लक्ष्मी प्राप्ति के लिए विभिन्न प्रयोग

lakshmi prapti ke lie vibhinn prayog  

Views : 2761 | November 2015

pra.-daridrata dur karne ke lie kya karna chahie ?

u.- nahin daridra sam dukh jag mahi. arthat jagat men daridrata ke saman koi dukh nahin hai. yah daridrata bhi anek rupon vali hai. buddhi ka vikas n hona mastishk ki daridrata hai. daya ka abhav hriday ki daridrata hai. svasthya ka abhav sharirik daridrata hai. charitra ka abhav yash ki daridrata hai. arth ka abhav dhan ki daridrata hai. vinamrata ka abhav sanskar ki daridrata hai. uprokt sabhi daridrataon ko dur karne ke lie hari priya man lakshmi ke nimn mantrane ke shraddha v vishvas se jap karne se sabhi manorath siddh hote hain.

mantra - un chandran prabhasan yashsa jvalantin shriyan loke dev jushtamudaram. tan padyinemin sharnan prapadye'lakshmirme nashyatan tvan vrinomi..

yah jap purnamasi ke din thali men chaval rakhakar shri yantra sthapit kar uska vidhivat pujan kar rudraksh ki mala se uprokt mantron ka tin mala pratahkal pratidin jap karen. jap ke uprant kamalagatte evan deshi ghi se ek mala uprokt mantra parhakar ahuti den. tin mah ke andar man lakshmi ki kripa prapt hokar vibhinn prakar ki daridrataon ka nivaran hone lagta hai.

pra.-daridrata dur karne men dakshinavart shankh ki kya bhumika hai?

u.- sagar manthan ke samay bhagvti mahalakshmi evan dakshinavarti shankh donane ki utpatti sagar se hui. is karan shankh ko lakshmi ka sahodar bhai kaha jata hai. yahi karan hai ki jis ghar men dakshinavarti shankh rahta hai, vahan lakshmi nivas karti hai. dakshinavarti shankh ke samne dipavli ke ratri kal men dakshin lakshmi stotra ka 108 bar jap kiya jae to sabhi prakar ki manokamna purn hoti hai. dhan, makan, pramoshan evan kirti ki prapti hoti hai. dukan men shankh ka jal chirkne se bikri men vriddhi hoti hai. shankh men chaval bharakar 11 bar nimn dakshin lakshmi stotra ka path kar asvasth vyakti ke upar ghumakar dakshin disha ki or fenk diya jae to us rogi ki vyadhi sada ke lie samapt ho jati hai.

dakshin lakshmi stotra - trailokyapujite devi kamle vishnuvallabhe. yathavvamchla krishne tatha bhav mayi sthira..

kamla chanchla lakshmishchala bhumirharipriya. padma padmalya samyaguchchaiah shripadm dharini..

dvadshaitani namani lakshmi sanpujya yah patret. sthira lakshmirbhavet tasya putradarabhiah sah..

pra.-karyalay me baes ke matbhed ke karan naukri chorne par tatha punah achchi naukri pane ke lie kya karna chahie ?

u.- ravivar ke pratah kal jal men 22 kesriya rang se range rangin chaval milakar 22 dinon tak bhagvan surya ko aghrya den, sath hi nimn mantron ka 108 bar jap karen.

mantra- un hriin ghriniah surya aditya shri

pra.-vyavsay men pragti, dhan ki prapti tatha nirogi kaya evan dirghayu jivan ke lie kya karna chahie ?

u.-man shri rupa bhagvti tripurasundari ka dhyan karke nimn mantra ka 10 hajar jap, sharad purnima se praranbh karke kartik purnima tak purn karna chahie. sath hi jap samapt hone par sampurn mantra sankhya ka dashansh havan kamalagatta, javitri, kapur, belgiri, til, jau, guggul, gay ka ghi, shammi vriksh ka fal, lal chandan ka burada tatha safed chandan ke burade se karna chahie.

