ज्योतिष : रोग एवं उपाय

jyotish : rog evan upay  

Ank ke aur Lekh | Sambandhit Lekh | Views : 10652 |  
jyotish: rog evan upay prashna: adhunik aur prachinkal ke rogon ko dhyan men rakhte hue jyotish ki drishti se pratyek rog ke lie sanbandhit grah aur yogon ka varnan karen. sath hi unke jyotishiya, vastu, adhyatmik tatha anya upay bhi bataen. jyotish ki drishti se adhunik kal ke rog ke lie sanbandhit grah, yog v vibhinn upay: prachin kal men jivan jine ke bhautik sukh ke sadhan kam the tab rog v bimariyan bhi kam hua karti thin. jaise-jaise manushya ne unnati ki, bhautik sukh-suvidhaon ki vastuon men bhi vriddhi hui, jisse vyakti aramdayak jivan bitane laga. iske parinamasvarup mehanat kam hone se kai bimariyon jaise- motapa, madhumeh, hriday rog, netra rog, kainsar, asthama adi ne janm liya. filmi bhashaon v maedling, faishan evan barhti bhautik chijon ke karan vyakti ki mansikta uÿojit hone lagi jisse kamukta barhne lagi parinamasvarup yaun-apradh barhne lage, jisse yaun-rogon men vriddhi hui. ye sabhi adhunik yug ke rog kahlate hain arthat prachinkal men ye rog nahin the. in rogon ka vichar chathe bhav (rog) tatha 3 evan 11 bhav se kiya jata hai tatha iske sath hi 6 bhav ke karak mangal, shani, lagna-lagnesh, chandra-rashish tatha in sabhi par pap prabhav ka vichar mahatvapurn hai. niche adhunik yug ke vibhinn rogon ke yog, grah, upay diye gaye hain- madhumeh rog men guru v shukra ki bhumika: jab shukra grah kundli ke kisi bhi bhav men doshyukt ho arthat nich, ast, shatru rashi men ho tatha sath hi is par pap prabhav ho ya kundli ke shashth rog bhav ya shashthesh ka shukra se sanbandh ho. shukra ko mutra ka karak grah mana gaya hai. kam (seksa) ka karak grah bhi shukra hi hai. shukra ek jal tatva grah hai. madhumeh rog men shugar seks (kam) sthan se mutra dvara bahar niklti hai. atah shukra ke sahyog ke bagair madhumeh (shugar rog) nahin ho sakta hai. kundli men shukra doshyukt ho to iske sath mutra dosh ya seks dosh ka sanket deta hai. aisi sthiti men chathe bhav ya shashthesh ka shukra se sanbandh hone par mutra, seks v shugar rog ki sanbhavna rahti hai. chunki mithe ras ka karak grah brihaspati (guru) hai. madhumeh, shugar se sanbandhit ek rog hai. atah shugar padarth ko bhi brihaspati ke karakatva men sammilit kar sakte hain. madhumeh rog hone ke pashchat jatak ko shakkar ya chini, atyadhik mithas vali chijon jaise-mithai, gur adi se parhej rakhna parta hai taki rog barhe nahin. yog: û chathe bhav ya iske svami ka guru grah se sanbandh hone par madhumeh rog hota hai chunki guru grah, livar ka bhi karak grah hai tatha is rog men livar bhi prabhavit hota hai. surya grah, amashay evan anton ka karak grah hai. sharir men amashay vala sthan, jyotish ki drishti se kalpurush ki kundli men 5ven sthan par ata hai tatha pancham bhav yakrit, klom granthi aur shukranuon ka karak sthan hai. is bhav ka karak bhi brihaspati hi hai. klom granthi ke kuch bhag ka netritva shukra grah bhi karta hai. atah madhumeh rog men guru, shukra ke sath pancham bhav tatha chandra v budh ka bhi vichar kiya jata hai. is rog ka vichar trik bhavon (6, 8, 12) se kiya jata hai. yadi jaliya rashiyon (4, 8, 12) tatha shukra ki tula rashi men do ya adhik pap grah sthit hon, to yah rog hota hai. yadi chaturth bhav men vrishchik rashi men (sinh lagn men) shukra v shani ki yuti ho to yah rog hota hai. yadi charon shubh grahon (chandra, shukra, guru, budh) tatha surya par, pap prabhav (rahu, ketu, shani, mangl) ho tatha 6, 8, 12ven bhav se sanbandh kare ya inke svamiyon se sanbandh kare, to yah rog hota hai. madhumeh rog ke vibhinn upay: jyotishiya upay: ganpti upasna: chunki ganpti pujan se budh grah anukul hokar shubh hota hai aur iske shubh hone se painkriyaj granthi sucharu rup se karya karne lagti hai, jisse sharir men insulin ki kami nahin hoti, parinamasvarup madhumeh rog janm nahin leta. ganpti pujan ke samay nimn mantra ka uchcharan karna chahie. dhyan stuti mantra: ‘‘gajannan bhutgnadisevitan kapitth jambufal charubhakshanam. umasutan shok vinashkarkan, namami vighneshvar pad pankajam..’’ iske sath hi ganptiji ko priya jamun fal, prasad svarup charhana chahie tatha iske pashchat dusre vyaktiyon ko bhi yah prasad dekar svayan bhi grahan karna chahie. ganesh ji ko budhvar, pushya nakshatra chaturthi yog men sangrah kiye gaye jamun ka prasad charhane evan svayan khane se is rog se jaldi nivriti milti hai. ganesh ji yantra ka prayog: inke yantra ka nirman bhojapatra athva chandi ya sone ke patra par ganesh chaturthi, budhvar ya ravi, guru, pushya yog men karna shubh rahta hai. is din nirmit yantra dharan karne se labh milta hai tatha yantra ka abhishek evan pujan bhi karna chahie. ise chaiki par lal kapre par sthapit kar mantra’ ‘‘un gan ganapatye namah’’ ke 5400 matran a ne s e abhimani trat kar dashashn a havan purvabhimukh hokar nimnanusar karen. prarthana mantra: puja aranbh karne se purva nimn mantra ka ek mala jap karen- ‘‘vakratund mahakay, suryakoti samaprabhah. nirvighnan kurume dev, sarvakaryeshu sarvada.. sarvavighn vinashay sarva kalyan hetve. parvati priya putray, ganeshay namo namah..’’ ganeshji ki murti ko budhvar, ganesh chaturthi, pushya nakshatra men panchamrit, gangajal se snan karvakar shodshopchar pujan kar durva (21 ka pura) evan lal pushp arpit kar bundi ke laddu, meve ki mithai adi ka bhog lagakar ise bantakar svayan bhi grahan karen. iske sath hi inke 108 nam, chalisa, stotra, kavach vrat bhi karen. isse is rog men labh milta hai. aushdhi snan upay- vibhinn grah pira nivarn: budh: moti, akshat, chaval, gay chach, jayafal, gorochan, pipar mul se prati budhvar snan karne se budh janit pira ka nash hokar yah rog nahin hota hai. shukra: mainsil, ilaychi, kesar, pipar mul, jayafal adi ke jal men pratyek shukravar sna karne se shukra grah janit pira ka nash hota hai jisse is rog se nivriti milti hai. brihaspati (guru): shahad, safed sarsu, chameli pushp, gulangi adi ko harek guruvar pani men dalakar snan karne se is rog men shubh parinam milte hain. adhyatmik upay: yagyaopchar: yagya vigyan ke anek paksh hain yagya se mansik v atmik svasthya ki abhivriddhi ke sath-sath madhumeh rog nivriÿia hokar sharir svasth hota hai. iske lie nimn havan (yagya) samagri ki avashyakta hoti hai- rakt v shvet chandan, agar, tagar, devdar, giloy, jayafal, asgandh, laung, harar, guggul, kaip