lal kitab ke rin  

lal kitab ke rin pramod kothari nav grahon se sanbandhit rin nimn prakar ke hain: surya se svarin: pancham bhav men papi grahon ke hone se jatak ko svarin hota hai. prachin paranpraon ke apman aur jatak ke nastik svabhav ke karan yah rin hota hai. is rin ke prabhav se jatak ko sharirik kasht, mukaddame men har, rajdand, pratyek karya men sangharsh adi ashubh prabhavon se gujrna parta hai aur jatak, nirdosh hote hue bhi, doshi ban jata hai. upay: jatak ko apne sage-sanbandhiyon se barabr-barabar dhan le kar yagya karna chahie. tabhi jatak ko rin se mukti milegi. chandra se matri rin: chaturth bhav men ketu sthit hone se matri rin hota hai. mata ka apman karna aur use yatnaen dena, ghar se beghar karna adi ashubh karmon ke karan yah rin hota hai. iske prabhav se jatak ko vyarth dhan-hani, rog, rin aur pratyek karya men asflta ka samna karna parta hai. upay: jatak dvara rakt sanbandhiyon se barabr-barabar bhag men chandi le kar chalte pani men bahane se is rin se mukti milti hai. mangal se sage-sanbandhiyon ka rin ah pahle aur athven bhav men budh aur ketu grah hon, to sanbandhiyon ka rin hota hai. is rin ke prabhav se jatak ko achanak bhari hani uthani parti hai. uska sarvasva svaha ho jata hai. jatak sankton se ghir jata hai. yah prabhav mukhyatah 28 ven varsh men hota hai. upay: parivar ke pratyek sadasya se barabr-barabar dhan ekatra kar ke kisi shubh karya hetu dan men dene se is rin se mukti milti hai. budh se bahan ka rin: lal kitab janmakundli men tisre, ya chathe bhav men chandrama hone se bahan ka rin hota hai. larki, ya bahan par atyachar karne, use ghar se nikalne, athva kisi larki ko dhokha dene, ya uski hatya kar dene se yah rin hota hai. is rin ke bojh se jatak ko arthik rup se kai pareshaniyon ka samna karna parta hai. uska jivan sangharshamay ho jata hai aur use mitron, ya sage-sanbandhiyon se koi sahayta nahin mil pati hai. upay: is rin se mukti ke lie jatak samast parivar ke sadasyon se barabr-barabar pile rang ki kauriyan ekatra kar ke, unhen jala kar, rakh kare. usi rakh ko bahte pani men bahana chahie. guru se pitri rin: dusre, panchven, naven aur barhven bhav men shukra, budh aur rahu sthit hone se pitri rin hota hai. shraddh n karne, mandir, ya pipal ke vriksh ko kshati pahunchane, athva kutunb ke kul purohit ka parivartan karne se yah rin hota hai. iske falasvarup jatak ko vishesh kar vriddhavastha men anek kasht bhogne parte hain. uske jivan bhar ki sanchit punji vyarth karyon men nasht ho jati hai. upay: kutunb ke pratyek sadasya se dhan ekatra kar ke kisi shubh karya hetu dan men dena chahie tatha ghar ke nikat sthit mandir, ya pipal ke per ki dekhbhal karen. shukra se patni ka rin: dusre aur satven bhav men surya, rahu aur chandrama sthit hon, to patni ka rin hota hai. patni ki hatya, ya use apmanit kar mar-pit karne se yah rin hota hai. is rin ke prabhav se jatak ko anek dukhon ka samna karna parta hai. vishesh kar mangal karyon men koi apriya ghatna ghatit ho jati hai. upay: kutunb ke pratyek sadasya se barabr-barabar dhan ekatra kar 100 gayon ko bhojan karane se is rin se mukti milti hai. shani se ashay ka rin: dasven aur gyarhven bhav men surya, chandra aur mangal sthit hone se ashay vyakti ka rin hota hai. jiv hatya karne, dhokhe se kisi vastu par adhikar kar lene aur kisi ashay vyakti ko kasht dene se yah rin hota hai. is rin se jatak aur uske kutunb ko anek pareshaniyon ka samna karna parta hai. jatak ki unnati men anek badhaen ati hain aur uska jivan narak sadrish ban jata hai. upay: kutunb ke samast sadasyon se barabr-barabar dhan ekatra kar ke sau majduron ko bhojan karana chahie. rahu se ajanme ka rin: barhven bhav men surya, shukra aur mangal hone se ajanme ka rin hota hai. is rin se jatak ko sage-sanbandhiyon se bhi dhokhe ka samna karna parta hai. jatak ko sharirik chot pahunchti hai aur karya- vyavsay men hani hoti hai. kutunb ke sadasya bhi pareshan rahte hain. jatak ko charon taraf se har ka samna karna parta hai aur nirdosh hote hue bhi use jel jana parta hai. upay: kutunb ke pratyek sadasya se ek-ek nariyal ekatra kar bahte pani men bahane se is rin se mukti milti hai. ketu se ishvariya rin: chathe bhav men chandra, mangal hone se ishvariya rin hota hai. lalach men a kar kisi ki hatya kar dene, sage-sanbandhiyon se vishvasghat karne aur nastik prakriti ka hone se yah rin hota hai. jatak ka kutunb barbad ho jata hai. jatak ki santan nahin hoti hai. use vishvasghat ka samna karna parta hai. uska jama dhan dhire-dhire vyarth ke karyon men nasht ho jata hai. upay: kutunb ke pratyek sadasya se dhan ekatra kar ke 100 kutton ko bhojan karane se is rin se mukti milti hai.