jivan men kariyar ek aham bhumika nibhata hai aur kai bar apke karyakshetra ke aspas ka mahaul tanavyukt ho jata hai aur nakaratmak urjaon se bhara rahta hai. iska asar apke kariyar par bh pad sakta hai. lekin agar ap ek mahatvakankshi vyakti hain aur jivan men kuch bada karna chahte hain to aise kai jyotishiya upay hain jo is kam men apki madad kar sakte hain aur apne sapne evan lakshy ko pura karne men apke kam a sakte hain.
agar ap apne kariyar ko badhana chahte hain aur profeshanal laif men set hona chahte hain, to is kam men kuch kristal (crystals good for your career success) apke kam a sakte hain. ye kristal kariyar men saflta pane men madad kar sakte hain aur apko manchahi naukri ya sakses dila sakte hain.
kariyar men saflta dilane vale kristala
sanaston : yah kristal sanpannata, dhan aur bhagy se juda hua hai. yah kariyar men saflta milne ko badhava deta hai. ise bhagy ratn ke rup men bhi jana jata hai kyonki iske prabhav se vyakti ko kai avasar, nai jimmedariyan aur pramoshan milne ki sanbhavna badh jati hai. yah ston parsanal groth men bhi madad karta hai aur iski madad se vyakti ko apne pairon par khada hone men madad milti hai.
sitrin : is ston men dhan, sanpannata, sanmriddhi aur kariyar men saflta ko khinchne ki adbhut shakti hai. yah kristal chamkila hota hai aur vyapar ke lie ise uttam mana jata hai. is kristal ke prabhav se vyakti ka samaj men man-samman badhta hai aur sanpannata men bhi vriddhi hoti hai.
kraisoprej : jab ap koi naya profeshan shuru karte hain ya koi naya skil sikhte hain aur logon se kanekshan banane ki koshish karte hain, tab yah kristal apke andar ki urja ko jagrit karta hai aur apko apne sahakarmiyon aur klainton ke sath achche sanbandh banane ke lie prerit karta hai.
karneliyan : yah kristal vyakti ke atmavishvas aur prerna ko badhane ka kam kar sakti hai. yah apke sathi ki tarah kam karti hai. kariyar men har kadam par yah kristal apka margadarshan karega.
taigar ai : agar apko lag raha hai ki ap maujuda sthiti men fans gae hain ya nae projekt ya kam men shift hona chahte hain, to taigar ai ston apke kam a sakta hai. is kristal ko kariyar banane ke lie bhi jana jata hai. yah shaktishali kristal apko hamesha yad dilata hai ki abhi apko jindgi men bahut kuch karna hai.
pairait : kariyar ko lekar har vyakti ke man men kuch saval hote hain. agar apko bhi lagta hai ki kam ke mamle men ap kamjor hain ya apse koi kam nahin ho sakta hai to apko pairait kristal ajmana chahie. yah kristal apke vicharon ko puri tarah se badal sakta hai. pairait, gold ki tarah lagta hai aur islie ise gyan ka sona kaha jata hai. shishe ki tarah iski chamak apko age badhne ke lie prerit karti rahti hai. yah kristal sanpannata ko badhane aur kariyar men safal hone ke raste kholta hai.
kariyar ke lie ratna
kariyar men age badhne aur safal hone ki sanbhavna ko ratn (gemstone for career growth) badhava dete hain aur agar ap apne hisab se sahi ratn pahnen to apke kariyar ko bhi ek nai unchai mil sakti hai. har vyakti par ratn ka alag prabhav hota hai islie apke lie jaruri hai ki ap sahi ratn hi chunen.
yahan ham apko kuch ratnon ke bare men bata rahe hain, jo kariyar aur profeshanal laif men safal hone men apki madad karenge.
panna : ise angreji men emraild bhi kaha jata hai. panna ston, vyapar, kamyunikeshan aur buddhi adi ka grah mana jata hai. yah sabse shaktishali ratnon men se ek hai. emraild ko pahnne se dimag se sanbandhit kshamataen jaise ki buddhi, yaddasht aur samjhne ki shakti badh sakti hai.
lahsuniya : is ston kaits ai bhi kaha jata hai. aisa mana jata hai ki is ston ko pahnne se sabhi tarah ki negetiv enarji ka prabhav kam hota hai.
munga : ise angreji men red koral bhi kaha jata hai. mana jata hai ki yah ston bhautik sukh pradan karta hai aur vyakti ko sahsi banata hai. is ston ko dharan karne se vyakti ke kariyar aur vyapar men santulan ata hai. munga pahnne se vyakti ki samaj men pratishtha aur sanpannata bhi badhti hai.
maniky : ap ise rubi ke nam se bhi janten honge. yah ratn kariyar aur vyapar men saflta pradan kar sakta hai. maniky ratn apne lakshy ko pane aur sanpannata ko akarshit karne aur vyakti ke niji vikas men madad karta hai. is ratn ko dharan karne se vyakti ke jivan men santulan aur shanti ati hai.
sodalait : sodalait dakshata, gyan, sahas, santulan aur sanchar se juda hai. chunki, yah ston takat ko badhata hai islie is ston ko ethliton ke lie jyada jana jata hai. yah gyan aur dakshata ko badhava deta hai.
gomed : is ston ko haisonait bhi kahte hain. yah ratn vyapar men madad karta hai aur sharir ke sanpurn chakra ko santulit karne ka kam karta hai. is ratn ko bijnes aur sakses ston ke nam se bhi jana jata hai kyonki yah saflta ko akarshit karta hai aur sahakarmiyon ke sath sanbandhon ko achcha banata hai. yah ratn apke kariyar ke sath-sath niji jivan ko bhi labh pahuncha sakta hai.
not : har koi apne jivan men safal hona chahta hai aur arthik rup se sthirta pana chahta hai. kuch jyotishiya upay kariyar ko lekar apki akankshaon aur sapnon ko pura kar sakte hain. ismen ratn aur kristal shamil hain jo apni urja aur prabhav se apke kariyar ko gati dene ki kshamata rakhte hain. in khubsurat kristalon aur ratnon se ap apne jivan evan kariyar ko sukhi, safal aur behatar bana sakte hain. ap koi bhi career crystal and gemstone, future point se le sakte hain. yadi ap career gwoth with crystals and gemstones ko lekar aunlain estroloji kors (online astrology course) karna chahte hain, to hamen sanpark karen.