दूध: अमृत समान औषधि

dudh: amrit saman aushdhi  

Ank ke aur Lekh | Sambandhit Lekh | Views : 9294 |  
dudh har jiv ka pratham ahar hai. jiv ke janm se hi kudarat ne use dudh ka ahar pradan kiya. jiv ke janm se pahle kudarat ne mata ke stanon men dudh ka nirman kiya jo jiv ke janm par jiv ko upalabdh hua. dudh ki utpatti jiv ke janm se hi judi hai. vastav men jab jiv bada ho jata hai to man ke stanon se dudh bhi banna band ho jata hai kyonki bachche ke vikas ke lie dudh hi sarvashreshth padarth hai. ek svasth vyakti ke lie dudh jitna upyogi hai usse adhik rogi ke lie tatha usse bhi adhk chote bachchon aur vriddhon ke lie labhkari hai. uchit matra men piya gaya dudh jaldi pach jata hai tatha shakti aur svasthya pradan karta hai. jo vyakti bachapan se vriddhavastha tak dudh ka sevan karta hai vah sadaiv shaktishali, balvan, viryavan aur dirghajivi hota hai. rishiyon ne dudh ko dhatupaushtik, virya vardhak, vriddhavastha tatha rogon ko jitne vala evan stri-prasang ki shakti badhane vala mana hai dudh pine ke niyam:- gay, bhains, bakri adi kisi ka bhi dudh ho ubal kar hi pina chahie. dudh ko nikalakar lagabhag adhe ghante tak ubal lena chahie. jis dudh ko nikle tin ghante ya adhik samay ho gaya ho vah dudh basi ho jata hai aisa dudh tridoshkarak hota hai. dudh garm kar usmen ruchi anusar khand, chini adi dalakar pina chahie. thanda dudh bhi piya ja sakta hai, lekin thanda dudh bhi ubala hua hona chahie. bhojan ke turant bad dudh nahin pina chahie kyonki bhojan men masale aur namak hote hanai jo dudh ke gunon ko nasht kar dete han. isse kai anya prakar ke rog ho sakte hain, khas taur par charm rog isi karan hote hain. kai bar dekha gaya hai ki subah ke nashte men log paranthe khate hain, uske sath dudh bhi pi jate hain. aisa karne se pachan bhi bigad jata hai aur rog bhi utpann hote hain. dudh subah piyen ya sham ko iske ek ghante pahle aur ek ghante bad tak kuch n khayen to achcha hai dopahar ke pahle piya hua dudh atyant balavardhak, pushtikarak tatha agnivardhak hota hai. kaf tatha pitt ka nash karta hai. rat ko dudh pina balkon ki vriddhi men sahayak hai kshayadi rogon ka nash karta hai. anek doshon ko shant karta hai tatha netron ke lie hitkari hai. dudh pine ka sabse achcha samay sayankalin bhojan ke do-tin ghante bad hota hai kyonki sandhyakal ka dudh pratah kal se halka hota hai aur vat-kaf ko nasht karta hai jabki pratah kal ka dudh sayan kal ke dudh se bhari lekin shital hota hai. rat ko dudh pina ho to sirf dudh hi pina chahie uske sath koi anya ahar nahin lena chahie. rog men aushdhi ke taur par dudh chikitsak ki salah se piyen. dudh adhik samay ka rakha hua ho, uska rang badal gaya ho aur svad bhi bigad gaya ho athva jo khatta ho gaya ho, jismen durgandh ane lagi ho ya garam karte hi fat gaya ho us dudh ko kabhi nahin pina chahie. aisa dudh pine se buddhi nasht ho jati hai tatha bahut se dosh utpann ho jate hain. kabhi-kabhi to aisa dudh janleva bhi siddh ho jata hai. bachchon ko gay, bhains ya bakri adi ka dudh pilana ho to pahle dudh men thoda pani milakar ubalna chahie. sath hi sath shakkar bhi mila den taki vah mitha svadisht ho jae aur bachcha use maje se pi sake. yadi kachcha dudh pina ho to turant ka nikala hua dudh pina chahie. vaise kachcha dudh bal ko badhane vala-bhari, der se pachne vala, badikarak, kabj karne vala tatha doshyukt hota hai. jo vyakti kachcha dudh pine ke adi hon unhen gay ya bakri ka hi kachcha dudh pina chahie. bhed ka dudh to sada garam karke hi pina chahie. vibhinn kism ka dudhah- gay ka dudh-gay ka dudh bal vardhak, rognashak, hota hai. safed gay ka dudh bhari, der se pachne vala tatha kaf karak hota hai. isi prakar kali gay ka dudh vatnashak hota hai. anya rangon ki gayon ki apeksha kali gay ka dudh shreshth hota hai. vat rog se pidit logon ko keval kali gay ka dudh pina chahie. pili gay ka dudh anya gayon ke saman hota hai, ismen keval ek gun hota hai ki yah vat-pitt ko shant karta hai. chitkbri gay ka dudh samanya hota hai. lal gay ka dudh kali gay ki bhanti vat nashak hota hai. javan gay ka dudh mitha, rasayan aur tridosh nashak hota hai. budhi gay ke dudh men utni takat nahin hoti jitni javan gay ke dudh men hoti hai. gabhin gay ka dudh, gabhin hone ke tin mahine pahle pittakarak, namkin aur mitha hota hai. nai byayi hui gay ka dudh rakt vikar utpann karne vala pitt ko badhane vala rukha hota hai. bahut dinon ki byayi gay ka dudh bhi namkin aur mitha tatha dahkarak hota hai. chote bachde vali gay ka dudh tridosh karak hota hai. bakhri gay ka dudh bal karak, tripti karak