रत्न क्यों, कब, कैसे और कौनसा पहनें

ratn kyon, kab, kaise aur kaunsa pahnen  

Abha Bansal
Views : 730 | September 2004

ratnon ki utpatti samudra manthan se juri hui hai. ratnon ki mahatta jyotish shastra men grahon ke upchar ke lie vishesh rup men kahi gayi hain. ratn kaise kam karte hain? kya koi uparatn ya shishe ka rangin tukda ratn ka kam nahin kar sakta?

isko samjhne ke lie ek rediyo ko dekhen. jis prakar maikro tarangen pure akash mandal men vyapt hain, lekin unko pakar kar dhvani men parivartit karne ke lie rediyon ko ek avritti par samasvaran karna parta hai, usi prakar pratyek grah se ane vali sabhi tarangen vayu mandal men sthit hain aur inko ekatrit karne ke lie khas madhyam ki avashyakta hoti hai.

vishesh ratn vishesh grah ki rashmiyon ko anukul banane ki kshamata rakhte hain. samasvaran shighra hi badal jata hai, islie uparatn, ya usi rang ka shisha samasvaran ka kam nahin kar pata. ratn rashmiyon ko ekatrit kar manushya ke sharir men samavesh karate hain. isi lie mudrika ko is prakar banaya jata hai ki usmen jara ratn sharir ko chuta rahe.

hamare hath ki alg-alag ungliyon se snayu niyantran mastishk ke alg-alag bhagon men jata hai evan unka asar uske anurup hota hain. vishesh ratn ko vishesh ungli men pahnne ka adhar bhi yahi hai. kis grah ki rashmiyon ka asar mastishk ke kis bhag men jana chahie, uske anusar ungliyon ka grahon se sanbandh bataya gaya hai.

kisko kaunsa ratn pahnna chahie, iske lie ankon niyam bataye gaye hain, jaise: 1. janm rashi, ya nakshatra ke anusar 2. surya rashi ke anusar 3. dasha-antardasha ke anusar 4. janmapatri ke anusar shubh grahon ke lie 5. janmapatri ke anusar ashubh grahon ke lie 6. janmavar ke anusar 7. mulank, bhagyank, ya namank ke anusar 8. hast rekha ke anusar 9. avashyakta anusar, ya ratn ke gun ke anusar.

yadi ham sabhi paddhatiyon dvara bataye gaye ratnon ko pahnenge, to hamen sare hi ratn pahnne parenge aur yadi ham in paddh tiyon dvara bataye gaye ratnon men se ek samanya (common) ratn pahnne ki koshish karenge, to shayad kabhi bhi koi ratn dharan nahin kar paenge. atah hamen ek sarvashuddh paddhati hi apnani chahie aur vah hai, apni avashyakta ke anusar, janmapatri ke shubh grahon ke lie ratn dharan karna.

shubh bhavon ke svami, ya unmen sthit grah hi shubh faldayak hote hain. grah shubh hai ki nahin, iske lie ham, ganit ke adhar par/ek, sutra bana sakte hain:

gems-why-when-how-and-what-wear
bhav 1 2 3 4 5 6 7 8 9 10 11 12
ank 5 2 1 3 4 1 2 -1 5 3 2 0

grah kis bhav ka svami hai, uske ank evan jis bhav men vah baitha hai, uske ank ko jor den. yadi grah ek hi bhav ka svami hai, to do se guna kar joden. is prakar praptank yadi 7, ya usse adhik hai, to grah shubh hai, anyatha ashubh. jaise sinh lagn ki kundli men yadi surya chaturth bhav men baitha hai, to surya ko chaithe bhav men mile 3 ank evan lagnesh hone ke karan mile 5 ank, kul ank mile 5×2$3 = 13, arthat shubh. isi prakar ismen yadi shani chaturth bhav men hai, to shani ko chaithe bhav se mile 3 ank, saptamesh ke mile 2 ank evan shashthesh hone ke mile 1 ank. kul praptank = 3$2$1 = 6 arthat ashubh.


