prashna: ratnon ke prayog se jyotishiya upay ka vaigyanik evan jyotishiya tathya kya hai? uparatnon ka prayog kitna sarthak hai? ratnon ki dharan vidhi, prabhav, chayan adi ke bare men vistrit jankari den. ratnon ke prayog se jyotishiya upay ke vaigyanik adhar ko spasht karne ke lie yah samjhna ati avashyak hai ki manav sharir matra ek bhautik rup nahin hai. srishti men, drishti se nahin dikhne vale bahut padarth hain, jise adhunik vigyan purn satya sthapit kar chuka hai. har sharir ke bahyamandal par grah nakshatron ka prabhav hota hai. ise is prakar samjha ja sakta hai ki jab vidyutdhara pravahit hoti hai to, vah nahin dikhai deti hai
lekin uska karya bijli ke balb ya chalte hue pankhe se gyat hota hai, vaise hi grah nakshatron ke urja rashmi ka, manav ke karya kalap par spasht prabhav parilakshit hota hai. janmakundli ke nirman ke bad vyakti ke sanpurn jivan ka khaka prayah achche pratishat tak gyat ho jata hai arthat grah-nakshatron ke urja srot ka sammishran samne a jata hai. vyakti jis grah-nakshatra ke urja rashmi srot men kshin hota hai, uske karak tatva men vah shithilta darshata hai. aisi sthati men un grahon se sanbandhit ratn dvara uske vahya sharir men un urjaon ki bharpai karna hi ek upay bachta hai.
bhautik shastra kahta hai- ki pratyek tatva men urja shakti hai, fir prakriti dvara pradÿa ye ratn, isse, kaise vanchit ho sakte hain? aj tarangon se sanbandhit upkrnon jaise mobail adi hamesha hriday ya kan par rakhne se dushparinam darshate hain. to ratn, jo apne parivesh men grah-nakshatron ki rashmiyan late hain, vyakti ke bahya evan sharir pind ko kyon prabhavit nahin karenge? ratnon ke prayog se jyotishiya upay ka vaigyanik evan jyotishiya tathya: manushya jivan surya se prapt shvet prakash dvara hi chal raha hai.
yah shvet prakash sat rangon se milakar bana hota hai. jise ‘‘indradhnush’’ ke nam se bhi jante hain. yah avasar barish ke mausam men dikhai deta hai. inhin sat rangon se utpann kaesmik kirnon (arthat parabaingni) ka prabhav manushya jivan men charon star jaise- sharirik, mansik (svasthya rup men) arthik (dhan rup men) tatha samajik (pratishtha, aishvarya adi) par parta hai. inhin satrangi kirnon ke kaesmik prabhav ko ratnon ke madhyam se jivan men utarakar labh prapt kiya ja sakta hai. in ratnon se niklne vali chunbkiya shakti ki tarange manushya jivan ko ek vishesh dhang se prabhavit karti hain.
surya ki shvet kirnon men sat rang chipe hote hain. pratyek rang ek vishesh rashmi ki kirnon dvara manushya ke jivan ko apne pratik, avartan (apavartana), paravartan, pratikshipt, spandan tatha sparsh dvara prabhavit karta hai. sabhi ratnon men in rangon ki rashmiyan adhikatam matra men hoti hain, jiske karan ye sabhi ratn, inse sanbandhit nirbal grah ki kirnon ko majbuti dekar us grah ki prabhav shakti ko sanbandhit manushya ke lie barhata hai. vastav men prakash ka rup rang, jo dikhai deta hai, vah vastavik nahin hai.
iske vastavik rup-rang ko dekhne ke lie trikon kanch (prijma) ka upyog karna chahie. trikon kanch arthat prijm ke prayogik adhyayan dvara prakash ke rup-rang ka vastavik hone ka pata chalta hai. arthat prakash (shvet) ko prijm dvara gujarte hain to yah shvet prakash, sat rangon se milakar bana hua hai. aisa gyat hota hai.
saurmandal ke in 7 grahon ki saton kirnen, sanpurn brahmand ko sat rangon se achchadit kiye rahti hai. ye sato rang nimn do kramanusar (sidhe evan ulte) hote hain. sidha kram: vibgyor ;tapaihalavataddh arthat bainiahpinala. (bai-baingni, ni- nila, asmani), hara pila narangi v lal.
