दशाफल में अपवाद के अन्य नियम

dashafal men apvad ke anya niyam  

Ank ke aur Lekh | Sambandhit Lekh | Views : 513 |  
pichle lekh men batlaya gaya hai ki papi, marak evan purak grah nirankush hote hain. inki nirankushta ko niyamanukul banane ke lie apvad niyamon ka laghuparashri men pratipadn kiya gaya hai. kyonki shastra paraspara virodhi tatvon evan tathyon ko samanvay ke sutra se bandh kar anushasit karta hai. atah pratyek niyam, vad evan siddhant ka apvad bhi hota hai. is vishay men laghuparashrikar ka mantavya hai ki marak grah apni dasha men apne sanbandhi shubh grah ki antardasha men mrityu nahin deta kintu apne asanbandhi papagrah ki antardasha men mrityu deta hai. is vishay men shlok shatkkar ka mat bhi yahi hai. keval ek bat vishesh hai ki unke matanusar marak grah ki dasha men sanbandhi pap grah ki bhukti men nishchit rup se mrityu hoti hai. maharshi parashar ka bhi yahi mat hai. laghuparashri ki shlok sankhya 30 men batlaya gaya hai ki dashadhish apne sanbandhi grah ki antardasha men apna svabhavik fal deta hai. yahan mark grah evan uske fal ka nirupan karte hue granthkar ne ek apvad-niyam batlaya hai ki marak grah apni dasha men sanbandh n hone par bhi pap grah ki anrtadasha men mrityu deta hai. islie yah kaha ja sakta hai ki mark-fal nirupit karne ke lie yah niyam shlok sankhya 30 ka apvad hai. dashafal ke prasang men ‘sanbandhi’ evan ‘sadharmi’ in donon ka vichar evan mann ganbhirtapurvak karna chahie. yahan marak grah ki dasha men sanbandhi shubh grah ki antarsha men mrityu n hona apvad niyam hai. kyonki yahan sanbandh hone par bhi mrityu, jo ki marak grah ka svabhavik fal hai, ka n milna apvad hai. yahan ek aur bat dhyanavya hai ki sanbandh hone par shubh grah ki bhukti men mrityu ka nishedh kiya gaya hai, jo yogkarak ki bhukti men mrityu nahin ho sakti. shubh grah se yogkark ke adhik shubhfldayak hone ke karn aur jab sanbandhi shubh ya yogkark ki bhukti men mrityu ka nishedh kiya gaya hai tab asanbandhi shubh ya yogkark ki bhukti men mrityu ka prashn hi paida nahin hota. yadyapi marak evan pap grah purvarupen sadharmi nahin hote, kintu unmen ‘ashubhta’ namak ek dharm saman rup se paya jata hai. islie sanbandh n hone par bhi marak grah apni dasha men pap grah ki bhukti men marak fal deta hai. yahan yah bat dhyan rakhne yogya hai ki yadi marak grah ka pap grah se sanbandh ho, to aise papagrah ki bhukti men nishchit rup se mrityu hoti hai. nishkarsha: is vishay men laghuparashri ki shlok sankhya 39 ka ganbhirtapurvak vichar karne par nishkarsh is prakar niklta hai. marak grah ki mahadsha men- û sanbandhi shubh grah ki antardasha men mrityu nahin hoti. û asanbandhi shubh grah ki antardasha men mrityu ki sanbhavna bhi nahin hoti. û sanbandhi yogkarak grah ki antardasha men bhi mrityu nahin ho sakti. û sanbandhi yogkarak grah ki antardasha men bhi mrityu ka prashn hi paida nahin hota. û asanbandhi pap grah ki antardasha men mrityu hoti hai. û sanbandhit pap grah ki antardasha men nishchit rup se mrityu hoti hai. û sanbandhi ya asanbandhi sam grah ki bhukti paristhiti ke anusar mrityu sanbhv hai. û sanbandhit ya asanbandhit marak grah ki dasha men mrityu avashya hoti hai- donon ke sadharmi hone ke karan. vastutah marak ki dasha men shubh grah ki antardasha, chahe vah sanbandhi ho ya asanbandhi, men mrityu nahin hoti. yogkark grah shubh grah se bhi shubhatar hota hai. atah uski antardasha men bhi mrityu ka prashn nahin uthta- chahe vah sanbandhi ya asanbandhi kaisa bhi ho. shubh grah evan yogkarak kabhi-kabhi anisht kar sakte hain. kintu jivan ya mrityu karna shubh ya yogkarak ke dharm ke viruddha hai. kintu pap grah evan marak grah men anshik rup se ashubhta ki samanta hone ke karan tatha marak grah ke sadharmi hone ke karan pap grah ya marak grah ki antardasha men mrityu hoti hai. yadi pap ya marak grah asanbandhi ho tab bhi aur yadi sanbandhi ho, to nishchit rup se mrityu hoti hai. dashafal men shani evan shukra ki visheshta: shukra evan shani ki abhinna mitrata ko dhyan men rakhte hue laghuparashrikar