kya upay karen (0 views)

kundali men lagn v chandrama ki sthiti se vyakti ke svabhav ka andaja lagaiye. uske svabhav ke anukul hi upay bataiye. yadi kisi ka chandrama, guru aur navam bhav pirit hai aur ap use koi puja path ka upay batate hain to vah karega hi nahin. aise vyakti ko ratn ya tantra ka upay bataen.
grah kaisi rashi men hai yah nirdharit karta hai ki kaun sa upay fal dega. grah yadi agni tatva rashi men hai to yagya, vrat adi, grah yadi prithvi tatva rashi men hai to ratn, yantra, dhatu dharan adi, grah yadi vayu tatva rashi men hai to mantra jap adi, grah yadi jal tatva rashi men hai to uski vastuon ko pani men bahana, aushdhi snan adi se labh hoga. yog karak grah nirbal hai to ratn, yantra aur dhatu dvara upchar karna chahie. ashubh aur marak grahon ka upchar puja path, dan ya grah ki vastu ko bahakar kiya jata hai.