rakt ka sanchar hone se jo dabav rakt koshikaon par parta hai vahi rakt chap kahlata hai. rakt sharir ke poshak ghatkon ko sukshm koshon tak pahunchata hai. kintu rakt ko vahan karne men hriday aur raktavahi sansthan mukhya bhumika nibhate hain. in donon ke alava ek aur ghatak hai raktachap. rakt ek nishchit dabav se bahta hai. hriday ka bayan bhag tej sankuchit hokar rakt ko mahadhmni men dhakelta hai aur rakt vahiniyon se hokar age gatiman hota hai. ise sankoch kalin rakt bhar kahte hain.
do sankuchan ke bich ka kal vishram athva shithilta kal kahlata hai. ismen sankuchan ke dauran age barha hua rakt jab dhamniyon ke rikt sthan men pravesh karta hai, tab dhamni ki divar aur rakt men sangharsh hota hai aur rakt ka dabav barh jata hai. atah hriday ke sankuchan ke bich dhamniyane men jo rakt bhar rahta hai use vishram kalin raktachap kahte hain. rakt aur raktakanon ke pariman jab uchit hon aur rakt vahiniyon men jab koi rukavat nahin ho tab tak raktachap apne svabhavik matra men rahta hai aur jab in parimanon men vikriti utpann hoti hai tab raktachap barhta hai.
raktachap men vriddhi do karnon se hoti hai- rakt ka apekshakrit garha hona tatha dhamni ki divaron men lachilepan ki kami. dhamniyan rabar ki tyub ki bhanti lachili hoti hain, jinmen utkon ki anek sathen payi jati hain. jab in uttakon mane thos dravya adhik matra men jama ho jata hai, tab dhamniyon ki divaron par rakt ka dabav barh jata hai. iske atirikt rakt apni samanya avastha se garha ho jata hai. is prakar dhamniyon ke lachilepan men kami aur rakt ke garhe hone se rakt chap barh jata hai. iske alava kisi anya ang ke vikar ke parin aamasvarup bhi raktachap barh sakta hai. barha hua raktachap ghate hue rakt chap se adhik hota hai. ayurved ke mul siddhanton ke anusar rakt vahan ki kriya vayu dvara sanpann hoti hai.
jab vayu barh jata hai ya uski gati duguni ho jati hai tab raktachap barh jata hai, jise uchch raktachap kahte hain. iske viprit jab vayu kam ho jati hai to nimn raktachap hota hai.
ayurvedik gharelu upchar: uchch raktachap ke lie
- pratidin subah harar ka panch gram churn pani se len.
- nim, giloy, gokhas aur anvla sam bhag men lekar churn bana, din men tin bar bhojan ke bad len.
- shankhpushpi ka taja ras din men tin bar pandrah din len.
- chailai ka sag khane se uchch raktachap men labh hota hai.
- sarpagandha, anvla, giloy, arjun vriksh ki chal, asgandh sam bhag lekar churn bana len aur subh-sham, pani ya dudh ke sath tin-tin gram len.
nimn raktachap ke lie:
-tulsi, kali mirch, laung aur ilaychi ki chay banakar pien.
- seb, papita, anjir tatha am ka adhik sevan karen.
- kale chane ko ubal kar uble pani men halka namak aur kali mirch milakar pien.
- dudh men gur milakar pien.
- khajur aur chuare ko dudh men ubalakar lene se labh hota hai.
- tel malish sharir men rakt chap ko samanya rakhti hai.
uchch aur nimn donon men tel malish labhkari hai. upchar se pahle rog ke karnon ko dur karna avashyak hai. sharir men jo prakritik veg, arthat mal-mutra ki sanvedna utpann hoti hai unhen roken nahin. hamesha halka-fulka aur supachya bhojan samay par len. shant svabhav, dhairya adi gunon ko apnaen. atm santosh ki prakriti ko barhava den. chinta, krodh, shok, nirasha, shighrata bhay adi se dur rahen. jyotishiya drishtikon jyotishiya drishti se kal purush ki kundli men chaturth, pancham, shashth bhav rakt sanvahan tantra ke karak hain.
