सभी के प्यारे-दुलारे अटल जी

sabhi ke pyare-dulare atal ji  

Abha Bansal
Views : 142 | February 2020

keval unchai hi kafi nahin hoti, sabse alg-thalag parivesh se prithak. jaruri yah hai ki unchai ke sath vistar bhi ho.

ye utkrisht vichar hamare manniya atmiya kavi, lekhak, purva patrakar v bharat ke bhutpurva pradhanmantri svargiya shri atal bihari vajpeyi ji ke hain. yahi nahin unki anek kavitaen hain jinhen parh kar ham atmamanthan men dub jate hain. apne anek vaktavyon men manaine atal ji ki is kavita ko parha hai aur har bar uske bhavarth dil ko chute hain.

sachchai yah hai ki
keval unchai hi kafi nahin hoti,
sabse alg-thalg
parivesh se prithak,
apnon se kata-banta,
jo jitna uncha,
utna hi ekaki hota hai,
har bhar ko svayan hi dhota hai,
chehre par muskanen chipka,
man hi man rota hai.

jaruri yah hai ki
unchai ke sath vistar bhi ho,
jisse manushya
thanuth-sa khara n rahe,
auron se ghule-mile,
kisi ko sath le,
kisi ke sang chale.

dharti ko baunon ki nahin,
unche kad ke insanon ki jarurat hai.

itne unche ki asman ko chu len,
nae nakshatron men pratibha ke bij bo len,
kintu itne unche bhi nahin,
ki panv tale dub hi n jame,
koi kanta n chubhe,
mere prabhu !
mujhe itni unchai kabhi mat dena
gairon ko gale n laga sakun
itni rukhai kabhi mat dena.

atal ji ki bhashashaili, bhashan aur unka vyaktitva sabhi ko bahut prabhavit karta hai aur main svayan bhi unki bahut bari prashansak rahi hun. unse milne ka mauka to nahin mila parantu 1975-1980 ke bich kai bar unki sabhaon men upasthit rahne ka gaurav prapt hua jahan ghantane tak sab unke bhashan ka intjar karte the. unke bhashan sidhe dil men utar jate the aur log chal dete the unke dikhae raste par. aj ki pirhi ke naujvan yuvak yuvti unke ojpurn bhashan sunakar apne andar vishesh urja anubhav karte hain aur apni vaktavya shaili men sudhar late hain.


jivan ki sabhi samasyaon se mukti prapt karne ke lie yahan klik karen !


unhen shabdon ka jadugar mana gaya hai. virodhi bhi unki vakpatuta aur tarkon ke kayal rahe hain. 1994 men kendra ki kangres sarkar ne sanyukt rashtra manvadhikar ayog men bharat ka paksh rakhne vale pratinidhimandal ki numaindgi atal ji ko saunpi thi. kisi sarkar ke vipakshi neta par is had tak bharose ko puri duniya men ashcharya se dekha gaya tha.

apne-parae ka bhed kie bina sach kahne ka sahas unmen tha. ismen ve tanik bhi nahin hichkichate the. gujrat dangon ke samay si. em. rahe narendra modi ke lie unka bayan ‘raj dharm ka palan karna chahie’ aj bhi mil ka patthar bana hua hai.

1998 men pokharan parmanu parikshan unki is soch ka parichayak tha ki bharat duniya men kisi bhi takat ke age ghutne tekne ko taiyar nahin hai. unhonne ek mauke par kaha bhi tha ki bharat majbut hoga, tabhi age ja sakta hai. koi use bevajah tang karne ki jurrat n kare, uske lie hamen aisa kar dikhana jaruri hai. duniya ke kai deshon men virodh ke bavjud unhonne yah kadam uthaya.

atal ji ke dil men ek rajneta se kahin jyada ek kavi basta tha. unki kavitaon ka jadu logon ke sir charhakar bolta raha hai. har nahin manunga, rar nahin thanunga, kal ke kapal par likhta mitata hun; git naya gata hun ... unki lokapriya kavitaon men se ek hai. sansad se lekar jansbhaon tak men ve aksar kavita path ke mud men a jate the.

