उन्माद एवं मनोरोग ज्योतिष की नजर में

unmad evan manorog jyotish ki najar men  

Ank ke aur Lekh | Sambandhit Lekh | Views : 5673 |  
unmad evan manorog jyotish ki najar men ji. bi. ravat unmad ek mansik rog hai. prashn marg, jatak tatva ityadi granthon men iska vistrit ullekh milta hai. harsh, shok, vishad, dar adi ki ati hone par athva mahatvakanksha ya kisi anya abhilasha ki purti n hone par vyakti ke unmadagrast ho jane ka khatra rahta hai aur jab vah is mansik rog se grast ho jata hai to vah paglon ka sa vyavhar karne lagta hai. atyadhik aur apvitra bhojan, dar, vairag, akaran krodh, abhichar, guru ninda, devninda adi unmad ke karan hain. inke atirikt vat, pitt aur kaf ka santulan bigar jane par bhi vyakti unmadagrast ho jata hai. unmad panch prakar ka hota hai - 1. vatajanya 2. pittajanya 3. kafajanya 4. sannipat janya aur 5. agantuk unmad. unmad ke lakshan vatajanya: vat ke asantulit hone ke falasvarup jo vyakti unmadagrast hota hai vah bina karan hansta, chikhta chillata, nachta gata aur barbrata hai. kintu sharirik kamjori ke bavjud bhi vah balshali pratit hota hai. pittajanya: is avastha men rogi ka sharir pila aur garm rahta hai. vah nind men barbrata hai, uske munh se lar tapkti rahti hai aur ultiyan ati rahti hain. vah kam bolta hai kintu bhojan bahut karta hai. uske nakhunon evan ankhon ki putliyon ka rang safed hota hai. kafajanya: kafajanya unmad se grast vyakti ko krodh bahut ata hai, vah bina kisi karan ke aksar atishay dravit bhi hota rahta hai. vah bar bar thanda pey pina chahta hai aur akaran logon se jhagra karta aur chikhta rahta hai. usmen vyakulta saf dikhai deti hai. sannipat janya: sannipatajanya unmad se grast vyakti ardhabehoshi ki avastha men rahta hai. usmen upar varnit lakshan bhi pae jate hain. agantuk unmad: yah unmad dev evan rakshas grahon ke kop ke falasvarup hota hai. unmad hone ke yog lagnasth ya saptamasth guru jatak ko vikshipt banata hai. shani lagnasth, guru saptamasth athva mangal navamasth ho to jatak unmadagrast hota hai. lagn men shani barhven bhav men, surya navam athva pancham men chandra v mangal hon to vyakti unmadagrast hota hai. ast ya nich ka tritiyesh chathe sthan men ho aur pap grah se drisht ho to jatak jahar khane se unmadagrast hota hai. kshin chandra aur shani yadi barhven sthan men hon to vyakti unmadagrast hota hai. shani evan dhanesh donon pap grah se yut hon to vayu janit unmad hota hai. dhanesh aur shani yadi surya se yut hon to sattapaksh ke kop ke karan unmad hota hai. shani aur dhanesh yadi mangal se yut hon to pittajanya unmad hota hai. chandra aur surya donon nauven ya panchven bhav men athva lagn men hon, kendra men guru ho tatha janm samay shani athva mangal ki kal hora ho ya janm shanivar ko hua ho to vyakti unmadagrast hota hai. s chandra aur shani lagn men hon aur budh se drisht hon to unmad hota hai. upay: vastikriya, virechan, vaman adi unmad ke uÿam upchar hain. acharya charak ke anusar kalyanghrit unmad rog ki ram ban aushdhi hai. acharya kalyan ki bhi yahi manyata hai. manorog: chandrama manso jatah chandra: chandra man ko, vat sansthan ko tatha manah sthit ko sanchalit karta hai. budh: budh buddhi v mansik vicharon ko darshata hai. pratham bhav buddhi v, mastishk ko darshata hai. atah in sabka mansik rog, mansik pichrapan, matibhram adi ke upchar ke samay vichar karna jaruri hai. manorog visheshagyaon ka vichar hai ki har vyakti kabhi n kabhi kuch had tak in paristhitiyon se gujrta hai. kabhi ham mudi hote hain to kabhi gusse, dar ya udveg se grast ho jate hain. vahin kai bar hammen badle ki bhavna panpti hai aur ham logon ko nuksan pahunchane ki sochte hain. yah ek prakar ka unmad hi hai. yadi ham in sari durbhavnaon tatha avasthaon par samay rahte niyantran pa len to unmadagrast hone se bach sakte hain. jin jatkon ke chandra, budh, lagn bhav aur lagnesh par rahu, ketu, mangal, shani adi ka prabhav ho, ve lanbe samay tak mansik rog se grast rahte hain. unhen mansik rogi ki shreni men rakha jata hai. unmad hone ke kuch anya yog budh aur gulika ki yuti visheshakar chathe bhav men hona. chandra ka ketu evan shani ke sath sthit hona. shani v rahu ki yuti visheshakar kanya rashi men 10 par hona tatha lagn kanya ya min hona. chandra v shani ki yuti tatha un par mangal ki drishti hona. brihaspati aur shani ki yuti dvadash bhav men hona. kuch anya jyotishiya vichar mansik rup se pichrapan falit sutra ke anusar chandra man ka karak hai. surya vikas tatha shani jarta ka karak hai. kundli men chaturth bhav man ka, pancham buddhi ka evan navam vikas ka dyotak hai. atah in bhavon par pap prabhav hone se sharirik, mansik evan bauddhik vikas badhit hota hai aur jatak mansik pichrepan ka shikar ho jata hai. kuch anya sutra bhi yahan prastut hain. lagn men surya, 12ven men chandra evan trikon men mangal ho. kendra men chandra evan shani hon aur donon par shubh grahon ki drishti n ho. kendra, chandra, shani gulik (mandi) hon.
Kya aapko lekh pasand aaya? Subscribe

Kya aapko lekh pasand aaya? Subscribe


lal kitab visheshank  June 2008

lal kitab ki utpati itihas evan parichay, lal kitab dvara janmakundli nirman ke siddhant evan vidhi, lal kitab dvara faladesh karne ki vidhi, lal kitab men varnit upayon ka vistrit varnan, lal kitab ke siddhant v upayon ki anya vidhayon se tulna

Subscribe

Apne vichar vyakt karein

blog comments powered by Disqus
.