pratham bhav janmakundli ke pratham bhav men mangal jatak ko sahsi, nirbhik, krodhi, kisi had tak krur banata hai, pitt rog ka karak hota hai tatha chidchida svabhav vala banata hai. usmen tatkal nirnay lene ki kshamata hoti hai tatha vah logon ko prabhavit karne tatha apna kam karvane ki yogyata rakhta hai. vah achal sanpatti uttaradhikar se prapt karta hai. sath hi sath svayan ke prayas se bhi nirman karta hai. parantu yadi is bhav men mangal nich ka hua to jatak daridra, alsi, asantoshi, ugra svabhav ka, sukh men kami, kathor, duvryasni tatha patit charitra vala bana sakta hai. jatak ko netron ke kasht tatha panchven varsh men jivan par sankat ka bhay hota hai. dvitiya bhav janmakundli ke dusre bhav ka mangal jatak ko krishi se ajivika pradan karta hai. charitrahin logon se kasht pa sakta hai. anavashyak vishvas ke karan dhan hani tatha danton men kasht ka bhi bhay rahta hai. parivar ke anya sadasyon ka rukha svabhav dukhon ka karan ho sakta hai tatha uske bijli tatha ag se savdhan rahne ki avashyakta hai. vah tikhe bhojan ka shaukin, chidchida tatha aushdhiyon aur pashuon se labh prapt karta hai. jivan ke naven varsh men svasthya ka tatha 12ven varsh men dhan ki hani ka bhay rahta hai.
tritiya bhav tritiya bhav ka mangal jatak ko parakrami, shatru par vijay pane vala, yuddh kala men nipun, parivar janon se sukh pane vala, chote bhai ke lie kasht ka karan tatha yatra ka premi banata hai. vah raja athva shasan dvara samman ka adhikari hota hai, parantu pidit mangal mansik kasht, dhan abhav tatha jivan ke 13ven varsh men mata ke lie kasht ka karan ho sakta hai. chaturth bhav chaturth bhav ke mangal ka jatak patni ke prabhav men rahta hai. mata se aprasann tatha vibhinn rogon se pida pradan karta hai. jatak vyakul, chor v agni ka bhay tatha jivan sathi (pati ya patni) se asantosh ka anubhav karta hai. is bhav men uchch ka mangal jatak ko achal sanpatti tatha vaibhvshali vahan ka sukh pradan karta hai kintu nich ka mangal ath varsh ki ayu men parivar men durghatana ka karan hota hai. pancham bhav pancham bhav ka mangal jatak ko sharirik rogon se kasht, santan se chinta, agni se bhay tatha kam akla logon se prabhavit hone vala banata hai. jatak parivar ke sath tirth yatra karne vala, krur, chanchal, patni ka garbhapat se kasht ki sanbhavnaon vala hota hai. jokhim uthane vala, vaibhvshali, shiksha men badha, anaitik karya karne vala tatha jivan ke chathe varsh men bijli athva ag se kasht pane vala hota hai. shashtham bhav chathe bhav ka mangal jatak ko prasiddhi, vidvanon se maitri tatha upakramon men saflta pradan karta hai.
unmen virodhi aur pratidvandviyon se sidhe samna karne ki yogyata hoti hai. yadi chate bhav men mangal nich ka ho ya kamjor ho to jatak adhinasthon v thagon se chala jane vala, mata se sukh men kami, nirbhik kintu rogon se kasht pane vala banata hai. ayu ka 34van varsh labhkari hota hai. saptam bhav saptam bhav men mangal jatak ko sajhedari se kasht, vaivahik jivan men asantosh athva parivar se dur avas de sakta hai. yadi mangal pidit ho to vibhinn prakar se kasht deta hai. jatak anaitik karyon men lipt ho sakta hai. nashe adi vyasan ka adi ho sakta hai. use vibhinn mamlon men adalat men khincha ja sakta hai. jivan men samy-samay par chunautiyon ka samna karna padta hai. ayu ke 27ven varsh men parivar men kisi sadasya ke svasthya ke prati kashtadayak hota hai. ashtam bhav ashtam bhav ka mangal jatak ko dhanvan aur neta banata hai. usmen vyay ki utkrisht ichcha hoti hai tatha vah netra vikar se pidit hota hai. use agni v astra se bhay rahta hai. is bhav men uchch ka mangal jatak ko paitrik sanpatti pane men sahayak hota hai kintu nich ka mangal samasyaon ko janm deta hai. aisa jatak bavasir se pidit tatha sada arthik samasyaon se ghira rahta hai. ayu ka 25van varsh durbhagya dene vala ho sakta hai. navam bhav navam bhav men mangal jatak ko jhutha, hathi, krur, sandehi, ishryalu tatha pita ke pyar se vanchit rakhta hai.