chaturth bhav hriday, dhamniyan, pancham bhav yakrit, pachan, agnashay aur chatha bhav pet, bari ant, gurde ka netritva karte hain aur in bhavon ke karak kramshah chandra, guru aur mangal hain. surya hriday ki dhamniyon, chandra-guru dhamniyon men lachilapan aur mangal rakt men urja aur dabav ke karak hain. rakt ka sanchar, hriday aur dhamniyon se pure sharir men ek nishchit dabav se hota hai. islie chaturth, pancham, shashth bhav, lagn inke svami surya, chandra, guru mangal raktachap ko ghatane-barhane men vishesh bhumika nibhate hain.
rahu inke achche-bure prabhav ko gati pradan karta hai. islie in sabhi ki kundli men dushprabhavon men rahne ke karan aur inki dashantardasha men raktachap se jatak prabhavit hota hai.
vibhinn lagnon mane raktachap:
lagnesh mangal jal rashi men rahu-ketu se yukt ya drisht ho, surya shashth bhav men, budh pancham bhav men, chandra se yukt ho aur shani se drisht ho to jatak ko raktachap se pira hoti hai.
vrish lagna: lagnesh shukra ast ho kar shashth ya ashtam bhav men ho, guru chaturth ya pancham bhav men rahu-ketu se yukt ya drisht ho to jatak ko raktachap se pareshani ho sakti hai.
mithun lagna: guru chandra se yukt hokar chaturth ya pancham bhav men ho, lagn ast ho, mangal lagn men rahu ya ketu se drisht ya yukt ho to jatak ko raktachap se pareshani rahti hai.
kark lagna: lagn chandra budh se yukt hokar chaturth ya pancham bhav men ho, surya, shani se drisht ya yukt ho, mangal lagn men rahu-ketu se yukt ya drisht ho to jatak ko rakt chap ho sakta hai.
sinh lagna: surya shashth bhav men mangal se yukt ho, shani chaturth ya pancham bhav men rahu-ketu se yukt ya drisht ho, chandra jal rashi men rahe to jatak ko raktachap ho sakta hai.
kanya lagna: guru dasham bhav men, chandra chaturth bhav men, budh surya se ast hokar shashth, saptam ya ashtam bhav men ho, shani lagn men ho to jatak ko raktachap ho sakta hai.
tula lagna: shani lagn men, shukra chaturth ya pancham men surya se ast ho, guru ashtam ya dasham bhav men chandra se drisht ya yukt ho to jatak rakt chap se pirit hota hai.
vrishchik lagna: guru, chandra shashth ya ashtam bhav men ho, mangl-budh se yukt chaturth ya navam ya dasham bhav men ho, rahu ya ketu lagn men ho to jatak ko rakt chap jaisa rog hota hai.
dhanu lagna: shukra-shani se yukt ya drisht chaturth, pancham ya shashth bhav men ho, guru ashtam ya dvadash bhav men ho, surya chaturth ya pancham bhav men chandra se yukt ho to jatak ko raktachap rahta hai.
makar lagna: guru lagn, chaturth, pancham, shashth bhav men ho aur rahu-ketu se drisht ya yukt ho, shani vakri ho to jatak ko raktachap se pira hoti hai.
kunbh lagna: shani lagn men guru rahu se yukt ya drisht, pancham ya chaturth bhav men surya, chandra shashth bhav men ya ashtam bhav men ho to jatak ko rakt chap se sanbandhit rog hota hai.
min lagna: surya pancham bhav men, chandra-shukra se yukt evan shani se drisht chaturth bhav men, guru ashtam bhav men ho to mangal se yukt ya drisht ho to jatak ko rakt chap se pira hoti hai. uprokt sabhi yog chalit kundli par adharit hain. rog sanbandhit grahon ki dasha-antardasha evan gochar ke pratikul rahne se hota hai. uske uprant jatak ko rahat mil jati hai.