शुभ कार्यों में मुहूर्त की उपयोगिता

shubh karyon men muhurt ki upyogita  

Ank ke aur Lekh | Sambandhit Lekh | Views : 4941 |  
muhurt men tithi, var, nakshatra, yog, karan, chandra mas, surya mas, ayan, grahon ke uday aur ast, grahan evan pratidin ke lagn ka adhyayan karna hota hai. samay parivartanashil hai. jo kal tha, aj nahin hai aur jo aj hai, vah kal nahin rahega. jin logon ko grah-nakshatra adi par vishvas ho, unhen har karya shubh samay par hi karna chahie. jo log ‘kort mairij’ karte hain, ve n to kisi se kundli milvate hain, aur n hi muhurt dekhakar kagaz par hastakshar kiya jata hai, fir bhi shadi safal ho jati hai. par agar shadi ke bad bhi kundli milan ki jae, shadi ke din ka nakshatra dekha jae aur dastakhat karne ka samay dekha jae to yah sari sthiti var-vadhu ke dvitiya, saptam evan ekadash bhavon se (jo shadi ke bhav hote han sanbandhit hogi, anyatha shadi shubh nahin ho sakti. atah is par vivad karna thik nahin hoga. anya grahon ka sanbandh manushya par ya prithvi par spasht rup men pare ya nahin, par surya evan chandra ka spasht prabhav parta hai. surya ke bhinna-bhinn nakshatron men pravesh karne se mausam badlte rahte han, usi prakar purnima evan amavasya ke falasvarup samudra men jvar bhata spasht rup se dekhe ja sakte hain. purnima evan amavasya ko mansik rup se asantulit log jyada pareshan rahte hain. isse spasht hota hai ki grah-nakshatra ka prabhav prithvi ke sath-sath manushya par bhi parta hai. mausam men parivartan surya-chandra k sammilit prabhav se hota hai. jab surya rohini men pravesh karta hai to bahut garmi parti hai, mrigshira men itni garmi nahin hoti hai evan adrra men varsha shuru ho jati hai. surya ke nakshatra ke anusar kisanon ko apne khet men bij bone ke lie nirdesh diya gaya hai. agar galat nakshatra men bij boe jaen, to fasal nahin hogi. is tarah yahan bhi muhurt dekhne ki jarurat hai. surya mas ki tarah hi chandra mas bhi hota hai. chitra nakshatra jis mas ki purnima ko hota hai vah mahina chaitra kaha jata hai, vishakha agar purnima ko ho to vaishakh mas adi. shubh muhurt nirdharan men varjit yog 1. janm nakshatra, janm tithi, janm mas, mata-pita ki mrityu ke din adi. 2. kshay tithiyan, vriddhi tithiyan, kshay mas, adhimas, kshay varsh, dagdh tithiyan adi. 3. jo yog nam se hi hanikarak lage, use kabhi bhi shubh kam men prayog nahin karna chahie. par jaruri hone par parihar ka upyog kiya ja sakta hai, jaise vishkunbh evan vajra yog men aranbh ki tin ghariyan chor deni chahie. parigh ka purvarddh, shul ki pratham panch ghariyan, gand aur atigand ki aranbh ki 5 ghariyan, vyaghat ki 9 ghariyan varjit hain. vyatipat evan vaidhriti ka koi parihar nahin hota, ve tyajya hain. - tithi, nakshatra evan lagn, tinon ke gandant varjit hain. - karnon men vishti, jise bhadra bhi kaha jata hai, shubh muhurt men nahin lena chahie. par agar bahut hi jaruri ho to parihar dekhna chahie. yah bahut hi ashubh karan hota hai, atah iske bare men kuch vishesh jankari avashyak hai. shukla paksh ki ashtami aur purnamasi ke purvarddh aur chaithi evan ekadshi ke uttararddh men tatha krishn paksh ki tij evan dashmi ke uttararddh aur saptami evan chaturdashi k purvarddh men bhadra hoti hai. tithi ke uttararddh men hone vali bhadra yadi din men ho to shubh hoti