samanyatah mangal se nikalakar jivan v bhagya rekha ko katakar mastishk rekha ko chune ya use bhi katakar hriday rekha tak jane vali rekhaen, ‘rahu rekha’ kahlati hai. hathon men inki sankhya ek se lekar tin ya char tak hoti hain. moti ‘rahu rekhaen’ adhik mahatvapurn hoti hain. ye rekhaen doshpurn lakshan hain kyonki jis ayu men ye mastishka-rekha, bhagyarekha v jivan rekha ko katti hain, pareshani rahti hai. jivan rekha ko katne par kutumb, santan tatha svasthya, bhagya rekha ko katne par jivnsathi ko rog v vyaparik chinta tatha mastishk rekha ko katne par ye us ayu men kisi sanbandhi ki mrityu, hani ya bukhar ka sanket karte hain, hriday rekha ko chune par us ayu par kisi premi ki mrityu ya bichoh ka sanket hai. mangal se akar mastishk rekha par rukne vali ‘rahu rekha’ mastishk rekha ko katakar jane ki apeksha adhik hanikarak hoti hai aur yadi yah mastishk rekha v jivn-rekha ko katne ke bajay donon par hi rukti ho to atyant doshpurn hoti hain. yadi yah jivan v mastishk rekha ke nikas ke pas ho to visheash doshpurn fal karti hain.
is ayu men jivan men uthl-puthal, rog, sthan parivartan, raj-bhay, mrityu, durghatana adi fal hote hain. ‘rahu-rekha’ thori bhi dosh-purn hone par patan ki or le jati hai. aise vyaktiyon ko jel bhay, chori, durghatana, katla ya rog adi ka samna karna hota hai. uÿam hath men nirdosh v lanbi rahu rekha vyakti ko ‘rashtriya-samman’ prapti ki pushti v vishesh unnati ki suchak hoti hai. is prakar ki nirdosh rekhaen mantriyon, bare vyapariyon ya shodhakartaon (vaigyanikon) ke hathon men pai jati hain. nirdosh ‘rahu rekhaen’ hone par yadi mastishk rekha v hriday rekha samanantar hon to aise vyakti naya anveshan karke ‘rashtriya samman’ prapt karte hain. ‘mastishk rekha’ shakha yukt dvibhajit ho to isse bhagya rekhaen niklne par ‘samman prapti’ men keai shanka nahin rahti. naukri hone par koi vishesh praman-patra, samman ya padak milta hai jo jivan men mahatva rakhta hai. inke sanbandh sena ke bare aefisar ya mantriyon adi se hote hain. mastishk rekha ya iski shakha budh par jane ki disha men yadi ‘rahu-rekha’ se budh par bara dvip banta ho to vyakti sammanit v shakti sampann hota hai. aise vyakti mantri hote hain (chitra-...1 dekhen).
mastishk rekha, bhagya rekha, hriday rekha ya jivan rekha men dosh hone par, ‘rahu rekha’ doshpurn falon men vriddhi karti hai. jaise-jaise in rekhaon men sudhar hota hai iska fal bhi uÿam hota jata hai. uÿam hath men nirdosh ‘rahu rekha’ mahanta ki suchak hai. jivn-rekha se nikalakar mastishk rekha men milne ki dasha men ‘rahu-rekha’ sidhi n hokar kuch golakar ho to adhik doshpurn hoti hai (chitra b.b1 dekhen). is rahu rekha ke karan tang tutna, kandhe mane chot, chori se hani, jadu-tone ka bhram ‘jivan rekha’ doshpurn hone ki sthiti men kharab svasthya, inko ya inki patni ke danton men rog adi ghatnaen hoti hain. ‘rahu rekhaen’ pas-pas do ya tin hone par yadi nirdosh bhi hon aur hath achcha ho to aise vyakti rajniti men unche padon par paye jate hain. inhen rashtra-samman bhi prapt hota hai. tin ‘rahu rekhaen’ hone par god ki sampaÿia ka labh hota hai. do ya adhik rekhaon se milakar ‘mastishk rekha’ par dvip banta ho to vansh men javan-mrityu ka sanket hai, aisi dasha men kai mrityu bhi hoti hai. yadi ‘mastishk rekha’ terhi ho to ismen keai shanka nahin rahti. mangal se do ‘rahu-rekhaen’ ek sath pas-pas nikalakar jab shani ke niche ‘mastishk rekha’ ko chuti hon to aise vyaktiyon ka mansik santulan thik nahin rahta (chitra-b.b1 dekhen). shukra v chandrama unnat ya jivan rekha v mastishk rekha men shani ke niche dosh hone par vaham ya sanak hoti hai. inhen bhut-pret, chaya-purush ya kisi aisi bahri shakti ka prabhav hota hai.
inke kanon men bahar se koi avaj sunai deti hai aur ye usi ke anurup acharan karne ko badhya hote hain. kai bar to is avesh men hatya tak kar dete hain. apne ap se baten karna, dhyan men koi dikhai dena, mastishk par dusre ka niyantran ya prabhav malum hona adi lakshan is dasha men pratit hote hain. smaran rakhen yah ‘rahu rekha’ mastishk rekha par shani (anguli madhyama) ke niche hi rukti ho, dusre sthan par nahin. ‘rahu rekha’ par bana hua ‘trikonatmaka-dvip’ stri ke hath men ho aur jivan rekha men dosh, shukra unnat v anya vasnatmak lakshan hon to aisi striyan bari ayu ke vyaktiyon se lambe samay tak yaun sampark rakhti hain. striyon ko yah lakshan hone par rakt srav, garbhapat adi dosh bhi paye jate hain. mangl-rekha hone par aisi striyan apne premiyon se dhan v sampaÿia ka labh prapt karti hain, parantu is dasha men anya rekhaon men dosh nahin hona chahie.
chandrama kshetra se nikal kar moti-bhagya-rekha, hriday rekha par rukne, shukra adhik unnat aur hriday rekha sidhi brihaspati par jane ki dasha men nishchit hi aisi striyon ke anaitik sanbandh paye jate hain. kinhin hathon men shukra kshetra se nikalakar ek rekha jivan rekha ko katti hui chandrama par jati hai. yah bhi ‘rahu rekha’ kahlati hai (chitra-k.k1 dekhen). aise vyakti charitrahin hote hain. charitra sanbandhi giravat ke vishay men inka koi star nahin hota. man, bahan, beti ya anya pavitra sanbandhon par bhi inki buri drishti rahti hai. ye sharabi, juari hote hain. hath patla, kala, mastishk v hriday rekha doshpurn hone par to sabhi kalaon men parangat hote hain: ‘rahu rekha’ vastav men mukhya n hokar gaun rekha hai. parantu fal ke vishay men bahut mahatvapurn hai, atah bhali bhanti dekhakar v anya lakshanon se samanvay karne ke pashchat is rekha ka fal kahne se ‘chamatkarik fal’ prapt hote hain...