ulta kram : raeyagbiv ;tvalhaipaddh arthat lanapihanibe. angreji men hindi men t. tavapasamaj baingni p. pdakapahav nila th.thasanam asmani l. latamamad hara l. lmasasavu pila v. vtandaham narangi t . tmak lal in donon hi shabdon ko bhautiki men prakash ke lie upyog men lete hain. jo rangon men hindi evan angreji nam ke pahle aksharon ko milakar banaya gaya hai.
arthat uprokt donon shabd in rangon ka hi sankshipt rup (nam) hain. uparatnon ke upyog ki sarthakata: grahon ko anukul kar balvan banane ke lie kiye jane vale vibhinn upayon jaise ratn, uparatn, jari-buti, yantra, mantra, tantra, vrat, dan, totke, lal kitab evan vastu tatha fengshui adi men abhi tak shodhanusar sabse karagar upay ‘ratna’ dharan karna hi sabit hue hain.
kyonki ratnon men grahon ko anukul kar balvan banane ki adbhut shakti prakritik rup vidyaman rahti hai. ye nau ratn, nau grahon ke samadhan ka mul upay hai. tabhi to nau grahon ke ratnon ke lie ‘navaratna’ shabd ka prayog kiya jata hai. yadi inmen bhi chaya grah rahu evan ketu ko chorakar mul rup men dekhane to in sat grahon ke ratnon ke lie sapt -maharatna’ shabd ka prayog kiya jata hai. ratnon ka karya siddhant: jab ratn ko iske grah se sanbandhit dev mantron dvara pran pratishtha kar siddh kiya jae to yah grahon se ane vali ashubh kirnon ko inki rang ki shakti dvara har samay avshoshit arthat chanakar shubh evan anukul karke inhen sharir ke andar bhejta hai.
jisse vyakti ki koshikaon, man, mastishk v dil par inka sakaratmak prabhav parta hai tatha karib 3-6 mahine ke bhitar jatak ki soch arthat manovigyan par achcha paritarvan a jata hai. jisse jatak ko us grah se sanbandhit shubh fal milte hain. yahi ratnon ke karya karne ka siddhant bhi hai. is prakar vyakti vishesh ko ratnon ka har samay labh milta rahta hai. is karan se ratnon ko sabse karagar upay mana jata hai. ratn bhi nimn do prakar se sharir par dharan kiye jate hain.
- anguthi ke rup men anguli men. - paindal ya laeket ke rup men gale men. uprokt men se pratham tarike men arthat ratnon ki anguthi ke rup men anguli men dharan karna sabse adhik tatha turant prabhavshali mana jata hai. kyonki ratn ki anguthi, anguli ki tvacha ko har samay arthat sote, jagte, chalte, firte, adi karm karte samay barabar sparsh kie rahti hai. jisse adhik sapanrk men ane ke karan labh adhik milta hai. jabki ratnon ko laeket ke rup men gale men dharan karne par ratn sharir ki tvacha ko har samay sparsh nahin kar pate hain. atah ratnon ko gale men dharan karne se hath ki anguliyon ki apeksha labh kam milta hai.
yadi donon men tulna karen to anguliyon men ratnon ko dharan karne par yadi adhikatam labh 90-95 pratishat milta hai to gale men dharan karne par 80-90 pratishat ke bich men hi labh milega. gale men mukhyatah bhagvan ke laeket, rudraksh tatha vibhinn malaen adi dharan ki jati hain. iske piche karan yah hai ki bhagvan ya isht dev ko sadaiv hriday ya dil men sthan diya jata hai. arthat hriday ke pas lagaya jata hai. jyotishiya ke taur par ratnon ka prayogah prachin kal se hi ratn apni abha, durlabhta, adbhut gunon evan apni anya divya vilakshanataon ke lie sansar bhar men akarshan ka ek kendra bane rahe hain. garur puran, shriramchritmanas, mahabharat, nardpuran, vishnu puran adi granthon men ratnon ka vishad ullekh kiya gaya hai.
