chartard akauntent dvara ajivika nirvah ke yog  

bhartiya jyotish ke antargat horashastron men jatak ki ajivika sanbandhi karyakshetron aur vyavsayon ka vichar bhi kiya gaya hai. prachin granthon men varnit ye fal aj ke pariprekshya men lagu nahin hote hain, kyonki pichle 50-60 varshon men karya aur vyavsayik kshetra men vyapak badlav aya hai. jyotish vishay ke mul adhar ko parivartit nahin karte hue, aj ke pariprekshyanusar ajivika nirnay karna jyotishiyon ke lie bahut avashyak hai. yah nirnay tab hi sanbhav hai, jab aj ke karyakshetra aur vyavsayon ko janakar jyotish vishay men unke yogon ki vyakhya ki jae. yah anusandhan kafi samay se jyotirvid karte rahe hain. kai adhunik jyatirvidon ne aj ke pariprekshyanusar kundli men sthit vartaman karyakshetra aur vyavsay ke yogon ki vyakhya bhi ki hai. in anusandhanon ke antargat kundli men banne vale yog jaise- injiniyar, daektar, shikshak, si. e., prabandhan kshetra, prashasnik seva, midiya, thietar adi lain men jane ka yog tatha vibhinn prakar ke vyavsayon ki vyakhya ki gai hai. yahan par kundli men sthit chartard akauntent (si. e.) dvara ajivika ke yogon ki vyakhya ki ja rahi hai. si. e. ya chartard akauntent: vartaman samay men bahut prasiddh karyakshetra hai. si. e. banne ke lie vanijya vishay men visheshagyata avashyak hoti hai. jyotish men vanijya vishay ka karak budh ko mana jata hai. atah kanudli men nimnalikhit yog hone par jatak si. e. ban sakta hai. 1. bali panchmesh yadi pancham, chaturth, ekadash, dvitiya ya saptam bhav men sthit ho. 2. guru bali hokar pancham bhav se sanbandh bana raha ho tatha chaturth, pancham, saptam, dasham ya dvitiya bhav men sthit ho. 3. panchmesh ke atirikt kundli men budh, guru v rahu bhi bali hone chahie. 4. bali budh aur rahu ka paraspar sanbandh ban raha ho athva unka pancham aur panchmesh se sanbandh bane. 5. lagnesh bali hokar pancham bhav men sthit ho tatha panchmesh bhi pancham ya lagn se sanbandh banata ho. 6. panchmesh ka sanbandh guru, budh, rahu tatha lagnesh men se kinhin do grahon se ho tatha panchmesh balvan ho. uparyukt yogon men se koi do ya tin yog kisi jatak ki kundli men ban rahe hon, to jatak si. e. ban sakta hai. ab satya udaharan is sandarbh men dekhen- janm dinank: 31-12-1981 janm samy: 11:40 sthan: sonipat (hariyana) ukt jatak ne lagabhag 23 varsh ki avastha men si. e. ki parhai purn kar, digri prapt kar li thi. vartaman men ve ek rashtriya baink men achche vetan par sarkari naukri kar rahe hain. inki kundli men si. e. banne ke yog is prakar hain. 1. panchmesh budh ekadash bhav men sthit hokar pancham bhav ko purn drishti se dekh raha hai. 2. uchch tatha vargottami rahu pancham bhav men sthit hokar budh se drishti sanbandh bana raha hai tatha donon hi grahon ka yah yog navansh kundli men bhi ban raha hai. 3. guru navam bhav men sthit hokar pancham bhav ko tatha lagn ko purn drishti se dekh raha hai. 4. varsh 1995 se guru ki mahadsha praranbh hui thi, isi mahadsha men inhonne si. e. ki parhai purn ki thi. atah guru, rahu tatha budh ke shubh prabhav yog ne hi uprokt jatak ko si. e. banaya. udaharan 2. janm dinank - 02-10-1858 janm samay - 01 - 05 baje sthan - sonipat, hariyana udaharan 2 ke jatak ek pratishthit si. e. hain aur 5 varsh asteªliya men bhi si. e. ki naukri kar chuke hain. inki kundli men banne vale si. e. ke yog is prakar hain. 1. panchmesh mangal ki apne bhav par purn drishti hai. 2. budh uchcharashi men sthit hokar rahu se yuti kar raha hai tatha rahu bhi apni svarashi men sthit hai. 3. chaturth bhav men guru sthit hokar chandra se kendra sthan men hone ke karan gajkesri yog bana raha hai. 4. rahu mahadsha men hi inhonne si. e. ki parhai purn ki tatha ek safal si. e. bane. inhen panchamasth shani ke karan si. e. ki shiksha men praranbh men thori bahut kathinaiyan ayi thin, parantu anya shubh yogon ke karan ye safal si. e. bane. udharan kundli 3 men si. e. ke yog is prakar hain. 1. lagnesh tatha karmesh budh pancham bhav men vakri hokar sthit hai. 2. panchmesh shani vakri hokar purn drishti se apne bhav ko dekh raha hai tatha budh shani ki samasaptak sthiti men hai. udaharan - 3 janm dinank - 24-01-1876 janm samay - 22 - 48 baje sthan - sonipat, hariyana 3. uchch shiksha ka karak guru chaturth bhav ka svami hokar saptam bhav men svarashi men sthit hokar hans namak panchmhapurush yog bana raha hai. 4. mitra rashigat rahu dvitiya bhav men sthit hai tatha navansh men bhi uchch ka hokar dhanesh ke sath virajman hai. 5. guru saptam bhav men svarashi ka hokar mitradrishti se ekadash tatha tritiya bhav ko dekh raha hai. is karan is jatak ne kisi kanpni men naukri nahin karke svayan ki praiktis jari rakhi. inka janm guru mahadsha men guru ke antar men hua tha. shani ki mahadsha ke praranbh men inhen vidya sanbandhi samasyaen ayin, lekin panchmesh shani ki dasha men hi ve ek safal si. e. bane. udaharan kundli 4 men si. e. banne ke yog is prakar hain- 1. lagnesh tatha chaturthesh budh ashtam bhav men panchmesh shukra se yuti kar raha hai tatha donon hi grahon ki dhan bhav par purn drishti hai. 2. guru saptamesh tatha karmesh hokar udaharan 4 janm dinank: 16-2-1982 janm samy: 15:05 sthan: sonipat (hariyana) pancham bhav men sthit hai tatha lagn men sthit rahu ko tatha lagn ko purn drishti se dekh raha hai. 3. rahu lagn men uchch tatha vargottami hokar sthit hai tatha pancham bhav ko mitra drishti se dekh raha hai. budh ki sthiti kamjor hone ke karan inhen si. e. ki parhai men pareshaniyan ai thin, parantu budh ke upay ke bad ve kafi had tak dur ho gain. budh ki mahadsha men inhonne si. e. banne ka safar tay kiya.