कब्ज: सभी रोगों का कारण

kabja: sabhi rogon ka karn  

Views : 2707 | November 2016

ayurvedik drishtikon: kabj ka tatparya mal tyag se hai aur mal tyag mal ki pravritti par nirbhar karta hai. yadi mal atyant shushk, kathor aur kathinai ke sath kam matra men aye, pet ka nichla bhag sakht aur bhari pratit ho, pet men dhima-dhima dard rahne lage, mal tyag ke lie bar-bar kisi virechak aushdhi ka sahara lena pare, mal ganthon ke rup men aye tatha guda dvar se gais tak niklne men kathinai mahsus ho, to ise ‘kabja’ rog ka lakshan manna chahie. kabj grast rogiyon ka malashay mal se thasathas bhara rahta hai. mal sanchay se malashay men sujan a jati hai. shastron men kabj byakhya: ayurved shastra men is rog ko ‘vrihdanj pravah’ kahte hain.


get detailed kundli predictions with brihat kundli phal


is rog men mal visarjan to hota hai, par vah sanchit mal ke niche ek patli rah banakar bahar ata hai. sanchit mal vaisa ka vaisa hi rahta hai. sanchit mal rakt shuddhi men badhak banta hai aur kire paida karta hai. charak sanhita men ullekh hai ki mal sanchay se kshudha nash aur kusvad hota hai. isse mithi aur bhari chijen der se pachti hain. bhojan ke bad chati pet men jalan, bhojan ke pachne ka anubhav n hona, pairon men sujan, nirantar sharirik shithilta paida hoti hai. parishram se sans ful jati hai tatha pet men mal ka sanchay hota rahta hai. pet ka barhna, pet ke as-pas ke hisson men dard utpann hona, halka aur alp matra men bhojan karne ke bad bhi pet ka tan jana, nason men ubhar adi anek vyadhiyan janm leti hain arthat sabhi rogon ka karan kupit mal ‘kabja’ hai. kabj ka upchar: kabj ka sabse uttam upchar parhej hai. svasthya sanbandhi niyamon men ahar-vichar-vikar ko pramukhta di gayi hai.

atah ahar se sanbandhit niyamon ka palan karna chahie. man ki utpatti ke lie is prakar ke ahar ki avashyakta hoti hai jismen reshe ki matra adhik ho, jaise hari sag sabjiyan, chilke sahit fal, chokar sahit anaj, mota chaval, chilke vali dalen ityadi. inke sath hi mal naram rakhne ke lie din bhar men paryapt matra men pani tatha anya taral padarthon ka sevan bhi karna chahie, kyonki mal ka adhikatar bhag pani hi hota hai, jo ise narm banae rakhta hai.

mal tyag ke lie bhartiya shauchalay adhik labhkari hai kyonki ismen pairon ke bal baithna parta hain jisse janghaon ka dabav pet par parta hai tatha mal tyag men sahayta milti hai. vyayam kabj ka achuk upay pet ki manspeshiyon ka vyayam bhi kabj ke lie bahut labhkari hai. pet ki halki malish, pashchimottasan, vajrasan, dhanurasan, halasan adi ka bhi abhyas karne se anton par vishesh prabhav parta hai jisse kabj dur ho jati hai. (yogasan kisi yogacharya ki dekh-rekh men karen anyatha hani ho sakti hai.

gharelu upayon se kabj mukti: tamatar, palak, patta gobhi, shalagam, muli, gajar, in sab ka salad ya sup banakar pien, bhojan ke pahle. - paka hua papita roj khaen, kabj men atyant labhkari hai. - rat ko munakka ya kishmish ya anjir pani men bhigo den. pratah uthakar unko khub masalakar pani milakar pi len. purane se purana kabj isse thik ho jata hai. (not: rog upchar ke lie kisi rog visheshagya se salah len aur sahi dava-daru kar rog men rahat payen. khud vaidya n banen). kabj ke jyotishiya yog kabj anton men basne vala rog hai, jo pet ke nichle bhag men hota hai. kal purush ki kundli men shashth bhav pet men sthit antane ka hai.

sabhi rog, jaise ki upar ullekh kiya gaya hai ki anton men mal ke rahne se utpann hote hain. islie shashth bhav ko rog bhav bhi kahte hain. iske sath saptam bhav malashay ka hai jahan par sara mal sanchit hokar visarjit hota hai. anton ke karak grah ketu aur shukra hain. kabj hone par jatak ki anton men rahne vale mal men shushkata a jati hai, jo surya aur chandra ke dushprabhav se hota hai. islie lagnesh, ketu, shukra, surya, shashth bhav, shashthesh aur saptam bhav tatha saptamesh ke dushprabhavon men rahne ke karan ‘kabja’ se jatak pirit rahta hai.

