विवादित वास्तु

vivadit vastu  

Ank ke aur Lekh | Sambandhit Lekh | Views : 3297 |  
vibhinn dishaon (athon dishaon) men borvel hone ke achche ya bure kya-kya prabhav ho sakte hain? yadi apke anusar us sthan par borvel ka hona nuksandayak hai to uske dosh ko thik karne ke lie kya-kya upay kiya jana chahie? uttara: ‘‘borvel’’ vibhinn makanon men paye jane vale mukhyatah 3 prakar ke tainks men se pahla prakar hai, jo bhumi ki satah ke niche sthit hota hai. inhen ‘‘andaragraund (bhumigat tanki) tainks bhi kahte hain. borvel ke paryay- boring, kuan, tarntal, tayubvel, nal, jalashay, talab, gaddha, haindpanp, kund, hauj athva anya bhumigat jalasrot/sangrahan hain. vibhinn dishaon men borvel hone ke prabhav 1. purvi ishan dishan men labhkari hota hai. isse dhanvriddhi (arthik labh), santan (vansh) vriddhi tatha uttam vidya ya uchch shiksha ki prapti hoti hai. isse santulit jivan shaili ka bhi nirman hota hai. aishvarya men vriddhi, grihasvami ko labh v shubhatva deta hai. vaibhav v yash-kirti, samaj men pratishtha men vriddhi hoti hai adi. 2. uttari ishan disha men sukhdayak hota hai. dhanvriddhi deta hai. santan sundar v nirogi rahti hai. rogapratirodhak kshamata bhi achchi rahti hai. buddhi sthir rahti hai. lekin viprit paristhitiyon men kabhi-kabhar char (chanchl) bhi hoti hai. arthik khushhali deta hai adi. 3. ishan (uttara-purva) men iska hona atyant shubh hota hai. grihasvami ke liye har kshetra men dhanatmakata dene vala hota hai. isse chahunmukhi vikas hota hai. dhan-dhanya men vriddhi hoti hai tatha svasthya bhi uttam rahta hai. putra vriddhi sukh deta hai. jivan men sukh-shanti v samriddhi deta hai. ghar ya karyasthan men suvyavastha bani rahti hai tatha sabhi karya sucharu rup se chalte hain. aishvarya men vriddhi hoti hai adi. ek bat par vishesh rup se savdhani bartni chahie ki uprokt jal srot ka nirman kon sutra ya vikarn rekha par nahin hona chahiye. yah vah rekha ya sutra hota hai, jo vastu purush ke mastishk, jo ishan men rahta hai ko rnaitya men sthir vastu purush ke pairon se jodti hai. isse ishan se rnaitya ki or bahne vali sakaratmak urja men badha utpann hogi, jisse sare sukhon se vanchit rahna padega. satah ki dhalan bhi ishan men hi honi chahie jisse varsha jal (shuddha) ki nikasi bhi makan ke isi bhag se ho. atah bhumigat jal sroton ke liye ishan, purva v uttar disha shubh rahti hai. sakaratmak parinam milte hain. 4. agney men iske hone par ashubhatva vale fal milte hain. bachchon men putra kasht pate hain. iske alava dhan ki hani, striyon ko bhi dukh, bachchon ko bhay, taklif v jhagde adi hote hain. sharir men kanti ka abhav, dipreshan, snayvik durbalata, yaun rog, vansh badha, santan se vivad v unke karan mansik ashanti, sharir men dihaidreshan adi hote hain. asvasthata, bimari hoti hai grih svami ko dukh, bhay v putra vinash ke karan kasht milta hai. karj men vriddhi, kalah, pratishtha men kami tatha striyon ko purushon ki tulna men adhik kasht milta hai. iske alava avanchit kharch bhi hote hain. yah sirf hotal men ho to grahkon ki kami ho jati hai. durghatana v dakaiti bhi hoti hai. 5. dakshin men iske hone par shatru v nari jati ki pida hoti hai. bimari hoti hai. grih svami ki patni ka vinash, arthik v santan hani, bhumi ka nash, adbhut rogon se pidit hona padta hai. iske alava parivar men galtfhmi, apsi matbhed, kalah, klesh durghatana adi bhi hote hain. 6. rnaitya disha men iske hone se grihasvami ke liye ashubh, kashtakarak v asamyik mrityu, dhan ki hani, striyon v purushon men apsi kalah, mrityu tulya kasht, jal se utpann hone vale rogon se pidit hona, santan se tivra matbhed parivar men klesh, vyakti ke prabhav men kami, parivarik sadasya anek rogon se grasit hote hain. is disha men bhumigat jal srot ka hona sabse bada vastudosh mana jata hai. atah vishesh savdhan rahen. 