1. Home
  2. Remedies
  3. sukh-samriddhi ke totke
सुख-समृद्धि के टोटके

sukh-samriddhi ke totke  

Jay Indra Malik
Views : 66641 | June 2014
  • yadi parishram ke pashchat bhi karobar thapp ho, ya dhan akar kharch ho jata ho, to yah totka kam men len. kisi gurupushya yog aur shubh chandrama ke din pratah hare rang ke kapre ki choti thaili taiyar karen. shri ganesh ke chitra ke age sanktnashak ganesh stotra ke 11 path kar, is thaili men 7 mung, 10 gram sabut dhaniya, ek panchmukhi rudraksh, ek chandi ki chavanni ya rupya, 2 supari, 2 haldi ki ganthen rakhakar, ganesh ji ko shuddh ghi ke modak ka bhog lagaen. yah thaili tijori, ya kaish baeks men rakh den. arthik sthiti shighra sudhar jaegi. 1 sal bad nayi thaili banakar badlte rahen, manokamna purn hogi.
  • pratiyogita parikshadi men, yogyata hote hue bhi saflta nahin mil rahi ho to budh-pushya yog men lagabhag 500 gram go dudh se shri ganesh ji aur sarasvati ki pratima ka pujan kar, kisi garib rogi ko ya mandir men budhvar ko dan karne se saflta milti hai. parishram kar yadi saflta mil jae to rogi ya garibon ko kuch dan den ya unki seva avashya karen.
  • shani, rahu ya ketu ki kharab dasha chal rahi ho, to kisi shanivar ko 1 chota kala patthar laen, til ke tel men dubo kar 7 bar apne upar utaren aur is patthar ko dahkti anch men dal den. thanda hone par us ghar se dur, kisi sukhe kuen men dal den. grah dosh shant ho jaega.
  • kisi ke pratyek shubh kam men badha, ati ho ya vilanb hota ho, to ravivar ko bhairon ji ke mandir men, sindur ka chola charha kar, batuk bhairav stotra ka ek path kar ke gau, kauon aur kale kutton ko unki ruchi ka padarth khilana chahie. aisa varsh men 4-5 bar karne se karya badhaen nasht ho jaengi.
  • sandhya ke samay sona, parhna aur bhojan karna nishiddh hai. sone ke purva pairon ko thande pani se dhona chahie. parantu gile pair nahin sona chahie. isse dhan kshay hota hai.
  • bhojan sadaiv purva, ya uttar ki or mukh kar ke karna chahie. jute pahne hue kabhi bhojan nahin karna chahie, jab tak koi vivshta n ho.
  • subah kulla kie bina pani, athva chay n pien. juthe munh hathon se ya pair se kabhi gau, brahman aur agni ka sparsh n karen.
  • ghar men devi-devtaon par charhaye gaye ful ya har ke sukh jane par bhi unhen ghar men rakhna alabhkari hota hai.
  • pratidin pujan karne se manobal barhta hai aur shanti milti hai, bhale hi thore samay ke lie hi sahi, parantu pratidin ishvar ka dhyan shraddha-vishvas se karna chahie. purva ya uttar disha ki or mukh kar ka ishvar ki puja karni chahie. isse bhagyoday hota hai.
  • ashirvad men bahut bari shakti hoti hai. mata-pita aur guru ke samne jhuk kar ashirvad grahan karna chahie.
  • apne nyaypurvak uparjit dhan ka dasvan bhag ishvar ki prasannata ke lie kisi satkarm men lagana chahie.
  • pratyek ghar men chitra, kailendar lagae jate hain. ve sundar aur prerak hone chahie, jaise arjun ko updesh dete shri krishn ka chitra, per-paudhon, pushp, mahapurushon ya aradhya dev ke chitra lagane se shubhatva ki vriddhi hoti hai. yuddh, khunkhrabe, hinsak pashu, vibhats chitra kabhi nahin lagane chahie.
  • apne ghar men pavitra nadiyon ka jal sangrah karke rakhna chahie. ise ghar ke ishan kon men rakhne se adhik labh hota hai. ratri men nakhun ya bal nahin katna chahie. jute, chappal sadaiv ghar ke bahar hi utaren evan, vastu shastra ke anusar ghar ke uttara-purvi kon par bhul kar bhi jute n utaren aur n hi rakhen.
  • aksar logon se sunne men ata hai ki ghar men kamai to bahut hai, par paisa nahin tikta, to yah prayog karen. jab gehun ko pisvane jate hain, to usse pahle 11 patte tulsi tatha 2 dane kesar ke dal kar thore se gehun ko sare gehun men mila kar pisva len. fir ghar men dhan ki kami nahin rahegi tatha ghar men barakat rahegi. yah kriya somvar aur shanivar ko karni hai.
  • ravivar ke din pushya nakshatra ho, tab gular ke vriksh ki jar prapt karke ghar laen. ise dhup, dip karke dhan sthan par rakh den. yadi ise dharan karna chahen, to svarn ke tabij men bhar kar dharan kar len. jab tak yah tabij pas rahegi, tab tak koi kami n aegi. ghar men santan sukh uttam rahega. yash ki prapti hoti rahegi. dhan-sanpda bharpur honge. sukh-shanti aur santushti ki prapti hogi.