rog ka samay uparyukt grahon ki dashantardasha aur gochar par nirbhar karta hai. vibhinn lagnon men kabj rog

mesh lagna: lagnesh mangal se yukt saptam bhav men, shani se drisht shashthesh budh aur saptamesh shukra shashth bhav men ketu se drisht ya yukt ho, to jatak kabj ka rogi hota hai.


for immediate problem solving and queries, talk to astrologer now


vrish lagna: shashthesh aur lagnesh dvadash bhav men surya se ast ho, saptamesh mangal shashth bhav men ketu se yukt ya drisht ho, chandra guru se drisht ya yukt saptam bhav men ho, to guru ya mangal ki dashantardasha men kabj rog hota hai.

mithun lagna: lagnesh budh trik bhavon men surya se ast ho, mangl-chandra se yukt shashth bhav men, saptamesh guru shani se yukt ya drisht saptam bhav men drishti de, ketu shashth ya saptam bhav yukt ya drisht ho to kabj deta hai.

kark lagna: lagnesh surya se yukt pancham bhav men, budh shashth bhav men ketu se drisht ya yukt ho, guru saptam bhav men, saptamesh shani-shukra se drisht ya yukt lagn men ho to jatak ko kabj deta hai.

sinh lagna: lagn men shani-budh, dvadash bhav men surya, ketu shashth bhav men, shashthesh shani par mangal ki drishti ho, to jatak ko kabj se pareshani hoti hai.

kanya lagna: lagnesh tritiya bhav men surya se yukt mangal shashth bhav men, shashthesh shani ki lagn par drishti, ketu guru se yukt, saptam bhav men shukra dvitiya bhav men, ho to jatak ko kabj se pareshani hoti hai.

tula lagna: guru lagn men, lagnesh shukra, ketu se yukt saptam bhav men, saptamesh mangal shashth bhav men, surya pancham bhav men budh se yukt ho, to jatak ko kabj se pareshani rahti hai.

vrishchik lagna: lagnesh aur shashthesh mangal saptam bhav men, budh shashth bhav men, shukra pancham bhav men surya se ast ho, ketu ki drishti shashth, saptam ya lagn par ho, to jatak ko kabj hoti hai.

dhanu lagna: shashthesh ketu se yukt hokar lagnesh par drishti de, shani shashth bhav men, surya-budh saptam bhav men, budh ast n ho, to shukra ki dashantardasha men ‘kabja’ hoti hai.

makar lagna: lagnesh shani surya se ast ho, guru saptam bhav men, saptamesh shashth bhav men, shashthesh evan shukra ketu se drisht dvitiya bhav men ho, to jatak ko ‘kabja’ rahti hai.

kunbh lagna: lagnesh shani guru se yukt hokar saptam bhav men ho aur surya lagn men rahakar saptam bhav par drishti rakhe, budh ast ho, chandra ketu se yukt ya drisht shashth bhav men ho, to jatak kabj rogi hota hai.

min: surya budh saptam bhav men, lagnesh guru shani se yukt ya drisht shashth bhav men, ketu ki drishti shashth, saptam ya lagn par rahe to jatak ko kabj rahti hai. not: (rog uprokt grahon ki dashantardasha aur gochar grah sthiti par nirbhar karta hai.)


book online 9 day durga saptashati path with hawan


Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

vivah visheshank  November 2016

jyotishiya patrika fyuchar samachar ke is vivah visheshank men bahut achche vivah se sambandhit lekhon jaise vivah milan, prem vivah, vivah men badha v deri ka jyotishiya karan v nivaran, vivah ki tarikh ka nikalna, dasha aur vivah, ankshastra dvara vivah milan, vivah milan aur manglik dosh nivaran adi par paricharcha ki gai hai. anya mahatvapurn lekhon men amerika men ratrapti chunav, vatsaaip jyotish, bharat ke jaims baend ajit dobhal, osho ki kundali ka jyotishiya akalan, vastu men uttara-purva men ghara/plaet adi. iske atirik pratyek mah ka rashifal, vastu faelt, totke, vichar goshthi adi bhi patrika ka akarshan barha rahe hain.

Subscribe


.