tulsidas ne ramayan men likha hai- mani dip rajhin bhavan bhrathin dehri bidrumrchi. mani khanbh bhiti biranchi birchi kanak mani marakat khachi.. sundar manohar mandirayat ajir ruchir fatik rache. prati dvar dvar kapat purat banai bahu bajranhi khache.. iske atirikt acharya varahmihir ne bhi apni mahan kriti ‘brihatsanhita’ men bhi ratnon ka vishad varnan kiya hai ve ratnaparikshadhyay men likhte hain: ratnen shubhen shubhan bhavti nripanam -nivtmshubhen.
yasmadvah parikshya daiv ratnashritan tajjhaiah arthat ‘shubh ratn dharan karne se raja ko sadaiv shubh tatha ashubh ratn dharan karne se sadaiv ashubhta ki prapti hoti hai. atah ratnagyaon dvara ratnon ki pariksha ki jani chahie. aj ke is adhunik kal men har manushya tarakki karta hai. atah apni tarakki men vriddhi hetu vah ratna-rudraksh ka, jyotish-vastu adi ka prayog karta hai. bhagya parivartan v kasht nivaran men ratnon ka mahatvapurn yogdan raha hai. atah grahon ki sthiti ke anusar unke ratn pahne jate hain.
manimala men likha hai
- dhanyan yashsyamayushyan shrimad vyasnsudnan. harshanan kamyamojasyan ratnabhrndharnan ‘ratnajarit abhushan dharan karne se dhan, sukh, shakti yash, tej, harsh, ayu men vriddhi hoti hai v vyasnon ka nash hota hai. mukhya rup se navaratnon ka sarvadhik mahatva hai- manik, moti, munga, panna, pukhraj, hira, nilam, gomed v lahsuniya. ye kramshah nau grahon ke lie pahnae jate hain. vaigyanik drishtikon: grahon se sabhi manushya itne adhik prabhavit hote hain ki manushya ke srijn-sanhar ki shakti bhi grahon men hoti hai. ratnon men grahon ki shakti ko barhane athva ghatane ki kshamata hoti hai.
ratnon men apne adhipti grahon ki rashmiyon, chunbakatva shakti tatha spandan ko akarshit karke parivartan karne ki bhi shakti hoti hai. isi shakti ka prayog karne hetu ratnon ka upyog kiya jata hai. kisi bhi kundli men dashanusar grah ka upay tatha ratnadharan karne se shubhatva men vriddhi hoti hai. vaigyanik rup se vishisht grah ka mantrochcharan karne se prayukt grah ki rashmiyon ki manav sharir ke pas suraksha rekha ban jati hai v ratn rashmiyon ko saunpakar manav sharir men pravahit kar shubhatva men vriddhi karta hai.
ab prashn ye uthta hai ki ratnon ki utpatti kaise hoti hai. dharti ke garbh men khanij padarthon ki bharmar hai. khanijon men karban, maingnij, sodiyam, tanba, loha, beriyam, gandhak, jasta, adi kai padarthon ke sanyog tatha dharti ke dabav adi se hi ratnon men kathorta, rup, abha ka antar hota hai. uparatnon ka prayog: jo jatak mukhya ratn lene men samarth nahin hai, unke lie uparatnon ka prayog bataya gaya hai. 84 ratnon ka samahar granthon men kaha gaya hai, jinmen se 9 ratn mukhya hain tatha anya 75 ratn uparatn kahlate hai.
chayan vidhi: kisi bhi vyakti ko ratn pahnne se pahle apne sharirik bhar, grahon ke balabl-shubhashubh, ka dhyan rakhte hue hi ratn ka vajan nirdharit karna chahie. sarvada dosh rahit ratn hi dharan karen. kis grah ke lie kis ratn ko pahna jae, iske lie ham ek talika di gayi hain, jisse apne lie sahi ratn ka chayan kar sakte hain. har ratn ki apni ayu hoti hai, atah us ayu ke purn hone par, jab ratn ka prabhav kshin ho jae to jatak ko ratn ka pujan karke use kisi nadi men pravahit kar dena chahie ya iske pashchat punah puja karvakar pahnen. jab ek se adhik ratn dharan karen, to ratn ke shatru ka bhi dhyan rakhen. har bhav se athvan bhav uska markesh hota hai.