uchch ka mangal jatak ko prasiddhi, dharmik, dhani, dani, shasan se sammanit, buddhiman tatha apne prayas dvara karyakshetra men unnati ke shikhar ko pane vala banata hai. nich ka mangal use vibhinn rogon se pidit, papamay tatha durbhagyavan karta hai. ayu ke 28ven varsh men bhagya lakshmi ji ki us par vishesh kripa hoti hai. dasham bhav dasham bhav ka mangal jatak ko tejasvi, vijyi, udarmna, balishth, shaktiman tatha viprit ling valon ko sahaj hi prabhavit karne vala banata hai. vah apne lakshya ko prapt karne vala koi bhi karya adhura n chodne vala tatha apne guru v badon ka adar karne vala hota hai. vah dhairyavan, dusron ki sahayta karne vala, dani tatha apne parakram dvara vidrohiyon ko parast karne ki kshamata rakhne vala hota hai. vah chunautiyon ko svikar karne vala tatha adhikatar avsron par apni yogyata ko siddh kar dikhale vala hota hai. yadi mangal kamjor hai to jatak ko nashe ki lat, vyapar men nuksan tatha ayu ke 26ven varsh men svayan par sankat deta hai. ekadash bhav gyarven bhav ka mangal vyakti ko dhanvan tatha apni adhikansh ichchaon v akankshaon ko pura karne vala banata hai. jatak udar hriday, shasan se labh pane vala, mukhyatah apne dvara kie gaye prayason se labhanvit hone vala tatha prabhavshali logon se maitri rakhne vala hota hai, kintu nich ka mangal samy-samay par badhaen utpann karta hai.
use nitihin, dushcharitra mitron v santan dvara dhanhani ka bhay rahta hai. jivan ke 24ven varsh men vah vishesh labh arjit karta hai. dvadash bhav barhven bhav ka mangal jatak ko samman se vanchit tatha dusre ke dhan par kudrishti rakhne vala banata hai. aise vyakti men nashe ki lat v vivah se atirikt sanbandh hone ki sanbhavna rahti hai. yadyapi vah parishrami tatha dhansangrah ki ichcha rakhne vala parantu parivar, vishesh rup se patni uske jivan ki ek badi badha hoti hai. nich ka mangal hone par jatak uchch pad se patit hota hai evan jel ka kasht bhi bhogna pad sakta hai. ayu ke 45ven varsh men use samasyaon se jujhna pad sakta hai. vibhinn rashiyon men mangal ka parin aam v prabhavah mesh mangal mesh rashi men vyakti ko sahsi, yuddh kshetra men vijyi tatha adhikariyon v shasan se labh pane vala banata hai. raja v shasan se samman, adhikadhik dhan kamane vala tatha jivan men sanpatti aur samriddhivan karta hai. mesh rashi ka vyakti sada sadachari rahta hai kintu kabhi-kabhi sharirik rog ka bhagi hota hai. vrish vrish rashi men mangal vyakti ko gyani, vyaktiyon ka samman karne vala banata hai.
uske uddeshya sada sakaratmak hote hain. vah satya karmon men apne dhan ko lagane men ruchi rakhta hai. vah chintanashil tatha jahan tak ho sake vyavhari hone ka prayas karta hai. usmen vriddhavastha ke lie bahut-sa dhan sanchay karne ki ek mahatvapurn ichcha rahti hai tatha patni ke lie vah asvasthata ka karak hota hai. mithun yadi mangal mithun rashi men virajman ho to yah vyakti ko bhraman priya banata hai. atah vah vibhinn sthanon se achchi tarah parichit ho jata hai. is jatak ka apne pita se hamesha matbhed rahta hai kintu apne uchchadhikariyon par vah achcha prabhav chodta hai. parijnon se samrupta ka abhav rahta hai.
