das mahavidyaon ka sankshipt parichay v mantra  

das mahavidyaon ka sankshipt parichay v mantra dati rajeshvar maharaj das mahavidyaon se sarvasadharan parichit nahin hai aur yah bhi nahin janta ki in vidyaon ki upasna se kya labh ho sakta hai aur unki upasna ka vidhi-vidhan kya hai jisse sadhak abhisht ko siddh kar sake. is sabki jankari ke lie parhie yah lekh. dagu ars ptashati m ne mahamaya paravidya ka svarup chitran is prakar kiya gaya hai:- mahamaya hareshchaisha yatha sammohyate jagat. gyaninampi chetansi devi bhagvti hi sa.. baladakrishya mohay mahamaya prayachchati. taya visrijyate vishvan jagdetachcharacharam.. sansar ka srijan v vinash parabrahm parmeshvar ki mahamaya jise samanyatah ‘maya’ ke nam se jata hai, mahamaya kahlati hai. inhin mahamaya ke samy-samay par jo vividh rup v prakar bane hai, unmen se mul das rupon ko ‘das mahavidya’ ke nam se jana jata hai. yah mahashakti vidya aur avidya donon rupon men vidyaman hai. avidya rup men yah shakti praniyon ke moh ka karan hai to vidya rup men yahi muktidata ban jati hai. shastra v puran ise vidya ke rup men mante hain. parmpurush ko vidyapti ke rup men mana gaya hai. ved v anyanya shastron men vidya prakat rup tatha agmadi rup men vidvanon evan sadhkon dvara sanketik rup men lakshit hui hai. ye vaishnavi evan shambhavi donon rupon men manav jivan ka kalyan karti hai. agam shastra men man bhagvti ke vibhinn rupon, shaktiyon ka anek vidhaon evan rupo men gurumukhagamya anek mantron ka vidhan hai fir bhi unmen das mahavidyaon ki shreshthata spasht rup se batai gai hai. mahavidyaon ka pradurbhav das mahavidyaen mulashakti ke hi vibhinn rup hain. puran ki ek kathanusar jab daksh prajapti ne apne yagya men bhagvan shankar ko amantrit nahin kiya, parantu sati ne ukt yagya men jane ki anumti mangi to shiv ne bina bulae jana anuchit batakar unhen mana kiya, parantu bhagvti sati ka nirmal hriday mata-pita ke darshan ka abhilashi tha. atah vah shiv agya ke bina hi yagya samaroh men ja pahunchi. vahan par unhonne bhagvan shiv ka koi sthan n dekh apmanit hokar apni krodhagni se svay ko bhasm kar liya tatha daksh prajapti ka yagya vidhvans ho gaya. us samay unka jalta hua sharir atyant bhavavesh se yukt vriddhavastha ko samprapta-sa keshrashi bikhri hui, char bhujaon se sushobhit tha. ve mahadevi parakram ki varsha-si karti pratit ho rahi thi. kalagni ke saman mahabhyanak rup men devi mundamala pahne hue thi tatha unki bhayanak jihva manon tinon lokon ko nigal jane ke lie bahar nikli hui thi. shish par ardhachandra sushobhit tha tatha samast sharir atyant vikral lag raha tha. man bhagvti ka bhayanak rup mano bhagvan shiv ko bhi bhayakrant kar dene vala tha. us samay unka shri vigrah karoron-karoron madhyahn ke suryon ki bhanti diptiman tha. vah bar-bar attahas kar rahi thi. devi ke is vikral bhayanak rup ko dekhakar shiv bhag chale tatha bhagte hue rudra ko dason dishaon men rokne ke lie devi ne apni adbhut das shaktiyon ko prakat kiya. jinke nam kramshah is prakar hain- 1. mahakali, 2. ugratara, 3. shodshi, 4. bhuvneshvari, 5. chinnamasta, 6. bhairvi, 7. dhumavti, 8. valgamukhi, 9. matangi, 10. kamla. in dason shaktiyon ka varnan shastron men is prakar kiya gaya hai. he prabhu, apke sammukh sthit devi jinki kaya shyamavarn tatha nile netron vali hai, vah mahashakti (kali) hai. jo shyamavarn devi svayan ughrva bhag men sthit hai, vah mahakal svarupini mahavidya tara hai. he shiv, bai or se jo yah atyant bhaydayini mastakarahit devi hai, vah mahavidya chinnamasta hai. shambho, apke vam bhag men jo yah devi hai, vah shatru vinashini maheshvari-mahavidya ghumavti hai. apke rnaityakon men jo devi hai, vah tripursundri mahavidya hai. apke vayavya kon men jo devi hai, vah matang kanya mahavidya matangi hai. shambho, main bhayankar rup vali bhairvi hun. ap bhay n karen- yah mera hi svarup bahut si murtiyon men prakat hai. puran ke is vivaran se spasht ho jata hai ki mahakali hi mulrupa shakti hai. unke hi ugra tatha saumya do rupon men se anak rup dharan karne vali dason mahashaktiyan hain ya yon samjha ja sakta hai ki dason rupon ki pradhan shakti mahakali hi hai. sarvavidyapti bhagvan shiv ki ye shaktiyan lok tatha parlok men sarvatra anek rupon v sadhnon dvara puji gai jo siddh hone par anant ka sakshatkar karane men svayan samarth hai. daso mahavidyaon men kali ki pradhanta sarvatra mani gai hai isliye yah kaha ja sakta hai ki ye sabhi vibhinn vibhutiyan adyashakti kali ki hai. aisa lagta hai ki prakat kathor, kintu aprakat karun rup hai. isi prakar bhuvneshvari, shorshi (lalita), tripur bhairvi, matangi tatha kamla vidyaon ke saumya rup hain kyonki rodra ke samyak sakshatkar ke bina madhurya ko nahin jana ja sakta tatha madhurya ke abhav men rudra ki samyak parikalpana nahin ki ja sakti. ataev srishti ko samjhne ke lie donon svarupon ka abhas parmavashyak hai. jis prakar rat-din donon ek dusre ke viprit hote hue bhi ek dusre ke purak tatha anugami hain. ek ki pramukhta hone par uske dusre rup ke abhav men purn tushti nahin milti, usi prakar in mahavidyaon ke dason rupon ko janna chahie. t mahashakti kali apne dakshin evan vam rupon men das mahashaktiyon ke rup men vikhyat hui. ye sabhi adyashakti ke rup men apni mantropasna vidhiyon men alag hote hue bhi multah ek hi hai. prakash aur vimarsh, shivashaktyatmak tatva ka akhil vistar aur lay sab kuch shakti ka hi lila-vilas hai. srishti men shakti tatha sanhar men shiv ki shakti-drishti hai. jis prakar amavasya tatha purnima donon ek dusre ki purak hai, parantu donon hi ek dusre ka karan tatha parinami hai, usi prakar srishti, jivan tatha vinash men avashyak in dason mahavidyaon ko samjhna chahie.