mantra- un han jan sah animeshayai aparnayai ishvari vidyayai svaha.

pra.-pati evan grihasth sukh prapt karne ke lie kaun si sadhna karna labhaprad hota hai ?

u.- durbhagya ko saubhagya men badlne ke lie yah durlabh sadhna pratyek nari ko bhagyavan banati hai. man lakshmi ke chitra ke samne pratah snan kar, shuddh vastra pahanakar, kusha ke asan par padmasan lagakar, deshi ghi ka dipak jalakar purva ki or mukh karke, 10 mala jap 21 din tak prasann chitt hokar shraddha v bhaktipurvak karna chahiye. jap ke bad dashansh havan deshi ghi, laung, ilaichi v supari se karna chahiye. samanya avastha men roj 108 bar jap karne matra se hi saubhagya vriiddh hone lagti hai.

mantra-un hriin klin h sauah saubhagya sundari svaha.

pra.- ghar, bangla, kar tatha man lakshmi ki kripa pane ke lie kya karna chahie ?

u.- sundar sa ghar jo vastudosh rahit ho, parivar ke sadasya nirogi, kar evan samaj men pratishtha prapti ke lie vishnu priya ke samaksh kamalagatte ki mala se 108 bar pratidin jap karna avashyak hai.

mantra - un ashvapurvan rathamadhyan hastanath pramodinim. shriyan devimup hriye shrirma devi jushtam..

pra.-kathor parishram ke bad bhi dhan ka abhav rahne par kya karna labhaprad hoga?

u.- kathor parishram ke bad bhi yadi dhan ka abhav hi rahta hai, karja barhta ja raha ho, dukhon ka pahar tut para ho, vyapar men nirantar ghata hi ho raha ho to nimn mantra sadhna shighra hi faldayi hai: kamal ke asan par baithi hui man lakshmi ki murti ya chitra ke samne desi ghi ka dipak jalayen . chandan ki agarabatti jalakar, dhup, dip dikhakar apne donon hathon ke madhya shri kunkum se likhakar hath jorakar nimn mantron ka 108 bar jap karen. jap ke bad apne donon hathon se fal-ful, naivedya , lal churiyan evan lal dupatta man lakshmi ko arpit karen.

mantra- un kardamen praja bhuta mayi sambhav kardam. shriyan vasay me kule matran padmalinim..

Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

lakshmi visheshank  November 2015

devi lakshmi ko har prakar ka dhan evan samriddhi pradayak mana jata hai. adhunik vishva men sabki ichcha aramdeh evan vilasitapurn jivan jine ki hoti hai. pratyek vyakti kam se kam mehanat men adhik se adhik dhan kamane ki abhilasha rakhta hai iske lie devi lakshmi ki kripa evan inka ashirvad avashyak hai. dipavli aisa tyauhar hai jismen devi lakshmi ki puja anek tarikon se inhen khush karne ke uddeshya se ki jati hai taki inka ashirvad prapt kiya ja sake. fyuchar samachar ke vartaman ank men prabuddh lekhkon ne apne saragarbhit lekhon ke dvara devi lakshmi ko khush karne ke alag alag upay batae hain jisse ki devi unke ghar men dhan-dhanya ki varsha kar saken, achcha svasthya pradan karen tatha padonnati den. bahuayami mahatvapurn lekhon men sammilit hain: panch parva dipavli, lakshmi prapti ke achuk evan akhand upay, dosh tantra- niranjni kalp, lakshmi ko khush karne ke upay, dipavli par dhan prapt karne ke achuk upay, shri vaibhav samriddhidayini mahalakshmi archana yog, kyon nahin rukti man lakshmi, lakshmi prapti ke lie vibhinn prayog, dipavli ke 21 upay evan 21 chamatkar adi. iske atikti kuch sthayi kaelam ke lekh bhi upalabdh karae gaye hain.

Subscribe


.