atal bihari vajpeyi ne khud ko kisi khas vichardhara ke pahredar ke rup men sthapit nahin hone diya. unke pradhanmantritva kal men kashmir se lekar pakistan tak se batchit ka silsila shuru hua tha.

algavvadiyon se batchit ke faisle par saval utha ki kya batchit sanvidhan ke dayre men hogi? to unka javab tha, insaniyat ke dayre men hogi.

ruk-rukakar lanbe antral lekar bolna aur ‘ye achchi bat nahin hai’ ... ek lain se virodhiyon ko chup kar dena ye atal ji ki sashakt vakshaili ke do bare hathiyar the. samarthakon se lekar virodhiyon tak ka man moh lene ke lie unke pas tisra bara hathiyar tha kavitaon ka. karishmai andaj men ve jab ankhen band kar kavita parhte-parhte hath lahrate the, log mantramugdh se unhen dekhte rahte the. desh men agar kisi ko sunne ke lie log bekabu hote the to ve atal ji hi the. nehru-gandhi parivar ke bad vajpeyi hi the, jinhonne apne bute n keval sarkar banai, balki sanbhali aur chalai.


apni kundli men sabhi dosh ki jankari paen kampalit dosh riport men


vaise sansad se bahar jansbhaon men to unke bhashnon ka akarshan divangi ki had tak tha. garmi ho ya sardi, din ho ya rat, dhup ho ya barsat, log unka bhashan sunne ke lie kai-kai ghante bari betabi se intjar karte the. yahi karan hai ki kisi bhi jansbha men anek vakta hone par unka bhashan ant men hi rakha jata tha taki shrota unka bhashan sunne ke lalach men apni jagah se hilen hi nahin. vajpeyi ji jis tarah apne bhashan se shrotaon ko mantramugdh kar lete the, vah bare-bare filmi sitaron ke lie bhi ishrya ka vishay tha.

aj bhi yutyub par yadi kisi rajneta ke bhashan sarvadhik sune jate hain to uska nam hai - atal bihari vajpeyi.

vajpeyi ji ki upalabdhiyan

û 1992 - padm vibhushn
û 1993 - di lit (kanpur vivi)
û 1994 - lokmanya tilak puraskar
û 1994 - shreshth sansad puraskar
û 1994 - pandit govind vallabh pant puraskar
û 2014 - disanbar men bharat ratn se sammanit
û 2015 - di. lit (em. pi. bhoj mukt vivi)
û 2015 - frends aef bangladesh libreshan var avaerd, (bangladesh sarkar dvara)

