sasural men sukhi rahne ke liye
- yadi kanya 7 sabut haldi ki
ganthen, pital ka ek tukra, thora
sa gur lekar sasural ki or fenk
de to vah kanya sasural men sukhi
rahti hai.
- kanya ka jab vivah ho chuka ho
aur vah vida ho rahi ho to ek
lote men ganga jal, thori si haldi,
ek pila sikka dalakar kanya ke
sir ke upar se 7 bar var kar
uske age fenk den. vaivahik jivan
sukhi rahega.
- sabut kale urad mane hari manehdi
milakar jis disha men var-vadhu ka
ghar ho us or fenke, paraspar pyar
barhega.
rog mukti ke lie
surya jab mesh rashi (13 se 15
aprail madhya) men pravesh kare to nim
ki koplen, gur v masur ke sath
pis kar khane se varsh bhar rog nahin
hote hain.
yadi kashtakari guda rog ho athva
khuni bavasir ho to dhature ki jar
ko kamar men bandhen athva mahemriyam
nam ka ratn dharan karen. yah rog
dur ho jayega.
yadi pet men koi vikar ho to
sirhane tanbe ke patra men jal bhar kar
usmen panch mukhi rudraksh ke panch dane
dalen. pratah us jal ko pi len. yah
niyam roj karen. pet ke vikar dur
ho jayenge.
paitrik sanpatti pane ke liye
somvar ke din achche muhurt
men yamaghnatak, rahukal chorakar
chitkbri kauri ko pis len. is
pisi hui kauri ko jisse sanpatti
leni ho uske ghar ke mukhya dvar par
chirak den. kam se kam 7 bar karen.
brihaspativar ko pipal ke panch
patte lekar pile chandan se rang kar
shukla paksh ko bahte huye jal men
pravah kar den. guru pushya nakshatra ho to
bahut achcha hai aur lagatar karne se
paitrik sanpatti mil jayegi.
yadi paitrik sanpatti ya bhavan sukh
nahin mil raha ho to amavasya ko
kisi bhukhe ko adrpurvak bhojan
karayen. gay ko gur khilayen. yah
shukravar aur ravivar ko karna hai.
chah mas men parinam achcha milega.
gomti chakra ke samanya upay
8 gomti chakra lekar budhvar ko
do-do gomti chakra apne sir par
se ghumakar charon dishaon men fenk den.
is kriya se tantrik prabhav samapt
hoga.
kort kachhri men mukdma chal
raha ho to kort jane se pahle panch
gomti chakra apni jeb men rakhakar
jayen. jane se pahle dayan pair ghar
ke bahar rakhen, puri saflta milegi.
rog thik n ho raha ho gomti
chakra chandi ki tar men pirokar palang
ke sirhane bandh den. rog samapt
hone lagega.
vyapar men saflta ke liye
thora sa kachcha sut len. use kesar
se rang len. is range huye sut ko 11
bar ‘shri hanumte namah’ ka path karke
vyaparik sthan par bandh den. vyapar
chalne lagega. naukri vala vyakti
ise apni daraj men rakh len, naukri
men unnati hone lagegi.
somvar ko shiv-mandir men jakar
dudh-jal shivling par charhayane tatha
rudraksh ki mala se ‘un someshvaray
namah’ ka jap 108 bar karen (arthat
ek mala). purnamasi ko jal men
dudh mila kar chandrama ko aghrya den
tatha vyavsay men unnati ki prarthana
karen. chamatkari labh milega.
brihaspativar ko pile rang ka
kapra lekar mandir jayen, jahan
tulsi ho uske as-pas ki
ghas torakar pile kapre men bandhakar
vapis ghar le ayen aur ise ghar
men ya vyapar sthal par rakhen barakat
shuru ho jayegi.
yadi kisi ke sath bar-bar
durghatana adhik hoti hai to vah
shukla paksh ke pratham manglvar ko
400 gram dudh se chaval ko dhokar
tivra pravah ke jal men pravah karen.
yah sat manglvar karen. durghatana
nahin hogi.