अपना भाग्य स्वयं आंकिए

apna bhagya svayan ankie  

Ank ke aur Lekh | Sambandhit Lekh | Views : 495 |  
navam bhav kundli ka sarvochcha trikon sthan hai aur use lakshmi (vishesh shubh) sthan mana gaya hai. navm bhav ekadash (labh) bhav se ekadsh hone ke karan ‘labh ka bhi labh’, arthat jatak ke jivan ki bahumukhi samriddhi darshata hai. atah saravli granth men kaha gaya hai: sarvamphay chintyan bhagyakrsh praninan visheshen. bhagyan bina n janturyasmatadyatnato vakshye.. arthat dusre bhavon ko chorakar sarvaprathm bhagya sthan ka vishleshan karna chahie, kyonki bhagya ke bina kuch bhi prapta nahin hota. mansagri granth ke anusar lagn tatha chandrama se navam sthan bhagya bhav kahlata hai. vah yadi apne svami se yukt ya drisht ho, to jatak apne hi desh men bhagyafal prapt karta hai. anya shubh grahon se yukt ya drisht ho, to videsh men bhagyafal ka labh milta hai. yadi bhagya sthan se uchchasth shubh grah ka yog ho, to sarvada aur sabhi sthanon men jatak ko bhagyafal prapta hota hai. yadi shani grah bhi bhagyesh hokar bhagya bhav men ho, to jatak jivan paryant bhagyashali hota hai. parantu yadi navam bhav par nirbal pap grah ki drishti ho ya usse yuti ho to jatak bhagyahin hota hai aur sarvada dukh pata hai. atah dekhna chahie ki bhagyesh bhagya sthan men hai, ya apni rashi men, ya anyatra bali ya nirbal hai, tatha bhagyasthan men kis prakar ke grah ke yog hain. bali ravi aur mangal yadi chandrama se yukt hokar bhagya sthan men hon, to kul ke anusar shubh grah ki dasha avdhi men vyakti rajya samman pata hai. janma samay men bhagyesh bhagya sthan men shubh grah se yut ya drisht ho, to jatk samriddhishali kul men mukhya hota hai. bhagya sthan men yadi svochchasth grah ho, to vyakti adhik sanpattivan hota hai. yadi us par shubh grah ki drishti ho, to jatak raja ke saman sanpann hota hai. navam bhav ka karak brihaspati hai. uska bhi yadi navam bhav se sanbandh ban jae, to sone men suhaga vali bat ban jati hai. saravli ke anusarah devgurau bhagyasthe mantri ravivikshite nriptitulyah. bhogi kantah shashina kanchanabhag bhavti bhaumen.. saumyen dhani gyaeyah siten gauvahnartha sanyuktah. sauren sthavrbhak drishte kharmhish sanyuktah.. arthat yadi brihaspati (balvan hokr) navam bhav men sthit ho, to jatak mantri hota hai. yadi us par surya ki drishti ho, to vah raja ke saman hota hai. chandrama ki drishti ho, to samriddhishali aur bhogi hota hai. mangal ki drishti hone par atul sanpatti ka svami hota hai. budh ki brihaspati par drishti samriddhishali banati hai. shukra ki drishti jatak ko vahnon aur dhan ka svami banati hai. shani ki brihaspati par drishti sthir sanpatti aur bhainsane ka svami banati hai. ek se adhik grahon ki drishti hone par uparyukt falanusar bhagya labh samjhna chahie. navam bhav men brihaspati yadi shukradi shubh grahon ke sath ho, to ati shubh faldayak hota hai. budhgurushukra bhagye janayanti manan khuropman vishadam. vikhyatan narnathan vidvans dharmashilan ch.. arthat yadi budh, brihaspati aur shukra ek sath navam bhav men hon to jatk prasiddh vidvan, raja saman aur dharmashil hota hai. parantu, in grahon par shani, mangal v rahu ki drishti ho to shubh fal adha hi prapt hota hai. ‘‘bhavat bhavam’’ siddhant ke anusar navam bhav ke sath navam se navam arthat pancham bhav ka bhi vichar karna chahie. gyatavya hai ki navam aur pancham (trikon sthanon) ko lakshmi sthan ki sangya di gai hai. jab lagnesh, navmesh tatha panchmesh shubh bhav men (6/8/12 bhavon ke atirikta) apni uchch athva mul trikon rashi men shubh drisht hon, to vyakti jivan paryant sukhi rahta hai. balvan lagnesh yadi bhagya bhav men athva bhagyesh lagn bhav men sthit ho, tab bhi jatak