dvara samasyaon ka samadhan ravindar sinh svapn vigyan ek bahut hi prachin vigyan hai jiske bare men arastu aur sukrat jaise darshanikon se lekar karla jung evan sigmand fraeyad jaise manovaigyanikon ne varnan kiya hai. kuch vaigyanikon ke anusar svapn hamare avchetan man ka darpan hain jo hamari kunthit ichchaon ki abhivyakti ka marg bhi hai. prachin samay se kai granthon men bhavishyavani karne vale svapnon ka ullekh hai. svapn kya hain aur unke udgam ka srot kya hai? kya vah hamen hamare bhavishya ke bare men bata sakte hain? ham is lekh men in sabhi prashnon ke uttar janne ka prayas karenge. yadi ham svapnon ke likhit itihas ki khoj karen to ham payenge ki isa se karib 3000 varsh purva maisopotamiya men sumer sabhyata ke logon ne svapnon ke bare men likha hai. prachin yahudi bhi mante the ki svapn hamen ishvar ke sath jorte hain aur vah hamare ishvar se sanbandh ka pratik hai. yahudiyon ke prachin granth - ‘‘talmud’’ men 200 se adhik svapnon ka ullekh hai. prachin misra vasi rajaon ke svapnon par visheash dhyan dete the kyonki unka yah manna tha ki devi-devta rajaon ke svapnon men darshan dete hain. prachin misra ke svapnon ke devta serapis ke mandir bhi banvaye gaye jahan log jakar svapn dekhte the. in mandiron men jane se pahle log upvas rakhte the, prarthana karte the evan chitra banate the taki unhen devi-devtaon ke darshan svapn men ho. chin ke log yah mante the ki svapnon ka nirman svapn lene vale vyakti ki atma dvara hota hai. unka yah bhi manna tha ki vyakti ki atma sharir ko chorakar svapn men mrit vyaktiyon ke lok men vicharan karti hai. chin men bhi svapna-mandiron ka nirman karvaya gaya. uchch padadhikari kisi nagar men jane se purva svapn mandir men jakar margadarshan prapt karte the. prachin gris men logon ka yah manna tha ki svapn men devi-devta logon ko darshan dete hain. ye devta ek chidra dvara vyakti ke svapn men pravisht hote hain evan use divya sandesh dekar vapas laut jate hain. isa se 500 sal purva gris men entifon namak vyakti ne svapnon par ek pustak bhi likhin. hippokretas jise aryuvigyan ka pita bhi mana jata hai, svapna-vigyan ka visheshagya tha jisne svapn vigyan par ‘‘vd ktamanuesh namak pustak likhi. uske anusar din men hamari atma drishya prapt karti hai jise ratri men svapn ke rup men ham dekhte hain. prasiddh darshanik arastu ke anusar hamare svapn hamare sharir ki avastha ke bare mane bhi batate hain. uske anusar svapnon ka devi-devtaon se koi lena-dena nahin hai. gris ke ek gailen namak chikitsak ka yah manna tha ki hamen apne svapnon ka gahra adhyayan karna chahie kyonki ve hamari chikitsa men sahayak hote hain. prachin pauranik granthon men tin prakar ki avasthaon ka varnan hai:- 1. jagrit avastha 2. svapn avastha 3. sushupti avastha inke anusar svapn ka nirman parmatma dvara prani ke kuch karmon ka fal pradan karne ke liye hota hai. svapn parmatma ki maya ka ek ang hai jismen parmatma ichchit vastuon ko jagrit avastha ki bhanti pradan karta hai. vedant ke anusar kuch svapn bhavishyavani karne vale bhi hote hain. kuch svapnon men ane vale drishyon ke arth agni-puran men paye jate hain. garur puran ke anusar kuch svapn mrit atmaon dvara bhi paida kiye jate hain. vedon ke anusar yadi hinsatmak svapn men ham virta ka parichay dete hain to yah hamen vastavik jivan men bhi saflta pradan karta hai. yadi ham aise svapn men kuch nahin karte to yah hamare bhavishya men anisht ka suchak hota hai. upnishdon ke anusar svapn ke bare men do mat hain. ek mat ke anusar hamare svapn hamari ichchaon ke pratibinb matra hote hain. dusre mat ke anusar hamari atma svapn avastha men bhautik sharir ko chorakar bahar vicharan karti hai jahan use margadarshan prapt hota hai. sigmand fraeyad namak ek prasiddh manovaigyanik ne 1899 men svapnon ke arth janne ke liye ek pustak likhi jo kafi prasiddh ho gayi. uske anusar svapn do prakar ke hote hain. ek prakar ke svapn ka adhik mahatva nahin hota kyonki ve avchetan man ke drishya matra hote hain. vahin dusri or kuch svapn hamare man ki avyakt ichchaon ki abhivyakti hote hain. ek or prasiddh manovaigyanik karla jung ke anusar yadi ham jagrit avastha men kisi vishay ki upeksha karte hain to vah bar-bar hamare svapn men ata hai taki ham uska samadhan karen. uske anusar svapnon men sanketon dvara sandesh dene ka prayas kiya jata hai. in svapnon ko samjhne ke liye hamen in sanketon ko samjhne ki avashyakta hai. jung ne apne jivnkal men 80,000 se adhik svapnon ka arth nikala. fraeyad aur jung ke bad bhi kai manovaigyanikon ne svapna-vigyan ke siddhanton ki vyakhya ki hai. hipnothairepi athva sammohan vigyan ne bhi svapn vigyan men apna yogdan diya hai. hipnothairepi dvara hamen nimnalikhit labh prapt hote hain. 1. svapnon ko smaran rakhna. 2. svapnon ki sanketik bhasha ko samajhakar sanketon dvara diye gaye sandeshon ko samjhna . 3. apni ichchaanusar svapnon se sandesh prapt karna. 4. apne jivan ki samasyaon ka samadhan svapnon se prapt karna. enjal chikitsa dvara bhi svapnon men apne enjal se sandesh prapt kiye ja sakte hain. svapn vigyan ke bare men adhik jankari prapt karne ke liye ap nimnalikhit pate par apne prashn bhej kar jankari prapt kar sakte hain.
Kya aapko lekh pasand aaya? Subscribe

Kya aapko lekh pasand aaya? Subscribe


svapn, shakun v hastakshar visheshank  June 2012

fyuchar samachar patrika ke svapn, shakun v hastakshar visheshank men hastakshar vigyan, svapn yatra ka jyotishiya drishtikon, svapn ki vaigyanik vyakhya, avdharnaen v dosh nivaran, svapn ka shubhashubh fal, jain jyotish men svapn siddhant, svapn dvara bhav jagat men pravesh, shakun shastra men pak tantra vichar. shakun evan svapn ka prabhav, shakun evan svapn shastra ki vaigyanikta, shakun shastra v tulsidas, hastakshar dvara vyaktitva ki pahchan, svapnon dvara samasya samadhan adi rochak, gyanavarddhak alekh shamil kiye gae hain. iske atirikt vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, sammohan, satyaktha, svasthya, pavan sthal, kya ap jante hain? adi vishyon ko bhi shamil kiya gaya hai.

Subscribe

Apne vichar vyakt karein

blog comments powered by Disqus
.