nad svar, mantra dvara rogon ka nivarn (0 views)

mantron men ek nishchit avriti hoti hain. shlok men bij lagane se mantra ka janm hota hain. kisi mantra ya shlok ko siddh karne ke lie bij mantra ko sadhna avashyak hain. svar ka bahut jyada prabhav hota hain. prachin kal men svar vigyan ka prayog dvitiya yuddh men pratiyogiyon ko marne ke lie bhi kiya gaya tha. pashchim deshon men ki gai ek risarch se yah gyat hua ki gayatri mantra ka nirantar jap karne vale vyaktiyon ka kainsar rog shighra thik hua. svar vigyan ka prayog kar ganbhir rogon ka ilaj kiya ja sakta hai. bharat men sangit, madhur dhvani ke madhyam se ek yog pranali ki tarah hai, jo manav jiv par karya karti hai tatha atmagyan ki had ke lie unke uchit karyon ko jagrit tatha viksit karti hain, joki hindu darshan aur dharm ka antim lakshya hai. madhur lay bhartiya sangit ka pradhan tatva hai. 'mantra svar' ka adhar madhur lay hai. vibhinn 'svar nad’ kendriya tantrika pranali se sanbandhit anek rogon ke ilaj men prabhavi pae gae hain. chikitsa ke rup men sangit ke prayog karne se pahle yah avashya pata karna chahie ki kis prakar ke sangit ka upyog ho. sangit chikitsa ka siddhant, sahi svar shaili tatha sangit ke mul tatvon ke sahi prayog par nirbhar karta hai. charak rishi ne sangit ke aushdhiya prabhav ka varnan apne granth men kiya hai. ‘shabda-kautuhl' granth men bhi maind rishi ne vadyon ki dhvani dvara rog nidan tatha shravn-mann-kirtan se rog nivaran ki bat kahi hai. vyaktigat vikaron ko thik karne ke lie nad svar ka prayog labhkari siddh ho sakta hain. ayurved men deh dharan ki tin dhatuyen batai gai hain- vat, pitt aur kaf. inmen se kisi ek dhatu men bhi vikar ane se tatsambandhi rog sharir men hone lagte hain. atah in tinon dhatuon ka santulan banaye rakhne ke liye shabd shakti, mantra shakti aur git shakti ka bhi prayog hota raha hai. rishi-muniyon dvara sangit v mantra sadhna o'm dvara anek prakar ki siddhiyon v chamatkaron par adhikar prapt karna sangit ke prabhav ka bodh karata hai. mantra nad ka niyamit uchcharan karne se jivan ki anek vyaktitva sanbandhi doshon ko thik kiya ja sakta hain. un shabd ka uchcharan nad svar men karne se bare bare rog thik kie ja sakte hain.