bhaktavatsala hai kalighat ki devi mahakali  

bhaktavatsala hain kalighat ki devi mahakali dae. rakesh kumar mishra adi-anadi kal se dharm sammat rahe bharatavarsh men shakti ki upasna vibhinn rupon men ki jati rahi hai. inmen shatru-vinashini, sanktharini mahakal ki adhishthatri shakti man ke upasya sthalon men kolkata ka kalighat sarvapramukh hain. apne laukik alaukik prabhav ke karan n sirf bangal varan pure janbudvip men is sthal ki ganna mahamaya kali ke jagrat pith ke rup men ki jati hai. prachin bhartiya dharmik sahitya, abhilekhon v navin evan arvachin bangla sahitya men man ke is sthal ki bhuri-bhuri prashansa ki gayi hai. tantra-churamni men jin 52 shaktipithon ka varnan kiya gaya hai, unmen kalika devi ka kram 51van hain. aise bangal men prachlit 51 shaktipithon men bisven kram men kalighat ki charcha ayi hai jo kolkata se 4 kimidaksh iani bhu-bhag par virajman hai. vivaran hai ki yahan sati ke dahine pair ki char anguliyan (kahin-kahin panchon) giri thi. yahin kalighat men devi, mahakali ke rup men nakulish bhairav ke sath pujit hain. vivaran hai ki mandir ki avasthiti ke purva ki or kali dand namak pokhra-kund pahle it v lohe ke reling se ghira tha. devi ki anguli patit hone ke uprant kalantar men bhakton dvara yahin devi mandir ki sthapna ki gayi. mahangri kolkata ke itihas se jure tathyon ke adhyayn-anushilan se spasht hota hai ki is pure kshetra ka nam man kali ke devalay ke karan hi kalighata para jo bad men kalakatta (kailkata) aur aj kolkata ke nam se jana jata hai. yah jankari ki bat hai ki sarasvati aur yamuna namak do nadiyan kalighat ke pas hi samudra men girti thi. is sangam ko triveni ka rup mana jata tha. kalantar men donon nadiyan sukh gai aur kalighat ki man ke kalitirth ka mahatva dino din barhta chala gaya. ek anya mat ke anusar gangaji ka prachin marg bhaugolik karan se badal kar is sthan par trikon dvip ban gaya. tab per-paudhe, jangli ghas v lanbe-lanbe baes se parivritt is sthan par dhivar, mallah, kol aur adivasi logon dvara svayan ke raksharth ek kali pith ki sthapna ki gayi. yahi aj kalighat ke nam se dur-dur tak prasiddh hai. yah kolkata ka sabse prachin pujn-sthan hai. abhilekhiya vivaran hai ki bangal ke sen vanshi raja bamlal sen ne kali sej ka dan tantrik brahman lakshmikant ko kar diya. tabhi se inke vansh ke parijan haldar brahman hi mandir ke pradhan pujari hote hain. vaise aj yahan bangal ke sath-sath bihar, urisa v jharkhand ke brahman bhi puja-path v bhakton ke darshanarth upalabdh raha karte hain aur yahan inki ek vari jamat hai. angrejon ke jamane men, 16vin aur 18vin shatabdi men bhi is mandir ki pratishtha prabhvishnu bani rahi. mi. vard namak angeraj lekhak likhte hain ki kolkata nagar ke sansthapak jaeb charnak ki bhartiya patni ke sath kitne hi angrej adhikariyon ki mahilaen kali mandir men manauti mangne ati thin. vivaran hai ki ist indiya kanpni ke afsron ne ek bar yahan panch hajar rupye ka dan mandir ko arpit kiya. aj bhi is mandir men charhne vala charhava ise desh ke beshkimti mandiron ki shreni men sthapit karta hai. bangal men khasakar kolkata men rahne vale n sirf hindu varan dusre dharma-jati ke log bhi man ke darbar se atut astha v adamya vishvas ke sath jure hain. pratyek varsh jyeshth mas ke shukla paksh men yahan snan-yatra ke samay aur shesh dinon men bhi mahamaya kali ka vidhivat abhishek hota hai. is mandir ka vartaman uddhar 1969 men kiya gaya tha. us samay birla parivar ki taraf se yahan toran dvar banvaya gaya. 90 fit unche is mandir ka shikhar bara hi chittakarshak v daivi sadhna ke anurup hai. mandir nirman ki bang shaili par adharit man ka yah mandir bara hi manohari v utkrisht minakari yukt hai jiske charo taraf lage iteliyan shvet v rangin patthar iski shobha ko dvigunit kar rahe hain. bataya jata hai mukhya mandir ke nasht hone ke bad yah mandir bana jiske upar shankvakar shikhar ka abhav hai. kaha jata hai ki is sthan ka vartaman udva ar mahayogi gorkhnath ne kiya hai. yahan ki mata kali ka vigrah prabhavotpadak hai jo harek bhakt ki abhishta-purti karta hai. kali ghat kshetra ke darshaniya sthalon men shri bhole bhandari (ekadash mahadev), nakulish (nakuleshvar) bhairav, lat mandir, mansa vriksh dev sthan, kali kund, radhakrishn mandir, kalighat ka mahashmashan (kevdatla), bhu kailash adi pramukh hain. yahan ka shmashan siddhikaran bataya jata hai. bhakton ke sahaytarth yahan ful-mala v pujn-samagri ki darjanon dukanen hain vaise yahan par pandon ka bhi chakkar hai jinse spasht vartalap karne ke bad hi darshan ka man banana upyukt rahta hai. mandir ke chaturdik vikas ke lie yahan kalighat tempal kameti (ke. ti. si.) aur shri shri kalimata thakurani kameti apne kartavya karm ka bakhubi nirvahan kar rahe hanai. vaise to yahan har din bhakton ke agaman se mela lag jata hai par pratyek manglvar-shanivar v kinhi parva-tithiyon ke sath-sath varsh ke donon navratra men, dur-dur ke bhakton ke agaman se yahan vishal mela lag jata hai. gyatavya hai ki kolkata men hugli nadi ke kinare man kali ka ek aur aghunatan devalay ‘‘dakshineshvar’’ ke nam se prasiddh hai jo sadhak shreshth ramkrishn parmhans ki daivi sadhna sthali ke rup men dur-dur tak khyat hai. iske alava kolkata men darjanon khyatnam kalibari (man kali mandir) hain jinmen thanthniya kali mandir, bhadra kali man mandir v firangi kali bari ka vishesh man hai. sachmuch man kali ji ke shreshth pujan sthalon men ek, kolkata ka kalighat darshaniya hai. yahi karan hai ki kisi bhi kam se kolkata jane ke mauke par samy-suvidha nikalakar yahan matridarshan avashya kiya karte hain. gyan v dharma-bhakti ki bhumi bangal ke hridy-sthal kolkata nagar ki adhishthatri devi man kali ji hain jinki kripa drishti se har ek kathin karya sahaj hi saflibhut ho jata hai.