gura, chirayta, lajvanti bij, kutki, punarnava, bhang, shilajit, khurasani, bilbapatra, ajvayan, jamun ki guthli, karele ke fal v paÿiayan, kuth karvi, gular pushp, vijysar, ulat kanbal, methasingi, kuraj, daru haldi, methidana, am ki guthli ki mingi, atis karvi, rasaunt ko saman matra men lekar kut, pisakar, chanakar alg-alag rakhen. is samagri se niyamit rup se pratah, sandhya samay havan (yagya) karen. havan men nimn surya gayatri mantra se nyunatam 25 ahutiyan den- ‘‘un bhurbhuvah svah bhaskarayvidmahe divakray dhimhi, tannoah surya prachodyat.’’ pushya nakshatra ya anya shubh din ke shubh samay men rogi ke nam ka sankalp lekar havan karne se shighra labh milta hai. anya upay: khan-pan ki adat sahi rakhen. shugar v iski chijen, vasa vali, fastafud adi se pahrej rakhen. niyamit yog pranayam, vyayam, ghumna adi karen. mansahar v sharab sevan n karen. pratah kal sair karen. methi ki sabji ka sevan adhik karen. nim ke paÿo khali pet khayen. unt mangni ki paÿiayon ko ghotakar pratahkal khali pet piyen. 10 se 20 gram gomutra pratah khali pet piyen. sadabhar ke 7 ful khali pet khayen. ‘‘madhunashini pushpi’’ ayurvedik aushdhi ko kanch ke gilas men 20 mililitar pani men ek chammach (lagabhag 3 gram) bhigokar subah chanakar khali pet piyen.’’ jamun ki guthli ka churn banakar ek-ek chammach subh-sham sevan karen. methidana ka churn banakar ek chammach pratidin sevan karen. khira, karela, tamatar tinon saman matra men lekar jus nikalakar pratah khali pet sevan karen. iske alava khane men papita, tamatar, jamun, salad ka sevan karen. jab vyakti ko motape ke karan madhumeh ho jata hai to vah anya rogon jaise- hriday rog, netra rog, rakt chap, napunskta adi yaun rog ka bhi shikar ho jata hai. rakchap (bladapreshr): bladapreshar, adhunik yug ka ek ganbhir rog hai. is rog ke failne ka mukhya karan tanav, avsad, badlti jivan shaili, madhumeh adi hai. jaisa ki nam se hi vidit hai ki raktachap arthat khun ka davab. jyotish men rakt (khun) ka karak grah mangal hota hai tatha is ‘rakta’ ko sarkulet karne ka karya hamara ‘‘hridy’’ karta hai. is hriday ke karak grah surya evan chandra donon hi hote hain. yadi ye tinon hi grah ashubh arthat nich, shatrurashi ya pap prabhav men ho, to vyakti bladapreshar ka shikar ho jata hai. yadi do ya do se adhik grah 3, 4, 5, 6 ya 11 rashi men sthit hon, to bhi raktachap rog ho jata hai. yadi kark rashi evan iske svami chandra par pap prabhav (rahu, ketu, shani, mangl) hon ya chandra lagnesh, rashish hokar nich ka hokar trikbhav men sthit ho, to bhi raktachap ho jata hai. jab kanya lagn men chandra ke sath shani-mangal ki yukti ho tatha lagnesh-rashish budh nich ka (saptam bhav men) ho, to raktachap ho jata hai. iske sath chaturth bhav v chaturthesh arthat dhanurashi-guru par rahu-mangal ka pap prabhav ho, to jatak uchch raktachap ke sath hridyghat ka bhi shikar ho jata hai. jab surya, chandra, mangal par rahu, ketu ke karan se kundli men kramshah grahan v angarak yog/pitridosh bante hain to jatak raktachap ka shikar ho jata hai. raktachap ke jyotishiya upay: surya: surya shubh- lagnanusar (4, 5, 8, 9, 12, 1) manik dharan karen