apni kundli men rajyogon ki jankari paen brihat kundli riport men


is prakar kaun sa ratn kis kundli men shubh rahega, ya ashubh, iska sutra hua

grah ank = grah ke bhav sthiti ka ank $ grah ke ek bhav ka ank $ grah ke dusre bhav ka ank ratn kitne bhar ka pahnna hai, iske lie grah ka bal evan jatak ka bhar, do mukhya char hain. yadi jatak ka bhar adhik hai, to ratn ka bhar bhi adhik hona chahie. yadi grah ka bal kam hai, to, grah ko adhik bal dene ke lie, ratn ka bhar adhik hona chahie. is kriya ko bhi ek chote se sutra men bandh sakte hain. pratyek ratn ka ausat bhar alg-alag rahta hai, jaise -

ratna manik moti munga panna pukhraj hira nilm gomed lahsuniya
ausat bhar 4 4 6 4 4 1 4 5 6

ratn ke ausat bhar men badlav jatak ki kundli men us grah ke bal evan jatak ke bhar ke anusar karna chahie. yadi jatak ka ausat bhar 60 kilo mana jae, to

ratn ka bhar = ausat bhar × jatak ka bhar / 60 × grah shatbal

 

grah ke shatbal se bhag dene ke karan yadi grah balvan hai, to ratn ka bhar kam ho jata hai aur yadi grah balhin hai, to bhar adhik ho jata hai.

uparyukt sutra se jo vajan aye, use savaye men badal lena chahie, jaise yadi ganna ke dvara 6) ratti bhar ata hai, to use 7( ratti bhar ka ratn pahnna chahie. is prakar ratn evan uske bhar ki ganna kar ke jatak ko ratn ke lie niche batayi gayi ungli men, ratn ko upyukt dhatu men jarva kar, pahnna chahie.

manik surya sona anamika ravi pratah
moti chandra chandi, ya sona(chandi yukta) kanishthika som pratah
munga mangl chandi, ya sona(tanba yukta) anamika mangl pratah
panna budh sona kanishthika shukra pratah
pukhraj guru sona tarjani guru pratah
hira shukra plaitinam, ya sona (chandi yukta) kanishthika shukra pratah
nilm shani panch dhatu, ya sona (14 kairet) madhya shani sayan
gomed rahu asht dhatu,ya sona (14 kairet) madhya shani/budh suryasta
lahsuniya ketu sona anamika guru/mangl suryasta

yadi grah apni rashi men n ho kar mitra rashi men hai, to ratn ko uski ungli men bhi pahnaya ja sakta hai, jaise shukra yadi shani ke ghar men ho, to shani ki ungli men pahnane se shubh fal prapt hote hain.

uparyukt ganna se prapt shubh grah ka ratn uski, ya uske mitra ki dasha men pahnna chahie. yadi grah ashubh hai, ya shubh hai, lekin uske mitradi ki dasha nahin hai, to uska ratn nahin pahnna chahie. keval dashanusar ratn pahnna hanikarak ho sakta hai. sath hi avashyaktanusar, jaise shadi ke lie saptamesh ka ratn, parhai ke lie chaturthesh, ya panchmensh ka ratn, svasthya ke lie lagnesh ka ratn adi bhi grah ki shubhta evan dasha nath se shubh sanbandh dekh kar hi pahnna chahie.


to get your personalized solutions, talk to an astrologer now!


Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

January 2021 Special  जनवरी 2021

futuresamachar-magazine

फ्यूचर समाचार के इस अंक में नववर्ष मंगलकारी कैसे हो, गुरु गोचर 2021, 2021 में भारत की राजनीति, अर्थव्यवस्था और शेयर बाजार, बारह राशियों का वार्षिक फलादेश, जन्म दिनांक से जानें कैसा रहेगा नया वर्ष 2021 आदि लेख सम्मिलित हैं।

Subscribe


.