kya kahte hain saurav ke sitare? gubangal ke taigar saurav ke pas ek bar fir apne balle se jauhar dikhane ka samay hai. is samay unke sir kaptani ka bhar n sahi mahatvapurn jimmedari avashya hai. kya ve 13 march 2007 se hone vale vishvakap men khel paenge, bhartiya kriket tim men unka rutba kaisa rahega, prastut hai uska jyotishiya vishleshan... bhartiya tim ke purva kaptan saurav ganguli ko ek lanbe samay ke bad tim men vapsi mili hai. ek safal kaptan hone ka shrey saurav ko jata hai lekin bhartiya kriket tim se jis tarah unhen bahar kiya gaya tha uske bad vapsi ki sanbhavnaen najar kam hi a rahi thin. is samay unki vapsi bhartiya kriket tim ki dubti nav ki patvar sanbhalne vale navik ke rup men hui hai. kya ve is jimmedari ko nibhane men safal ho paenge? unki kundli men sthit sitare unka kya bhavishya batate hain, aie janne ka prayas karen. saurav ka lagn sinh hai aur shani ne jaise hi dvadash bhav men kark rashi men pravesh kiya, unhen kai tarah ki pareshaniyon ka samna karna para. ab shani sinh rashi men a gaya hai to vah punah mukhya dhara men vapas a gae hain. lekin sabhi ke man men ek prashn hai ki vah tim men jagah bana paenge ya nahin, ek divsiya maich khel paenge ya nahin. 10 janvri ko shani dobara kark men a jaega to dobara archnen paida ho sakti hain islie vishva kap men unka khelna sandehaspad mana ja sakta hai lekin julai 2007 ke bad shani ke punah sinh rashi men ate hi unki pareshaniyan samapt ho jaengi. lekin chandrama kyonki 150 se adhik anshon par hai atah kuch archnon ke uprant bhi vah ab age barhte jaenge aur julai ke bad unke sitare purn rup se buland honge.
Kya aapko lekh pasand aaya?
Subscribe