tatha pratidin pratah tanbe ke laute mane jal lekar mantra- ‘‘un ghrini suryay namah’’ ke sath surya dev ko aghrya den. ashubh surya- ravivar ko lal vastra, gehun, gur, tanba adi ka dan karen. yah manglvar ko mangal ke lie bhi kar sakte hain. gay ko gur mishrit roti apne hath se khilaen. chandra evan mangal shubh hone par uprokt lagnanusar moti v munga dharan karen. chandra vastu v meve ki mithai ka sevan n karen. somvar ko chandra vastu ka dan ashubh chandra men hi karen. adhyatmik upay: tinon grahon ke gayatri mantron (surya, chandra, mangl) ki 24 ahutiyan yagya men den. jisse raktachap rog se nivriÿia milegi. anya upay: namak ka sevan kam karen, upar se kabhi n dalen. mansik tanav, chinta n karen. sadaiv khush rahen. pratidin vyayam, yog karen. svachch rahen. sangit sunen. manoranjan chijon ka upyog karen. pratidin mediteshan karen. pranayam ko mahatva den. pushya ya rohini nakshatra men sonth, haldi, namak v ajvayan ka mishrit churn taiyar karen aur raktachap nimn hone ki sthiti men rogi ko gungune pani se den. donon pairon ke talvon evan hatheliyon par niche se upar ki or sarson ke tel ki tej gati se ‘‘un bhuvan bhaskaray namah’’ mantra ka jap karte hue malish karen. hriday rog: jyotish shastra men hriday ka vichar chaturth bhav se kiya jata hai. atah chaturth bhav, chaturthesh, karak chandra$budh par pap grahon ka prabhav hriday rogon ko janm deta hai. iske alava man ka vichar chaturth bhav, mastishk ka vichar pancham bhav se kiya jata hai sath hi man-mastishk ka karak grah bhi chandra hi hota hai aur man mastishk ka sidha ‘hridy’ se hi sanbandh hota hai. atah chaturth, pancham bhav v chandra par pap grahon ka prabhav hriday rog ko janm deta hai ya inke svami nirbal hon arthat nich, shatru rashi ke hon. iske alava hriday par surya v chandra tatha inki rashiyan kramshah sinh v kark ka nimantran rahta hai tatha hriday ke antargat rakt ka sanchar mangal grah karta hai atah inka ashubh hona, pap prabhav evan trik bhav men hona hriday rog ko janm deta hai. rakt ya rakt kanikaen svayan mangal hain jo iska sanchar sharir men chandra ki gati ke sahare karta hai. guru, shuddh rakt ko vikaron se bachane ka karya karta hai. jab janmapatri men uprokt grah ashubh arthat nich, shatrurashi ke hon athva rahu, ketu ka pap prabhav ho, to hriday rog janm le leta hai. yadi iska rog purva hi vichar karke savdhani rakhi jay, to isse bachaya ja sakta hai yog nimn hain- chaturth bhav men sthit shani par rahu ka prabhav. surya, mangal, guru ki chaturth bhav men yuti. chaturthesh ka ast, nich, vakri hokar ashtamasth hona. shubh grah trik bhav men nirbal ho. hriday rog ke upay: jyotishiya upay: yadi lagn 3, 6, 2, 7, 10, 11ven bhav men hon, to buddhi-vishesh hriday ghat men panna v hira dharan karen lagnanusar munga, moti, manik (lagna- 1, 8, 5, 4, 9, 12) dharan karen. (1) upay vale (2) ke ratn dharan n karen tatha surya ke lie surya ko aghrya den. hanuman chalisa tatha shiv puja karen tatha mangal, surya v chandra ki dhatuon ka dan karen. (3) pipal ke vriksh ko rojana sichen v dipak jalaen. adhyatmik upay: yagya (havn) karen. tinon grahon- surya, mangal, chandra ke gayatri mantron ki