  • kisi karya ki siddhi ke lie jate samay ghar se niklne se purva hi apne hath men roti len. marg men jahan bhi kaue dikhlai den, vahan us roti ke tukre karke dal den aur age barh jaen. isse saflta prapt hoti hai.
  • jin vyaktiyon ko lakh prayatn karne par bhi svayan ka makan n ban pa raha ho, ve is totke ko apnaen: pratyek shukravar ko niyam se kisi bhukhe ko bhojan karaen aur ravivar ke din gay ko gur khilaen. aisa niyamit karne se apni achal sanpatti banegi ya koi paitrik sanpatti prapt hogi. agar sanbhav ho to, pratah kal, snan-dhyan ke pashchat nimn mantra ka jap karen. mantra is prakar hai: padmavti padm kushi vajravajranpushi pratib bhavanti bhavanti..
  • yah prayog nav ratri ke dinon men ashtami tithi ko kiya jata hai. is din pratahkal uth kar, puja sthal men, ganga jal, kuan jal, boring jal men se jo upalabdh ho, uske chinte lagaen. ek pate ke upar durga ji ke chitra ke samne, purva men munh karte hue, usapar 5 gram sikke rakhen. sabut sikkon par roli, lal chandan evan ek gulab ka sabut pushp charhaen. mata se prarthana karen. in sabko utha kar (potli bandh kar) apne galle, sanduk, almari men rakh den. yah totka har 6 mah bad punah karna chahie.
  • shri yantra ke upyog dvara, arthik sanpannata prapti hetu, kagaj, bhoj patra, tanba, chandi, sona dhatu ya sfatik ratn par bane shri yantra ka upyog apni samathrya ke anusar karen. dipavli ki ratri ko iska vishesh mahatva hai. snan adi se shuddh hokar purvamukh hokar, uni asan par, sthanadi ki shuddhi karke baithen. apne samne shri yantra sthapit kar jal, panchamrit, roli, chaval, pushp se shri yantra ka vidhivat pujan karen tatha mata mahalakshmi ka dhyan karte hue un durge smrita harsi bhitim shesh janto. svasthai, smrita matimtiv shubhan dadasi.. mantra ka jap tatha shri sukt ka path dipavli ki ratri men karen. uske bad yathashakti uparyukt mantra ke jap niyamit karte rahna chahie. shri yantra ko ghar men tatha vyavsayik sthan par, puja sthal par sthapit kar den. sfatik shri yantra ati prabhavshali hota hai tatha is par niyamit matra ek gulab ka ful charhane se hi lakshmi ki prasannata ka anubhav sadhak ko hone lag jata hai.
  • nimn mantra ka niyamit jap bhi arthik sanpannata dene vala hai. un yakshay kuberay vaishravnay dhan dhanyadhiptye dhan-dhanyan smriddhin dehi dapay dapay svaha is mantra ka jap karte hue besan ke laddu, ya keshar ki barfi ka bhog lagana chahie tatha thora ganga jal jap karte hue pas men rakhen. jap pura hone ke bad (kam se kam 108 bar, 1 mala) ganga jal vyapar sthal ki divar par chirak den tatha mithai bachchon men bant den. yah vyapari logon ko vishesh labh dene vali sadhna hai.
  • ghar men samriddhi lane hetu ghar ke uttara-pashchim ke kon men sundar se mitti ke bartan men kuch sone-chandi ke sikke, lal kapre men bandhakar rakhen. fir bartan ko gehun, ya chaval se bhar den. aisa karne se ghar men dhan ka abhav nahin rahega.
  • vyakti ko rinmukt karane men yah totka avashya sahayta karega: manglvar ko shiv mandir men jakar shivling par masur ki dal un rin mukteshvar mahadevay namah mantra bolte hue charhaen.
  • ghar men sthayi sukh-samriddhi hetu pipal ke vriksh ki chaya men khare rahakar lohe ke bartan men jal, chini, ghi evan dudh milakar pipal ke vriksh ki jar men dalne se ghar men lanbe samay tak sukh-samriddhi rahti hai aur lakshmi ka vas hota hai.
Kya aapko lekh pasand aaya? Subscribe

RemediesWealthTotke

Previous
कुछ अनुभूत टोटके

Next
विभिन्न कार्यों के लिए सार्थक एवं अचूक टोटक


[+] Aur Padhein
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

Arun-Bansal-Astrologer

Dr.Arun Bansal

Exp: 40 Years

Dr Arun Bansal is the biggest name in the field of Astrology owing to the number of laureates he has...
Abha Bansal astrologer

Abha Bansal

Exp: 37 Years

The Chief Treasurer of All India Federation of Astrologers' Societies (AIFAS), Astrologer Abha Bansa...
Dr. Tanvi Bansal

Dr. Tanvi Bansal

Exp: 10 Years

A brilliant analytical thinker and problem solver, with an experience of more than 10 years in Predi...
astrology-vastu-palmistry
kundli-software-leostar

.