markesh nirny  June 2006

markesh grah ka nirnay karne se purva yogon ke dvara alpayu, madhyayu ya dirghayu hai, yah nishchit kar lena chahie.1 kyonki yogon dvara nirnit ayu ka samay hi mrityu ka sanbhavna-kal hai aur isi sanbhavna kal men purvavarnit marak grahon ki dasha men manushya ki mrityu hoti hai. islie sanbhavna-kal men jis marak grah ki dasha ati hai vah markesh kahlata hai. is granth men ayu nirnay ke lie grahon ko tin vargon men vargikrit kiya gaya hai- 1. marak lakshan 2. marak evan 3. markesh. jo grah kabhi-kabhi mrityudayak hota hai use marak lakshana kahte hain. jin grahon men se koi ek paristhitivash markesh ban jata hai vah marak grah kahlata hai aur yogon ke dvara nirnit ayu ke sanbhavna kal men jis marak grah ki dasha-antardasha men jatak ki mrityu ho sakti hai vah markesh kahlata hai. brihadparashar horashastra ke anusar ayu ke tin pramukh yog hote hain-1. alpayu, 2. madhyamayu evan 3. dirghayu. 13 varsh se 32 varsh tak alpayu, 33 se 64 varsha tak madhyamayu tatha 65 se 100 varsh tak dirghayu mani jati hai. sau varsh se adhik ki ayu ko uttamayu bhi kah sakte hain.2 maharshi parashar ka mat hai ki bis varsha tak ayu vichar nahin karna chahie3 kyonki is samay men kuch balak pita ke, kuch balak mata ke aur kuch apne anuchit karmon ke prabhavavash mar jate hain.4 apne anuchit karmon ka vichar karne ke lie arisht yogon ka pratipadan kiya gaya hai. yadyapi mata-pita ke anuchit karmon ka vichar bhi arisht yogon dvara kiya ja sakta hai kintu yah vichar bahudha anumanik hota hai, purn pramanik nahin. atah bis varsh ki umra tak ayu ka vichar nahin karna chahie. bis varsh ki ayu ho jane ke bad ayu ka vichar kiya jata hai jo is prakar hai- sarvapratham alpayu, madhyayu ya dirghayu yogon ke dvara jatak ki ayu alp, madhya ya dirgh hogi, yah nirdharit kar lena chahie. alpayu yog hone par 21 varsh se 32 varsh ki ayu ke kalkhand men, madhyamayu yog hone par 33 varsh se 64 varsh ke kalkhand men aur dirghayu yog hone par 65 se 100 varsh ki ayu ke kalkhand men kabhi bhi mrityu ho sakti hai. in kalkhandon men jatak ki mrityu kab aur kis marak grah ki dasha men hogi? iska nirnay is prakar kiya jata hai. yogon ke dvara nirnit mrityu ke kalkhand men yadi 1. dvitiyesh 2. saptamesh 3. dvitiya sthan men sthit papi 4. saptama sthan men sthit papi 5. dvitiyesh se yukt papi ya 6. saptamesh se yukta papi grah ki dasha ati ho to uski dasha men aur ukt grahon men se prathmikta kram se ane vale grah ki antardasha men manushya ki mrityu hoti hai.5 yadi nirnit kalkhand men ukt grahon ki dasha n milti ho to (1) vyayesh (2) vyayesh se sanbandhit papi ya (3) vyayesh se sanbandhit shubh grah ki dasha men marak grah ki antardasha men manushyon ki mrityu hoti hai.6 yadi kadachit nirnit kalkhand men inki dasha bhi n milti ho to ashtamesh ya keval papi grah ki dasha men papagrahon se yut/drisht marak grah ki antardasha men manushya ki mrityu nirdharit ki jati hai.7 1. markesh nirnay ke mahatvapurna sutra markesh nirnay ke lie marak grahon ka prathmikta kram is prakar hota hai: 1. dvitiya sthan men sthit dvitiyesh. 2. saptam sthan men sthit saumya grah saptamesh. 3. saptam sthan men sthit krur grah saptamesh. 4. trishday ya ashtam men dvitiyesh. 5. dvadash men sthit dvitiyesh evan dvitiya men sthit dvadshesh. 6. trishday ya ashtam men sthit saptamesh. 7. dvitiya men sthit saptamesh ev saptam men sthit dvitiyesh. 