hai. isi prakar purvarddh men hone vali bhadra ratri men ho to shubh hoti hai. bhadra mukh par ho to aranbh ki 5 ghariyan evan puchch par ho to ant ki 3 ghariyan ashubh hoti hain. shubh karya men bhadra varjit hai, par yuddh men, raja ke darshan men, vaidya bulane men, jal men tairne men, shatru ka uchchatan karne men, stri seva karne men, yagya snan men evan gari ki savari men bhrada ka vichar nahin kiya jata hai. - manglvar, ravivar evan shanivar ko pap grah ki hora men shubh karya nahin karna chahie. - tithi, nakshatra evan din se bane ashubh yogon men shubh karya n karen. (dekhen sarni). - pap grah yukt chandra, pap yukt lagn aur pap yukt lagn ke navansh men shubh kam nahin karna chahie. - shukla paksh sabhi kamon ke lie shubh mana jata hai aur krishn paksh ki 3, 8, 13, 14 ko chor anya tithiyan shubh hoti hain. - kshin chandra shubh nahin hota. isi prakar janm rashi se ya janm lagn se ashtam rashi shubh nahin hoti. janm lagn se evan janm rashi se shashth, ashtam evan dvadash ka chandra bhi ashubh hota hai. - yadi kisi nakshatra par mangal adi pap grahon ka yuddh ho to 6 mahine tak shubh karya nahin karne chahie. grahan ke pahle 3 din evan bad ke 7 din ashubh hote hain. jis nakshatra par grahan laga ho, us nakshatra men koi bhi shubh kam nahin karna chahie. - guru evan shukra ke ast ke samay shubh karya nahin karne chahie. - ketu uday evan bhukanp adi hone ke 7 din tak shubh karya nahin karne chahie. - bachche ke namakaran ka muhurt in nakshatron men karna chahie-chitra, anuradha, mrigshira, revti, rohini, ashvini, tinon uttara, hast, pushya, punarvasu, shravan, dhanishtha aur shatbhisha. varon men ravivar, chandravar, budhvar, guruvar aur shukravar is sanskar ke lie shubh hote hanai. - shishu ka annaprashan bhi mahatvapurn hota hai. putra ka annaprashan sam mas men chathe ya iske bad evan kanya ka visham mas men panchven ya iske bad karna shubh hota hai. iske lie tinon uttara, rohini, mrigshira, revti, chitra, anuradha, hast, ashvini, pushya, abhijit, svati, punarvasu, shravan, dhanishtha aur shatbhisha shubh nakshatra hain. rikta, nanda, ashtami aur dashmi tithiyan, ravivar, manglvar, shanivar tatha janm lagn se ashtam lagn aur 12, 1, 8 lagn varjit hain. 3re, 9ven aur 11ven bhavon men pap grah hane evan 1le, 6the bhav men chandra n ho, to shubh hota hai. shishu ko bhumi par baithana evan jivika pariksha: yah sanskar mangal ke bali rahne par janm se panchven mahine men rikta tithi ko chorakar anya tithiyon men karna chahie aur tinon uttara, rohini, mrigshira, jyeshtha, anuradha, hast, ashvini, pushya men barah devtaon ki puja kar evan shishu ki kamar men dhaga bandh use prithvi par baithana chahie. isi samay bachche ke samne pustak, kalam, hathiyar, kapra, sona-chandi, paisa adi rakhna chahie. - vidya aranbh: janm se panchven varsh men ganesh, sarasvati, lakshmi evan vishnu ka pujan kar uttarayan men shubh din ko mrigshira, adrra, punarvasu, hast, chitra, svati, shravan, dhanishtha, shatbhisha, ashvini, mul, tinon purva, pushya, ashlesha adi nakshatron men evan 2, 3, 5, 6, 10, 11, 12 tithiyon men 1, 4, 7 aur 10 char lagn ko chor, shubh lagn men jab trikon, kendra men shubh grah hon, tab balak ko akshararanbh karana shubh hota hai. guruvar, budhvar ya shukravar ko akshar