भैया दूज

bhaiya duj  

Ank ke aur Lekh | Sambandhit Lekh | Views : 2850 |  
bhaiya duj pan. brajkishor bharadvaj ‘brajvasi’ bhai-bahan ke prem ka pratik yam dvitiya (bhaiya duj) ka pavan vrat kartik mas ke shukla paksh ki dvitiya ko manaya jata hai. is din yamuna snan, yam pujan aur bahan ke ghar bhai ka bhojan tilkadi kritya vihit hain. is mangalamay divas men vrati bahnon ke lie pratah kal, snanadi se nivritt ho kar, akshata-pushpadi se nirmit asht dal kamal par ganeshadi ki sthapna kar ke, yam, yamuna, chitragupt tatha yam duton ka pujan kar, yamuna stavan evan nimn mantra se yamraj ki stuti karna shreyaskar haiah dharmaraj namastubhyan namaste yamunagraj. pahi man kinkraiah sardhan suryaputra namo'stu te.. nimn mantra se yamuna ji ki prarthana karenah yamasvasarnamaste'stu yamune lokpujite. varda bhav me nityan suryaputri namo'stute.. nimn mantra se chitragupt ki prarthana karenah masibhajnsanyuktan dhyayentan ch mahabalam. lekhinipattikahastan chitraguptan namamyaham.. iske bad, shankh, tamra patra, ya anjli men jal, pushp aur gandhakshat le kar, yamraj ke nimitt nimn mantra se aghrya den: ehyayehi martandaj pashahast yamantkalokdhramresh. bhratridvitiyakrit devpujan grihan chaghryan bhagavannamaste.. tatpashchat bahan bhai ko sundar evan shubh sukhasan par bitha kar uske hath-pair dhulae. gandhadi se uska pujan kar. mastak par tilak laga kar akshat lagave aur vibhinn prakar ke pey, lehya, choshya, shatras vyanjan paros kar, prem se abhinandan karte hue, susvadu bhojan grahan karne ko kahe evan apne kar kamlon se bhai ko bhojan karave. bhojnoprant, hath dho kar, bhai bahan ko, yathasamathrya, anna-vastra-abhushan dravyadi de kar, uska shubhashish prapt karen. is vrat se bhai ko ayushya labh hota hai evan bahan ko saubhagya sukh ki prapti hoti hai. bhartiya sanskriti men pita brahma ki, bhai indra ki, mata sakshat prithvi ki, atithi dharm ki, abhyagat agni ki, acharya ved ki murti, sabhi praniyon ko apni atma ki tatha bahan ko daya ki murti mana gaya hai. atah shubhashirvadpurvak bahan ke hath se bhojan karna ayuvardhak tatha arogyakarak hai. shuddh sneh-prem-anurag ke pratik is pavan vratotsav ko bare utsah aur ullas se manana chahie. katha: marichi nandan brahmarshi kashyap ki aditi nam vali patni se, vivasvan sahit, 12 putron ka janm hua. yahi barah aditya kahlaye. vivasvan (surya) ki patni mahabhagyavti sangya ke garbh se shraddhadev (vaivasvat) manu evan yam-yami ka jora paida hua. yahi yamraj evan yamuna nam se vikhyat hue. sangya ne hi, ghori ka rup dharan kar ke, bhagvan surya ke dvara, bhu lok men donon ashvini kumaron ko janm diya. vivasvan ki dusri patni chaya ke garbh se shanaishchar aur sarvin manu nam ke do putra tatha tapti nam ki kanya ka janm hua. idhar chaya ka yam tatha yamuna se vimata sa vyavhar hone laga. isse khinn ho kar yam ne ek nayi nagri yampuri basayi aur vahan papiyon ko dand dene ka karya sanpadit karne lage. tab yamuna bhi golok chali ayin, jo krishnavtar men krishn ki pran priya banin. yam-yami men atishay prem tha. parantu yamraj yam lok ki shasan vyavastha men itne vyast rahte ki apni bahan yamuna ji ke ghar hi n ja pate. ek bar yamuna ji yam se milne ayin. bahan ko aye dekh yamraj bahut prasann hue aur bole: bahan ! main tumse bahut prasann hun . tum mujhse jo bhi vardan mangna chaho, mang lo. yamuna ne kaha: bhaiya ! aj ke din jo mujhmen snan kare, use yam lok n jana pare. yamraj ne kaha: bahan ! aisa hi hoga. us din kartik (damodr) mas ki shukla paksh dvitiya thi. isi lie is tithi ko yamuna snan ka vishesh mahatva hai. kartik mas ke shukla paksh ki dvitiya ko yamuna ne apne ghar apne bhai ko, svagt-satkar sahit, bhojan karaya evan anandotsav manaya. yam lok men bhi bahn-bhai ke is milnotsav ka sabhi yam lokvasiyon ne harshollas manaya. isi lie yah tithi yam dvitiya tatha bhaiya duj ke nam se vikhyat hui. atah is din bhai ko, apne ghar bhojan n kar, bahan ke ghar ja kar, prempurvak, uske hath se bana hua susvadu bhojan karna chahie. isse bal, ayusya, pushtata adi ki vriddhi hoti hai. bhai ke mastak par tilak karna chahie. iske badle bhai bahan ko svarnalankar, vastra, ann, dravyadi se santusht kare. yadi apni sagi bahan n ho, to pita ke bhai ki kanya, mama ki putri, mausi, athva bua ki betiyan bhi bahan ke saman hain. inke hath ka bana bhojan karen. tilak lagvaen. jo bhai yam dvitiya ko bahan ke hath ka bhojan karta hai, yamuna ji men bahan ke sath snan karta hai, use, dhan, yash, ayushya evan aprimit sukh ke sath, dharma-artha-kam-moksh charon purusharthon ki siddhi prapt hoti hai.
Kya aapko lekh pasand aaya? Subscribe

Kya aapko lekh pasand aaya? Subscribe


vrat katha visheshank  November 2008

somvar se shanivar tak kiye jane vale vrat kathaen evan unka mahatva, vrat evan katha karne ki pujan vidhi evan disha nirdesh, ahoi ashtami, karva chauth, holi adi jaise varsh bhar men hone vale sabhi vishesh vrat kathaen aur unka mahatva, vrat evan kathaon ke karne se milne vale labh

Subscribe

Apne vichar vyakt karein

blog comments powered by Disqus
.