jivan paryant bhagyashali hota hai. yadi brihaspati ka bhi sanbandh ho, to uttam fal ki prapti hoti hai. bhagyoday kal: mansagri granth ke anusar navam bhav men surya ho, to 22ven varsh men, chandrama ho to 24ven men, mangal ho to 28ven men, budh ho to 32ven men, guru ho to 16ven mane, shukra ho to 21ven men tatha shani ho to 36ven varsh men bhagyoday hota hai. aisa gargadi muniyon ne kaha hai. uparyukt grah yadi navam bhav par drishtipat karte hain, to apne nirdharit varsh men jatak ka bhagyoday karte hain. navmesh, navam bhav sthit grah tatha navam bhav par drishtipat karne vale grahon ki dashaon men bhagyoday hota hai. saubhagyashali grah gochr: û jab gochar men navmesh ka lagnesh se samagam ho, athva paraspar drishti vinimay ho, athva lagnesh navam bhav men ae to bhagyoday hota hai, parantu us samay navmesh yadi nirbal rashi men ho to bahut thora hi shubh fal milta hai. û navmesh se trikon rashi men guru ka gochar shubh faldayak hota hai. û jis din janm rashi se navam, panchm ya dasham bhav men chandrama ae us din jatak ke jivan men koi sukhad ghatna ghatti hai. vajpei ji ki kunchli men navmesh budh, ekadshesh surya tatha svagrihi brihaspati tritiya bhav se navam bhav par drishtipat kar rahe hain. yogkarak shani lagn men shash namak panchmhapurush yog bana raha hai. lagnesh shukra dashmesh chand ke sath dvitiya bhav men sthit hai. shri vajpei ek sadharan parivar men janm lekar bhi pragti karte hue anttah desh ke pradhanmantri bane. abhineta sunil datt ke kundli men navmesh tatha yogkarak mangal lagn men hai aur lagnesh surya dasham bhav men digbali v karak hokar shubhakatrtari yog men hai. dashmesh shukra navam bhav men dvitiyesh va ekadshesh budh ke sath hai. is grah sthiti ne unhen saflta, dhan aur khyati di. pakistan se bharat ane ke bad unhonne rediyo udghoshak ke rup men jivika aranbh ki. shukra v budh ki navam bhav men yuti ne unhen filmon men saflta dilai. dashamasth lagnesh surya ne unhen char bar loksbha ka sadasya banaya. nidhan ke samay vah kendra sarkar men khel mantri the. bhagyashali jatka ke kundli men navmesh shukra saptam bhav men uchchasth hai. shukra ke sath svagrihi saptamesh brihaspati aur ekadshesh chandra hain tatha ‘gajkesri’ yog bana rahe hain. brihaspati ‘hans’ namak tatha shukra saptam kendra men ‘malavya’ namk panchmhapurush yog bana raha hai. in tinon shubh grahon ki lagn par drishti hai. lagnesh budh pancham bhav men hai. jatka bahut sundar hai aur ek dhani vyakti ki patni hone ke karan rani ki tarah sab prakar ke sukh sadhnon se sanpann jivn vyatit kar rahi hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  September 2006

manushya ko jivan ke har kshetra men nana prakar ke kasht, pareshaniyon evan badhaon se do-char hona parta hai. inhen anek sroton se pareshaniyan evan vipatti ka samna karna parta hai. kabhi ashubh grah samasyaen evan kasht pradan karte hain to kai bar kala jadu athva bhut-pret se samasyaen utpann hoti hain. fyuchar samachar ke is visheshank men prabuddh lekhkon ne apne alekhon men inhin sab mahatvapurn baton ki charcha vistar se ki hai tatha inse mukti prapt karne ke nanavidh upay batae hain. mahatvapurn alekhon ki suchi men sanlagn hain- kya hai bandhan aur unke upay, yadi ap ko najar lag jae, sharirik badhaen harne vali vanaspatiyan, bhut-pret badha, mantra shakti se badha mukti, kasht nivaran, badha ke jyotishiya upay v nivaran, kalyankari jivon ke chitra lagaen badhaon ko dur bhagaen adi. in alekhon ke atirikt anya mahatvapurn alekh jivan ke bahuvidh kshetra se sambandhit hain tatha inhen sthayi stambhon men sthan pradan kiya gaya hai.

Subscribe

Apne vichar vyakt karein

blog comments powered by Disqus
.