gyan karana shubh hota hai. yagyaopvit sanskar: yah sanskar jati bhed ke adhar par kiya jata hai. brahman ka 5 ya 8 varshon men, kshatriya ka 9 ya 11 varshon men aur vaishya ka 8 ya 12 varshon men hona chahie. yagyaopvit basant men brahman, grishm men kshatriya evan sharad men vaishya ke lie shubh hota hai. yah jati bhed aur karm ke adhar par kiya gaya hai. iske lie hast, ashvini, pushya, tinon uttara, rohini, ashlesha, svati, punarvasu, shravan, dhanishtha, shatbhisha, mul, mrigshira, revti, chitra, anuradha, tinon purva aur adrra nakshatra shubh hain. yah ravivar, somvar, budhvar, guruvar, shukravar ko kiya jata hai. shukla paksh ki 2, 3, 5, 10, 11, 12 tithiyan evan krishn paksh men panchmi tak ki tithiyan bhi shubh hoti hain. lagn se 6, 8, 12 sthanon ko chor kar anya sthanon men shubh grah hone chahie. vivah ke lie mul, anuradha, mrigshira, revti, hast, tinon uttara, svati, magha aur rohini nakshatra shubh han mason men magh, falgun, vaishakh, jyeshth, asharh aur agrahayan shubh hain. vivah ke pahle kanya varan ke lie uttarashadha, svati, shravan, tinon purva, anuradha, dhanishtha aur kritika evan var varan ke lie rohini, tinon uttara, kritika aur tinon purva shubh hain. - gandant mul: tithi gandant, lagn gandant aur nakshatra gandant santan utpatti ke lie ashubh mane gae hain. gandant kal men vivah adi shubh karya fal ke bare men kaha gaya hai ki stri shok dene vali ya mrit bachche ko janm dene vali ho sakti hai, ya fir banjh ho sakti hai. mul ke bare men kaha gaya hai ki jyeshtha, revti, ashlesha ke ant ke do gand evan mul, ashvini, magha ke adi ke do gand ashubh hain. jyeshtha, mul aur ashlesha ko bare mul ki sangya di gayi hai, vahin ashvini, revti aur magha ko chote mul ki. mul ki shanti: bare mul aur abhukt mul ki shanti 27 din men usi nakshatra men ki jati hai. iska shanti path us pal aranbh karna chahie jab chandrama shanti ke din usi ansh par ae jis par janm ke samay tha. abhukt mul jyeshtha aur mul men hota hai. jahan mul ka vas hota hai, vahin uska ashubh fal hota hai. jab prithvi men vas ho tab yahan dosh hota hai, anyatha nahin. prithvi par mul ka vas shravan, kartik, chaitra evan paush mason men hota hai. - panchak bhi shubh kamon ke lie nahin hote hain. jab chandrama kunbh rashi se min tak hota hai, to panchak kaha jata hai. dhanishtha ke dvitiya charan se revti tak ke panch nakshatra panchak kahe jate hain. ise itna ashubh mana jata hai ki stri ko kesh dhone ki bhi manahi hoti hai.
Kya aapko lekh pasand aaya? Subscribe
Kya aapko lekh pasand aaya? Subscribe


rajniti visheshank  April 2014

fyuchar samachar patrika ke rajniti visheshank men loksbha chunav 2014, vibhinn rajnetaon v rajnaitik dalon ke bhavishya ke atirikt rajniti men saflta prapti ke jyotishiya yog, kaun banega pradhanmantri, guru karenge modi ka rajtilak, rahul gandhi aur narendra modi ki kundliyon ka tulnatmak vivechan, varsh 2014 men desh ke bhagya vidhata, kiska bajega danka loksbha 2014 ke chunav men tatha sath hi shaskon ke shasak kaun, shubh karyon men muhurt ki upyogita, safal vyapari yog, panchapakshi ki visheshtaen v svabhavagat lakshan tatha ketu grah par charcha adi rochak alekhon ko sammilit kiya gaya hai.

Subscribe

Apne vichar vyakt karein

blog comments powered by Disqus
.