गठिया (जोड़ों का दर्द)

gathiya (jodon ka dard)  

Ank ke aur Lekh | Sambandhit Lekh | Views : 8348 |  
gathiya (joro ka darda) acharya avinash sinh anek prakar ki vat vyadhiyon men gathiya kafi visham rog hai jiski chikitsa kathin to hai lekin duesadhya nahin hai. is lekh men kuch aise dishanirdesh hain jo bimari ke agaj se purva atyant upyogi siddh ho sakte hain. gathiya ya amvat rog joron ke dard se sanbandhit hai, jo vartaman men yuvaon ko bhi apne ghere men le raha hai aur yuvavastha men hi logon ko hone laga hai. is rog se pirit logon ko dainik kamkaj men bhi bahut taklif ka samna karna parta hai. ayurved ke anusar haddi aur jorane men santulit vayu ka nivas hota hai. vayu ke asantulan se jor bhi prabhavit hote hain. atah vayu garbra jane se joron ki rachna men vikriti paida hoti hai. haddiyon ke bich ka jor ek jhilli se bani thaili men rahta hai jise sayoviyal kosh ya artikyulet kosh kahte hain. joron ki choti-choti rachnaen isi kosh men rahti hain. haddiyon ke bich gharshan n ho, islie joron men haddiyon ke kinare lachile aur narm hote hain. yahan par ek prakar ki narm haddiyan rahti hain jinhen kartilej ya artikyulet kahte hain jo haddiyon ko ragar khane se bachati hai. pure jor ki ghere hue ek patli jhilli hoti hai, jiske karan jor ki banavat thik rahti hai. is jhilli se paradarshi, chikna taral padarth utpann hota hai jise saynoviyal taral kahte hen. sanpurn saynoviyal kosh men yah taral bhara rahta hai. kisi bhi bahya chot se jor ko bachane ka kam yah taral karta hai. is taral ke rahte jod apna kam thik dhang se karta hai. gathiya rog ka ek karan sharir men adhik matra men yurik esid ka hona mana gaya hai. jab gurdo dvara yah kam matra men visarjit hota hai ya mutra tyagne ki kshamata kam ho jati hai to mono sodiyam vaiyuret kristal joron ke uttakon men jama hokar tej uttejna evan pradah utpann karne lagta hai. tab prabhavit bhag men rakta-sanchar ashniya dard paida kar deta hai. gathiya rogiyon ka vajan akasar jyada hota hai aur ve dekhne men svasth evan prayah mansahari aur khane-pine ke shaukin hote hain. bhari aur tailiya bhojan, mans, makkhan, ghi aur tej masale, sharirik evan mansik karya n karna, krodh, chinta sharab ka sevan, purani kabj adi karnon se joro men mano sodiyam baiyuret jama hone se ashniya pira hoti hai jisse manav gathiya rog se pirit hota hai. rog ke lakshana: gathiya rog men nimnalikhit lakshan paye jate hain. - joron ki ganthon mane sujan. - joron men kat-kat si avaj hona. - pair ke anguthon men sujan, subah sabere tej pira. - hath-pair ke joro men sujan aur dard. - rat men tej dard evan din men aram. - mutra kam aur pile rang ka ana. bachav: gathiya rog se bachne ke lie iske karnon par dhyan dena avashyak hai. yah rog anuvashink bhi ho sakta hai. islie agar parivar men yah rog hai aur esid jyada banta hai to mans, madyapan, bhari bhojan ityadi ki matra kam kar de evan yog asan tatha sahi tarike se niyamit vyayam karen. khuli hava men sair aur sanymit paushtik ahar apnaen, to rog se bacha ja sakta hai. ayurvedik upchar: ayurvedik men gathiya rog ke lie kai prakar ke upchar hain. kuch jari-butiyon se bani davaiyon ke sevan se gathiyan rog men aram hota hai. iske atirikt tel malish evan senk lene se bhi aram hota hai. ismen kuch upchar is prakar hai. - karve tel men ajvayan aur lahsun jalakar us tel ki malish karne se badan ke joron ke dard men aram hota hai. - majith harar, bahera, anvla, kutki, bach, nim ki chal, daru haldi, giloy, ka karha pien. - asgandh ke patte tel men chuparakar, garm karke dard ke sthan par rakhakar bandhe. isse dard men aram milta hai. - kale til aur purane gur ko barabar matra men milakar khaen. upar se bakri ka dudh pien . - bari ilaychi tejpat, dalchini, shatavar, gangeran, punarnava, asgandh, pipar, rasna, sonth, gokhru in sabko giloy ke ras men ghotakar goli banakar, bakri ke dudh ke sath do-do goli subah sabere khane se gathiya rog men aram milta hai. - majith harar, bahera, anvla, kutki, bach, nim ki chal, daru haldi giloy, ka karha pien. - asgandh ke patte tel men chuparakar, garm karke dard ke sthan par rakhakar bandhe isse dard men aram milta hai. - lahsun ko dudh men ubalakar, khir banakar khane se gathiya rog men aram hota hai. - shahad men adarak ka ras mila kar pine se joron ke dard men aram hota hai. - sauth, akhrot aur kale til ek, do, char ke anupat men pis kar subh-sham garam pani se das se pandrah gram ki matra men sevan karne se labh hota hai. - gathiya ke rogi ko bhojan se pahle alu ka ras do-tin chammach pine se labh hota hai. isse yurik esid ki matra kam hone lagti hai. - gathiya ke rogi ko chukandar aur sev ka sevan karte rahna chahie. isse yurik amla ki matra niyantran men rahti hai. - saunth aur kali mirch ka karha banakar rogi ko subh-sham chay ki tarah sevan karna chahie. - ashvagandha churn tin gram ek gilas dudh men ubalakar piyen. kuch dinon tak lagatar yah prayog karne se labh hota hai. - nagkesar ke tel se malish karne se aram hota hai. - pyaj ko sarson ke tel men paka len. is tel se malish karne se joron ke dard men labh hota hai. menhdi ke patto ko pisakar joron par bandhne se aram hota hai.
Kya aapko lekh pasand aaya? Subscribe

Kya aapko lekh pasand aaya? Subscribe


ratn visheshank  May 2012

fyuchar samachar patrika ke ratn visheshank men ratn chayan v dharan vidhi, ratna: sakaratmak urja srot, navaratn, uparatn, ratnon ki vividhta, vaigyanik vishleshan evan chikitsiya upadeyta, lagnanusar ratn chayan, jyotishiya yogon se tay karen ratn chayan, ratnon ki karya shauli ka upyog, budh ratn panna, chikitsa men ratnon ka yogdan, kai vyadhiyon ki aushdhi hai karanj tatha anya anekanek gyanavarddhak alekh shamil kiye gae hain jaise bhavishyakathan ki paddhatiyan, falit vichar, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, sammohan, satyaktha, svasthya, pavan sthal, kya ap jante hain? adi vishyon ko bhi shamil kiya gaya hai.

Subscribe

Apne vichar vyakt karein

blog comments powered by Disqus
.