uttam faladesh karne ke samanya niyam (0 views)

faladesh karte samay jis grah ke adhar par faladesh karna chahte hai us grah ki vastavik sthiti ka mulyankan karna jaruri hain. iske sath hi grah gochar ki jankari bhi avashya honi chahie. faladesh ki saflta ke lie bhav, bhavesh ka bal bhi malum hona chahie. jis bhav ya bhavesh ki sthiti kamjor hogi us bhav se sanbandhit vishyon se kasht prapti ke yog ban sakte hain. bhav, bhavesh aur karak ka majbut hona karya ki saflta arthat karyasiddhi ka suchak hota hain. shuddh faladesh karne ke lie sabse pahle jyotishi ke pas salah lene aye vyakti se uska prashn spasht rup se puch lena chahie. ek samay men ek prashn par karya karna uttam rahta hai. ek se adhik prashn hone par prashnakarta bhramit ho sakta hai aur ap ke faladesh men bhi janch ki kami ho sakti hain. prashn ko ek sthan par likh len tatha uske bad prashn se jure bhav, bhavesh aur karak, grah, dasha evan gochar ka nirikshan karna chahie. faladesh ganna karte samay kabhi bhi jyotishi ko vyaktigat nahin hona chahie. vyakti vishesh, pad ya anya karnon se apanatva, bhavukta ka bhav ane par faladesh men shuddhata ki kami la sakta hain. jyotishi ko kam aur avashyak hone par hi bat karni chahie. vyarth ki soch aur vyarth ki baten karne se bachna chahie. faladesh karte samay ganbhir hokar faladesh karna chahie. salah lene vale vyakti ko sahi faladesh apna kartavya samajh kar karna chahie. purvagrahon se jyotishi ko bachna chahie. anyon ki kundli men banne vale yogon ke faladesh ko yathavat kisi anya kundli par nahin lagana chahie. tatha faladesh karne ka sabse vishesh niyam yah bhi hai ki jyotishi ko samne baithe vyakti se prabhavit hue bina faladesh karna chahie. prabhavit hokar faladesh ka nirnay nahin lena chahie. faladesh ke sath hi avashyak upay bhi batane chahie. hraday se soch kar faladesh kabhi nahin karna chahie. sadaiv vyavharik hokar faladesh karna chahie.