ka mat hai ki shani ki dasha men jab shukra ki antardasha ati hai, tab vah vishesh rup se apna fal n dekar shani ka hi shubh ya ashubh fal deta hai. isi prakar shukra ki dasha men jab shani ki antardasha ati hai tab vah apna fal n dekr shukra ka hi shubhashubh fal deta hai. sushlok shatkkar ka bhi yahi mat hai. jaise pap evan marak grah nirankush hote hain vaise hi abhinn mitra ya purak grah bhi nirankush hote hain. atah ve dashafl ke niyamon ka ullanghan karte hain. anuchched 53 men batlaya gaya hai ki grah apna svabhavik fal apne sanbandhi ya sadharmi grah ki antardasha men deta hai. kintu shani evan shukra ki naisargik mitrata, abhinnata evan purkta ko dhyan men rakhte hue granthkar ne in donon ko sanbandhi ya sadharmi hone ki shart se muktakar yah apvad niyam batlaya hai ki shani evan shukra ek dusre ki dasha aur apni bhukti men ek-dusre ka shubh ya ashubh fal dete hain. vastutah shani evan shukra naisargik ya abhinn mitra hi nahin apitu ek-dusre ke purak bhi hain. yahan purak ka arth hai ek dusre ko samagra ya paripurn banane vala. jaise stri evan purush ek dusre ke purak hote hain, kyonki ve ek-dusre ko tan, man evan dhan se paripurnata dete hain. islie vyakti ka vyaktitva vivah ke bad hi paripurnata ki or agrasar hai. shani evan shukra ki is purkta ka sakshya hai shukra ke lagnon men shani ka tatha shani ke lagnon men shukra ka yogkarak hona. grahon ki shubhta ke vikas ki prakriya men doshyukta-trikonesh se trikonesh aur usse svayan yogkarak uÿaroÿar bali hote hain. svayan yogkarak grah kendra evan trikon donon ka ek matra svami hone ke karan yogkarak aur yogkarak hone se ati shubh ho jata hai. shani shukra ko aur shukra shani ko apne lagnon men yogkarak banata hai. atah ye donon ek-dusre ke purk mane jate hain. jaise vrish lagn men shani navmesh evan dashmesh tatha tula lagn men chaturthesh evan panchmesh hone ke karan yogkark hota hai, usi prakar makar lagn men shukra panchmesh evan dashmesh tatha kunbh lagn men chaturthesh evan navmesh hone ke karan yogkarak hota hai. shani evan shukra men keval naisargik mitrata hi nahin hai. ve ek dusre ko apne lagnon men purn shubhta dete hain. yah unki ek-dusre ke lie purk-pravriÿia hai. ise dhyan men rakhakar acharya ne inhen sanbandhi ya sadharmi hone ki shart se mukt karne ke lie yah apvad niyam batlaya hai. rajyog: laghuparashri ke ant men shlok sankhya 41 evan 42 men do-do arthat kul milakar char rajyogon ka pratipadan is prakar kiya gaya hai. dashmesh evan lagnesh ek dusre ke sthan men hon, to do rajyog hote hain aur in rajyogon men utpann vyakti vikhyat evan vijyi hota hai. isi prakar navmesh evan lagnesh ek dusre ke sthan men hon, to do rajyog hote hain aur in rajyogon men utpann vyakti vikhyat evan vijyi hota hai. laghuparashri ki hindi tikaon men shlok sankhya 42 men ‘‘dharmakarmadhinetarau’’ tatha ‘‘dharmalagnadhinetarau’- ye do path milte hain. yadi pratham path ‘‘dharmakarmadhinetarau’’ man liya jae to iska arth hoga ki navmesh evan dashmesh ek-dusre ke sthan men hon, to rajyog hota hai. kintu yah bat laghuparashri ki shlok sankhya 14-16 men batlayi ja chuki hai. atah dvitiya path ‘‘dharmalagnadhinetarau’’ manna uchit rahega. vastutah brihdparashar horashastra men lagna ko kendra evan trikon sthan svikar kar vishesh shubh mana gaya hai. atah lagnesh ka balvan kendresh-dashmesh tatha balvan trikonesh-navmesh ke sath sanbandh ke anusar rajyogon ka pratipadan yahan kiya gaya hai. hindi tikakaron ne prayah mante hain ki lagnesh dasham men aur dashmesh lagn men tatha lagnesh navam men aur navmesh lagna men ho, to rajyog hota hai. kintu mul shlok men ‘‘rajyogau-iti proktam’’ is pad men dvivachan ka prayog hai. atah pratyek shlok men do-do rajyog hone chahie. yah tabhi sanbhav hai jab ‘‘anyonyashraysansthitau’’ ka artha-ek dusre ke sthan men sath-sath sthit mana jae. tab in shlokon ka is prakar arth hoga. yadi dashmesh evan lagnesh sath-sath lagn ya dasham sthan men sthit hon, to do rajyog hote hain. isi prakar yadi navmesh evan lagnesh sath-sath