भागवत कथा

bhagavat katha  

Ank ke aur Lekh | Sambandhit Lekh | Views : 4123 |  
bhagvan narayan ne srishti ke praranbh men kinkatrtavyavimudh brahmaji ko karunavash bhagavat gyan pradip ka dan kiya tha. fir unhonne hi brahmaji ke rup men devarshi narad ko updesh kiya aur narad ji ke rup men bhagvan shrikrishnadvaipayan vyas ko. punah vyasrup se yogindra shukdev ji ko aur shri shukdveji ke rup men atyant karunavash rajarshi parikshit ko updesh kiya. un parmshuddh evan mayamal se rahit tatha shok aur mrityu se pare param satyasvarup parmeshvar ka ham sab dhyan karte hain. shrimadbhagavat shravan ke anantar brahmaji srishtikarya men lag gaye. devarshi narad bhakti-bhav se prachar-prasar men lage, vyasji ne samadhisth ho shrikrishn lilaon ka anusmaran kiya aur lok kalyan ke lie bhagavat ki rachna ki aur shri shukdev ko shravan karaya. shri shukdev ne maharaj parikshit ko tatha sutji ne shaunkadi ko is divya bhagavat tatva ka shravan karaya. shaunak ko shravnanand ka anubhav to bahut hua parantu shravan gaun hone ke karan yagya-fal ki samagrata hi prapt hui, moksh athva bhagavallila men pravesh n ho saka. parantu parikshit bina kisi vyavdhan ke tatkal shravnmatra se hi jivnmukt ho gae. isilie shrotaon men mukhya parikshit hi hain. mahatmya men unhen hi shravan se mukti ka sakshi kaha gaya hai. shravnnishtha bhi unhin ki prasiddh hai. yah shrimadbhagavat atyant gopniya rahasyatmak puran hai. yah bhagavatsvarup ka anubhav karane vala aur samast vedon ka sar hai. sansar men fanse hue jo log is ghor agyanandhakar se par jana chahte hain unke lie adhyatmik tatvon ko prakashit karane vala yah ek advitiya dipak hai. bhagavat kya hai? bhagavat vaishnavon ka param dhan, puranon ka tilak, param hanson ki sanhita, bhakti gyan-vairagya ka pravah (pyau), bhagvan shrikrishn ka anandamay svarup, premi bhakton ki lila sthali, shri radha-krishn ka advitiya nivas sthan, jagat ka adhar, lok-parlok ko sanvarne vala, jagat vyavhar v parmarth ka gyan karane vala, vedon upnishdon ka advitiya sar (ras), vyakti ko shanti tatha samaj ko kranti ka pratik tatha pancham ved hai. bhagavat - vishleshan 1. bha - bhashte sarva lokeshu- jo sanpurn lokon men prakashit hai ya sanpurn lok jiske prakash se prakashit hain. 2. g - giyate nardadibhiah - jiska gan narad ji jaise santon ke dvara nirantar kiya jata hai. 3. v - vartate sarvashastreshu - jo sabhi shastron men vidyaman hai. 4. t - tarniv tarnayet - jo sansararanya se par le jane men nauka rup hai. bhagavat mahapuran ka avlokan karen to isse purva shrimad shabd ka pavitra darshan hota hai jo shri yani radha ya shreshth ka pratik hai. mad ahankar ka dyotak hai. ahankar sabhi ke jivan men vidyaman hai. kisi ko rup ka ahankar, kisi ko dhan ka, kisi ko santan ka, kisi ko apne pad ka, kisi ko vyapar ka aur kisi ko apne sanbandhiyon ka adi-adi. parantu jiska ahankar bhagavat men hai, shri krishn men hai vahi sarvopri hai. shri radha ka ahankar shrikrishn men hai, shri lakshmi ji ka ahankar shri vishnu men hai yahi sarvashreshthata ka darshan hai. drishtant ek sant ka padarpan dhan-sanpatti aishvarya se sanpann lala ke ghar achanak hua. sant ke agaman se parivar ke sabhi sadasya anand ka anubhav karte hue svagat paranpraon se yukt ho santji ko apne-apne ahankar ka dikdarshan karane lage. grihasvamini unhen apne rasoighar ki vyavasthaon ka, vidyadhyayan men lin balak adhyayan kaksh ka, bahurani bedrum, beta karyalay, bitiya bag bagichon v sundar sarovar yani parivar ke anya sadasyon ne bhi vibhinna-vibhinn, apni-apni pasandida vastuon ka santji ke samaksh pradarshan kiya. parantu yah sabhi laukik jagat ke prati tha. sachcha ahankar to bas keval aur keval is grih ke svami malik lala ke jivan men hi tha, jisne santji ko ek sundar, divya anupam, rup saundarya se yukt bhavan (dev mandir) men pravesh karaya aur kaha bhagavan mera ahankar to nand yashoda ke dulare, vasudev-devki ke pran pyare, brajgopiyon ke ankh ke tare, shri radharani ke hridyeshvar-praneshvar, karodon-karodon kamdev ki chavi ko dhumil karne vale, koti-koti surya ki prabha se bhi prabhavan bhagvan shrikrishn murli manohar men hi hai. santji anandvibhor ho gae, lala ji ka manav jivan dhanya ho gaya. lala ka ahankar hi sarvotkrisht ahankar siddh ho gaya. atah bhagavat ji men