is siddhant ko sarvada dhyan men rakhakar hi ratn pahnaen. manik ke lie hira, nilam v gomed varjit hain. moti ke lie gomed v lahsuniya varjit hai. munge ke lie hira, nilam v gomed varjit hai. panne ke lie moti varjit hai. pukhraj ke lie hira v nilam varjit hai. hire v nilam ke lie manikya, munga v pukhraj varjit hain.
gomed ke lie manik, munga v moti varjit hai. lahsuniya ke lie moti varjit hai. panchdhatu v ashtadhatu pahnani ho, to sab dhatu saman matra men milaven. ratn ko dharan karne se purva pariksha ke lie ratn svami grah ke rang ke suti vastra men ratn ko bandhakar dahine hath men bandhakar fal dekhen. pariksha ke lie ratn ke svami ke var ke din hi hath men bandhe v agle, yani 8 din bad, usi var ke pashchat, 9ven din use hath se khol len, to ratn dvara gat 9 dinon ka shubhashubh ka nirnay ho jaega. ratn ki maryada ka bhi avashya palan karna chahie. bar-bar ratn ko utarna ratn ka apman hai. yadi ratn kho jae, chori ho jae, jo samjhen ki grahdosh utar gaya hai.
yadi ratn men darar pare to samjhen ki grah bahut prabhavshali hain- uski shanti karvaen. dharan vidhi: ratn ko dharan karne ki vidhi ke vishay men bhartiya daivagyaon ne bataya hai ki ratn dharan karne se purva us ratn ko ratn svami ke var men, usi ki hora men, usi ke mantron dvara jagrit karke, dharan karna chahie. sarvapratham ratnadharan hetu shubh muhurt ka chayan karen tatha saumya nakshatron men sauaimya ratn tatha krur nakshatron men krur ratnon ko dharan karna chahie.
ratn ko panchamrit se snan karakar, ful-naivedyadi se pujit karen tatha ratn svami ke mantra ki ek mala jap avashya karen. shatru varg ke ratn ko ek sath dharan nahin karna chahie. ratnon ke do samuh hote hain. unke adhar par paraspar shatru grahon ke ratn ek sath ek hi hath men nahin pahnte hain. iske alava yadi lagnesh aur rashish paraspar shatru hon to lagnesh ke ratn evan iske sanbandhit ratn ko purush ke daen hath men tatha rashish evan isse sanbandhit ratn ko purush ke baen hath men dharan karvate hain.
stri ke iske viprit hota hai. ratn dharan karne men danyane evan banyen hath ka siddhant tatha ratnon ka vajn: chunki upar yah bataya gaya hai ki purush jatak ko danye arthat sidhe hath men tatha stri jatak ko bayen arthat ulte hath men ratn dharan karne chahie. iske piche vaigyanik karan nimn do hain-
1. chunki chikitsa shastranusar, purush ka dayan ;tpahijaddh hath garm tatha bayan ;smaji ddh hath thanda hota hai tatha chunki stri, purush ki viprit hoti hai.
atah prakriti anusar stri ka dayan hath thanda tatha bayan hath garm hota hai. chunki kuch ratn prakriti anusar garm hote hain arthat pukhraj, hira, manik, munga adi garm prakriti ke ratn hote hain. tatha kuch ratn jaise- moti, panna, nilam, gomed, lahsuniya adi thandi prakriti ke hote hain. atah ratnon se pratyek kshetra men purush evan stri jatak donon ko, pura labh mile. iske lie jatak ke hath evan ratn ki prakriti anusar hi ratn ko kramshah danye ya banye hath men nimn niyamanusar dharan kiye jate hain.
- garm ratn - ( manik, munga, pukhraj evan hira) purush jatak dayan hath ki tarjani evan anamika men dharan karen. kyonki anguliyon men bhi dayen hath ki ye anguliyan tarjani evan anamika garm hoti hai. atah garm hath ki garm anguliyon men garm ratn dharan karne par parinam 100 pratishat shubh evan shuddh prapt hota hai. stri jatak, in ratnon ko bayan hath ki garm anguliyan tarjani, anamika men hi dharan karen.