atal ji ka rajnitik safr

û 1951: bhartiya jansangh ke sansthapak sadasyon men se ek. shyama prasad mukharji ke niji sachiv ke taur par kam sanbhala.
û 1957: jansangh ne unhen tin loksbha siton lakhnau, mathura aur balrampur se chunav laraya. lakhnau men ve chunav har gae. mathura men unki jamanat jabt ho gai lekin balrampur se jite.
û 1962: dobara balrampur se bhartiya jansangh ke tikat par khare hue, har gae.
û 1962-1967: rajyasbha ke sadasya bhi rahe.
û 1967: vajpeyi fir balrampur se chunav men utre. kangres pratyashi ko 32 hajar voton se haraya. tab yah bahut bara antar tha.
û 1968: jansangh ke adhyaksh bane. apatkal ke khilaf jepi ke andolan men bhi khase sakriya rahe. 1973 tak bhartiya jansangh ke adhyaksh rahe. apatkal men jel bhi gae.
û 1977: morarji desai ki janta sarkar men videsh mantri bane.
û 1977: sanyukt rashtra men atal ji ne 4 aktubar, 1977 ko hindi men sanbodhan diya. isse pahle kisi bhi bhartiya ne matribhasha ka prayog is manch par nahin kiya tha.
û 1980: bijepi ka gathan hua. vajpeyi iske sansthapak adhyaksh bane. 1986 tak adhyaksh rahe. is dauran bijepi sansdiya dal ke neta bhi rahe.
û 1984: indira gandhi ki hatya ke bad hue chunavon men bijepi ko keval do siten mili. gvaliyar se atal ji, yuva madhav rav sindhiya se har gae.
û 1986: rajyasbha sadasya rahe.
û 1990: somnath se shuru hui advani ki ‘ram rath yatra’ lalu ne bihar men rok li. bijepi ne vi. pi. sinh sarkar se samarthan vapas le liya.
û 1991-96: kendra men narsimha rav sarkar ke karyakal men bijepi ne mandir mudde par rajnitik barhat hasil ki.
û 1996: sansdiya chunavon men vajpeyi ko pi. em. kaindidet ghoshit kar chunav lara gaya. sarkar bani par 13 din men gir gai.
û 1998: bijepi fir satta men ai aur vajpeyi piem bane. 13 mahine bad eaiediemke ne samarthan vapas liya aur sarkar gir gai.
û 1998: tidipi ne bahar se samarthan kiya aur kendra men fir bijepi ki sarkar ai. atal hi piem the. 11 mai 1998 ko pokharan -2 parmanu parikshan kiya.
û 1999: kandhar haijaik ke bavjud vajpeyi 22 anya logon ke sath dilli-lahaur bas se pakistan gae.
û 2001: pakistan ke sath rishte sudharne ki koshish ki. pak rashtrapti parvej musharraf ko agra shikhar sammelan ke lie bulaya. sarva shiksha abhiyan shuru kiya.
û 2002: gujrat dangon ke bad atal ji ne gujrat ke tatkalin si.em. narendra modi ke lie ek hi lain kahi, ‘rajadharm ka palan karna chahie.’
û 2003: tisri bar mai 2003 men vajpeyi ne fir kashmir mudde par pakistan se batchit ki peshakash ki. donon deshon ke rishte behatar hue.
û 2004: bhajpa ke sansthapak adhyaksh atal ji ne parti ki sthapna ke 25 varsh pure hone par sakriya rajniti se sannyas lene ki ghoshna kar di. apne sankshipt bhashan men unhonne kaha ki ve iske bad koi chunav nahin larenge. parti ka kam karte rahenge. lakhnau se lagatar panchvi bar chunav lare, jite.
û 2009: ek strok parne ke bad lagabhag shant ho gae. unka jyadatar samay tivi dekhne men jane laga.
û 2014: 24 disanbar ko (vajpeyi ke janmadin 25 disanbar se ek din pahle) modi sarkar ne atal bihari vajpeyi aur madan mohan malviya ko bharat ratn ke lie chuna. vah vajpeyi ji ka 90van janmadin tha.
û 2015: rashtrapti pranav mukharji ne 27 mai ko nai dilli men atal ji ke krishna menan marg sthit avas par jakar unhen bharat ratn diya. bharat ratn hamesha rashtrapti bhavan men ayojit karyakram men hi diya jata hai. vajpeyi ji ke kharab svasthya ko dhyan men rakhte hue pahli bar yah paranpra tori gai.


get detailed kundli predictions with brihat kundli phal


kundli vishleshn

jan-jan ke pyare atal ji ka janm 25 disanbar 1924 ke din madhyapradesh rajya ke gvaliyar jile men hua. atal ji ki kundli tula lagn ki hai aur lagnesh shukra dvitiya bhav men nichasth chandra ke sath sthit hai. lagnesh shukra ka kendra svami chandra ke sath hona rajyog ka nirman kar raha hai. saptamesh mangal apne bhav se barhven bhav men hai, jinhen rahu ki pancham drishti prapt ho rahi hai. yah yog ajivan avivahit rahne ka sanket de raha hai. vani bhav men shukra-chandra ka ek sath hona kavitva, sanvednshilta aur rachnatmak karyon men ruchi deta hai. dusre aur tisre bhav men panch grah hain aur tisre bhav par shani evan rahu ki drishti hai. iske chalte inke char bhai aur tin bahnen rahin. karm bhav men rahu vyakti ko sadaiv uchch star ka rajneta aur nitikushal vakta banata hai. ashtamesh shukra apne bhav ko dekh apratyashit ghatnaon ke ghatit hone ki or ishara de rahi hai.