navm ya lagn sthan men sthit hon, to do rajyog hote hain. in charon yogon men utpann vyakti suvikhyat evan vijyi raja hota hai. kuch logon ka kahna hai ki lagnesh evan dashmesh donon kendresh hote hain. atah unke anyonyashray sanbandh se rajyog nahin ban sakta. is vishay men yah bat dhyan rakhne yogya hai ki maharshi parashar ne apne horashastra mane lagna ko kendra env trikon donon mante hue vishesh shubh faldayak mana hai. laghuparashri ke paravarti uski paranpra men pranit granthon men bhi ye yog yathavt milte hain. atah is bat ko hanin mana ja sakta ki lagnesh evan dashmesh ke anyonyashray sanbandh se rajyog nahin ban sakta, kyonki lagnesh ko kendradhipatya dosh n hona, parashri hora men lagn ko kanedra evan trikon donon prakar ka bhav manna adi aise tathya hain jo is yog ko sudrirh adhar pradan karte hain. laghuparashri ke marathi tikakar shri raghunath shastri patavardhan, shri h. nekatve tatha shri vi. go. navathe aur gujrati tikakar shri uÿam ram mayaram thakkar evan shri tuljashankr dhiraj ram pandya ne shlok 41 evan 42 ko prakshipt mana hai. in tikakaron ka kahna hai ki in shlokon ka pratipadya rajyog hai. yadi ye donon yog laghuparashrikar ke hote, to inka ullekh yogadhyay men hota na ki mishrafladhyay men. dusri bat yah hai ki in donon shlokon men aisi koi nai bat nahin batlayi gayi hai jo pahle yogadhyay men n kahi ja chuki ho. ukt pahle batlayi gayi baton ki punrukti ke lie laghuparashrikar granth ki samapti ke may pishtapeshan ke lie in shlokon men likh nahin sakte. atah lagta hai ki ukt donon shlok prakshipt hain. yadyapi marathi evan gujrati tikakaron ka kathan yuktisangat hai, kintu is vishay men kuch tathya aise hain jo in shlokon ko laghuparashri ka mul path siddh karte hain. ye tathya is prakar hain. û hindi, sanskrit evan bangla ki sabhi tikaon men in shlokon ka milna. û jatak chandrika ke madras sanskarana men in shlokon ka hona. û laghuparashri ki paranpra men virchit sushlok shatak men in yogon ka yathavt hona. is vishay men sajjanaranjinikar ne apni tika men ek prachin vachan uddhrit kiya hai- ‘‘dharmakarmeshsanbandho lagneshenathta bhavet. kevlan va tayorvapi rajyoga'ymiritah..’’ arthat navmesh evan dashmesh men sanbandh ho ya navmesh athva dashmesh ka lagnesh se sanbandh ho athva navmesh, dashmesh evan lagnesh men se kinhin do ka sanbandh ho to yah rajyog kahlata hai. is prakar prachin vachnon men in yogon ka milna tatha hindi, sanskrit evan bangla ke sabhi tikakaron ka inhen mulpath manakar apni-apni tika karna tatha paravarti sushlok shatak men bhi in yogon ka jyon ka tyon milna adi is bat ko siddh karte hain ki ye shlok laghuparashri ke mul path hain, prakshipt nahin hain. ‘‘satyapi sven sanbandhe n hanti shubhbhuktishu. hanti satyapyasambandhe markah papbhuktishu.’’ -laghuparashri shlok 39 ‘‘marakasya dashayan tu shubhsanbandhino bhavet. antardasha tada naiv mrityuah parashran matam.. asanbandhikhalasyantardasheh maranaprada. sanbandhinah punah kin syaditi nishchayamiritam..’’ -sushlokashatak dashadhyay shlok 27-28 ‘‘parasparadashayan svabhuktatau suryajbhargavau. vyatyayen visheshen pradishetan shubhashubham..’’ -laghuparashri shlok 40 ‘‘shukramadhye gato mandah shaukran shukro'pi mandagah. mandan shubhashubhan datte visheshen n sanshyah.. -sushlok shatak dashadhyay shlok 29 ‘‘karmalagnadhinetaravanyonyashraysansthitau. rajyogaviti proktan vikhyato vijyi bhavet.. dharmalagnadhinaravanyonyashraysansthitau. rajyogaviti proktan vikhyato vijyi bhavet..’’ -laghuparashri shlok 41-42 ‘‘lagnan kendratrikonatvad visheshen shubhapradam’’ -yogkarkadhyay shlok 3 ‘‘janm lagneshvarah kheto dashme dashmeshvarah. lagne vikhyat kirtiah syadvijyi ch dharadhipah..’’ -sushlokshtm-rajyogadhyay-shlok 14
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  December 2006

shri lakshmi narayan vrat nutan grih pravesh muhurt vichar dilli men siling : vastu evan jyotishiya vishleshan bhavan nirman purva avashyak hai bhumi parikshn

Subscribe

Apne vichar vyakt karein

blog comments powered by Disqus
.