8. dvitiya evan saptam ka svami grah. 9. saptam evan dvadash ka svami grah. 10. papi grahon se yut-drishta dvitiyesh. 11. papi grahon se yut-drisht saptamesh. 12. papi grahon se yut-drisht dvadshesh. 13. dvitiyesh se yut-drishta trishdayadhish ya ashtamesh. 14. saptamesh se yut-drishta trishdayadhish ya ashtamesh. 15. dvadshesh se yut-drishta trishdayadhish ya ashtamesh. 16. dvadshesh se sanbandhi shubh grah. 17. ashtamesh (yadi vah svarashi men lagn ya ashtam men sthit n ho). 18. shani (sadaiv) . 19. marak grah se yut-drisht rahu ya ketu. 20 . papi grahon se yut/drisht rahu ya ketu. 21. marak sthan men sthit rahu ya ketu. 22. trishday ya ashtam men sthit rahu ya ketu. 23. shashth, ashtam ya dvadash men svarashigat chandrama. 24. surya ke alava sabhi shashthesh. 25. trik sthan men sthit chandrama. 2. marak grahon ka paraspara sanbandh-vishesh mark 1. jaise kendresh evan trikonesh ka sanbandh vishesh shubh faldayak hota hai, vaise hi ukt marak grahon ka parasparik sanbandh vishesh rup se marak hota hai. yahan mark nirnay men drishti sanbandh, anyatr drishti sanbandh, yuti sanbandh evan sthan sanbandh uttarottar hras kram se mane jate hain arthat marak grahon men drishti sanbandh sarvottam tatha sthan sanbandh sabse kamjor sanbandh hota hai. 2. is vishay men smaraniya hai ki marak grah apsi sanbandh se balvan hokar prabal marak ho jate hain. yadi koi grah lagnesh, navmesh ya anya shubh prabhav se amarak ho to bhi vah mark grah ke sath sanbandh hone par prabl marak ban jata hai. 3. marak grah se sanbandh hone par pap sthan men sthit rahu evan ketu marak ho jate hain. 4. marak grahon se sanbandh hone par trishdayadhish ya ashtamesh prabl marak ho jata hai jabki mark grah yathavat rahta hai arthat usmen prablta nahin ati. 5. trishdayadhish ya ashtamesh surya evan chandrama papi hote hain. inka papi grah se sanbandh hone par ye marak nahin hote jabki papi grah marak ban jate hain. 6. kendresh ya trikonesh surya ya chandrama-shashthesh, ashtamesh evan vyayesh-in tinon men se do ke sath sanbandh hone par marak ho jate hain kintu prabal marak nahin hote. 7. trishdayadhish mangal ya shani ka marak grahon se sanbandh hone par ye prabal marak ban jate hain. is prakar ka shani prabltm marak hota hai. 3. rahu-ketu ka marakatva laghu parashri men vinshottari dasha ke adhar par fal (jivan ke ghatnakram) ka vichar kiya gaya hai kintu markesh nirnay ke prasang men rahu evan ketu ke bare men koi vichar ya vivechna nahin milti. kintu is granth men grahon ke shubhashubhatva ke niyamon ke sath-sath rahu-ketu ka shubhashubhatva nirdharit karne ke jo niyam batlaye gaye hain8 tatha brihatparashr hora shastra ke marak bhedadhyay men jis prakar rahu evan ketu ka marakatva pratipadit hai9 uske adhar par rahu evan ketu ka marakatva nirdharit kiya ja sakta hai yatha- 1. rahu ya ketu lagn, ashtam, vyay men ho. 2. rahu ya ketu marak grah ke sath ho ya usse saptam men ho. 3. vrishchik evan makar lagn men rahu-ketu marak hote hain. 4. rahu ya ketu trishday ya ashtam men ho aur marak se drisht ho. 5. rahu ya ketu trishday ya ashtam men saptamesh shukra ya guru ke sath ho. 6. rahu evan ketu marak sthan men sthit aur marak se drisht ho. 7. kendra ya trikon men sthit rahu ya ketu ka marak se sanbandh ho aur us par papi grah ki drishti ho. 8. vrish rashi ka rahu shukra ke sath ya drisht ho to vah papi hone par bhi nahin marta. 