अभिजीत: एक  उत्तम मुहूर्त

abhijit: ek uttam muhurt  

Ank ke aur Lekh | Sambandhit Lekh | Views : 6405 |  
abhijit: ek uttam muhut jatak evan muhurt granthon men adhikansh sthanon par 27 nakshatron ki ganna ki vyavastha nirdeshit hai. ‘abhijit’ namak ek atirikt nakshatra ko is vyavastha men sammilit kar ke nakshatron ki sankhya 28 bhi svikar ki gai hai. 27 nakshatron vali vyavastha ‘nirabhijit’ aur 28 nakshatron vali vyavastha ko ‘sabhijit’ vyavastha ke rup men jana jata hai. sabhijit nakshatra vyavastha ka upyog panch ya sapt shalaka vedh, avkhra chakra aur vrish vastu chakradi kuch niyat uddeshyon ke sadhan matra men kiya jata hai. anya jatak karyon ka nishpadan nirabhijit vyavastha dvara kiya jata hai. yajurved ke anusar 27 nakshatron ko gandharva kaha gaya hai. skand puran men 27 nakshatron ko chandra ki patniyan bataya gaya hai. atharva ved ke 19ven kand ke 7ven sukt men ashvini, bharni adi kram se 28 nakshatron ke nam die gae hain. rashi chakra men abhijit ki sthiti: abhijit nakshatra yadyapi adhik kantivan hai, kintu anya nakshatron ki tulna men krantivritt se dur, arthat 61043’59’’ uttar tatha vishuvat rekha se 38046’51’’ uttar sthit hai. dhruv vritt ke nikatasth hone ke karan iski sthiti avichal n ho kar, parivartanashil hai. is tarah upyogita ki drishti se abhijit nakshatra ki manyata radd kar di gai. shesh 27 nakshatron ka vibhinn 12 rashiyon men samayojan ka siddhant prachlit raha. atah usha tatha shravan namak nakshatron ke yugal vistar (26040’) men, abhijit sahit, 3 nakshatra samayojit kie gae hain, jahan vistar ki drishti se prastut tinon nakshatron ka konatmak man paraspar asman hoga. kintu rashi chakra men shesh bache 25 nakshatron ka anshatmak man saman (arthat 13020’) hi rahega. abhijit nakshatra uttarasharh ke chaturth charan evan shravan ki pratham 4 ghariyon ke sammilit samay ko mana jata hai. nakshatron ke yog ke vibhinn vistar ab prachalan men nahin hain. 27 nakshatron men se pratyek ka man 800 kala nishchit kar diya gaya hai. parantu is parivartan se abhijit nakshatra ke bhog men koi vishesh antar nahin parta. vah lagabhag 253 kala 52 vikla ke aspas rahta hai. abhijit nakshatra ka anshatmak vistar 20ga800g3g200 60 = 276 ansh 40 kala se praranbh ho kar shravan ki pratham 4 ghadiyon ke anshatmak man ke anusar 280 ansh 53 kala tak hai. surya siddhant ke anusar abhijit ke yog tara ka bhog purvasharh ke ant men hai. abhijit nakshatra margashirsh mas men uttara-pashchim men kshitij ke pas dikhai deta hai. is nakshatra ke 3 tare hain. jatak evan muhurt granthon men jahan nirabhijit ganna ke prayog ka nirdesh hai, uttarasharha shravan ke charnon ka jahan sabhijit ganna ke upyog ka nirdesh hai, vahan uttarasharha abhijit evan shravan ke charnon ka nirdharan yahan di gai talika ke anusar karna avashyak hai. jaise, jatak ke nam ke adi akshar ke nirdharan ke lie avkhra chakra ka upyog sabhijit nakshatra gannanusar karne ka nirdesh hai. atah janmakalik chandra ke bhoganshon (rashyadi) ke anusar jatak ke nakshatra charan ka nirdharan talika ke anusar karen. abhijit kal evan muhurt narad muni ke anusar din men 15 muhurt hote hain. inhin muhurton ko svami tithyansh bhi kaha jata hai. ye dinman ke 15ven bhag ke saman hote hain aur inhen nakshatron ka bhag samjha jata hai. divamuhutrta rudrahimitraah pitri vasud kam. vishve vidhatri brahmendra indragnya surtoypaah aryama bhag sagyanshch vigyaeya dash pachch ch.. din ke pahle muhurt ke svami girish (adrra), dusre ke sarp (ashlesha), tisre ke mitra (anuradha), chaithe ke pitrigan (magha), panchven ke vasu (dhanishtha), chathe ke jal (purvashadha), satven ke vishvadev (uttarashadha), athven ke brahma (abhijit), nauven ke vidhata (rohini), dasven ke indra (jyeshtha), gyarhven ke indragni (vishakha), barhven ke niriti (mul), terhven ke varun (shatbhisha), chaidhven ke aryama (uttarafalguni) tatha pandrahven muhurt ke svami bhag (purvafalguni) hote hain. ratri ke 15 muhurt is prakar hain: pahle muhurt ke svami (adrra), dusre ke ajpad (purvabhadrapd), tisre ke arhibudhnya (uttarabhadrapd), chaturth ke pusha (revti), panchven ke ashvini kumar (ashvini), chathe ke yam (bharni), satven ke agni (krittika), athven ke brahma (rohini), nauven ke chandra (mrigshira), dasven ke aditi (punarvasu), gyarhven ke jiv (pushya), barhven ke vishnu (shravn), terhven ke ark (hasta), chaidhven ke tvashtra (chitra) tatha pandrahven ke marut (svati) hain. ‘sarveshan varnanambhijitsangyako muhutrtasyat ashtamo divasasryorddh tvabhijitsangyakah kshanah..’ abhijit muhurt shubh karyon ke lie shreshth hai. yah madhyahn men ashtam muhurt hota hai. yah muhurt brahma ke vardan se sarvasiddhikarak hai, kintu dakshin disha ki yatra ke lie varjit hai. kuch shastra madhyahn ke atirikt madhya ratri (nishith) samay men bhi abhijit muhurt mante hain. ‘kalan hitva sarvadeshe lagne shasto'bhijitkshanah ambhodhi mathnotpannan prapto'tra kamlan hari..’’ jahan koi shubh lagna-muhurt n milta ho, vahan sabhi karya abhijit muhurt men kie ja sakte hain. shiv ke trishul evan vishnu ke chakra ki shakti abhijit men samahit hai. bhagvan shri ram ka janm abhijit muhurt men hua tha. adhunik kal men yadyapi abhijit nakshatra ka abhijit muhurt se koi sanbandh drishtigochar nahin hota, tathapi prachin jyotishiya itihas inke madhya sanbandh ka prabal praman hai. lagabhag 1600 isvi purva surya ke dhanishtha nakshatra men pravesh ke samay varsharanbh mana jata tha. kintu aynansh ke gati chalan ke karan isvi purva 12vin shatabdi men surya jab abhijit namak ekal tare (nakshatra) men ane laga, tab varsharanbh parva ko manae jane ka prachalan hua. is din prachin arya log vishesh utsavadi manate the. atah yah nakshatra sabhi karyon men shreshth mana jane laga. varsh ke 365 dinon men se 360 din ka varsh man kar shesh 5 din paryant vibhinn utsav evan dharmik kritya manae jate the. falasvarup abhijit ko vishesh muhurt mana jane laga. vartaman men desh ke kuch pranton, vishesh kar rajasthan evan gujrat, men abhijit ka adhik ullekh kiya jata hai. surya ki lagn se dasham bhav men sthiti bhi abhijit muhurt ya abhijit kal hai. surya se chaturth bhav men lagn, athva lagn se dasven bhav men surya ke anusar abhijit lagn ki avdhi 248 palon ki hoti hai. ganitagat praman se yah avdhi lagabhag 1 ghante 40 minat ki hogi. jab mundan, akshararanbh, vivah adi sanskaron ke lie muhurton men shuddh lagn n mil raha ho, tab abhijit muhurt apnana chahie. is muhurt men vivah safal hote hain evan putra-pautra ki vriddhi hoti hai. sikh dharm men abhijit kal ko atyadhik mahatva diya jata hai. vivah adi anek shubh karya abhijit kal men hi sanpann kie jate hain. abhijit nakshatra ka fal: atisullitkantiah sammatah sajjananan nanu bhavti vinitashcharurkitiah surupah. abhijit nakshatra men janma jatak sundar svarup vala, sadhuon ka priya, vinit, yashasvi, vipra aur devtaon ka bhakt, spashtavakta, kul men shreshth aur nrip tulya hota hai. abhijit nakshatra hi nahin, abhijit muhurt men bhi janm lene vala jatak kul shiromni hota hai. ramchritmanas ke bal kand ke dohe men bhagvan ram ke janm ka vivaran is prakar milta hai. navmi tithi madhu mas punita. sukalapachch abhijit hariprita.. muhart granth men praman hai ki abhijit muhutrt evan abhijit nakshatra donon ka alg-alag mahatva hai. kintu sanyog se abhijit kal men abhijit nakshatra bhi upalabdh ho jae, tab vilakshan sanyog falibhut hota hai. aise shubh kal men kie gae karyon ka sufal tatkal prapt hota hai. abhijit rajas nakshatra hai. yah nakshatra manushya ke rirh evan kamar ko prabhavit karta hai. iske pratham 2 charan rirh evan antim 2 charan kamar par apna prabhav dikhate hain. mansagri tatha jatkabharanam men ullekh hai ki jiska janm samay abhijit nakshatra men ho, vah uttam kanti vala, sadpurushon ka sangi, kirtivan, manohari chaviyukt, ishvar evan viprajnon ka pujak, satyavakta aur svakul pradhan hota hai. jis jatak ka janm abhijit men hua ho, uska namakaran abhijit ke aksharon ke anusar karna chahie. parantu mahadsha gyat karne ke lie nirabhijit nakshatra ganna ka upyog karen; arthat uttarasharha, ya shravan men se jo bhi janmakalin nakshatra ho, usi ke svami ke anusar mahadsha ka nirnay karen.
Kya aapko lekh pasand aaya? Subscribe

Kya aapko lekh pasand aaya? Subscribe


muhurt visheshank  November 2009

manav jivan men muhurt ki upyogita, kya muhurt dvara bhagya badla ja sakta hai, muhurt nikalne ki shastrasammat vidhi, vivah men muhurt ka mahatva, shraddh, chaturmas, malmas, dhanu ya min ka surya ashubh kyon tatha ast grah kal kaise ashubh ? ki jankari prapti ki ja sakti hai.

Subscribe

Apne vichar vyakt karein

blog comments powered by Disqus
.