हृदय रोग के ज्योतिषीय कारण और निवारण

hriday rog ke jyotishiya karan aur nivarn  

Rajendra Sharma "Rajeswar"
Views : 1877 | July 2017

hriday manushya ke sharir ka ek mahatvapurn ang hai. sanpurn sharir men rakt sancharan ka dayitva bhi hriday ka hai. hriday shuddh evan svachch rakt se svasth rahta hai. hriday kasht men ho to dard hota hai. hriday kshamata se adhik karya kar sakta hai. hriday ki karya karne ki kshamata kam hone par hriday durbal kahlata hai. vat, pitt, kaf ka asantulan, parishram, shok, chinta, tanav ityadi hriday rog ke karan bante hain. vayu prakop tatha dhamniyon men talahat jama hone ke karan hriday rog utpann hota hai. yada-kada janm se hi hriday ki banavat men kami hone ke karan bhi yah rog utpann hota hai. kisi rog ki pahchan karne men jyotish shastra vishesh rup se sahayak hai.

manushya ki janmapatrika ka adhyayan karne par jatak ko jivan men hone vale rogon ke sanbandh men bhi purvanuman lagaya ja sakta hai. manushya ki janmapatrika men chatha sthan (bhav) rog ka hota hai. athvan sthan (bhav) mrityu ka tatha barhvan sthan (bhav) vyay ka hota hai. surya hriday ka pratinidhitva karta hai, jiska sthan (bhav) pancham hai, jab pancham sthan, pancham sthan ka svami yani panchmesh tatha pancham rashi sinh pap prabhav men hota hai to hridyaghat ki sanbhavna adhik hoti hai. rahu-ketu men kisi ek grah ka pap prabhav men hona bhi avashyak hai. manushya ke jivan men ghatnaen akasmat rup se ghatit hoti hain, jo rahu-ketu ke prabhav se hi ghatti hain.

hridyaghat bhi akasmat bina kisi purva suchna ke ata hai. isi karan rahu-ketu ka prabhav avashyak hai. sarvavidit hai ki chaturth sthan (bhav) tatha dasham sthan (bhav) hriday karak angon ke pratik hain. chaturth sthan (bhav) ka karak chandra grah bhi arogyakarak hai. dasham sthan ke karak grah surya, budh, guru v shani hain. pancham sthan chati, udar (pet), livar, kidni v anton ka pratik hai. ye ang dushit hane to hriday ko bhi hani hoti hai. pancham sthan buddhi (vichar) ka bhi hota hai, galat vicharon se bhi hriday rog ki vriddhi hoti hai. shashth sthan (bhav) ka karak mangal v shani grah hai. mangal rakt ka karak v shani vayu ka karak hai. ye bhi rog karak hain.


janie apki kundli par grahon ke gochar ki stithi aur unka prabhav, abhi fyuchar point ke prasiddh jyotishacharyo se paramarsh karen.


ashtam sthan (bhav) rog aur rogi ki ayu ka dyotak hai. ashtam ka karak shani hai. janmapatrika ke adhyayan ke samay sthan arthat bhav v unke karkon ka bhi vishesh dhyan rakhna chahie. rog ke prakar ko gyat karne ke lie lagn, shashth tatha dvadash bhav ko bhi bhali-bhanti dekhna chahie. surya-chandra, mangal, shani, rahu v ketu ka bhi vishesh dhyan rakhna chahie kyonki ye grah bhi rog ko prabhavit karte hain ya barhava dete hain. bharni, krittika, jyeshtha, vishakha, adrra, uttarafalguni nakshatra hriday rog ke karak nakshatra hain.

manushya ka janmanakshatra magha, purvafalguni v uttarafalguni ho to hriday rog atyadhik kashtadayi hota hai. jin manushyon ka janm lagn mithun, kark, sinh, kanya, tula, kunbh v min ho tatha janm rashi mesh, mithun, kark, sinh, kanya, tula, kunbh v min ho to aise manushyon men hriday rog ki adhikta hoti hai. ekadshi, dvadshi, chaturdashi (shukla v krishn paksh ki) tatha purnima evan amavasya tithi hriday rog ki karak tithiyan hain. jin manushyon ka janm in tithiyon men ho tatha shukla paksh men janme ko krishn paksh men tatha krishn paksh vale ko shukla paksh men hriday rog utpann hota hai. jin manushyon ki janm tarikh (angreji) 1, 4, 9, 10, 13, 18, 19, 22 27, 28 ho to unhen hriday rog utpann hone ki sanbhavna rahti hai. chaturthesh lagnesh, dashmesh v dvadshesh ke sath ashtamasth hon aur ashtamesh vakri hokar, tritiyesh hokar tritiya sthan (bhav) men ho, ekadshesh lagnasth ho to manushya ko hriday rog hota hai.