pravesh karte hue premi bhakt apne-apne ahankar ko jagat ki vastuon se hatakar shrikrishn charnarvindon men samarpit karen. shrimad bhagavat mahatmya sachchidanandrupayvishvotpantyadihetve. tapatrayvinashay shrikrishnay vayan numah.. (mahatmya 1-1) mahatmya ke pratham shlok men parmatma ke svarup ka varnan karte hue namaskar ki adbhut vilakshanata hai. bhagvan sachchidanandasvarup hain. unke sadrup, chidrup aur anandrup tinon lakshanon men srishti-sthiti pralay ka samanvay hai. isi prakar sat-chit-anand in tinon ka srishti sthiti pralay men samanvay hai. sat- jo parmatma satya rup se sarvatra vidyaman hain. bhut-vatrtaman-bhavishya tatha jad chetan men jinki satya ya sat rup se satta hai. jiv svayan anubhav kare to gyan ho jayega - jyon til mahi tel hai jyon chakamak men ag. chitt jo gyan shakti se sanpann hain. unse pare koi gyan hi nahin hai. gyan ke agadh samudra hain prabhu. unke hi kinchit gyan se jiv-jagat men daektar, vakil, injiniyar, ekauntent, vyapari ban jate hain aur apne ahankar men nimagn ho tiraskarpurn drishti dharan kar lete hain. gyan ka mul uddeshya to usi marg men hai, jis marg ke dva ara ishvar ko prapt kiya ja sake. pashu-pakshiyon men bhi gyan hota hai. parantu unka gyan khane-pine tak hi simit hai. manav ka chit (gyan) vivekpurn hota hai. atah chit ko dhan arjit karne ka sadhan mat banana prabhu shrikrishn ki prapti ka sadhan bana lena hi shreyaskar hai. anand anand hi to parmatma ka tritiya divya svarup hai. anand ko har jiv prapt karna chahta hai, par vah prapt kar pata hai? bhagavat men anand hi anand hai kyonki shrikrishn purn anand svarup hain. santon ne do prakar ke anand batae- 1. sadhan janya anand jo sadhan se prapt ho vah sadhan janya anand kahlata hai. jaise kisi ko rasmlai khane men anand ata hai to kisi ko nahin. thik isi prakar sansar ki sabhi vastuon men alg-alag vyakti ke lie samy-samay par kam adhik anand prapt hota rahta hai. kisi ko bade jor ki bhukh lagi ho, use rasgulle khane ko die jayen to pahle rasgulle ki apeksha uttarottar anand ka hras hota chala jata hai aur ek samay purnata ki sthiti ko prapt ho vyakti rasgullon se moh tyag deta hai. kahne ka bhav yah hai ki har vastu men har samay har manav ko ek jaisa anand prapt nahin hota aur prapt hone vale anand men sthayitva bhi nahin hota hai. 2. svayan siddh anand yah anand bada hi vilakshan anand hai. is anand men vastu ka abhav hota hai to bhi anand prapt hota hai, viprit paristhitiyon men bhi anand prapt hota hai. shri shukdev baba ke pas kuch bhi nahin tha fir bhi anand men nimagn rahte the. ek sant viprit sthiti men kanton ki sej par bhi anand ka anubhav karta hai tatha sadhnon ke abhav men bhi nirantar anand prapt karta rahta hai. parantu paripurn anand to shrikrishn darshan se hi milti hai. prabhu milan ke upay kya hain? 1. yogmarg (karm marga) 2. gyan marg 3. bhakti marg. jismen karm marg ke dvara bhagvan se milan nahin ho sakta. kabhi nal men pani ka abhav rahega to kabhi bijli nahin ayegi to kabhi sharir asvasth ho jayega. pratyek karm men mantra nihit hai. mantrahin karm sarthak nahin hoga to bhagvan darshan nahin aur darshan nahin to milan nahin. gyan marg se bhi bhagavat darshan sahaj nahin kyonki gyani ko gyan ka ahankar ho jata hai, atah ahankar prabhu milan men badhak hai. bhakti marg hi aisa ek divya marg hai jis marg ke dvara prabhu se sahaj hi milan ho jata hai. bhakt dhruv, prahlad adi ke charitra anukrniya hain.
Kya aapko lekh pasand aaya? Subscribe

Kya aapko lekh pasand aaya? Subscribe


nav varsh visheshank  January 2014

fyuchar samachar patrika ke navavarsh visheshank men navavarsh ki bhavishyavaniyon men apki rashi tatha bharat v vishva ke arthik, rajnaitik v prakritik halat ke atirikt bharat ke lie vikram sanvat 2014 ka mediniya fal vichar, 2014 men sheyar bajar, sona, dalar, senseks v varsha adi shamil hain. iske sath hi kariyar men shreshthata ke jyotishiya mandand, apki rashi-apka khanpan, jyotish aur mahilaen, kuber ka aberbhav namak pauranik katha, mid laif kraisis, janvri mah ke vrat-tyauhar, bhagavat katha, karmakand ka arvibhav, vibhinn bhavon men shani ka fal tatha charm rog ke jyotishiya karnon par vistrit rup se jankari dene vale alekh sammilit hain.

Subscribe

Apne vichar vyakt karein

blog comments powered by Disqus
.