‘संजू’ बाबा- फिर एक बार सुर्खियों में

‘sanju’ baba- fir ek bar surkhiyon men  

Future Point
Views : 351 | February 2020

film sanju ne baeks aefis ke kai rikard tor diye hain. karoron rupyon ki kamai karke bolivud histri men apna nam darj karane vali film ‘sanju’ ne kai rikords bana liye hain. kya yah film sanjay datt ka bhagya badal payegi? janne ke lie parhen yah alekh ...

sanju film ke sath hi sanjay datt ek bar fir se vahvahi lut rahe hain. is film ne chand dinon men hi saflta ke nae kirtiman kayam kar die hain. hamesha se vivadon men rahe sanjay datt ki jivni par bani is film ko dekhne ke lie sabhi utsuk hain. sinema gharon men inke fains aur alochkon donon ki bhir umar rahi hai. sanju ke kirdar ko abhinay ka jama ranbir kapur ne pahnaya hai. is film ke sath hi ranbir kapur bhi ek lambe samay ke bad apne abhinay ke lie sarahna bator rahe hain. is film ke sath hi ranbir kapur ke kariyar ko nae pankh mil gae hain. tivi ho, akhbar ho ya anya koi midiya sadhan sab jagah is film ki saflta ki bat ho rahi hai. salman khan, akshay kumar ki filmon ke rikards ko bhi piche chorne vali yah film sanju sanjay datt ke jivan aur ranbir kapur donon ke lie mil ka patthar sabit ho rahi hai. vatrtaman men yah film rikard tor kamai ka jariya bani hui hai. ratonrat film ko mili saflta ko dekhakar lag raha hai ki is film ka darshakon ko besabri se intjar tha aur sinemaghron men ate hi film ko sabhi ne hathon hath liya hai. film ke filmankan aur ranbir kapur donon ne logon ka dil jit liya hai. kuch hi dinon men is film ne baeks aefis ke kai rikard tor diye hain. karoron rupyon ki kamai karke bolivud histri men apna nam darj karne vali film ‘sanju’ ne kai rikords bana liye hain. har koi yah janna chahta hai ki is film ki kahani kya hai. sanjay datt ki jivan gatha kisi film ki kahani se kam rochak aur utar-charhavyukt nahin rahi hai. aiye is alekh ke madhyam se sanjay datt se rubru hone ki koshish karte hain-


for immediate problem solving and queries, talk to astrologer now


apne samay ke mashhur abhineta sunil datt aur apne ganbhir abhinay ke lie jani jane vali nargis ke yahan sanjay datt ka janm hua. inke mata-pita donon film jagat men karyarat rahe the, aise men yah svabhavik tha ki inka karmakshetra bhi film jagat se jura hua ho. 29 julai 1959 ko jab inka janm hua to koi nahin janta tha ki mata-pita ke ladle sanju ka jivan itna vivadit rahega.

sanjay datt man aur pita donon ki ankhon ke tare the. mata nargis ki sehat thik nahin rahti thi par nargis ji ko jitna bhi samay milta vo sanjay ke sath vakt gujarna pasand kartin.

sanjay datt ki shuruati shiksha kasauli shahar ke nikat laerens skul sanavar men hui. sanjay matra 22 sal ke the jab mata nargis datt ki kainsar se pirit hone ki vajah se mrityu ho gai. man ke jane ke sadme se sanjay datt abhi bahar bhi nahin ae the ki inhen gairkanuni tarike se nashile padarth rakhne ke arop men 5 mah ki saja bhugtni pari.

jis samay sanjay par yah pahar tuta us samay sanjay puri tarah se nashile padarth ke shikanje men a chuke the. sanjay datt ko har tarah ka nasha karne ki adat par chuki thi. sthiti yahan tak ganbhir thi ki nashile padarthon ka prabhav inke fefron par bhi par chuka tha. aise mushkil samay men sanjay ko pita ka bharpur sath mila. sahi margadarshan, sneh aur sahyog se sanjay datt nashe ki giraft se bahar ae.

sanjay datt ki pahli shadi richa sharma se hui. richa bhagyavash inka sath adhik lambe samay tak nahin nibha saki. inki god men beti trishala ko chor vo bren tyumar se jujhte hue is duniya se vida ho gain. ek ke bad ek jindgi inke sath khel khelti rahi aur har bar tutne ke bad sanjay khud ko sanbhalakar khare hote rahe.

1998 men sanjay riya pillai ke sath apne prem sanbandhon ko age barhate hue inke sath vivah sutra men bandh gae. lekin donon ke apsi avishvas, shak aur tanav ne inke vivah ko talak ka rup de diya. sanjay ek bar fir se akele ho gae the. beti trishala amerika men apne nana-nani ke sath pal rahi thi. aj bhi jivan ke har mor par manyata inke sath kandhe se kandha milate hue sath khari najar ati hain. yah kahna galat nahin hoga ki sanjay datt ka sath jis tarah se ek samay men inki man nargis ne diya tha aj usi tarah se manyata inka sath de rahi hain.

sanjay datt ne apne kariyar ki shuruat ek bal kalakar ke rup men ki. inke kariyar ne raeki film se raftar pakri. madar indiya ka birju, khalnayak ka ballu aur munna bhai ka munna isi tarah ke jivant abhinay ke sitaron se sanjay datt ke kariyar ka guladasta saja hai. ek ke bad ek inhonne anek safal filmen din. parantu traijdi yah rahi ki har ek saflta ke bad inhen kisi n kisi vivad ka samna karna para.

