दीपावली पर विशेष

dipavli par vishesh  

Ank ke aur Lekh | Sambandhit Lekh | Views : 3187 |  
dipavli par vishesh dipavli ka parva pratyek varsh kartik mas ki amavasya ko hi manaya jata hai. amavasya ke din dipavli manane ka mahatva islie hai kyonki is din sabse adhik kali andhkarpurn ratri hoti hai tatha aisi sthiti men asuri shaktiyon ka prabhav kafi adhik barh jata hai. asuri shaktiyon ko roshni ya prakash sabse adhik apriya v kashtakari hota hai. atah asuri shaktiyon ko dur rakhne ke lie ghar-angan ko adhik se adhik prakashit rakhne ka prayas kiya jata hai. isilie adhik se adhik roshni vali atishbaji ka prayog bhi is din kiya jata hai. gharon men aisi jaghon par bhi dipak jalae jate hain jahan par varsh bhar kabhi dipak nahin jalae gae hote, jaise shauchalay ya snanagar ki naliyan adi taki daitya ya paishachik shakti kisi bhi marg se ghar men pravesh n kar sake. isilie kai tantrik is rat tantrik siddhiyon ko prapt karne ke lie vishesh rup se puja-archana tatha tantrik kriyaen bhi karte hain tatha bari-bari siddhiyon ko prapt karte hain. dusri vichardhara ke anusar, yah parva hamen agyanta rupi andhkar se gyan rupi prakash ki or le jata hai, islie ham dipavli par adhik se adhik prakash karte hain, taki hamare jivan men adhik se adhik gyan rupi jyoti jal sake. hindu dharm shastra ke anusar dipavli ka parva nirdhanata ko durakar sukh-samriddhi prapt karne ke lie manaya jata hai. islie is din riddhi-siddhidayak shri mahalakshmi ji ki puja bari hi nishtha v prem ke sath karte hain tatha lakshmi ji ko manane ya unko prasann karne ke lie vividh puja-archana, mantra jap, yantra puja adi karte hanai. puja men lakshmi ji ka priya pushp kamal ka upyog kafi mahatvapurn hai. is din jo vyakti shriyantra ki sthapna karke nimn mantra ka jap adhik se adhik karta hai, us vyakti ko varsh bhar sukh, samriddhi, aishvarya v dhan adi ki prapti bari hi sugmta se hoti hai. dhyan rahe is mantra ka jap kamalagatte ki mala par kiya jana avashyak hai. mantra- ¬ ain hrin shrin klin shrimhalakshmyai namah kisi parva vishesh par kie gae upay ka hi sanpurn labh mil pata hai, kyonki parva vishesh par grah ki rashmiyan adhik matra men prithvi par pahunchti hain jisse uska mahatva adhik ho jata hai. jaise rahu ke dosh nivaran ke lie surya ya chandra grahan ka kal, nagpanchmi tatha shivratri ka samay mahatvapurn hota hai, shani ke dosh nivaran ke lie shanaishchari amavasya ka vishesh mahatva hai, usi prakar dhan sanbandhi dosh ke nivaran ke lie panch parva dipavli ka vishesh mahatva hai. dhan-sanbandhi dosh men sabhi prakar ke dosh shamil ho jate hain, jaise dhan ka agaman vanchit matra men n hona, dhan ka agaman hai, parantu ghar men ekatra n rah pana, karj se mukti n ho pana, ruka hua dhan prapt n ho pana, dhan ka sadupyog n hokar vyarth men idhr-udhar, bimari ya mukaddame adi men kharch ho jana adi. dipavli ke din lakshmi evan samriddhi prapti hetu nimnalikhit vishesh upay kie jane chahie ya kie ja sakte hain. prachur matra men dhanagaman hetu -.dipavli se purva dhan trayodshi ke din lal vastra par dhatu se bane kuber evan lakshmi yantra ko pratishthit karke unki lal pushp, ashtagandh, anar, kamalagatta, kamal ke ful, sindur adi se puja karen. fir kamalagatte ki mala par kuber ke mantra ka jap karen tatha mala ko gale men dharan kar len. mantra - yakshay kuberay vaishravnay dhanyadhiptye, dhan dhanya samriddhin me dehi dapay svaha. dhan sangrah hetu dipavli ke din pratah kal snanadi karke man bhagvti ke shrisukt ka path karen. lakshmi ji ki pratima ko lal anar ke danon ka bhog lagaen aur arti karen. ghar ki uÿar disha ki or se prasthan karke bel ka chota per ghar men laen aur use lakshmi sukt parhte hue ghar ki uÿar disha men kisi gamle men lagaen. fir pratyek sayankal vahan shuddh deshi-ghi ka dipak jalaen. karj mukti hetu dakshinavarti ganesh ji ki upasna karen tatha ‘gajendra moksha’ namak stotra ka path karen. dakshinavarti ganesh ji ki murti ke sath ganpti yantra ko bhi sthapit karen. is yantra ki dahini or kuber yantra ko sthapit karna chahie. jap ke pashchat havan, tarpan, marjan adi karna avashyak mana gaya hai. vyapar men dhan vriddhi hetu shaligram ko shvet kamal evan lakshmi yantra ko lal kamal ke pushp par sthapit karke purush sukt, lakshmi sukt ko apas men sanputit kar path karen. mantra - kshutpipasamlan jyeshthamalakshmin nashyamyaham. abhutimsmriddhin ch sarvan nirnud me grihat. dipavli ke avasar par nimnalikhit samagri se puja karna vishesh labhkari hota hai aur kis samagri se kis chij ke lie puja ki jani chahie, vah is prakar hai- parad lakshmi ganesh - dipavli ke din parad lakshmi-ganesh yugal ki puja karne se sabhi vighna-badhaon ka nash hota hai. vyapar evan naukri men tarakki, parivar men sukh, shanti, samriddhi evan manglik karya hote hain. sfatik shriyantra yadi shriyantra sfatik ka ho to iska mahatva aur adhik barh jata hai. is yantra ki puja, sadhna karne se sadhak ki sabhi manokmanaen purn hoti hain. kamalagatte ki mala is mala par lakshmi yantra ka jap karne se sadhak ko shighra manovanchit saflta prapt hoti hai. dhan teras ya dipavli ke din is yantra ko lakshmi-ganesh ki puja ke uprant tijori men rakhne se navin ay ke srot bante hain aur dhan kosh bhara rahta hai. mahalakshmi yantra is yantra ki puja karne se lakshmi ki prapti hoti hai tatha dhan sthayi rup se chirkal tak bana rahta hai.
Kya aapko lekh pasand aaya? Subscribe

Kya aapko lekh pasand aaya? Subscribe


dipavli visheshank  October 2008

panch parva dipavli tyauhar ka pauranik evan vyavharik mahatva, dipavli pujan ke lie muhurt vishleshan, sukh samriddhi hetu lakshmi ji ki upasna vidhi, dipavli ki rat kiye jane vale mahatvapurn anushthan evan puja, dipavli par vishesh rup se pujya yantra evan unka mahatva

Subscribe

Apne vichar vyakt karein

blog comments powered by Disqus
.