tairo dek men tapasvi kard, nau nanbar ka kard hai. yah kard satarkata v shanti ka pratik hai. tairo riding ke dauran jis vyakti ke liye yah kard niklta hai us vyakti ki visheshta yah hai ki vah bahut dhairyavan hai. paristhitiyon se jaldi ghabrata nahin hai. bina soche-samjhe kisi bhi bat ke lie jaldi se han ya n nahin kahta. kisi bhi javab ke liye vah samay chahta hai tatha bahut soch vichar karne ke bad ghatna ko charane taraf se upar niche dekhne ke bad hi gahrai se us par manan karne ke bad hi nirnay leta hai. aisa vyakti bahut hi sahnshil v dhairyavan hota hai. aisa vyakti ghabrahat men koi ekshan nahin leta, n hi kisi ke bare men buri ya achchi ray deta hai. aisa vyakti sanymi v nyutral rahta hai v n kisi ki jaldi se tarif karta hai aur n hi alochna karta hai. kisi bhi naye kam ko shuru karne se pahle uski bhumika prasangikta, bhut, bhavishya ke bare men manan karke khojbin karta hai.
kisi par jaldi vishvas nahin karta. koi bhi kam ya bat karne se pahle vah yah janna chahta hai ki iska parin aam kya hoga. kya aisa karne se meri mitrata, parivar-janon, parosi sanbandhiyon, bachchon par iska koi viprit prabhav to nahin parega? aisa vyakti atm vishleshak ya atm khoji kahlata hai. aisa vyakti har bat ko apne upar lekar dekhta hai ki koi agar mere sath aisa kare to mujhe kaisa mahsus hoga. aisa vyakti apni kamiyan v apni khubiyan apne hi andar dhunrhta hai. aisa vyakti koi bhi nirnay apni simaon men rahakar hi karta hai. aisa vyakti ekant men baithakar shanti se apni samasyaon, apne andheron se niklne ka rasta svayan hi khojta hai jaise pahar par akela khara vyakti rat ke andhere men lalten pakre apna rasta khoj raha ho. jab bahut khojne (sochne samjhne) ke bad usko rasta kuch najar ane lagta hai to uski ankhon men, chehre par saflta ki ek chamak a jati hai aur usko aisa pratit hota hai jaise uski baitri ab charj ho gai hai aur ab usko sara rasta saf dikhai de raha hai. ab vah apni samasyaon ka hal bari asani se nikal sakta hai.
aise vyakti bare samjhdar v ekantapriya hote hain, ye ganbhir v mannshil vyaktitva vale hote hain. aise vyakti gappi v fijul baten karne valon se thori duri banakar rakhte hain. samaj men sabse jyada ghulte-milte nahin hain balki har vyakti, ghatna v baton ko vibhinn drishtikon se dekhakar uski gahrai men jakar satya pata karne ka prayas karte hain tatha satyata ko sabke samne rakhte haine. jis vyakti ka tairo riding men yah kard nikla hai vah kisi bhi umra aur jendar ka ho sakta hai yani ki bachcha, burha, javan, stri ya purush. lekin vah jo bhi hai uski charitra ki visheshtaen yahi hongi. man lijiye jiska kard ‘di harmit: tapasvi’ nikla hai vah bachcha hai, student hai to vah apne tichar ka parhaya gaya path bahut dhyan se sunega, uski baton par manan karega, achchi tarah se soch samajhakar uska uttar dega aur is rakar har vishay ko gahrai se soch kar hi prashnon ka hal nikalega v pariksha men achche parinam layega. agar kard dharak javan hai, sarvis karta hai to vah bhi apne baes ki kahi gai har bat ko vibhinn drishtikon se dekh kar javab dega tatha apne baes ki najron men uchch sthan prapt karega. agar vah vyakti jiska yah kard nikla hai koi bijnesmain hai
to vah apne bijnes ko age barhane ke liye har kadam funk-funk kar rakhega. vah jaldabaji men kabhi aisa nirnay nahin lega jiska uske bijnes par viprit prabhav pare. vah ganbhirtapurvak har drishtikon par vichar karne ke bad hi kisi nirnay ka kriyanvayan karega. agar jiska kard nikla hai tairo riding men vah koi stri hai to apne parivarik v samajik rishte nibhane men bahut samjhdari se kam legi. vah jaldabaji men apne munh se kabhi aisi bat nahin nikalegi jisse uske sasural v mayke donon men se kisi se bhi sanbandh kharab ho. vah apni kushlta se sabhi rishton men ek taratamya banakar rakhegi taki uska parivar prasann rahe. is prakar vah kushal grihini kahlayegi. agar jiska tapasvi kard nikla hai
vah vyakti bara hai to vah apni umra ka aur rishton ka lihaj karke parivar men sabse aisa vyavhar karega ki har bat men uska barappan najar ayega aur isse vah sabka adar ka patra ban jayega.