kort kes, saja aur karavas ki chaya ne inke kariyar ke charhte suraj ko grahan laga diya. har ek saflta par sanjay datt unchai ki ek sirhi charhte aur vivadon ke karan fisal jate. kabhi man ka dehant, kabhi sadma aur kabhi drags, kabhi munbai men 1993 men tada bam visfot inke lie kasht ka karan banta raha. par jis tarah se sanjay datt har ek pareshani se bahar akar khud ko sabit karte hain yah kabil-e-tarif hai.


apni kundli men rajyogon ki jankari paen brihat kundli riport men


apni parivarik aur bahri kathinaiyon ke bavjud sanjay datt hamesha boks aufis par apna dhamal machate rahe hain aur ek bar fir se inki jivni par bani film sanju sinema hael men dhamal macha rahi hai-

kuch hi dinon men inki vartaman film ‘sanju’ ne baeks aefis ke kai rikard tor diye hain. karoron rupyon ki kamai karke bolivud histri men apna nam darj karane vali film ‘sanju’ ne kai rikords bana liye hain.

ane vale samay men sanjay datt ka kariyar kaisa rahne vala hai iska vishleshan inki janmakundli se karte hain-

sanjay datt ki kundli ka vishleshn

sanjay datt ki kundli vrishchik lagn aur vrishabh rashi ki hai. vartaman men inki kundli men shani mahadsha men budh ki antardasha prabhavi hai. janmapatri men lagnesh mangal saptamesh shukra ke sath karm bhav men yuti sanbandh men hain. lagnesh dasham bhav men hon to vyakti apne balbute par saflta arjit karta hai. janmapatri men bhagyesh chandrama sabse adhik majbut sthiti men hai. parashri siddhant yah kahta hai ki navam bhav men yadi surya-budh sath hon to jatak ke pita ki ayu men kami hoti hai. isi yog ke chalte inhen apne pita ka sath lambe samay tak nahin mil saka. pancham bhav par ketu ki sthiti aur panchmesh ka dvadash bhav men hona prem sanbandhon men bhavnaon ko ahat karta hai. saptam bhav men chandra ki sthiti vaivahik jivan men tanav aur asflta darshati hai. saptamesh shukra bhi mangal ke sath hai. in donon grahon ka ek sath hona, parivarik jivan men pareshaniyon ka karan banta hai. chaturth bhav par vakri shani aur mangal ki drishti ke falasvarup inke jivan men sukh-shanti aur sukun ka abhav raha. falit jyotish ka ek anya siddhant yah kahta hai ki ashtamesh ka navam bhav men hona vyakti ko vivadon men ghere rakhta hai.

ay bhav men rahu ki sthiti aur ayesh ka navam men karmesh aur ashtamesh ke sath hona saflta, unnati ke sath-sath vivad avashya deta hai. is samay inki janmarashi par shani ki ashtam dhaiyya chal rahi hai. yah prabhav 2020 ke arambh tak rahega, antardashanath budh ka sidha sanbandh ekadash bhav se hai. atah yah samay inke lie unnatikarak, safltadayak aur jivan men prasiddhi dene vala rahega. budh ki antardasha 2019 ke ant tak rahegi, iske bad ketu ka antar aega jo fir se mansik tanav aur pareshaniyon ka karan banega.

janmapatri men bani grah sthiti aur yuti ke sath-sath janmapatri ke yogon ki bhumika bhi jivan ki ghatnaon ko niyantrit karne men kam nahin rahti hain. jahan inki kundli men shakat, amal aur gauri jaise yog bane hue hain vahin veshi, kemadrum aur ubhychari yog bhi hain. in sabhi yogon ne inke jivan ko shakti di aur vivadon ke sath hi unnati hasil karne ka avasar diya. yah mana jata hai ki yadi janmapatri men koi tin grah uchch, mulatrikon ya svarashisth hon to jatak ko unnati, shoharat aur saflta sabhi milti hai. sanjay datt ki kundli men uchchasth chandrama, rahu aur ketu donon apni mul trikon rashi men hain. is prakar in yogon ne sanjay datt ki jivngatha ko khas banaya.

vatrtaman grah gochr

is samay janm shani par se gochar ka shani vicharan kar raha hai, jahan se shani inke chaturth, ashtam aur ekadash bhav ko drishti sanbandh dekar sakriya kar rahe hain. shani ka dohra gochar jivan men ghatit hone vali khas saflta ka svad chakhata hai. mahadshanath bhi shani hai aur dhaiyya bhi hai. iske alava janmapatri ke ay bhav men sthit rahu ka gochar vartaman men inke navam bhav par ho raha hai. ay aur unnati ke paksh se rahu ka yah gochar anukul hai aur khas bat yah hai ki janm guru par gochar guru ka dabal gochar ho raha hain. guru aur shani donon apna dohra gochar dekar inki prasiddhi ke yog bana rahe hain.


jivan ki sabhi samasyaon se mukti prapt karne ke lie yahan klik karen !


Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

farvri 2020 visheshank  February 2020

futuresamachar-magazine

fyuchar samachar ke is visheshank men - naukri, vyavsay, padonnati varsh 2020, talak kyon? jyotishiya karan aur nivaran, mangli dosh kitna manglkari, jyotish se janen-naukri ya vyapar, dilli ki rajniti adi sammilit hain .

Subscribe


.