aur vat, kaf, pitt nashak hota hai. ise rat men pina adhik labhkari hota hai. khal aur sani khane vali gay ka dudh kaf ko badhane vala hota hai. ghas aur binaule khane vali gay ka dudh sarvarog nashak hota hai. aisa dudh sabhi rogon men sabhi ke lie labhdayak hota hai. bhains ka dudh- gay ke dudh se bhains ka dudh adhik mitha, chikna, virya ko badhane vala, bhari evan nidra lane vala shital hota hai. yah bhukh ko jagrit karta hai aur kaf ka utpattidayak hai. yah dudh pine se man tarotaja rahta hai. chusti-furti bani rahti hai. gay ke dudh aur bhains ke dudh men shesh sabhi samanta hain. arthat gay ke dudh se bhains ka dudh bhari aur rangat men adhik safed hota hai. bakri ka dudh- bakri ka dudh halka, thanda aur mitha tatha bahut kadvahat lie hota hai. yah jvar, khansi, kshay, raktapitt aur atisar ke rogiyon ke lie labhdayak hai. bakri ka dudh sabhi rogon ka nash karta hai. bhed ka dudh- bhed ka dudh garm-svadisht chikna, triptidayak viryavardhak, kaf aur pitt ka karak hota hai untni ka dudh- rajasthan, arab desh yahan unt adhik paye jate hain. yahan log untni ka dudh pite hain. untni ka dudh halka, mitha, khara badikarak, dastavar aur agni ko dipt karne vala hota hai. anek rogon men yah aushdhi ka karya karta hai. kaf, kodh, afra, sujan aur pet ke samast rogon ko nasht karta hai. ghodi ka dudh- dudh khatta, khara, halka garam, svadisht aur baldayak hota hai vat rogon men iska sevan aur malish labhdayak hai. aushdhi ke rup men iska prayog kai rogon men kiya jata hai. yun to dudh ki aur bhi kismen hain lekin adhikatam gay, bhains, bakri ke dudh ka hi sevan kiya jata hai. ganv ke log to har kism ke dudh ka prayog kar lete hain aur dudh ke vishay men jante bhi hain. lekin shahar ke logon ko kahan asli dudh nasib hota hai. vah to thaili ka dudh hi pite hain jismen gay, bhains, bakri adi sabhi mishrit hi hote hain. kuch rogon men dudh ka prayogah- kanth rog- kanth rog men bakri ke dudh ke garare karne se bahut labh hota hai pet ki akdn- bakri ke dudh ke sevan se pet ki akadan thik hoti hai aur masane ko shakti milti hai. kabja- sayankal dudh gay-bhains kisi ka bhi ho pine se kabj khul jati hain. ankhon ki jaln- ek kapde ki patti ya rui ko gay ke dudh men tar karke ankhon par rakhen. fir fitkri paudar upar se burak den. kuch hi dinon ke prayog se ankhon ki jalan dur ho jaegi. sardi-jukam- gay ke dudh ko ubalakar mishri, kali mirch milakar pine se purane se purana jukam thik ho jata hai. adha sisi ka darda- gay ke dudh men badam ki khir banakar nitya kuch dinon tak sevan karne se labh hota hai. sir darda- gay ke dudh men sabut sonth pisakar gadha-gadha lep karne se sir dard dur hota hai. vat rog- kali gay ka dudh pine se vat rogon men labh hota hai. shishu ke kan ka darda- man ka dudh kan men dalne se shishu ke kan ka dard thik ho jata hai. isi prakar ankh men dalne se ankhon ke rog men labh milta hai sharirik durbalata- gay, bhains ke dudh ke sevan se durbal vyakti men bal aur shakti ka sanchar hota hai. isi prakar kai anya rogon jaise- dad, pyas, hriday rog, shul, vasti rog, bavasir, raktapitt, atisar, jirn jvar, mansik rog, unmad muchrcha, bhram, sangrahni piliya, yoni rog, garbhasrav adi rogon men bhi dudh bahut labhkari siddh hua hai. rishi muniyon ne dudh ko sarvottam mana hai tatha pratyek jiv-jantu evan manushya ke aharon men shreshth ahar kaha hai. yauvan, shakti, sfurti, napunskta sharirik saundarya vardhan men dudh apna vishesh mahatva rakhta hai. niyamit rup se dudh pine vala vyakti nirogi rahta hai. uske chehre par tej aur chamak bani rahti hai. use vishesh shakti prapt hoti hai.
Kya aapko lekh pasand aaya? Subscribe

Kya aapko lekh pasand aaya? Subscribe


sanktmochak hanuman visheshank  August 2013

fyuchar samachar patrika ke sanktmochak hanuman visheshank men ram bhakt hanuman ke prakatya ki katha, updesh, pujan vidhi, aishvaryadayi sadhna ke vibhinn sutra, unke vibhinn svarup, vibhinn rupon ki puja se duahkh nivaran, pramukh tirth sthalon ka parichay, puja sadhna ke prabhav, chakra adi gyanavardhak alekh sammilit kie gae hain. iske atirikt uttarakhand ki trasdi, krishn janmashtami vrat, shravan men kyon barh jata hai shiv puja ka mahatva, ank jyotish ke rahasya, satyaktha, purushottam shri krishn ki amritvani, trik bhavon men grahon ka fal evan upay, bhukhand vastu v sammohan upchar tatha dharmik kriya kalap ka vaigyanik mahatva aur urja kshetra badhane ke sadhan v vivadit vastu ityadi rochak alekh bhi patrika ki shobha barhate hain.

Subscribe

Apne vichar vyakt karein

blog comments powered by Disqus
.