vastu shastra aur jiopaithik stres ka ek atut rishta hai. jiopaithik stres samjhe bina ham vastu shastra ko purn rup se samajh hi nahin sakte balki vastu doshon ka purn rup se nidan bhi nahin kar sakte. bharat evan eshiya men sthit saikron nai-purani tatha prachin vastuon ka adhyayan karne ke bad yah kaha ja sakta hai ki doshyukt vastu ko nirdosh banane men jiopaithik stres ke upcharon ka yogdan bahut hi aham evan anivarya hai. ‘jiopaithik’ ek grik shabd hai. ‘jio’ mane jamin, ‘paithik’ ka matalab paitholaeji (bimari) jiopaithik stres matalab jamin ke andar se upar ane vali ek aisi nakaratmak urja jo manushya ke man tatha sharir ko buri tarah se prabhavit karti hai.
yah ek aisi ilektromaignetik ya ilektrostaitik urja hai, jo jamin ke andar bahne vale pani ke gharshan se, jinhen ham vaetar vevj kahte hain, nirman hoti hai. sanshodhan men aisa paya gaya hai ki yah urja manushya jati ko hone vali kai bimariyon ka karan ban sakti hai. lekin yahi nakaratmak urja anya kai jiv jantuon ke lie bahut hi labhdayak siddh hoti hai. jaise kutta, ghora, gay ke lie jiopaithik stres nuksandayi hai, to billi, sanp, madhumakkhi, chitiyan, dimak adi jivon ke lie, unki janan prakriya ke lie shubhkarak sabit hui hai.
islie is urja ko nakaratmak urja kahna purn rup se sahi nahin hoga. hamare rishi muniyon ne bhi is urja ki ahmiyat pahchan kar apne granthon men iska jikra kiya hai. kuch mahatvapurn bhartiya prachin granthon men jamin se niklne vali evan jamin par prabhav dalne vali is urja ka chintan ham parh sakte hain. ‘vishvakarma prakash’ namak prasiddh vastugranth men bhumichayan nam ka svatantra path hai, jiske kai shlokon men ham jiopaithik stres se sanbandhit jankari ko samajh sakte hain jaise ki - pashvo (pansu) renutan nitva nirikshedantarikshagaah. adhoyadhyokshvarga nhatan gati tulya fal prada.. 70 ..
vishvakarma ji kahte hain, bhumichayan karte samay ap us jagah ki thori mitti hava men uraen aur uska nirikshan karen. mitti agar achchi tarah se hava men urakar dur jati hai to vah bhumi vastu anukul hai, thori dur jakar niche girti hai to bhumi madhyam hai, tatha pairon ke pas girti hai to iska matalab bhumi nich hai. nami hone ke karan mitti hava men ur nahin pati. yah jiopaithik stres ke sanket hai. vishvakarmaji nimn shlok men kahte hain - grihasthami bhayanchaitye valmike vipdah smritaah.. 59 ..
jis bhumi men, dimak adi hote hain, vah bhumi vipda deti hai. mrigadhivaste ratro gomarjarabhin dite. varnashvadivirute stranan yuddhabhiruriu te.. 22..
kapotkgrihavase madhunamnilye tatha.. jis ghar men hiran, gay, billi rat men chillate hain, jis ghar men hathi ghore chillate hain, aur jis ghar men madhumakkhi ka chatta hota hai, vah jiopaithik stres se prabhavit hai, use tyag dena chahie. aise kai sandarbh hamare prachin granthon men milte hain. jaruri hai ki ham unhen dhundhane, padhane evan prayog karen.
jivan men jarurat hai jyotishiya margadarshan ki? abhi bat karen fyuchar point jyotishiyon se!