9. min rashi men rahu sadaiv arishtaprad hota hai. yadi vah dvitiya, shashth, saptam ya ashtam men ho to mark hota hai. 4. markesh ki dasha men mrityudayk antardasha: samanyatya markesh grah ka nishchay kar uski dasha men mrityu hoti hai- yah siddhant paksh hai aur markesh ki dasha men uske sanbandhi ya sadharmi papi grah ki bhukti men mrityu hoti hai- yah is shastra ka vishesh niyam hai kyonki markesh sanbandh hone par bhi shubh grah ki bhukti men nahin marta jabki sanbandh n hone par papi grah ki bhakti men mrityu deta hai.10 laghuparashri men grahon ke char sanbandh mane gaye hain- in sanbandhon men marak prasang men variyata kram is prakar hota hai- 1. drishti sanbandh 2. ekantar drishti sanbandh 3. yuti sanbandh evan 4. sthan sanbandh. jin do grahon men gun-dharm saman hon, ve sadharmi kahlate hain. is drishti se samasta marak grah paraspar ek-dusre ke sadharmi hote hain. fir bhi unmen vishesh sadharmita is prakar hoti hai: 1. dvitiyesh, saptamesh evan dvadshesh = paraspar sadharmi. 2. trishdayadhish evan ashtamesh = paraspara sadharmi. 3. shani, mangal, rahu evan ketu papi hone par = paraspar sadharmi. 5. budh evan shukra bahudha paraspar sadharmi. markesh grah apne sanbandhit sadharmi ki antardasha men nishchit rup se mrityu deta hai. yadi uska koi sanbandhit sadharmi grah n ho to vah apne sanbandhi ya sadharmi grah ki antardasha men mrityu deta hai. shani evan shukra ye donon tatha budh evan shukra ye donon paraspar sanbandhi hote hain. yadi ye marak ya papi hokar paraspara sanbandh karen to ek ki dasha men dusre ki antardasha ane par mrityu hoti hai. marak shani se sanbandhit chandrama yadi rahu se grasit ho to shani ki dasha evan rahu ki antardasha men mrityu hoti hai. yadi marak shani ke sath rahu sthit ho to shani ki dasha men rahu ki antardasha men mrityu hoti hai. marak shani apni dasha men apne sanbandhi ki antardasha men nahin marta apitu vah apne sadharmi shukra ki antardasha men marta hai. marak rahu apni dasha men ketu ke antr men nahin marta apitu apne sanbandhi papi grah ya mangal ya shani ki antardasha men marta hai. surya ashtamesh hone par marak nahin hota. sath hi vah shashthasth hone par bhi mark nahin hota kintu anya marak sthanon ka svami hone par ya ashtam evan dvadsh sthan men sthit hone par marak ho jata hai. isi prakar chandrama ashtamesh hone par markesh nahin hota kintu vah anya mark sthan ka svami hone par ya shashth, ashtama evan vyay sthan men papi grah ke sath sthit hone par mark ho jata hai. marak surya ya chandrama bahudha apni dasha men marak fal nahin dete.kintu anya mark grahon se sanbandh hone par unki dasha evan apni antardasha men mrityudayak hote hain. is vishay men maharshi parashar ka mat hai ki marak grahon, marak sthan men sthit papi grah, marak se yut, ashtamasth grah aur marak ke sanbandhi papi grah men se ek ki dasha aur dusre ki antardasha men mrityu hoti hai. is sutra ka bhali bhanti vichar kar mrityukal nishchit kiya ja sakta hai. sandarbha: 1. dekhie-parishisht sankhya 2. ‘‘trividhashchayusho yogaah svalpayurmadhyottamaah. dvatrinshadadh purvamalpayurmadhyamayustatah param.. chatushpashtayaah purastat tu tato dirghamudahnatam. utmayuah shatadudhrva gyatavyan dvijasattam.. ’’ -vrihatparashar horashastra a. 45 shlok- 10-11 3. tatraiv shlok. 12 4. tatraiv shlok 13-14 5. laghuparashri shlok 24-24 6. tatraiv shlok 25 7. tatraiv shlok 26 8. laghuparashri shlok 6-13 9. brihatparashar hora shastra a. 45 shlok 22-24 10. laghuparashri shlok 39