jab ham kisi ke pranay sanbandhon ko jyotishiya drishtikon se dekhte hain to prathmtah pancham bhav par vichar karte hain. is bhav men udar garbh evan mastishk garbh hote hain jinse shishu ke janm, vichar evan bhavishya ki yojnaon ka vichar kiya jata hai. ye janm ek sutri honge ya bahusutri yah grahon ki sthiti par nirbhar karta hai. varahmihir krit jatkadhyay ke anusar- panch saptaikadshe yada ch drutoshnashaah. mahodvelnan jato bhavanti bahu vitrishnadaah.. arthat pancham, saptam, ekadash bhav men yadi drut (tivragami) evan ushn grah hote hon, to jatak ke prany-vivah sanbandhon men udvelan hota hai aur ye grah bahu vitrishnadayak hote hain. drutgami chandra, mangal evan shukra ushn grah hain. is prakar pancham, saptam evan ekadash bhavon men grahon ki sthiti ya drishti ek athva bahusanbandh ka srijan karti hai.
yadi 5, 7 evan 11 ka yog karen (5$7$11 = 23 = 2$3 = 5) to punah ek yog 5 hi ata hai. is prakar pancham garbh sthan hi bahusanbandhon ka mukhya vicharkendra hai. iski pushti hetu ek udaharan par vichar karte hain: sarvavidit hai ki rajkumari dayna uprokt grah sthiti se prerit hokar bahusanbandhon ke dushchakra men is tarah fansi thin ki unhonne rajamahal ka sukh bhi tyag diya tha. dusra udaharan amerika ke purva rashtrapti bilakniltan ka hai.
lagn kundli men saptam bhav par shukra ki or panchmash kundli men pancham bhav par mangal ki purn chaturth drishti, saptamansh men chandra ki pancham sthiti aur us par mangal ki purn drishti bahusanbandhon ka karan bani. is prakar varahmihir ka kathan shabdashah falit hua. nishkarshatah chandra, mangal, shukra ki pancham, saptam evan ekadash bhav men sthiti bahusanbandhon evan bahuvivah ka karan hoti hai.