shashthesh ketu ke sath ho tatha surya, budh ya guru ya shukra ashtamasth ho, chaturthasth ketu ho to hriday rog hota hai. shashthesh ki ashtam sthan par sthiti surya, budh, guru ya shukra par drishtipat ho to hriday rog hota hai. shani dasham drishti se mangal ko pirit kare, dvadash sthan par rahu sthit ho tatha shashth bhav men ketu, chaturthesh v lagnesh ashtam sthan men, dvadshesh ke sath yuti kare to hriday rog utpann hota hai.

manushya ko hriday rog hoga ya nahin yah janne ke lie janmapatrika men pae jane vale kuch pramukh jyotishiya yog nimnanusar hain:

- sinh lagn ki patrika men surya pap grah se pirit ho.

- lagn men budh evan surya v shani shashthesh ya papagrahon se pirit ho.

- mesh ya vrishabh lagn ho, dashamasth shani ho v lagn par shani ki drishti ho.

- lagnasth shani ho evan dasham bhav ka karak grah surya, shani se drisht ho.

- lagnesh nirbal hokar pap grahon se drisht ho tatha chaturth sthan men rahu sthit ho.

- lagnesh shatrukshetri ya nichasth ho, mangal chaturth sthan men sthit aur shani se drisht ho to hriday shul hota hai.

- surya + shani ki yuti trik bhav ya barhven bhav men ho to hriday rog hota hai.

- ketu + mangal ki yuti chaturth bhav men ho.

- ashubh chandra shatru rashisth ya do pap grahon ke sath chaturthasth ho.

- mangal + shani + guru ki yuti chaturthasth ho.

- surya ki rahu ya ketu ke sath yuti ho ya us par inki drishti ho. shani v guru trik sthan arthat shashth, ashtam aur dvadash ke adhipti hokar chaturthasth hon.

- rahu+mangal ki yuti kendra arthat lagn, chaturth, saptam v dasham men ho.

- nich budh ke sath, nirbal surya chaturth bhav men yuti kare, dvitiyesh shani lagnasth ho aur saptam bhav men mangal sthit ho, ashtamesh tritiyasth ho tatha lagnesh guru $ shukra ke sath yut hokar rahu se pirit ho evan shashthesh rahu ke sath yut ho to vyakti ko hriday rog avashya hota hai.

- surya, chandra v mangal shatrukshetri hon.

- chaturth bhav men rahu ya ketu sthit ho tatha lagnadhipti papagrahon se yut ya drisht ho to hridypira hoti hai.

- lagnesh chaturthasth ho ya nichasth ho ya mangal chaturth bhav men pap grah se drisht ho ya shani chaturth bhav men pap grahon se drisht ho to hriday rog hota hai.

- shani ya guru shashthesh hokar chaturthasth ho ya papagrahon se yut ya drisht ho to hriday kanpan ka rog hota hai.

- panchmesh shashthesh, ashtamesh ya dvadshesh se yut ho athva panchmesh shashtham, ashtam v dvadash sthan men sthit ho to hriday rog hota hai.

- chaturth sthan men mangal sthit ho us par papagrahon ki drishti par rahi ho to rakt ke thakkon ke karan hriday rog utpann karti hai.

- panchmadhipti nich ka hokar shatrukshetri ho ya ast ho to yah rog hota hai.

- panchmadhipti shashtham, ashtam ya dvadash bhav men ho aur papagrahon se drisht ho.

- surya pap prabhav men ho tatha kark, sinh rashi, chaturth bhav, pancham bhav evan uska svami pap prabhav men ho to hriday rog hota hai.

- chaturth bhav svami ekadash bhav men shatrukshetri ho, ashtamesh tritiya bhav men shatrukshetri ho, navmesh shatrukshetri ho, shashthesh navam bhav men ho, chaturth bhav men mangal evan saptam men shani ho to vyakti ko hriday rog hota hai.

- surya+mangl+chandra ki yuti shashth bhav men ho aur papagrahon se pirit ho to hriday shul hota hai.

- mangal saptam bhav men nirbal evan papagrahon se pirit ho to raktachap ke karan hriday rog hota hai. surya chaturthasth hokar shaynavastha men ho to hriday men tivra pira hoti hai. hriday rog nivaran ke kuch pramukh upay jo atyant prabhavshil hain-

- rogi ke sirhane ek sikka (koi bhi) shraddhanusar rakhakar use agle din pratah safaikarmi (bhangi) ko den tatha yah rojana 43 din tak bina naga ke karen. man men bhav rogi ke thik hone ka rakhen.