vah batuni tatha vibhinn kalaon men daksh hota hai. mangal ki is rashi men upasthiti ise ativyayi banati hai. kark kark rashi men mangal jatak ko vahan, ghar, naukar, chakar tatha achal sampatti ka sukh pradan karta hai. usmen anavashyak vivadon men padne tatha uske karan mansik kasht bhogne ki vritti rahti hai. kabhi-kabhi uske avaicharik karya uske lie kasht ka karan hote hain tatha patni v santan se asantosh bhi spasht dikhai deta hai. sinh sinh rashi men mangal jatak ko uchchadhikari tatha dusron ko sada hi prabhavit karne vala hota hai. vah vyakti sahsi, vishvasniya, dridh nishchay vala tatha netritva ke gunane vala hota hai. vah raja v adhikariyon ka priya, sanymi, bhagyavan tatha apne adhikaron ke lie sada ladne ko taiyar rahne vala hota hai. patni ya pati dvara bhagya men vriddhi, kintu putra se asantosh, bijli v ag se kasht ka bhay rahta hai.
kanya kanya rashi ka mangal jatak ko charitravan, naitik, samarth tatha ati dhani banata hai. vah hansmukh, prasannachitt, has-parihas men ruchi vala tatha dusron ko sahaj hi apni or kar lene vala hota hai. viprit ling valon se bahut-si ashaen lagane vala hota hai. jatil paristhitiyon ke nirnay men samarth kintu dhan ka ana kuch badhit rahta hai. tula tula rashi men mangal jatak ko karyonmukh, spasht vyavhar vala, imandar tatha unmukt svabhav vala banata hai. usmen vidyut gati se nirnay lene ki shakti hoti hai. vah yatraon ka premi tatha nae logon se milne ko sada atur rahta hai. in jatkon men vyavsayik samajh sada sahi hoti hai tatha viprit ling valon se sanbandhon men bhagyavan hote hain. vrishchik bhav vrishchik rashi men mangal jatak ko achal sanpatti se ay pradan karta hai. vah sahsi, nirbhik, khatre uthane vala tatha bina kisi der ke yen ken prakaren saflta ke marg par badhne vala hota hai. vah apne irda-gird bahut se shatru bana leta hai. kintu koi bhi uske sammukh hokar uski alochna nahin kar pata. inki ruchi v aruchi ati had tak badhi hoti hai.
inhen jo ruchikar hota hai us par vah pyar v mamta ki bauchar kar dete hain kintu aruchi hone par unke dvesh v ghrina ki koi sima nahin rahti tatha tab vah apne vrishchik svabhav men a jate hain. dhanu bhav dhanu rashi ka mangal jatak ko sada satya karyon men lipt tatha apni spasht chavi ke prati sada sachet banata hai. vah mehnti v karmath hote hain tatha ek bar lakshya ke prati ekagra hone par vah use pane men koi kasar nahin chodte. anavashyak vivadon se dur rahne vale tatha sanbandhon men khulepan se vyavhar karne vale hote hain. ye dharmik pravritti tatha pauranik granthon men ruchi lene vale hote hain.
makar makar rashi men mangal jatak ko vijyi tatha yuddh bhumi men samman pane vala banata hai. vad-vivad men bahut kushal tatha kabhi bhi prativadi se n harne vala hota hai. vah uchch pad prapt karta hai. samriddh vatavaran men jivnyapan karta hai. achchi ay tatha uchch adhikari pad prapt karne men samarth hota hai. netritva ki yogyata hoti hai tatha apne karyon ke karan samaj men khyati prapt karta hai. kunbh kunbh rashi men mangal jatak ko arthahin, vad-vivadon men lipt tatha alabhkari upakramon men samay apavyay karne vala banata hai. yadyapi savdhan rahte hain kintu apne se sanbandh n rakhne vale vishyon men uljhne vale hote hain. inmen dharmik karmakandon ke virodh ki vritti hoti hai. parantu adharmik hone ka dikhava karte hain jo ki ve vastav men nahin hote. santan ke sath talmel men kami tatha unhen n samajh pana chinta ka karan hota hai.
vah ativyayi v krodhi ho sakta hai. min min rashi men mangal jatak ko mansik dvandva pradan karta hai. inmen dusron ki sahayta v satyakarm ki atut ichcha hoti hai. kintu inka chitt vibhinn vicharon se itna chintagrast rahta hai ki vah apna sanyam khokar kathor vritti vala ho jata hai. avyavharik nivesh uske dukhon ko badha dete hain tatha unhin ke chalte vah karj ke bojh men bhi dab sakte hain. santan ke lie chinta v bina ichcha ke pardesh men vas karna pad sakta hai.