nyunatam 24 ahutiyan yagya men den. anya upay: tanav, avsad, man ke vikaron se bachen. niyamit vyayam, yog karen. man-mastishk par anavashyak, davab n barhne den, khush rahen. lahsun ka sevan karen. tailiya, vasa ki chijon se parhej rakhen. yaun/gupt rog: yadi kundli men lagnesh lagn men ho v saptam men shukra ho athva shukra kisi vakri grah ki rashi men sthit ho, to yaun rog hota hai. mangal v shani ke sath chandra ki yuti trik bhav (6, 8, 12) v 2 bhav men ho, to yah rog banta hai. lagnesh, shashth (rog bhav) men sthit ho tatha shashthesh 5, 7, 8 v shukra se sanbandh banaye, to yaun rog hota hai. vrishchik ya kark (jaliya rashi ke) navansh men chandrama kisi bhi pap grah se yut ho. yadi lagn men chandra v pancham bhav men brihaspati v shani ki yuti ho, to yaun rog men dhatu rog hota hai. yadi brihaspati 12ven (vyay bhav) men ho ya ashtam sangharsh bhav men kai pap grahon athva shashthesh v budh yadi mangal ke sath ho, to jannendriya rog hota hai. edsa: jyotishanusar is rog ke karak grah seks (kam) karak ‘shukra’ v rakt ka karak grah ‘mangl’ hai donon ka v lagnesh ka sanbandh kisi bhi rup men hone par tatha rahu ka pap prabhav ane par vyakti anaitik karm karne par vivash ho jata hai jisse eds ka shikar ho jata hai yog nimn hain- yadi shukra, vrish rashi ya mangal, vrishchik rashi men, saptam bhav men ho (arthat lagn kramshah vrishchik ya vrish ho) aur in par rahu ka pap prabhav ho, to jatak eds se pirit ho jata hai. yadi lagn men shani v mangal yuti kar sthit ho aur saptam men chandra apni drishti dal raha ho, to yah rog hota hai. yadi lagnesh mangal nich ka sthit hokar (mesh v vrishchik lagn men) kramshah chaithe v nave bhav men) tatha surya$shni ashtam bhav men ho (arthat kramshah vrishchik rashi men ho), shukra grah saptam bhav men svagrahi ho tatha is par ketu ki yuti v rahu ka pap prabhav ho tatha shukra par kisi bhi shubh grah ki drishti n ho, to jatak eds se pirit hota hai. yaun rog (gupt rog, napusankta, edsa) ke jyotshiya upay: yadi jatak ka lagn 2, 3, 6, 7, 10, 11 ho, to hira ya safed pukhraj, nilam, panna dharan karne par uprokt yaun rogon men labh hota hai. ye tinon ratn 1, 8, 4, 5, 9, 12 lagn vale vyakti dharan n karen anyatha yah rog unhen barh sakta hai. in lagn vale jatak munga, moti, pila pukhraj, manik dharan kar sakte hain. budh, shukra v shani lagn vale ye ratn dharan n karen. ye mangal, guru, chandra v surya ki vastuon ka dan kar sakte hain. hanuman chalisa ka path karen. in grahon ke mantron ka jap karen. adhyatmik upay: yagyaopchar- seks kark- shukra v rakt, uÿojna karak mangal ke sath yadi napunskta- shani v budh ki yuti ho, to inka yagya karen tatha in sabhi grahon ke gayatri mantron ki nyunatam 24 ahutiyan yagya men den, labh hoga. anya upay: parastrigaman, veshyavriÿia se bachen, charitra uÿam rakhen. ech.ai.vi. sankramit rakt n len, n den. apne rakt ki janch 4 mahine men karvaen. yadi prathmik avastha men iska pata chale to pratah bhukhe pet nim ke paÿaon ka ek gilas jus (ras) pratidin 3-6 mahine tak piyen. isse eds ke vayaras nasht ho jate hain. pratidin vyayam, yog karen. davaiyon ka niyamit sevan karen. adhyatmik, dharmik acharan rakhen. asthama (dama ya shvas rog): is rog ka mukhya karan ‘chandra’ (vakri nahin hota) v ‘budh’ (vakri bhi) ka nich, ast, shatru rashigat hota hai. donon ki yuti mukhyatah mangal ki rashiyon (mesh, vrishchik) men hone par hota hai. kuch yog nimn hain- yadi shani, nich ya shatru rashi ho ya chandra, mithun v sinh rashi men sthit ho tatha in par pap prabhav ho, to yah rog hota hai. yadi nirbal chandra pap karÿari prabhav men ho tatha surya, saptam bhav men ho. yadi budh, kark rashi men sthit ho tatha surya ka prabhav ho (yuti dvara) tatha chandra nirbal hokar pap grahon ke bich ho tatha shani saptam bhav men ho athva mangal shani ke madhya chandra nirbal ho v surya makar rashi men ho. jyotishiya upay: 2, 7, 3, 6, 10, 11 lagn vale vyaktiyon ko panna dharan karna chahie tatha chandra ke lie dan mantra jap, vrat karna chahie. 1, 8, 4, 5, 9, 12 lagn vale vyaktiyon ko moti dharan karna chahie tatha budh ka dan, vrat, jap karna chahie. ganptiji, durgaji, shivji ki puja karen. chaturthi, purnima ka vrat karen. gayon ko hara chara khilaen. adhyatmik upay: iske antargat jatak ko chandra v budh ke gayatri mantron dvara 24 ahutiyan yagya men deni chahie. anya rog: khan-pan men savdhani barten. pranayam (kapal bhati, anulom- vilom) karen, svachch vayu grahan karen. tanav se dur rahen, khush rahen. nasika rog: yah dama ki bhanti sans rog se jura hai. yah rog bahut hi pareshan karne vala hai. is rog ka karak grah budh tatha dvitiya v tritiya bhav ka nirbala/pirit hona hai. yog: budh grah par pap prabhav hone, shashth (rog bhav) men pap grah se chandra drisht hone tatha shatru navansh men lagnesh ke hone se tatha dvitiyesh, tritiyesh ke nirbala/pirit hone se yah rog hota hai. 12ven (vyay, hani bhav) men pap grah hone, shashth bhav men chandrama ke hone tatha shani ke ashtam bhav men hone ke sath hi lagnesh ke pap grah ke navansh men hone par yah rog hota hai. surya se trik bhav men pap grah shani/mangal ke hone par yah rog hota hai. jyotishiya upay: uprokt ki bhanti hi panna dharan karen, yadi budh shubh ho tatha yah budh, shukra v shani ki rashi ke lagn vale hi dharan karen, baki nahin. baki lagnon ke lie budh ki vastuon ka dan karen, vrat karen v mantra jap karen. gayon ko somvar v budhvar ko hara chara khilaen. adhyatmik: budh gayatri ke mantra dvara havana/yagya men iski 24 ahutiyan den. anya upay: pranayam, vyayam, yog karen. mantra ‘‘un’’ ka uchcharan lanbi sans dvara karen. (pranayam men) subah hari ghas men paidal chalen. lakva ya pakshaghat rog: jyotishiya grah v yog: shani grah snayu tantra ka karak v mangal, rakt ka karak hai tatha lagn (sharir), pancham (buddhi) aur navam (pancham ka panchm) bhav mastishk se sanbandh rakhte hain aur in bhavon ki rashiyan kramshah mesh, sinh v dhanu (agni tatva) hain. chandrama bhi man-mastishk ka karak hota hai. is rog men rashish bhi prabhavit hota hai. atah shani, mangal ke nirbal hone arthat nich, shatru rashi, vakri, ast hone ya in par 1, 5, 9 (bhav ya rashi) tatha chandra, rashish, lagnesh, panchmesh, navmesh ke nirbal hone tak in sabhi par pap prabhav hone se yah rog hota hai. yog- lagn men jab mangal v budh ho. pancham men nich rashi ka shani