7. pashchim disha men iske hone se arth, dhan, sanpatti labh hota hai. bimariyon men thayraid se sanbandhit rog hote hain. man men vikar bhi a jate hain. dhan ka kharch bhi barabar hota hai. 8. vayavya disha men iske hone se mansik tanav rahta hai. arthik hani v shatru pida bhi rahti hai. nirbharata bhi ati hai, parivar men klesh bhi rahta hai. stri ka nash bhi karvata hai. uprokt fal pashchimi vayavya ke hain. 9. uttar vayavya men iske hone se shatruta, chori, dhan ke karan jhagde adi hote hain. 10. uttar disha men iske hone par sabhi prakar ke sukh prapt hote hain. dhan vriddhi hoti hai svasthata rahti hai. 11. brahm arthat- madhya sthan men iske hone par parivar men vighatan, dhan nash, vyakti shighra nirnay karne men asaksham, pratishtha men kami tatha anek prakar ke kasht v ashubhta milti hai. iske alava bhagya badha shuru ho jati hai. jivan men uthl-puthal, rin, nirdhanata, ajivika ka nash, chalakapat, mukdma, dhokha, khun-kharaba, bhagvan ka naraj ho jana adi aranbh ho jate hain. upay 1. bhavan ke jis kshetra men vastu dosh ho vahan ‘‘piramid’’ ko uchit tarike se sthapit kar vastu dosh dur kar sakte hain. piramid tanbe ke shreshth rahte hain. 2. makan ke mukh dvar par 9 g 9 angul lanba v chaida sindur se svastik chihn banayen. 3. ghar men lagatar 9 din tak akhand kirtan karvana shubh rahta hai. 4. ghar men akhand shri ramchritmanas ka path niyamit2 karen. 5. jahan tak sanbhav ho sake pani se sanbandhit srot jaise- fishaekveriyam, fish pat, faunten, jalaprapat, jharna tasvir,jal adi ishan, uttar men hi lagaven, isse vastudosh men kami ati hai. 6. ghar men parde par nile rang (halka) ke sheds hon. 7. is kshetra men apne kariyar se sanbandhit vastuen jaise- shikshak ko pustak kapi, pen adi, sangitkar ka vadya yantra adi rakhna bhi vastu dosh men kami lata hai. 8. uttari kshetra men ‘‘mani plant’ rakhna/lgana shubh rahta hai. 9. is kshetra men dhatu ke kachue v murti bhi rakhna shubh rahta hai. 10. unchi udan bharte pakshi ki tasvir bhi shubh rahti hai. 11. vibhinn tankon par purn eyar tait dhakkan lage hone chahie. aisa karne par rinatmak disha men hone par unke rinatmak prabhav men kami ati hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidya visheshank  June 2013

fyuchar samachar patrika ke paravidya visheshank men shani jayanti, vivah, vivah men vilanb ke karan v nivaran, kundli men panchmhapurush yog evan ratn chayan, tabadla ek jyotishiya vishleshan, shukra ki dasha ka fal, shani chandra ka vish yog, ungli aur ungliyon ke duri ka fal, dakshinavarti shankh, brihaspati ka priya kesar, dah sanskar-antim sanskar, parvej musharraf ke sitare gardish men, chand ne duboya taitenik ko, ank jyotish ke rahasya, vibhinn bhavon men mangal ka fal, svargiya jagdanba prasad ki jivan katha, mahotkat vinayak ki pauranik katha ke atirikt, kal sarp dosh se mukti ke lie lal kitab ke achuk upay, vastu prashnottari, yantra samiksha/mantra gyan, helth kaipsul, prakritik urja santulan, vivadit vastu, vishisht mahatva hai kashi ke kal bhairav ka tatha hastarekha dvara janmakundli nirman ki vidhiyon par vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.