- thande ratn - (moti, panna, nilam, gomed, lahsuniya), purush jatak banye hath ki madhyama evan kanishthika anguli men dharan karen. kyonki purush jatak ke banye thande hath ki bhi anguliyan madhyama evan kanishthaka thandi hoti hai. atah thande hath ki thandi anguliyon men thande ratn dharan karne par fal 100 pratishat shubh evan achche prapt hote hain.
ratnon ka prabhav: manikya: manikya dharan karne se siradard, bukhar, netrapira, pittavikar, muchrcha, chakkar ana, dah (jaln), hriday rog, atisar, agnishastra, vishajanya vikar, pashu v shatru v bhay, adi kasht ki shanti hoti hai. yadi manikya jatak ke lie shatruvarg ka ho, to upar likhe sabhi kasht jatak ko surya ki dasha men prapt hote hain.
moti: moti dharan karne se chandrama ki shanti hoti hai. krodh shant hota hai tatha mansik tanav bhi dur hote hain. iske viprit yadi moti jatak ke lie shatruvarg ka ratn ho to jatak men alasya, kandhon men pira, tejhinta sadi ka bukhar, nasha karne ki adat, anidra adi hoti hai.
manuga: manuga dharan karne se rakt saf hota hai, najrdosh ka nash hota hai, rakt men vriddhi hoti hai, bhutabhay v pretbadha mitti hai, tatha mangal janit kasht kshin hote hain. iske viprit yadi munga jatak ke lie shatruvarg ka ratn ho to jatak men peshab ka vikar, vikari svabhav, krodh, mastishk ki asthirta, sarpabhay, adi hote hain.
panna: panna dharan karne se netrarog ka nash, jvarshanti, sannipat, dama, shodh adi ka nash hota hai tatha virya men vriddhi hoti hai. ise dharan karne se budh-kop ki shanti hoti hai. isse jatak ke kam, krodh, adi vikar bhi shant rahte hain tatha tantrik abhichar, tone-totke se bhi ye mukti deta hai.
pukhraj: pukhraj dharan karne se gyan, shakti, sukh, dhan, adi men vriddhi hoti hai. guru janit kashton ka ant hota hai. jin jatkon ke vivah men dikkat hon, to vah pukhraj dharan karen. iske viprit yadi ye jatak ke lie shatruvarg ka ratn ho to jatak ke ghutne men dard, pet ki bimari, bhi ho jati hai.
hire: hira dharan karne se jatak ko sukh, aishvarya, rajasamman, vaibhav, vilasita, adi prapt hote hain. iske viprit yadi hira jatak ke lie shatruvarg ka ratn ho to jatak ko mutra vikar, netravikar, maithunashakti ka nash, asatyavachan, kaf rog, adi deta hai. jo stri putra ki kamna kare, unhen hira dharan nahin karna chahie.
nilm: nilam dharan karne se bhut-pretbadha nivaran, sarp vish nivaran, rakt pravah ko rokna adi karm hote hain. nilam shani krit kashton ko shant kar deta hai. nilam antrik shanti deta hai. shvas, piÿa, khansi ki bimari dur karta hai. prem men pragarhta, dosh nivaran, dukh-daridray nash, rog nash, siddhiyon ka data hai nilam ratn. yahi nilam raja ko rank tatha rank ko raja banane ki kshamata rakhta hai.
gomed: gomed dharan karne se bhram nash, nirnay shakti, atmabal ka sanchar, daridrata ka nash, shatru ki har, nashe ki adat ka nash, saflta, vivah-badha nash, pachan shakti ki prablta, ajatashatruta, atm santushti, santan badha ka nash, sugam vikas shakti prapt hoti hai. vat v kaf ki badha bhi shant hoti hai.
lahsuniya: lahsuniya dharan karne se dukhon ka nash, ketu ki shanti, bhut-badha nivaran, vyadhi nash tatha netra rog ka nash, svasth kaya ki prapti hoti hai sarkari karyon men saflta tatha durghatana ka nash karne vala ratn lahsuniya pittaj rogon ka nash karne vala, ketu krit samast rogon v kashton ka nivaran karta hai.