atulitbldhaman hemshailabhdehan danujvnkrishananu gyaninamagraganyam.
saklgunnidhanan vanranamdhishan raghuptipriyabhaktan vatjatan namami..
atul bal ke dham, sone ke parvat sumeru ke saman sharir vale, daitya rupi van ka dhvans karne ke lie agni rup, gyaniyon men agraganya, sanpurn gunon ke nidhan, vanron ke svami, shri raghunath ji ke priya bhakt pavan putra shri hanuman ji ko pranam karta hun ..
ashvinasyasite pakshe svatyan bhaume chaturdashi.
meshalagne'shjanigarbhat svayan jato harah shivah.. vayupuran
ashvin mas ke krishn paksh men, chaturdashi tithi ko mangal ke din, svati nakshatra aur mesh lagn men mata anjna ke garbh se svayan bhagvan shiv hanuman ji ke rup men prakat hue. is tathya ke anusar surya kanya rashi men sthit hai evan chandra surya se kam anshon par hai arthat svati nakshatra nahin ho sakta. iska spashtikaran hrishikesh panchang, varansi men milta hai. iske anusar:
shukladimasgnnya ashvinkrishn kartikkrishn, tularkemeshalagne sayankale.
atashchaturdashyan sayankale janmotsavah..
arthat shukladi mas gannanusar ashvin krishn paksh evan krishnadi mas gannanusar kartik krishn paksh chaturdashi ko, tula ke surya men, mesh lagn men sayankal ko shri hanuman ka janm hua. is prakar yah spasht hota hai ki shri hanuman ji ka janm mas ashvin shukladi hai n ki krishnadi. atah mas pravesh men surya avashya kanya rashi men tha, lekin mas samapti ke samay jab krishn chaturdashi thi tab vah tula ke madhya ya uchchansh par sthit tha. isi karan chandrama bhi tula men svati nakshatra men sthit tha.
panchangon ke anusar chaitra purnima ko chitra nakshatra men hanuman jayanti manai jati hai. lekin gita pres ke shri hanuman ank ke anusar hanuman ji ki mata anjna ji ko unki kathor tapasya ke pashchat is din vayu devta ne putra ka vardan diya tha. uske kuch samay pashchat unhonne maharashtra pradesh men nasik ke pas anjna neri parvat ki ek gufa men shri hanuman ko janm diya. atah chaitra purnima uchit rup men jayanti nahin hai. shri ram ka janm yadi 21 farvri, 5115 i.pu. (sandarbh sanpadkiya, fyuchar samachar, mai 2005) ko mana jae jiske anusar shri hanuman shri ram ke
samkalin the aur unki umra shri ram ki umra se kuch varsh kam ya adhik rahi hogi, evan shri hanuman ki prachlit kundli men sinh ke guru aur makar ke shani ko thik man kar varsh evan din ki ganna ki jae to shri hanuman ka janm 3 sitanbar, 5139 i.pu. ko lagabhag sayan 7 baje maharashtra men nasik aur trayanbkeshvar ke madhya kartik krishn chatudarshi ko svati nakshatra men mesh lagn men hua hoga.
is prakar unki janmakundli nimn ati hai:
grah spashta
| lagna |
mesh |
10: 32 |
| surya |
tula |
14: 41 |
| chandra |
tula |
09: 17 |
| mangl |
karka |
20: 55 |
| budh |
tula |
11: 06 |
| guru |
sinh |
05: 36 |
| shukra |
vrishchik |
23: 26 |
| shani |
makr |
03: 13 |
| rahu |
mesh |
14: 57 |
| ketu |
tula |
14: 57 |
| aynansh |
- |
74:15:07 |
shri hanuman ji
03 sitanbar 5139, i.pu. 1900, nasik
guru aur shani ki yah sthiti saikron varshon tak nahin ati hai. atah yadi prachlit kundli ke guru aur shani ko satik mana jae to uprokt janm ganna bhi thik honi chahie. is prakar shri hanuman shri ram se lagabhag sarhe teis varsh bare rahe honge. jyotish men hanuman ji ki vishesh mahatta hai. shani ke karan utpann kashton ke nivaran, mangal grah dosh, kal sarp dosh adi ke nivaran evan bhut-pret ki badhaon se mukti pane ke lie sabse pahle hanuman ji hi yad ate hanai. hanuman ji ke bhakton ko shani tang nahin karta. hanuman ji, shiv ji ki tarah, shighra prasann ho jate hain evan shri ramchandra ji ki aradhna se ati prasann hote hain. hanuman ji ki upasna men puja, jap, path, upvas, chola, dhvaja adi mukhya hain.
hanuman ji ki kripa prapt karne ke lie sundar kand, bajrang ban, hanumanashtak evan hanuman chalisa adi ke path ka vidhan hai. maruti nandan ki kripa ke lie manglvar ka upvas rakha jata hai. is upvas men namak, mans, madira adi varjit hain evan ek bar bhojan karne ka vidhan hai. gur evan chane ka sevan vishesh rup se faldayi hai. ‘un hanumte namah’ shri maruti nandan ka siddh mantra hai evan isse shighra hi karya ki siddhi hoti hai. hanuman ji ke mandir bharat ke har shahar evan ganv men hain. anek siddh pith hain. kuch mukhya siddh pithon ki charcha is ank men ki gai hai. siddh pith men ki gai aradhna kisi bhi anya sthal se sahasra guna adhik faldayi hoti hai. is ank men anek siddh mantra die gae hain, jinka jap karne se kamnaon ki purti hoti hai. shri maruti nandan ki kripa hamare sabhi pathkon par bani rahe, yahi hamari kamna hai.