jyotish shastra ke dvara vajpeyi ji ka janm magha nakshatra, tula lagn v vrishchik rashi men hua. lagn men uchchasth shani shash yog bana raha hai. panchmhapurush yogon ki shreni men ane vale is yog ne atal ji ko uchch pad par asin kiya, dur drishti aur gahri soch di. amajan ke atal ji pasandida neta bane aur kafi prasiddhi bhi inhen hasil hui. apni karmathata aur kartavyanishtha ke lie inhen vishesh rup se jana gaya. shani ki bali avastha men inhen dukh aur taklifon ka samna nahin karna para. dashmesh chandra ka trikonesh shukra ke sath hona inhen uchch pad, rajkiya samman aur vishva bhar men lokapriyata deta raha.

bhagyesh evan lagnesh ne inhen bharat ratn jaise shreshthatam nagrik samman se alankrit kiya. ayesh surya ki antardasha men inhen sarvashreshth nagrik samman se alankrit kiya gaya. dusre bhav men shukra-chandra ka mangal ki vrishchik rashi hone ke falasvasvarup inki vani men oj, adamya sahas, utsah aur josh sadaiv dekha gaya. rajnitikarak grah rahu karm bhav men hain, isilie inhonne apne jivan ka lakshya rajniti ko banaya aur sanpurn jivan jan seva karte hue vyatit kiya.

am jan ke lie chaturth bhav ka vichar kiya jata hai. inke chaturth bhav men ketu sthit hain aur chaturthesh shani bali avastha men lagn bhav men hai arthat seva inke vyaktitva ka abhinn ang raha hai. atal ji ka jivan shani, rahu aur chandrama ke ii-gird ghumta raha hai.

atal ji ki janmapatri men 2003 jun se guru ki mahadsha shuru hui. guru mahadsha ke shuru hone ke sath hi inke kariyar men avnti ka samay shuru ho gaya. guru grah inke lie tisre aur chathe bhav ke svami hone ke karan akarak grah hain. guru svayan bhi tisre bhav men hi sthit hain. surya evan budh se anshon men nikatatam hone ke karan ast avastha men bhi hain. sath hi ardhapapakartari yog men hone ke karan apne purn fal dene men asamarth hain.

shani inke lie chaturth aur pancham bhav ke svami hokar yogkarak grah hain, lagn men uchchasth hain. rahu mahadsha men shani ki antardasha avdhi (10/11/1990 se lekar 21/06/1991) men inhen pradhanmantri banne ka avasar prapt hua. 1992 men inhen padam vibhushan se sammanit kiya gaya. us samay rahu/shni dasha prabhavi thi.

16 agast 2018 ko atal ji ek lanbi avdhi tak bimar rahne ke bad param satta men lin ho gae. mrityu ke samay inki kundli men guru-rahu-shukra ki pratyantar dasha chal rahi thi. shani sarhesati tisri bar inki janmarashi par prabhavi thi. tisri sarhesati mrityutulya kasht athva mrityudayak hoti hai. 

Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

farvri 2020 visheshank  February 2020

futuresamachar-magazine

fyuchar samachar ke is visheshank men - naukri, vyavsay, padonnati varsh 2020, talak kyon? jyotishiya karan aur nivaran, mangli dosh kitna manglkari, jyotish se janen-naukri ya vyapar, dilli ki rajniti adi sammilit hain .

Subscribe


.