- ek pura paka hua kashifal (pila kaddu) lekar uske bij nikal kar kisi bhi mandir ke prangan men rakhakar parmpita parmeshvar se svasth hone ki karte hue vahin par rakh den.

is upay ko suryoday ke pashchat evan suryast se purva karen. is upay ko koi bhi vyakti jiska rogi se rakt sanbandh ho kar sakta hai. is upay ko kam se kam panch din tak avashya karen. kasht adhik ho to 7, 9, 11 din tak karen. is prayog men ishvar par astha evan nirantrta bahut hi mahatvapurn hai. yah upay ajmaya hua hai.


jivan ki sabhi samasyaon se mukti prapt karne ke lie yahan klik karen !


- uttarafalguni nakshatra men ‘bent ki jar’ tatha ‘anantmul ki jar’ lakar use gangajal se dhokar (bent ki jar ravivar ko) (anant mul ki jar somvar ko) kramshah kale dhage men 5 ganth lagakar tatha safed dhage men char ganth lagakar char bar lapetakar dahini bhuja ya gale men dharan karen.

- manglvar ko bharni nakshatra men anant mul ki jar lakar gangajal se dhokar lal dhage men das fere dekar das ganth lagakar dahini bhuja men dharan karen.

- shanivar ke din nariyal v sink ki jhadu bhangi ko dakshina ke sath den.

- kale kutte ko shanivar ko mithi roti khilayen.

- gur ki chasni men ata gunthakar adhpki roti tandur se jalva len. roti ki sankhya nirdharan hetu jis din upay karna ho us din rogi ke aspas jitne vyakti hon, unhen ginakar char ki sankhya atirikt jor roti banva len. in rotiyon ke do barabar bhag kar ek bhag gayon ko tatha ek bhag kutton ko khila den. yah upay 3, 5, 7 din tak karen.

- dhritkumari ka ras, tulsi ke patte ka ras, pan ke patte ka ras, taja giloy ke panchang ka ras, seb ka sirka evan lahsun ki kali in sabko barabar ki matra men lekar ubalakar ek chaithai shahad ke sath ubal len aur niyamit ek chammach pratah khali pet len.

- grahon ki sthiti ke anusar ratn dharan karen.

- surya ki sthiti ashubh (6, 8, 12) ho to tanbe ki anguthi ya manikya dharan karen. ravivar ka vrat rakhen. nitya suryashtak ka path karen. aditya hriday stotra ka path karen. surya ki vastuen dan karen. surya ke pauranik ya tantrik mantra ka nitya prati 1 mala (108) ka jap karen.

- prajapatya yagya karen. yagya n kar saken to svarn gay ka dan karen. yah bhi n kar saken to vishnu sahastranam ke dvara til aur ghrit ka havan karen v nam tray ka jap v kushmand havan karen.

- saunth ke kvath men thora sa shahad milakar pine se hriday shul v hriday rog nasht hote hain.

- arjun vriksh ki chal (4 ki.gra.), gay ki shuddh ghi (1 ki.gra.) shuddh jal (16 ki.gra.) in tinon ko milakar pakayen. char kilo shesh rahne par chan len. is chane hue kvath men punah 250 gram arjun ki chal dalakar punah pakayen. keval ghritansh (ghi ka ansh) rah jane par chan len.

is arjun ghrit yog ka sevan karte rahne se samast prakar ke hriday rog samul nasht ho jate hain. atyant prabhavi yog hai.


book online 9 day durga saptashati path with hawan


Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

hriday rog evan jyotish visheshank  July 2017

futuresamachar-magazine

hriday rog evan jyotish visheshank men hriday rog ke jyotishiya yogon v karnon ki charcha karne hetu vibhinn gyanavardhak lekh v vichar goshthi ko sammilit kiya gaya hai. is ank ki satya katha vishesh rochak hai. vastu paricharcha aur pavan tirth sthal yatra varnan sabhi ko pasand aega. devshyni ekadshi parva ka varnan bhi is ank men kiya gaya hai. falit vichar namak sthayi stambh men vibhinn bhavon ke vishesh fal ki charcha ki gai hai. tantra shastra namak sthayi stambh men tantra aur shakti pat par rochak lekh likha gaya hai. tairo stambh men mainar arkana aur tu aef pentakals ki charcha ki gai hai.

Subscribe


.