ho. navam bhav men shashthesh shukra ho. jyotishiya upay: shukra, shani, budh rashi ke lagn vale nilam dharan karen tatha chandra v mangal ki vastuon ka dan karen, vrat karen tatha hanuman, shivji ki puja karen. mangal, chandra, surya, guru rashi ke lagn vale munga, moti dharan kar grahon ko anukul banaen. shani, rahu, ketu ki vastuon ka dan karen. shanivar ka vrat karen. tinon ka mantra jap karen. adhyatmik upay: mangal, chandra, shani ke gayatri mantron ka 24 ahutiyan yagya men den, taki rogi svasth rahe. anya upay: reki chikitsa karen. vyayam, yog karen. tel malish karen. rog grast angon par davai tel lagaen. shanivariya, ravivariya amavasya, trayodshi, purnima ya fir shubh nakshatra men lahsun ki panch kalika ko kutakar paun kilo dudh men ubalen. jab dudh adhi katori rah jay, tab mishri dalakar, ise rogi den, iske lie ashvini, anuradha, shravan nakshatra ka upyog karen. kuch mah (samy) tak manglvar v shanivar ko jatak par thora tel lagakar hanumanji ke mandir men jahan akhand dipak jalta ho, vahan charhaen aur rogi ke shighra arogya hone ki prarthana karen. aisa karne se is rog men labh milta hai. kainsar rog: yog: yadi 6 ya 8ven bhav men mangal ya shani ki yuti rahu, ketu ke sath ho, to kainsar rog hota hai. yadi mangal (nirbala) ashtam bhav men pap prabhav ke sath ho, to iski dashaon men kainsar rog hota hai. mesh lagn men tatha mangal donon par, yadi rahu, shani v shashthesh ka prabhav ho, to fefren ka kainsar hota hai. yadi 2ven bhav men rahu v shani pap grah sthit ho tatha chaturth bhav, iske svami tatha chandrama par bhi inka prabhav ho, to vyakti nashe (dhumrapan,tambaku adi) ke karan fenfre ke kainsar ka shikar hota hai. yadi shukra ya guru shashthesh hokar lagn men pap grahon se prabhavit ho, to mukh kainsar hota hai. yadi rahu se mangal trik bhav (6, 8, 12) mane sthit ho, rahu men mangal ki dasha men kainsar rog hota hai. rakt karak mangal, man-mastishk karak chandra v lagnesh par pap grahon ka prabhav hota ho to kainsar rog hota hai. yadi mangal se ketu ashtam bhav men ho tatha in par pap prabhav ho, to mangal men ketu ki dasha men yah rog hota hai. yadi lagn v lagnesh par pap prabhav ho tatha makar ke navansh men lagnesh, shashthesh ya chandra sthit ho, to kainsar rog ka yog banta hai.
Kya aapko lekh pasand aaya? Subscribe

Kya aapko lekh pasand aaya? Subscribe


kanvriya visheshank  August 2012

fyuchar samachar patrika ke kavanriya visheshank men shiv pujan aur kavanr yatra ki pauranikta, pujabhishek yatra, kavanr ki paranpra, videshon men shivling puja, kya kahta hai chaturmas manthan, kavanriyon ka atipriya vaidyanath dham, shani shanti ke achuk upay, sarvopyogi kripa yantra, rojgar prapt karne ke upay, adi lekhon ko shamil kiya gaya hai. iske atirikt vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, nanda devi raj jat, kyon hota hai adhikmas, rog evan upay, shriganga navmi, raksha bandhan, krishn janmashtami vrat, dharmik kriya kalapon ka vaigyanik adhar, sammohan, muhurt vichar, piramid evan vastu, satyaktha, sarvopyogi kripa yantra, adi vishyon par gahan charcha ki gai hai.

Subscribe

Apne vichar vyakt karein

blog comments powered by Disqus
.